儍豬豬的我排錯條輪侯連結。前面有成幾萬人都排錯。個幾鐘之後,11:33有通告話俾大家知呢條隊係錯嘅。一定有好多人好嬲喇,打電話查詢都cut線唔聽。
原來面書在專頁有個"馬上逛逛"的連結係去返本頁,我諗主辦商舖都唔諗到會咁樣累事。
於是我由排三萬幾位置跌到10萬幾以後,需求幾殷切。。。
佢哋由廿萬口罩加碼到三十萬。好彩係會員喇,後來都分配到。
上次小石人買70蚊10個,即刻大幅將平均價回落。😅
呢啲舖頭咪識做生意,商譽好,我去換口罩時已預備幫襯花膠海參腰果。俾佢哋賺多啲再適時回饋造福社會,減少怨氣。
蔡康年趁生計淡薄時自我增值剪咗條片,用股壇術語嚟形容我哋呢場世紀搶口罩大時代。
我推算罩價將大幅回落。
前晚小石人嘅友人問我哋買唔買50蚊一盒50個,咁如果可以梗係買兩盒,公價喎。點知呢位大哥噏漏個1字,百伍蚊至真。。。哈哈哈,咁就買一盒lu。
其實呢次疫情,我買物料的意識真係0。平時用嚟洗衫的滴露又就嚟用完,前嗰排小石人用較高價喺街邊買的未聽過牌子,液體內有雜質,我諗至多用嚟洗地算。
另外上次講自製UVled燈又係一早冇晒原材料。
我咁執輸都生存到,都係老公最醒,唔搶但乜都攪掂晒。
😍✌
根據時間預算去到2037年，口罩價格將會再度飆升至大時代價。(當然唔希望歷史重演)
回覆刪除到時啲記者訪問啲居民嘅時候，啲居民話唔定仲用緊2020年武漢肺炎嗰陣時買嘅口罩。
好友果然夠曬不漏洞拉，以前就話講少個零，宜家講少個一字已經算畀面。
跟車太貼就好易炒車，揸得太慢點都到目的地嘅，最緊要安全到達。
好似啲人過馬路咁，大多數人都鍾意充當馬前卒等轉燈，過馬路企得好後睇落好似好執輸嘅我其實只係想安居平五路，減低過馬路嘅風險。
可能早幾年前崇光百貨門口對開單的士衝上行人路嘅車禍，啲人已經唔記得咗，過馬路寧願執輸 都唔好選擇一馬當先，充當馬前卒。
因為過馬路企得咁前一旦出事，你根本無路可退，後面全是你的豬隊友，只不過你是財經笨蛋理論入面最笨蛋的那一個。
過馬路就冇你咁穩陣,第二日都要後排防守咪過走去前排增加受攻擊的風險。😅
刪除上落自動扶手電梯我就經常預留前面幾級若有突發事情有位走避,但啲人係都要行去我前面"攝"位。
有時做笨蛋都係幸福,唔使因無謂驚恐死咁多腦細胞。哈哈哈
"財經笨蛋理論入面最笨蛋的那一個。"
刪除會唔會負負得正😁明貶暗褒。
攝位呢個行為真係好討厭,既然趕時間唔該行快d,趕趕下停低但又唔係有個位等緊佢坐,咁攝埋黎為乜呢?(話說之前趕黎做乜呢?估計都係純粹唔執輸心態,唔想排隊唔想等)
刪除試過在扶手電梯前面嗰個去到頂甩拖鞋突然反轉頭執鞋,好彩嗰時我有位走同反應得切跳過隔離上岸。。。
刪除呢方面大部份人都冇危機感同安全意識,係都要沙甸魚咁排到密晒。
有人拉手推車、行李喼上電梯我多數避開唔搭住或隔好遠先上。
又,80後兄我而家買7500了,上次嗰轉有斬獲。😊
搭扶手電梯攝位嗰啲人肯定係唔想排扶手電梯嗰條隊先至攝位，變相阻住曬行西隧嗰啲人嘅速度，行到窒下窒下。
刪除其實搭扶手電梯同前面嘅人保持距離除咗係保障自己嘅安全之外，同時亦都避免咗一啲不必要嘅誤會。
宜家手機嘅誤會同埋令到人行街出事嘅機會真係越嚟越高，冇乜必要行街就用少陣。
7500我今個星期都增持左小小,睇下下星期有冇機會放另外同人保持距離都係保護自己安全,有時間可以做反應,例如街上間中有人會行行下停低,立即180度轉身起行,反應慢少少都變接吻..
刪除哈哈哈,係呀。啲5至6歲的細路最鍾意突然後踢添呀。
刪除//搭扶手電梯攝位嗰啲人肯定係唔想排扶手電梯嗰條隊先至攝位
刪除補充一下攝位的解釋：地鐵通常成車人一齊落晒時，條電梯會塞滿人，有些人是因此才排去行果條隊。對於呢啲唔想排太耐又唔係好想行既人嚟講，有位就攝入去其實好正常。另外，如果條電梯塞緊人，最好不要隔太開比較好，因為你保持安全距離時，是拖慢了後面整條隊的速度，我認為一格起兩格止就差不多。
另外，我過馬路做開馬前卒，特別是日日都過的那些路口，當你很熟悉車是由哪邊轉來，看清楚車己停定，車燈亦已轉紅燈，其實無需死等到轉綠燈先過。無車轉過來時，更慣性紅燈都慢慢行過去。點解咁鐘意衝燈？因為唔鐘意成班人一齊行比人阻住晒，有啲燈位轉得好快，綠燈行到一半就轉紅燈，啲車又唔等人照開，其實仲危險過紅燈無車咁過。
不過關鍵都係熟路，同埋對自己判斷／反應速度有信心。投資都係一樣，跟大隊係安全啲，但通常只有少數馬前卒可以跑贏大市，遲左幾步，過馬路就輸時間，投資就輸錢。
多謝匿名君詳細解說自己和一般人的行為模式。
刪除一開閘擁出嚟去搭扶手電梯,據觀察係冇可能預到前面有好多空間的。就算預一、兩級咪立刻有人補位封住。😄每人都好心急,好彩冇意外發生時重嫌唔迫密填滿的人麻煩添。嗰時行樓梯最穩陣。
衝唔衝紅燈是個人取向。記得目及清楚有冇執法人員捉喎。
有次我亞媽俾警察捉正亂過馬路,佢拍個警察叫俾次機會,個警員笑住話佢重襲警添。(同亞婆講笑)
有個裝修佬俾人捉咗亂過馬路,佢好嬲,心情未平伏就出棚架工作~~跌死咗。
股票方面每個人的運氣都不同。同一隻股票,就算同一個價位入,有人輸亦有人贏,跟大隊唔會安全啲。
自己想清楚做出嚟嘅決定,成敗得失自己負責先會吸取到實戰操作經驗同對贏輸的體會作出調整。
亂過馬路前，留意對面有沒有㗎啡妹出現，也是熟路／判斷／反應速度的一個要點。試過有次過到一半見倒對面有疑似交通警，馬上掉頭就跑算了。後來發現，原來㗎啡妹出現時，兩邊馬路都會有交通警，所以此法並不通。怕吃牛肉乾的話，的確不應亂過馬路。
刪除滴露不環保，流出去會毒死兩棲類動物，如果屋企有養貓，貓貓踩完拖地的滴露水再舐自己手腳，會中毒的。滴露又會有機會刺激人皮膚。況且滴露不可以殺死今次的肺炎病毒，反而普通洗衣液番梘就可以。
回覆刪除Tammie,多謝提醒。😊
刪除家居事宜我冇因疫情做過特別程序,一切如常。係老公有時用清潔劑抹吓門手柄。
查看香港污水處理程序包括用中水(洗衣、厨/厠盆水、雨水)再用計劃(用來沖厠)進行中;沖厠水淨化後才排出大海。
但不清楚滴露的化學物質是否可淨化。可能再找資料看看肥皂是否可取代,因洗衣梘液的成份也是注入不同化學成份。
家沒有養寵物,因我較喜歡牠們自由自在。
https://skypost.ulifestyle.com.hk/article/2558495/%E3%80%90%E6%AD%A6%E6%BC%A2%E8%82%BA%E7%82%8E%E3%80%91%E6%96%B0%E5%8A%A0%E5%9D%A1%E5%9C%8B%E5%AE%B6%E7%92%B0%E5%A2%83%E5%B1%80%E8%AA%8D%E8%AD%89%2018%E6%AC%BE%E6%B6%88%E6%AF%92%E7%94%A8%E5%93%81%E6%9C%89%E6%95%88%E5%B0%8D%E6%8A%97%E5%86%A0%E7%8B%80%E7%97%85%E6%AF%92
新加坡最近做咗測試,有拾幾種清潔劑包括滴露可殺死新型病毒。
通常都係冇做開家居清潔程序嘅屋企人比較緊張，其實平時都係咁樣處理㗎啦，冇必要搞到自己精神特別緊張去面對今次疫情，凡事提高警覺就得啦！
刪除