極超薄鏡片 全視線 漸變遠近視度數 闊角度遠視 濾藍光
步進滿佈眼鏡框陣樓上舖,
隨即一位上五張男迎來招呼,
花多眼亂然而想找無框眼鏡呀。
喜歡其簡約且較輕身,
縮窄了範圍。。好辦些。
純熟老練的推銷者開始鑑悉客人表情作推界。
他說:"這鏡片形狀,保守斯文多數不會選擇。"
我:"我正是保守斯文,一眼就喜歡這特別形狀呀。"
選鏡片功能時,小石人在我旁邊著我選所有可提供的功能。
完成交易時,推銷者鄭重地說還有驚喜,一心想看顧客貪婪又雀躍的表現,殊不知……
"我不喜歡驚喜"
他顯然露出驚訝的心聲:"😲"
這著他失了預算,那驚喜原來是送太陽眼鏡。更甚是唯一用到那贈品的小石人完全不願意行往揀選。。。
據小石人認知,那副太陽眼鏡有牌子應值幾佰塊。
防藍光,變色,近視,內漸進眼鏡，內漸進鏡片貴一倍的。在淘寶攪這副也要三百元，若在港地舖要四千多元，樓上舖二千吧？
回覆刪除生活簡單就是享受，折扣，贈品亦非自由之茶，少即是多的道理知者難求，有機要跟小石兄古姐學習。😂
刪除據我觀察佢喜歡某些牌子限量版😊。手頭用緊嗰副就係,佢親戚送。。哈哈。
刪除貼身用品我選擇親身有得試,例如配鏡前佢會mark低個人視點位,攞嗰時唔啱有得再修正。
用pentax鏡片加埋嗰啲功能用咗4仟1佰幾。在本地消費對推動疲弱經濟有好處呀。
$4100 用得安心還要日日用, 值!
刪除店員會提我鏡片保養方法,另一個就告誡我唔好再唔戴眼鏡將手機放咁埋睇。。宅婦要耐唔耐出吓街同陌生人傾吓偈,腦退化慢啲😜
回覆刪除唔好再唔戴眼鏡將手機放咁埋睇? 我個人了解唔戴眼鏡(近視)睇手机对眼晴比較健康. 佢有冇講咩理論?
回覆刪除冇講原因,佢見我遠視好高度數就咁樣提醒我。
刪除但你的說法我倒有興趣了解背後理據😄
好，搵返料話妳知。另外想問妳兩位用咩牌子手机？
刪除佢用蘋果同三星
刪除我用兩部LG……左右開弓睇資料。
我都想問好多人扐住兩部机，玩捉鬼？
刪除你今日變咗問題中年。。
刪除我本來一部機,玩game時老公見我要開多啲賬戶免課金玩成績好啲,就買多部二手同型號給我。後來我發覺有時睇睇吓啲文章唔明啲生字呀 潮語呀 執筆忘字呀 睇緊嘢老公問我搵資料呀 兩部機有好多好處。一部壞咗即刻有後備頂上。
佢就話兩個制式 唔同網絡供應商 工作時收到call,一日到黑孭兩部機咁囉。佢覺得有需要,無理由結咗婚之後要改變佢啦。
大家做返自己覺得開心的習性。✌
因為見到人咁唔好意思問，見妳咁咪趁机問。
刪除又,我吼緊小米呀。。
回覆刪除我係米粉。
刪除