舊照新講·逐沽貨

 之前小石人影落的,覺得佢影FA~時經常捕捉得到佢美態。而家小石人叫佢菠蘿菠蘿FA~,一炸毛就係成個紅菠蘿咁。用個嘴勁啄啲木櫈木板表示唔likey。

近幾日老公拍到的,雖然FA~對住我少到近乎冇講人話。見到老公就會講唔同嘢,都好嘅。

最好佢兩個相處得好啲啦。然而好多事情唔到我哋控制。

呢排有再諗FA~的安排,其實經常都諗。唔要動物佢會有被遺棄感覺?但佢哋壽命有成35至80歲,我冇續到咁長命。我一早已同老公講,若我死早過老公,老公按返自己意願繼唔繼續養亞FA~,唔使勉強自己。不過我想佢送去嘉道理農場,唔好貪方便就咁放。

養到幾耐得幾耐,人和雀生皆無常。

是日操作

175沽清,之前大概兩次至三次升到$11.x都唔走,卒之$12.x賣晒。😁

20沽清

呢兩日冇內心爭鬥,想沽就沽。

享受生活·圖圖圖

 

佢話約咗攝友們翻洗貓仔。

最好笑係話週五隻褐魚鷹會飛近啲😄。

咁我週四就食咗頭啖湯先。。。

佢本來冇乜興趣影的雞,鬧巿中的山雞變咗鳳凰。

我找找附近有冇好嘢食,炮台山有間連續兩年都獲米芝蓮食嚐。午間去坐無虛席,等咗好快就有位。

魚事者。有唔同醬汁配搭。

跟手去咗附近油街一以前政府倉改建的供巿民休憩處:

我影1

我影2

我影3

我影4

我影5

我影6

影雞要行好多級樓梯或上落大斜坡

我影7

走嗰時影返落去。

原雞亦係山雞

週五

我唔去lu

最想知道係咪佢哋所講貓仔會飛近啲😁😄😸

當然係比上次週一遠,週五多人好多。不過一公一乸影到晒。

近期買賣操作

散戶作風

沽388

沽部份9988

沽部份2800

沽部份3

財運,參透到的是~想咗做好心理準備,做。

等,冇做,咁我之前係咁決定嘛。

同喜歡的人在一起健康地享受生活就是最大的幸福。

嘉道理農場~多圖啊

赤麂

 

9月16日,是年中秋前一天,趁小石人延假又摘啱該農場未是休館日,搜集好資料就再去嘉道理。

約莫記得去過三次。一次同舊同學,一次同小石人和他的攝友,一次淨係兩公婆去。

第三次印象最模糊,小石人直情完全唔記得。

人,的記憶是不可靠,隨著年月日流逝,有時會蠱惑地自我填補一些留白。

嗰朝早搭緊巴士時,佢問我點解咁有興緻嚟郊遊。

唔知呢啲算唔算抱怨,我表示佢十居其九十,出去時都係諗去邊度影嘢,心思冇諗啲大家都有興趣的活動。佢唔諗,我咪安排啲雙方都感興趣的。

到達目的地,買定穿梭旅遊車票,就去就近景點⬆行吓。

呢個設計係唔錯,見得清楚隻動物又唔會太騷擾到佢。

本來呢度重有嘢睇,但我想預鬆啲時間去等穿梭旅遊車。

因為嗰日冇乜遊人,我哋係包車。選擇咗觀音山站落。

如果要坐返穿梭巴士走,呢個景點行完要等相當時間下一班車先到。我同同學們第一次嚟係逕自行落山,頗長路程(對我而言),如果是花開季節沿途賞花也是一個好選擇。

魚籃觀音。像前一片半圓形草坪,佢哋放生猛禽時會有一些人一起做見證。自1994年成立至今此園野生動物拯救中心已接收超過71710隻動物。

有呢個高度

每年植樹以免水土繼續流失造成山泥傾瀉。

搭返車落山終點站係猛禽護理中心。

以上3幀小石人透過鐵絲網攝籠中鳥。

我到呢度其中一個目的,係睇吓呢個鸚鵡護理中心。

除咗鸚鵡之外,每隻接收的鳥類都有佢哋嘅故事。

⬆影嗰時以為係一隻,原來係兩隻蝽。

途中兩口子拖住手突有東西猛然在我手指咬咗一吓,頓觸電感嗌咗出嚟。係蜜蜂咬人事件。

買咗棵食用香草。

⬇園中的食嚐係素食店,好幾個人望完餐牌就走頭。

喺食嚐又畀蜜蜂在後頸咬咗一吓,今次冇上次咁大嗌,接受佢嘅咬。事關睇咗以下呢個牌。

張燈結綵

豹貓~佢自己再去返首景點呢度用手機影的。(我已需要在別處坐下休息,冇去一同參觀)

等貓仔·艷羨目光

八月份上晒媒體幾十友一齊在海傍捕佢~長洲🐱仔。

小石人想去影好耐,雖然放假。。。但遇著摩羯,打風前夕那個九月首週二,最終沒成行因為佢影友大隻佬話,🐱仔多數鍾意企船桅俯視覓食,有風喺晚上桅杆郁就更難影得清晰,所以我哋取消該日行程。(嗰日係元氣感謝日,會員八折,好彩冇去唧)
 

好美的夜色

看倌,嚟睇慣的都知我唔係線性敍事。⬆晚間重頭戲提要~🐱仔。

9月11日

前幾日攪掂晒啲銀行嘢,昨午他他條條出發。事先搵咗間好出名小店食蠔仔粥,佢加咗方魚乾滿有潮汕風味。炸雞脾略較為入味。

兒時回憶:細個喺七層徙置區居住時,附近大波地在盂蘭勝節有大鬼王塑像威武非常,坐鎮薄鐵皮臨時竹棚內;有木頭車上個個大玻璃盎內酸木瓜酸菜蕎頭販賣;有處燈泡照耀吊著很多保平安玉器讓街坊競投。鐵絲網外圍有單車租賃,單車舖隔離就係掛滿潮洲打冷食品的路邊檔,嗰度啲蠔仔粥就是相若食味。

長洲食完3點3,四圍行吓搵吓會唔會有墨魚骨(畀亞FA~),雀仔街嗰啲黃黃哋色又成好似伍拾蚊一細件,唔想幫襯。乾貨海味舖係冇嘅。去街市問,個赤裸上身下場抹緊汗的中年卦男士,好好人,自己唔知邊度有得賣都逕自行去海鮮檔幫我哋問。嗰時生墨魚係有的,但老闆娘話內臟係唔會留喇。

其實小石人在我哋住處區內有相熟魚佬,我之前都已叫佢問吓,買啲細隻啲嘅墨魚(肉唔會咁靱),跟住咪有佢嘅骨自己曬,我整過啦。

估計藥材舖都有,上網查話多數炒焗過,亞FA~係生機飲食鳥,我搵生曬嗰啲。

剛搜,哈,原來淘寳竟然有得賣😄。

回到長洲遊記,橫豎冇嘢做都係逛吓混吓吉,有當然好,冇亦無妨。

往東灣方向去海邊,呢間⬇佢有興趣,有冰滴啡賣,五點十五分為最後落單時間。咁就去完海邊坐一陣先回頭飲。

我影1

我影2

飲完非常特味嘅果皮啡,臨走前先發現到門口高掛這棵蕨。

我影3

係時候去海傍睇環境睇位食住嘢捕🐱仔。

去到海傍海鮮食嚐有利位置,已經有3位雀友用晚膳等緊。

我話拿拿聲趁佢哋隔離重有張table for two就佔座先啦。

一埋到去,全日金句就係:

三個唔相識的雀友不約而同對小石人話"咁叻嘅,老婆肯陪你嚟打雀。"眼神係羡。慕。極。了。

小石人:"嚟行吓食吓海鮮"

A:"我咪咁同老婆講。"

B:"我夠係咯。"

C:"我都係喎。"

😄😸😁

點咗餐後,有隻真🐱仔喺餐枱附近下徘徊,老公畀咗隻剝殼蝦佢。

我飲咗支大啤消暑,隊晒。上次睇展覽後去bar用膳,小石人飲完幾啖Margarita之後關公出場(其實佢唔飲酒)。今次畀面我再飲咗一啖唔太冰凍啤酒。

好開心的一天。

歸程

提早取回強積金

小石人影到一對和尚,可能走失咗。(佢話會唔會係放養,我:唔會怕卦。問佢呢對飛入嚟佢會唔會養?佢話會😄。我上網查吓,據稱呢種鸚鵡日間經常吱吱喳喳,亦係會咬人的,,,,都冇乜鸚鵡係唔咬人。再養多對又要隔離以防有病或毆鬥又要處理好佢哋之間關係,又要小心唔好變殺戮戰場,算罷啦。)

 攪咗3日銀行事宜

~開通人民幣戶口以便透過雙櫃枱買港估。

~將不同銀行好耐冇用的戶口解除凍結。兩年或以上冇郁過啲港幣同綜合外幣戶口就會凍結。

~取消一間好耐冇用佢服務的銀行戶口。斷捨離成功。

~年滿60歲之後唔再打工可提早取回強積金。查詢、取表格及翌日接連處理宣誓繼而將相關文件交回受託強積金銀行。佢哋大概一個月會將啲錢入返我提供的戶口。宣誓正本佢哋會收埋。(N年前已將所有強積金戶口整合方便管理)

本來諗住食埋呢次跌浪購入待巿回升沽售港估基金。不過想深一層唔知再要等幾耐,錢入返自己袋,投資/機買賣具靈活性又唔使再畀行政費同手續費。

今次去唔同銀行,好多銀行女職員都好有禮貌,幾可愛。幫咗好大忙。

有位當我指示解凍賬戶時,我要攞幾仟蚊港幣,佢提咗我兩三次解凍戶口唔使攞錢的。

我:"我要攞錢用呀。。。"

另一間入去要等成60幾籌在前面。辦理期間,隔離個亞婆,有另一個女人陪同下話攞一萬蚊留返八佰在戶口。佢戶口要交水電煤同平安鐘,可能某日會有每月長者4仟幾蚊津貼入落戶口卦。個亞婆攞完錢又話自己重有萬幾蚊喺戶口,轉頭又話自己有兩萬蚊喺戶口。。。。

我低聲對幫我辦緊手續嘅女職員說:"真係難為妳哋嘞。"

買賣操作方面

上星期又揼咗少少石仔,沽晒美估反向執幾佰美刀。

9月10日買咗兩佰股趕交所。