平日近乎包場一樂也。
太 天 真
佢一見到個背囊已經驚到嘟一聲飛咗去遠處的厨房木椅上。第一日試咗幾次都分別降落唔同地點。
今朝又試幾次,情況一樣。
好彩佢未入到去背包。
何解?
我哋去到BBQ地點。天氣對亞FA~嚟講太凍太大風了又多樹,要準備得周詳啲先嘗新。
回到家附近,用埋啲消費券餘額買湯包及糖水包。
攰到咩嘢咁,又係佢一手包辦做晒啲嘢,感謝再感謝。
恰完重有湯飲😋😄
2023年2月27日星期一
2023年2月22日星期三
富記將光榮結業
呢個消息竟然係已移居美國舊同學A通知架。記得有段時間,我哋每週都去另一位畫畫造詣很高的同學畫室歡聚,A學書法 我學畫畫。當時午餐有去富記食粥。佢哋不約而同話唔捨得。
隨即仍在香港的幾位就約去幫襯吓。因為佢哋貴人事忙,要3月先約到。
嗱嗱聲約老公去食頭啖湯😄
做足功課先去架我,點完以上菜色+埋碟辣椒醬芥辣,老闆露出"妳識貨"的眼神。
又一間五十年以上老舖即將跟大家說再見。
啄啄米
今早凌晨4點幾,nature call,完事後睇吓美股,就食一轉糊。前面重有啲蟹,交义手指鬆緊綁。
頭先港股同理,又係食咗有價差部份,進可攻退可守地有蟹喺手嘅情況下放籠引🐟入局。
乜唔係話大戶睇住晒啲散戶淡倉嚟做嘢架咩,,,,
有耐性同唔介意佢哋日日食價,估個勢都升咗咁多會回,佢哋航空母艦轉完身要行時,都會濺起啲魚畀有耐性守候嘅海中鷗卦。
提提自己:開心悠閒做買賣,冇一隻估票值得allin。
亦唔使為啲數字上上落落而煩惱。
2023年2月19日星期日
Monet
雖然是週六下午,該場次入場人數不多。
我哋入咗場後重睇啲文字介紹。好彩工作人員提我哋夠鐘入去以莫內名畫製作的動畫作藝術體現。
呢個構思同呈現方式都令小石人讚嘆不住。初先以為一個帳篷仔點攪呢?
行動最實際,去片。。。
原來係用帳篷布幕環迴四面地顯示動畫,再加上微風輕輕拂過令睡蓮同埋圖像更生動立體。
雖然音響方面,唔太聽得清楚佢表達的內容。然而整體嚟講我哋好滿意呢個節目。
禮品店係要有睇動畫先可入內購物的。咁我又會同個店員閒談吓,問吓佢生意點樣咁囉。跟住佢不斷介紹唔同的東西,梅酒 掛畫 咖啡包😆。
小石人攞咗個有茶隔的暖壺畀我睇,店員又開始sale,理智告訴我屋企已有相同用品同呢樣嘢比較少用。
店員講:"屋企乜嘢都有。"
唔識反應添。
繼而呢位店員又友善地問我哋有冇睇VR。
唔知有喎。
我倆商量過後都係唔睇lu。都冇話可唔可惜嘅,諗清楚唔想咪唔好做。
咁快找數寫呢篇係唔知活動期限安排同佢可以用支付寶以消費劵購票,有興趣就快手。
Klook網上預訂兩張票平好多架。
之後去咗買波鞋,原本嗰對已經爛到甩晒底,買一對即刻掉一對,就嚟可以實現到簡約生活。因為小石人係該店會員,買鞋有折兼送贈品,估唔估到係乜??
咪係一個幻彩色的暖壺。
😄😆
各位有興趣可以睇埋尋晚寫嗰篇:
2023年2月18日星期六
極光
前日去西九藝術公園睇呢單人造活動。
行程:老公放工後約佢去旺角食燒烤。
趁未天黑維港美景襯托下影吓合照。因為唔記得影景,呢幅相剪裁後幪幪哋。
該晚大風,噴出來的霧氣好快就被吹散,有啲似愛神邱比特之水柱。無乜效果。
有人在草坪摸黑玩scrabble.....
又聽見有途人話呢個係非常on車的活動。
我哋試吓離嗰啲投射機遠啲。
佢影得幾好呀~
拍片同相比現場效果好好多。
捕捉吓其他景緻,老公影得超美的一幀。
今日週六我哋去咗另外一個藝術體驗展,佢好開心同被感動。留返下篇再講。
佢有朋友真正去過北極。山長水遠要欣賞到都係可遇不可求。
2023年2月14日星期二
給自己的禮物s
相片背景其中有一盒老公送給我的朱~古~力。
這十幾年間,我送給自己的禮物s包括:
成功戒掉打麻雀 過大海 飲酒。
又再而三受到誘惑,而我成功對之說不。因為這考驗中,我打到終極大佬KO咗呢個重覆的人生課題。就收成到美好果實。
唔多但覺夠錢就唔做工lu,攞返屬於自己的時間。打工真係唔對路,畀啲揸住雞毛友s s s又要咁又要點點點。現時怒氣已減郤至新低點。唔會畀以前記憶不停折磨自己,事情已過去,如果成日想住係同自己過唔去,不停傷害自身。我要錫自己多啲,先吸引到老公更😚我。
對那些經常放負的友人,&飯局完每次都令我好激氣的舊同事,已經去到頂唔順的狀態,就要拜拜。認識到一些人是(暫時)沒有尋求優化自己,改變自己使成為更好的覺悟。無謂嘥時間。不要委屈我。
幸福是要親手爭取,主動出擊,搵到心愛的另一半。之後我因家事情緒唔穩定同抑鬱,失控地嚎哭和大嗌,都係老公救咗我條命。佢當時放咗工晚晚回我哋現居所執嘢修整,等我可以盡快脫離原生家庭,那個令我致病的人s和地。佢又好耐心咁聆聽我訴說。要不然,一係我殺人s一係我殺自己。有冇咁嚴重呀,Coolhim。就係有機會咁激,一個平時善良又替人考慮的人,失控時係乜嘢都做得出。是以,我比較明白人哋痛苦。針唔拮到肉唔知痛,我自己經歷過可以較易理解其他眾生的苦。不過每個人情況唔一樣,遇著有慘痛遭遇的人時,我學會唔好叻唔切地畀建議。用心耐心聆聽,最好是讓該人尋找途徑,自己找回內在力量。
唔以世俗認為的"成就"來衡量自己甚或與人比較,冇以買賣"估"票成績來定義成功與否。
檢討自己錯處,出問題自己都一定要負上責任,不能千錯萬錯都是別人的錯。
成日都我我我,呢一種係管好自己的事,別人的事嗰啲人自己負返責任。世界大事我唔識又管唔到。
不故意傷害別人的情況下令自己更美滿,才可以感染其他人。
本體跟期望的自己想成為的人越來越相近。
不斷贈送🎁畀內在的我。
Coolhim做得好好。
送給現在處於水深火熱,被人生之苦煎熬中的朋友們。
離苦得樂,你們做得到的。
2023年2月9日星期四
睇戲
前幾日,舊同學約飯聚。
咁我問佢哋有冇興趣吃過午餐後一齊睇毒舌大狀。其中一位友人答應邀請。
上次自己去睇尚氣後,呢次又試吓同人一齊入戲院。事關想支持有質素的電影繼續在戲院公映。
其實自從買電視送D+之後,呢半年睇咗唔少戲。近期驚喜係年三十晚已經有神探大戰上影了。連續睇咗兩次。好導演最令人印象深刻的就是在短短個幾兩個小時內,能有條理地處理多條故事線而且環環相扣從中又畀線索觀眾思考。
電影鐵三角由杜琪峯主理的部份,fing頭丸 金片肚兜 現金用同樣的膠袋分別裝住,幾幫人為咗各自所求爭奪時換來換去,呢部份真係拍得好有創意。
講返2月8日佢哋約喺港島區食嘢,咁我就建議去IFC睇戲,超舒服的座位,令我回憶年青時去碧麗宮睇gone with the wind,咁多年我都重記得呢個體驗。
回家後我同小石人講,第二日我哋遇到大家有興趣的電影時都可以一齊去IFC睇。
之前買飛時問售票員畫位屏幕紫色座位代表什麼,她答電影如有音效時該座椅會震盪,可能呢齣戲冇乜特別音效,所以唔多覺。