對我嚟講係新嘗試

喺富途開咗戶口成個禮拜,今日終於做第一單交易。 

今日另外在其他戶口作價$4.322沽出早前25/05/21 $4.218買入的7500,幫補吓$5.165入嗰批。

而家周街見到廣告直至6月尾開新戶,保持HK$10000在戶口60天送一股蘋果+港股證劵一世免佣。

這星期的富途體驗是,如果兩公婆都開戶就先開咗現金戶口嗰位先,因為佢只准其中一個持孖展戶口。好似我咁先開咗保證金帳戶,開配偶戶口時就要致電去待處理。

電話查詢服務暫時畀我感覺幾好,入第二筆錢時用咗同一間銀行的另一個戶口冧把😁,在富途賬戶相關位置加添多嗰個戶口號就可以。

做買賣加入社交群組元素,對我而言就一般般。不過有時試吓唔同形式都冇壞嘅。

留一手

 兩回前提到咖啡枱越來越多工具。原來沖一杯奶啡工序同工具都比較多。佢沖得好好飲,其中一個原因係佢睇好多有關Youtube片。呢方面我一條都冇睇過,唔知點解架,搵個沖得好的專人親身授教即時實踐,話晒立時有得品嚐一試便知龍與鳳。

時光亂序,之前手沖啡成品沖得比較"孩",請教亞小石人,佢教我拉水次數以降水溫。之後我都係沖得唔多掂,我就全程企喺佢側邊觀察,發覺佢倒水落漏斗杯唔要啲啡尾。唔睇住師父點整佢多數會留一手隱秘不傳。

佢有時又會對住度牆慨嘆,寵到我嘴尖晒。到而家我都唔再飲佢啲虹吸"傑作"....好"孩"。

呢排買賣攪咗啲乜出嚟:

於較低位回補早前賣咗的部份貨,

001 16/03/21   $63.05沽啲

        08/06/21 $59.35入返一半

003 26/05/21 $13.58趁派息前沽啲

        08/06/21 $12.18回補足

2628 25/05/21 $16.44沽晒

          04/06/21 $15.90補回部份

(旨在用同一注錢拉低平均價)

沽出部份獲利的:

1044 30/04/21 $50.4買入

          09/06/21 $53.10沽出已收息

(部份為小石人股份)

全沽:

12 03/02/20 $34.85

     04/06/21 $37.20已收息

08/06/21買入:

08      $4.17

3988 $2.84加注

見到上面短期頻繁操作,萌生找合適的證券行開戶以減低佣金成本。又可嘗試學習以期權入貨和沽貨。此舉與之前我的帖文曾提過的想法有出入(我變咗)。網上搵料,得知投資賠償保障已加碼至港幣50萬。6月份有些證券行以優惠招徠攻勢凌厲,唔知會唔會係條鞋帶,哈哈哈。