塱原

 11月頭,塱原自然生態公園舉行兩天同樂日。

小石人之前(近期)自己去過一次。(呢個地方,佢哋班攝友以前成日都去,後來政府因與發展商的協議,用呢度成為所謂保育的交換條件,就唔畀人隨便入去,兼起咗啲設施同座石屎建築生態中心。

隨後一位我哋遊大埔坳時(佢追影綬帶🐦)時遇見的老翁(後來佢哋有whatapp通鳥訊)有告知小石人關於塱原開放日消息。呢個亞伯揸起相機時,人頓覺年輕了廿年!

11月9日~我哋先去嗰度間豆腐廠兼小食處嚐有魚味的魚蛋 煎豆腐 豆腐花 嗰度亦有黑豆漿 不同醬料賣。

佢口問我行邊邊,其實手拖住我帶住我行佢想去影雀方向。

稻田~吸引禾花雀

強而有安全感的臂彎。佢一眼就認出馬蹄田。

轉頭佢見到有攝影模特兒,今次係隻常見白胸翠鳥停在高架綱索上,就走開咗去影。

而家去親啲地方係完全冇任何位可以坐的。我企住等咗好耐,終於要行去佢捕攝處等佢。

等呀等,等隻雀郁動飛翔時捕捉鳥兒飛行的頃刻,要好有耐性。隻雀仔都係日常企喺度好耐好有耐性。

突然有一把仿上帝由較高處說話的聲音:

"你支鏡頭咁短,影唔到架喇。。。"

係一個踩住單車於阡陌上經過當處工作人員講的。

我輕聲在小石人耳邊說:"多事"

(心想,有人會咁多口。我老公只帶輕便攝影器材因為陪老婆,一隻手要拖住伴侶。佢梗係衡量過啲裝備夠用先啦。打飛難度高好多的)

小石人:"使乜理佢。"

咁又係,無謂同啲三季人費唇舌。我老公起碼有鏡頭喺手,佢就一定影唔到,因為當時佢冇器材。。。😝

有班歇息影友高談闊論,我唔知佢哋講緊乜亦唔想知。有興趣睇雀看倌自行較靜音。

茂密蘆葦係不同鳥喜歡藏身所。

小石人作品~炮彈衝,輕輕一躍而下。

耐心等候的成果。👍👍👍👍👍

企咗幾個鐘頭攰到咩嘢咁。搵到兒童遊樂場入面終於有櫈坐。像貓咪般有地方瞓更佳。

我咋完嬌叫佢繼續自己去影吓嘢先。

是日冇去過任何建築設施。

之後佢自己或同雀友又去過嗰度幾次。

Shoot shoot shoot亂🔫掃。

一陣間又再跟同好去蒲台,多姿多彩。

再破·地獄

 

立體雕塑

經導賞講解後畫作更有故事性。不過唔劇透喇。

以上作品,十多位畫家插畫家雕塑家藝術家們都是只得兩個月內完成他們的傑作。其中立體作品細緻程度令人讚嘆。

最難得在欣賞展覽期間,李小龍會會長詳細給大家闡述每幅作品的作者構思,令整個觀賞過程生色不少。

打颱風,落大雨。事關發現呢個海報創作展及道具劇照展時就問小石人有冇興趣去。

由於最近一次斷食時又不斷睇啲想食嘅嘢,嗰間食肆週一休息就揀咗今日。

一齣難得小石人想返擦的電影。帶動咗周邊好多活動和巿場生機,youtubers出視頻 展覽 觀眾們念念不忘 。

大南街係個幾有特色的地方,皮具 配飾 咖啡店 連攀石舖都有。無端端會有兩盆大型植物放喺行人道。

好有style嘅店子

大南天梯真係要爬好多級斜樓梯

是日午餐,約點半到食肆。

砵蘭街越發生牛柳河,舖仔細細出名要排隊。好彩接近唔使等就有得入座。

之後見到外面就要排隊。

食完午飯睇完展覽就去全日雞實驗所(通菜街)買冇骨海南雞回家後作晚餐用。

外賣包裝

破·地獄

 打颱風,11月14日~兩口子入塲睇呢齣近期熱爆的電影。

再試去嗰間上次睇城寨嘅戲院。一見到隔離係兩個貌似比我年紀大的女人喺度傾偈,心知不妙。

前期廣告佢哋都係🐔啄唔斷講講講。

我問小石人點關閉我部三星,因為唔想淨係靜音,生怕有啲app冇閂聲電影播放期間嘈到人。

老公亦不滿嗰兩個女人的交談聲,我在同小石人耳語,等開正場先。

當時後面又有人唔知用手機大聲播緊啲乜X嘢。前面有位觀眾嗌出嚟:"靜音啦!"

估到隔離兩條婆,開正場重講。

我:"麻煩畀個安靜環境等大家欣賞(部戲)"

立時佢哋收咗聲。

有一場女主角(救護員)搓緊個休克病者時,隔離個女人手機響。

戲期間啲電話聲此起彼落。

觀眾質素之低破壞晒入戲院睇戲嘅氣氛。

人哋劇情慘,佢哋笑。難怪有啲舞台劇演員話她演的角色喊到死去活來,啲觀眾當睇笑片!

而家睇戲前,有啲值得深思嘅片我會睇好多影評,我唔介意預先知道劇情的。反而有啲位特別留意到。

今次預先帶定條毛巾入塲抹眼淚又提小石人自己袋定紙巾。我接近喊足大半場戲。

睇畢,同老公話題多多。

下次再有好片都係去IFC。希望好運啲。

斷食記錄6~已復食

 小石人曾告訴一舊同事PK有關我不時進行斷食,

他:"其實食嘢好開心架。"

👻唔知男人有鬚。

個個都想餐餐美食,

有啲人慈悲;

有啲人想身體更健康;

有啲人年紀越大根本食唔落咁多。

今次斷咗十日,在上一篇帖文當日已復食。

今次比上次做得好,

這幾天有頭痛頭暈反胃胃氣身上紅疹漫延,昨晚更是痕癢難耐。

完全做唔到操勞嘢,沖完涼氣喘如牛,呼吸困難。

今天有橙色(似金屬質)便,就是這次斷食的其中一個成果,排出可能粘附著腸內壁多年的廢物。

四日半都是飲丈夫為我預備的不同果汁。

蔗汁(買)

西瓜汁

蕃茄汁

橙汁

椰青水

鮮榨,呢兩日佢整定畀我先出去影嘢。

今日碌咗條youtube片,係西藏生死書以廣東話讀畀聽眾聽,啱晒我。

求婚紀念日

 約2014年同個馬主網友網上交往時,佢話佢曾喺三育書院讀書。

於是我摷吓呢間校嘅資料,位於清水灣道,平時搭去清水灣嘅巴士,好快閃過呢座巍峨建築物。

2014年發現原來此處每年年尾會舉行素食嘉年華開放日,有免費旅遊巴士喺幾個不同港鐵站接有興趣參觀的遊客前往。

一個人徑自去睇吓。呢輯相係當年影的。

好靚嘅紅磚給人堅實感覺。

CCTVB好多民初劇都係喺呢度拍攝。單人前往當日,有請人幫忙取景樓梯作個人照。

宗教色彩,有一間教堂。網上資料,佢哋現在同一間婚禮籌備公司協作供公眾人士在該處辦婚禮,非常好的意念。最難得是非教徒都可以,還是全港唯一一間。

草坪開揚。幾有氣氛。喺度辦婚禮有冇勾起教父嗰場戲回憶。

2015年同小石人再去一次。好開心一天。竟然一張風景照都搵唔返。幫我哋影合照的人,將佢手指影埋入照片😊😁

佢哋似乎將開放日改咗12月,詳情可以瀏覽返佢臉書。

有啲活動,有機會參加時起碼都要去一次。

斷食記錄5

 為免唔記得,短短哋都要寫幾句。

第八日

排泄~清咗

又係狂睇飲食資訊,睇咗當食咗。

第九日

頭痛嗝氣反胃想嘔胃痛身出紅疹痕排返深色液。

兩日都係我餵FA~

晚間我問佢可唔可以用外賣木羹餵吓。我突然記得有段時間我餵FA~都咬我,我係用金屬鉗同膠羹畀蔬菜頭佢咬同餵佢(而家想返用膠羹唔係好方法)

之後請佢餵水,小石人都肯。

有時都唔明啲食肆,有間懷舊菜成人搵飲食有啲知明度嘅人去試菜做宣傳,但睇openrice食評啲客就話佢哋服務態度又衰到不得了。

斷食記錄4·誰是兇手

 

本來餵佢食香蕉,畀佢咬到小石人手指流晒血。

老公話以後唔餵FA~

我幫老公處理好傷口後,喺🐦面前掉晒啲蕉落FA~紙都唔畀鳥食。圍封。

老公話我好嬲,我話要擺姿態警告鳥不要咁做。

斷食第七日

胃痛。

斷食記錄3

今朝雲景好靚。

呢兩日清風送爽,舒服極了。

第五天

佢買咗青檸整咗三次青檸水畀我飲。

講起又奇怪,反而呢兩日精神過前兩日。

橫豎無聊,睇吓富途啲牛友講嘢貼嘢。

巴巴:原來有人係成四球幾買落一隻股票度的。短炒,十幾萬至幾拾萬上落閒閒哋,又有獲利清倉過球幾,之後當然又係再買返。

唔太記得身體有乜反應。

淨係記得幾開心。

第六日

午夜起來下體流濁。

有胃氣少少胃痛。

久違~有便😁(舒服)。由斷食開始排的液是鮮橙色,有次鮮黃色有泡。

日間望吓雲。

佢又不同時間按要求沖青檸水畀我。

亞FA係唔com撈嘅雀仔,呢排我少餵佢,都唔識對小石人先生友善啲。(佢真、唔虛偽)

今日我出去同佢溫馨時刻,放條毛巾鋪喺我大脾,坐喺防潮櫃方木上,佢就會便一便先行嚟我度。有時會任我摸,有時就越咬越大力。(佢lur飯應咁過嚟,之前梗係過嚟就有嘢食啦。)

今朝我手放喺佢小腿,叻叻妹用喙輕輕叼住我手指搬開,再行去彎彎(樹枝)刮嘴。之後又行返過嚟上大脾。不過都未平伏到忟憎心情,作勢啄我。

我:"落去。"

無謂大家都危險。

晚上小石人想餵佢,佢似強盜般穿過被袋簾由高櫈跳落木板突過雀頭出嚟猛力啄塊木板。

小石人攞住腰果畀佢睇到:"咁你食唔食丫?"

佢速步catwalk去彎彎再向前爬去搖搖(樹枝),欣悅可愛地叫食。

😄😊

舊照

頭先又睇吓富途商湯,有個人會成日出圖然後自己加條股價飛天的線。一日出幾次。有其他牛友叫佢唔好再畫喇,次次畫親都係跌。

成個下晝狂睇Hoy煮題cook,美食多籮籮。

今日又係好開心。