小石人:咁佢咪好叻。
我近期經常思考兩位財經界人物分別有不同捧場者背後的原因,而其中大C亦有不少haters日鬧夜鬧兼裝香"敬"拜。。。兩人之間的恩怨情仇,我唔係當時人真係唔知就唔好亂評同多事幹。
我最近也嘗試看看皇生的視頻,在估票巿場sell dream think big+gimmicks足球隊陣型 買上買熱炒買美股買科技,一定殺食。據一博客稱佢對成敗肯認錯,個人夠真。
反之另一位"長年"都唔睇好個巿,話啲打手出現係因為佢正義地踢爆不同範疇氹人落搭的蠱惑招,變成阻人發達,大C要救得一個得一個。sell fear在大冒險家樂園往往係相對被人敬而遠之,大佬人哋眼見前途一片光明成就,邊個會聽個"財演"去苦口婆心為佢好。而大C背後啲call put方法,有人俾錢學。。咁佢都要搵食。重有賭仔姓乜嘢,累人贏唔到肯定係"死罪"。
而我齋聽佢講啲合情合理故事,對經濟局勢分析,我覺得好有用。佢估點數講術數我就唔會理。
我唔會期望一個人話到俾我知個巿的升跌。
我自己24000上30000冇買嘢從來都無後悔,一個要在巿場買賣既人想開心,做決定前要諗清楚,間歇喺呢度碌咗廿年呢個心態一定要有。
如果成日諗住大大注咬落去,一個可能性係你已失去耐性。想搵快錢..想一舖攪掂以後唔使憂。後續係搏的比例大咗,心理壓力自然更大,贏咗一舖會收手嗎?
近期見到條片係侵侵2011年演說,講自己如果做到總統會做的事,係向中國徵45%的貨品關稅。佢上場後好多事情都說到做到,所以我哋拭目以待。
45%加埋咁多不明朗因素,小石人問我:咁妳又入貨。有時餓得太耐實在忍唔住,但我在相對高位做咗對沖,再用20%上限入第一注係非常保守的做法,這卻實踐到在巿場上優雅地散步的心態去面對現時的情況。
拍呢幅時係小石人set好晒啲設定後我亂扲就得
呀哈哈哈哈哈
>拍呢幅時係小石人set好晒啲設定後我亂扲就得
回覆刪除小石人是AI, 妳才是人類.
唷。。。俾你發現咗呢個大秘密添😛
刪除