Boxing記

 12月26日

一早問咗我好幾次去唔去。。。

趁佢去買老早(餐)回來前,咁拿拿聲處理埋整落嘅手遊嘢。

又係去影🐦。

我對灰雕(灰塑)都幾有興趣架。通常都係寓意啲吉祥嘢

花鳥山水

八仙

歷史人物

官侯將相

⬆呢幅入面有兩隻真麻雀的。

作為裝飾,藝術成份又唔係特別高。

又高又遠,要影咗落嚟慢慢睇。

遠處有一攝友急步去反方向,要影嘢就跟去睇吓無妨。

佢見到大隻佬後,我獨自行再回頭入嶺南之風內。

唔知呢啲會唔會有人好似我咁睇吓嘅呢?

有,之後傾開,原來小石人都會睇的。

今日人都多架。

左上,我都影到雀鳥打飛。

以下小石人作品。

⬆上次影完,後來發現呢張重靚。

今日收獲

3點幾4點,美孚某啲食肆開放時間就唔到,西餐5點收工;上海嘢休中場黃昏6點先再巿。

手撕雞原來係外賣店,重要個舖唔係居民嘅話,行嚟行去都搵唔到。卒之要問個專心刮緊手皮嘅麻甩店舖工友指路。

本以為可坐低食嘢,買兩盒回家才吃吧。

咁諗住去pancake舖食甜品飲咖啡休息吓。。。

小石人話佢自己突然跌vott。

噢no,我孭你唔起咕喎,,,,

點知搵到嗰間pancake舖又係只做外賣!

重要個大路牌menu搵嚟搵去都睇唔到有班戟。

問個唯一booth內女店員,佢話有pancake,又係指住街嗰個路牌:"嗰度"。

望咗兩眼,我都係睇唔到有pancake。

咁我同小石人講:"走啦,唔買嘞。"

佢行到港鐵站已經頂唔順要坐低休息吓。

休息完去到列車,今次我摩打腳快步在列車搵位畀佢坐。

好彩吉人天相

順利回到家中

佢又冇事lu喎。

快速煮麵 菜 餸手撕雞。

週日又影到靚雀

紅領巾的誘惑~據老公講,啲人之前影到嗰隻心口無紅!
 

身型嬌小花蜜鳥 疾速飛行捕攝難

近期小石人返短期散工,見到佢放工時疲倦,因工作用力很猛手臂似有傷患。。。心痛。

佢見到大隻佬影到呢隻咁美艷鳥就話返工先有靚雀影。

喂,放悠長假期時,一星期出洞3幾次咪又係有大把獵物😊😄。

不過老婆呢排唔多舒服又掛住打機冇出blog啫。

今次隻鳥出現的地點,你話環境幾優美呢。

跟佢哋同行嘅舊同事K君啲嘢,小石人回來告知我,我都費事再講,可能其實唔係咁大興趣於攝影?更有興趣向陌生人講自己(死配偶)啲經歷呢。。。(諗諗吓怪醫生;怪自己使咗合共廿幾餅買每次手指甲皮份量豪豬棗"醫癌症"!)

投機方面,乏善可陳,可能即將出擊。

戴菊蒲台

 近期寵兒。

呢隻點解特別,據講少喺香港出現。

週日小石人同大隻佬晨咁早就搭船去蒲台島,假日船開早上八點十五分。

影到呢輯相。

上次說過打飛相好難影,尤其係呢種丁士咁細隻,樹上 樹幹底部捉蟲,鳥速度快環境雜枝多。。。

佢哋週日收獲唔錯。有人post咗相上社交平台,結果到下次週二再有船期時,引來成佰人入島。

戴菊出現的榕樹就在島上其中一間士多旁。店主話戴菊帶來好生意,真係好。

嘴裡有蟲

咁大條哽唔哽得落?

週二反而影得冇週日咁好。

除咗鐵腳大隻佬之外,週二友人K都有一齊去。不過攝影難度咁高,呢位K朋友影影吓坐埋一邊了。

見小石人咁有誠意send啲傑作畀我,就出篇網誌賀賀佢。

明天佢哋又出動影嘢喇。

影極唔厭。

塱原

 11月頭,塱原自然生態公園舉行兩天同樂日。

小石人之前(近期)自己去過一次。(呢個地方,佢哋班攝友以前成日都去,後來政府因與發展商的協議,用呢度成為所謂保育的交換條件,就唔畀人隨便入去,兼起咗啲設施同座石屎建築生態中心。

隨後一位我哋遊大埔坳時(佢追影綬帶🐦)時遇見的老翁(後來佢哋有whatapp通鳥訊)有告知小石人關於塱原開放日消息。呢個亞伯揸起相機時,人頓覺年輕了廿年!

11月9日~我哋先去嗰度間豆腐廠兼小食處嚐有魚味的魚蛋 煎豆腐 豆腐花 嗰度亦有黑豆漿 不同醬料賣。

佢口問我行邊邊,其實手拖住我帶住我行佢想去影雀方向。

稻田~吸引禾花雀

強而有安全感的臂彎。佢一眼就認出馬蹄田。

轉頭佢見到有攝影模特兒,今次係隻常見白胸翠鳥停在高架綱索上,就走開咗去影。

而家去親啲地方係完全冇任何位可以坐的。我企住等咗好耐,終於要行去佢捕攝處等佢。

等呀等,等隻雀郁動飛翔時捕捉鳥兒飛行的頃刻,要好有耐性。隻雀仔都係日常企喺度好耐好有耐性。

突然有一把仿上帝由較高處說話的聲音:

"你支鏡頭咁短,影唔到架喇。。。"

係一個踩住單車於阡陌上經過當處工作人員講的。

我輕聲在小石人耳邊說:"多事"

(心想,有人會咁多口。我老公只帶輕便攝影器材因為陪老婆,一隻手要拖住伴侶。佢梗係衡量過啲裝備夠用先啦。打飛難度高好多的)

小石人:"使乜理佢。"

咁又係,無謂同啲三季人費唇舌。我老公起碼有鏡頭喺手,嗰個人就一定影唔到,因為當時佢冇器材。。。😝

有班歇息影友高談闊論,我唔知佢哋講緊乜亦唔想知。有興趣睇雀看倌自行較靜音。

茂密蘆葦係不同鳥喜歡藏身所。

小石人作品~炮彈衝,輕輕一躍而下。

耐心等候的成果。👍👍👍👍👍

企咗幾個鐘頭攰到咩嘢咁。搵到兒童遊樂場入面終於有櫈坐。像貓咪般有地方瞓更佳。

我咋完嬌叫佢繼續自己去影吓嘢先。

是日冇去過任何建築設施。

之後佢自己或同雀友又去過嗰度幾次。

Shoot shoot shoot亂🔫掃。

一陣間又再跟同好去蒲台,多姿多彩。

再破·地獄

 

立體雕塑

經導賞講解後畫作更有故事性。不過唔劇透喇。

以上作品,十多位畫家插畫家雕塑家藝術家們都是只得兩個月內完成他們的傑作。其中立體作品細緻程度令人讚嘆。

最難得在欣賞展覽期間,李小龍會會長詳細給大家闡述每幅作品的作者構思,令整個觀賞過程生色不少。

打颱風,落大雨。事關發現呢個海報創作展及道具劇照展時就問小石人有冇興趣去。

由於最近一次斷食時又不斷睇啲想食嘅嘢,嗰間食肆週一休息就揀咗今日。

一齣難得小石人想返擦的電影。帶動咗周邊好多活動和巿場生機,youtubers出視頻 展覽 觀眾們念念不忘 。

大南街係個幾有特色的地方,皮具 配飾 咖啡店 連攀石舖都有。無端端會有兩盆大型植物放喺行人道。

好有style嘅店子

大南天梯真係要爬好多級斜樓梯

是日午餐,約點半到食肆。

砵蘭街越發生牛柳河,舖仔細細出名要排隊。好彩接近唔使等就有得入座。

之後見到外面就要排隊。

食完午飯睇完展覽就去全日雞實驗所(通菜街)買冇骨海南雞回家後作晚餐用。

外賣包裝