第一次開月供股票戶口

點解攪呢啲?

話說時不時我都會向小石人講吓我的買賣股票理念同睇到的新資訊。

前嗰排收到銀行宣傳電郵,當然又係貪佢免手續費啦。

同老公提過,點知佢主動話開戶口做月供,我梗係開心。

(去到嗰間銀行,見大厦水牌有間信達財務,唔知係咪同一集團經營嘅呢。)

銀行職員俾我哋的印象係好熟識呢項優惠詳情,除咗豁免手續費 月供碎股可以正股價沽出外 原來重豁免保管費同代收股息/權益手續費。啱晒儲一年多次派息的股票。

呢個優惠長達兩年。