亦唔係幸災樂禍。
雖然昨晚美股大跌,但幾分鐘輸港幣球柒?
唔係人人承受得起。唔知買咗咩嘢,此君冇明言。
更新~
由於我就係唔明點解會輸得咁急咁金。經過進一步偵查,有聰明的牛友留意到佢分別貼出是當天虧損,然後再貼累積虧蝕。
即非秒殺而是溫水煮,可能不斷加倉。
2021年11月27日星期六
接受自己的情緒
十月份約了兩位舊同學見面,途中突然失控地流淚。內心確實沒有覺得什麼的,卻出現這情形。我於群組通知她們當時狀況,主要是告訴她們若不介意我可以繼續赴約,她們各自用不同方法安慰我。
對面長者乘客又不時望著我。。
我接受自己突如其來的情緒,也沒有所謂羞愧。就像打欠呵後人會流眼水般正常。
大部份人很多時在不停強忍打壓自己真實情緒,對自己最苛刻的可能就是自己。
十一月份又約了中學同學見面,由疫症開始已接近兩年沒有相聚。今次見她由食肆門進來,滿臉愁容。我覺得很奇怪,因為記憶當中她從沒有這表情,然而她卻說自己經常縐著眉頭。😮
傾談間原來是工作上的事情,上司向她提點,而這位同學也客觀地道出自己工作表現和看法。一剎那,她哽咽著卻又立刻壓下情緒,強忍眼淚。始終在公眾場所不是人人可以接受真感覺的流露。
唉,我心中有點兒替她難過。
明白她繼續撑下去的合理原因,我只能告知,若心理影響到生理出現病徵,就要好好仔細考慮去留,到生理出現問題後是不能逆轉的,皆因我經歷過呀。
聚會完畢,以短訊告之可以多些見面,我願意繼續傾聽陪伴。
2021年11月26日星期五
鹿頸·鳳坑
拿拿聲貼畀你哋睇。。。
對於攝影友,常見又影過多次的鳥當然就冇初時見咁興奮喇。記得有次行梅樹坑,有途人話攝影者會彈啲魚仔引小翠來拍打飛兼掠食姿態。青衣公園都有呢種鳥的踪影。
小石人都係脆脆哋搵唔到其他特別的先落手。我覺得周邊環境咁大,觀賞佢飛行之勁力係幾正。
蜻蜓點水式著地然後飛走的紅嘴藍鵲。要手急眼快先影到。
有公就有乸,朱背啄花雌性喺密林入面。經過昨天探路,佢是日著咗高筒鞋,呢幅要企喺一大片水洼雜草上等待的作品。又聽到灌木林有生物郁動鳴叫~似吵架,突然有隻較大型的鳥撲向暗黑林內。我哋只見到佢橙色的pat pat。
佢覺得呢幅影唔到全身。其實遮遮掩掩又有咁鮮豔樹果重靚。
2021年11月25日星期四
紅樹雙影趣 過目道枯榮
你哋近排做咗啲乜?
連續兩日由鹿頸行去鳳坑。。。
小石人間公司又再叫佢唔使返。雖然過程較為曲折離奇,但因為今次老公有晒心理準備,對佢打擊冇上次咁嚴重。佢事前重發咗個科幻夢境,我聽咗就覺得~ ~ 非常貼合他的心理狀況,而且最重要的佢發完呢個夢係覺得刺激。。夢,就是以誇張方法去呈現畀大家知你究竟唔知自己處於乜嘢真實感覺。
講返遊記, , , ,前
出發前講明畀佢知今次唔畀帶攝影器材,人,最好係清楚表達自己嘅意願給另一半知道啦。(乜唔係話有商有量?因為唔講明白佢真係夠膽次次都攞住部機自己影雀仔,我就企喺附近等。)話則佢攞住咁多嘢包埋腳架,行程期間都會有手拖住我,然而,我想似初相識時出街佢將注意力放喺我身上多多嘛。
重轉緊彎@@
未去過,在中途個司機停低我哋差啲落錯車。坐前面嗰對男女估都係想去鹿頸就喺南涌~拜拜👋。
終於到總站喇,我連忙向司機道謝,多得佢提醒先去到目的地。
你會見到BB開心茶座。小巴轉入左手面就到。基本上係沿住左邊水域旁的路行。
見到呢個牌雞谷樹下就轉左入去啦。
發記士多附近有隻自由自在活喺天堂的黑狗,頸上圍著紅領巾,遊走領土大又唔使諗點規劃將來😁
埋面有一片種咗米仔蘭路的建設中花圃。就呢樣嘢我哋都傾得一餐。
跟住經過嗰間私隱度十足的村屋地下,兩日都聽到英文舊歌,又估一輪佢會唔會係外藉人士~懷緬著倫敦街。
呢度隨手執咗支樹枝,點知會唔會有蛇有野🐕。老公而家可以全心全意保護我。
以前上一個課程,去大埔林村,個男同學一見有兩隻家犬凶我哋兩個人,佢就企喺我後面推我出去擋住。事後佢有向我道歉,我心中只想著:"呢個人完全信唔過"
古姐第一次喺呢度出鏡,哈哈。
沿住左手邊水域,又有幅地圖呢。
行行重行行,開始上好多級樓梯。
不上高山又何來君臨天下俯瞰大地之胸襟。
加個框~睇得專注。
其實我已經幾攰。
山上有一堆人,原來係政府部門員工嚟油油。
小石人話見到一群紅嘴相思。咁聽日再嚟就知喺邊度捕攝影對象。
呢度附近啲建築物係擺放村民先祖遺骸供後人到來祭祀。
佢又話見到一隻黃色雀仔。
第二日再嚟時佢話瘦到咩嘢咁隻翠鳥就係毫不造作地企喺呢棵枯木上,獨有其美態。
紅樹雙影趣 (翠)
過目(木)道枯榮
係要多啲唔同經歷同生活體驗先寫得出呢啲文墨自娛。
繼續足跡~
呢度有一間食店,今日帶咗生果聽日先幫襯。
不遠處就係燈塔這打咭熱點。 行前啲重有間由鳳坑村民賣茶果的小鋪仔。細粒黑色嗰啲上面有花生可以;雞屎藤綠色茶果小石人話食落有兒時回憶(甘甘哋唔係我杯茶,細細聲咬耳仔唔好倒人米)。
村民都做得好啱,攔咗唔畀人入村。住呢啲地方清靜就係唔想太多人騷擾,又帶著一些人旺可做生意有生計。
又見到一隻北紅尾鴝。
就喺燈塔呢度食嘢,隻蜜蜂咬住佢手指好耐。。。
滿佈蠔殼的淺灘。
再走就發現一隻瞥眼似朱背啄花的雄鳥。
草叢又經常有生物擦動植物的聲音。是鳥是黃麖?
第一日佢覺得周圍啲女人好嘈。好彩佢老婆已學會在公眾場所細語。原來老公對耳好靈敏聽到啲人講乜內容。我就似半澤直樹劇中的大和田。。。"吓,我對耳聽得唔清楚",有時都係一種福氣。
講住咁多先喇。
想唔想睇隻翠鳥相😊😁
有興趣睇埋續集
2021年11月14日星期日
心聲暢述
我可以寫多千言萬語停不了,然而那白朱古力塊面積太少。精簡而有力量,文字包含著愛意和感受。
那餅店售貨員看著會否毛管直豎呢。。。
* * * * *
小石人打開蛋糕盒子,看見時開心極。
我想:人總是要有些言語上的真摯鼓勵,人生才有多點甜。
很多人卻非常吝嗇"心意係點你/妳唔知既咩?"
我又想:若不好好表達確實太沒趣。
機會是要自己爭取,慶幸幾年前有踏出一步,才有今天互相扶持美滿婚姻。
我們共通點是從沒試圖改變對方;對大家的不同習慣沒有不耐煩;家中事務互相補足;經常表達愛意。
女人,自己在財政上處理得宜我個人覺得是非常棒的事情。擇偶時從無夢想要另一半供養。幸運地我的丈夫是一位非常有責任感 、慷慨又在生活費用上一力承擔的超級暖男。平等尊重,蜜運時的感覺是雙方努力維繫得來之成果。
* * * * * *
拍蛋糕硬照後,攝影師(當然又係小石人分身)在蠟燭閃爍不定間竟然忘記錄像方法。。。
眼見蠟燭將完成整個燃燒過程仍未唱生日歌仔~吹~許願。
A繼續摸索相機攝錄功能
B趁生日燭未熄前完成以上步驟。
😁😄
又再要感謝雖然由中秋後沒有更新寫文仍到訪的好網友。🙏
2021年9月21日星期二
望月二三事
呢張係我哋兩公婆都好鍾意的相片,當晚一齊喺沙田大會堂睇敦煌舞蹈劇表演。看畢,在附近就發現呢個角度我哋賞胡士托賞月。
今晚移居英國的姨甥女好有心咁送來佳節祝福,我又請小石人立時影張應節相片回敬。
遠眺天倫聚
蠟燭照阡陌
親子樂時光
鶼鰈渡中秋
(立足照阡陌)也可以,中文真係好有趣。
呢度周圍嘅人非常喜歡節日放煙花。。。今晚又嚟兩次。
2021年9月15日星期三
蝶之季節
綠葉風車轉
飄蝶遍處飛
蜻蜓奇點頭
草叢樹掩漾
猴群盪攀爬
躂降矮植冠
翻騰完好全
不時狂吼叫
嬉戲劃地盤
杳然鳥踪影
大埔山上尋
週一小石人請假偕我把臂郊遊,
我們在這池塘前擺pose拍造型照😆😁
以下相片和影片我影的。。。
我在山腳佔領道館相約隨後再跟他在涼亭會合。
幸而我追上他時,途中一直拍相告知行踪。因大埔滘山上收不到訊號,我到了平時他們攝鳥的象牙花處,原來不是他心目中的那座亭兒,他看圖見我行錯方向就回來找我。。。
似快下雨了,於是在該處影蝴蝶蜻蜓,他說那隻蜻蜓在鏡頭下快速點了頭覺得非常奇異。又有一群猴子在遠處抓吃野果。我們吃過早餐留下來的迷你菠蘿油和美味的無花果,就起行往他心目中的地點找綬帶。古某約午間一時已於句字預言"杳然鳥踪影"。
疲累的我獨自在另一涼亭等他時,又一群猴子三時許在距離我約三四米附近覓食,近得可以手機拍到情況,我有點害怕,是以用動物法則不作眼神對望。明明有告示牌說不可攀樹嘛。
後來有兩個女士被三隻小型比高犬扯著行,一犬撲向猴子方向吠叫,猴群當然是極速鳥獸散。