呢張係我哋兩公婆都好鍾意的相片,當晚一齊喺沙田大會堂睇敦煌舞蹈劇表演。看畢,在附近就發現呢個角度我哋賞胡士托賞月。
今晚移居英國的姨甥女好有心咁送來佳節祝福,我又請小石人立時影張應節相片回敬。
遠眺天倫聚
蠟燭照阡陌
親子樂時光
鶼鰈渡中秋
(立足照阡陌)也可以,中文真係好有趣。
呢度周圍嘅人非常喜歡節日放煙花。。。今晚又嚟兩次。
2021年9月21日星期二
2021年9月15日星期三
蝶之季節
綠葉風車轉
飄蝶遍處飛
蜻蜓奇點頭
草叢樹掩漾
猴群盪攀爬
躂降矮植冠
翻騰完好全
不時狂吼叫
嬉戲劃地盤
杳然鳥踪影
大埔山上尋
週一小石人請假偕我把臂郊遊,
我們在這池塘前擺pose拍造型照😆😁
以下相片和影片我影的。。。
我在山腳佔領道館相約隨後再跟他在涼亭會合。
幸而我追上他時,途中一直拍相告知行踪。因大埔滘山上收不到訊號,我到了平時他們攝鳥的象牙花處,原來不是他心目中的那座亭兒,他看圖見我行錯方向就回來找我。。。
似快下雨了,於是在該處影蝴蝶蜻蜓,他說那隻蜻蜓在鏡頭下快速點了頭覺得非常奇異。又有一群猴子在遠處抓吃野果。我們吃過早餐留下來的迷你菠蘿油和美味的無花果,就起行往他心目中的地點找綬帶。古某約午間一時已於句字預言"杳然鳥踪影"。
疲累的我獨自在另一涼亭等他時,又一群猴子三時許在距離我約三四米附近覓食,近得可以手機拍到情況,我有點害怕,是以用動物法則不作眼神對望。明明有告示牌說不可攀樹嘛。
後來有兩個女士被三隻小型比高犬扯著行,一犬撲向猴子方向吠叫,猴群當然是極速鳥獸散。
2021年9月11日星期六
寫求情信2
* * * * *
話說今日晏晝老公打電話嚟,我哋好少通電話,多數傳短訊。打電話是在特別情況。
小石人話佢老闆今早要佢哋呢兩日內(明天放假,即係今日內)用公司信紙寫求情信,集齊等佢遞交。
咁我哋當然唔太認同佢嘅做法,但唔照佢意思又好似逆佢咁。兩公婆商討完一陣。。"算罷啦"~好彩我週四一早寫好咗,已在小石人手機有底。本來等案主屋企人同律師睇吓有冇啲嘢唔寫好啲,畀下款我完整格式。因為我覺得做得法官會比較講求跟格式。既然個老闆要攪到好似mass production咁,都唔爭辯。
據講今午,佢公司個個排隊咁寫,揸慣工具突然要佢哋用支筆寫信,真係抓爆頭,同五-六拾歲人突擊考試咁。結果就係識咗好多年同事,十句。
好彩老公有得抄,佢話寫咗兩張A4紙。
我諗法庭求情信唔係多就好,用公司信紙重可能畀個官覺得啲人被迫寫。。。
由信中看到個當時人平時為人做事、品格、對人態度、對家人、朋友、同事係點。犯事前情緒係點,有冇變化,有情緒唔穩定或情緒失控的話,有冇努力謀求解決方法同求醫。有冇悔意。同寫信人的互動,寫信人有冇目擊親證到佢情緒或不尋常徵狀如失眠、手震、心悸、冒汗、精神散渙。不要流於封封都千篇一律。信的內容誠實真摯;真心用心地陳述。
網上見到有時啲官會質疑某些議員究竟見咗個當時人幾次幾多時間,見過幾次每次十幾分鐘根本冇乜說服力。又有個個案,個當時人寫求情信時話都係被害人著得暴露引佢犯錯。結果求情變加懲。
我由個老闆角度諗,咁樣做嘅好處係集中處理,班友唔做慣呢啲事,信紙都即場有埋唔使搵,又唔使唔同人走去問嚟問去或者索性唔問又唔寫。佢對自己有情有義嘅圍內伙記係可以好幫忙的。
2021年9月10日星期五
藝術治療
又要讚吓小石人,用佢部半專業相機影出嚟先放到上網喇。
記得佢有個雀友,成日影嘢都要原汁原味,影咗啲相係唔執嘅但影完又次次X。老公話以前去沖曬,咪又係人哋幫個客執咗。😆😁
2021年9月9日星期四
寫求情信1
"咁你覺得佢值唔值得幫"?
(好多時都好難避免唔用個幫字~括弧呢句同米兄講,如果米有睇嘅話)
問咗佢兩次都係好猶豫。又難怪嘅,細細個講句嘢就畀家長掌嘴;3年級啲功課唔明,個亞哥就忟到不得了咁"教",唔識又話佢蠢。
以前我哋差唔多大部份人都喺無助的情況下學習,而家嘅後生雖然受保護,可是面對嘅壓力又係另一課題。
前日佢用短訊轉寄畀我有關佢犯咗刑事的同事之案情進展,據知可以搵親友寫求情信而有機會重獲自由。
(講咗咁耐,呢個先係原委同重點)
問得佢梗係唔使佢寫啦,又唔係我識咗嗰個人10幾年,淨係之前發生過一件事,我從佢口中覺得呢個人都好關心同事又聽到呢個人都好愛家人。如果佢覺得呢個同事值得幫,我咪做街邊寫信佬代筆。
咁我就著手上網搵範本又傳短訊問我五隻手指數得晒的其中一個做檢控的朋友啲嘢。例牌要攪清楚佢答我會唔會同工作有抵觸先繼續發問,點知朋友覆我時,字裡行間好似以為係我犯咗刑事😰。我真係表達得唔清唔楚。。。
昨日佢又傳短訊話畀我知,佢老闆問佢如果可以都幫手寫求情信。
聽到呢度就覺得好彩早啲問過佢,有心理準備下就唔使猶猶豫豫慢慢都答唔出或者亂噏啲嘢。忠忠直直慢慢諗嘢嘅人就係有呢樣唔著數。雖然我哋都係唔會擦鞋,而佢回歸呢間公司工作時亦已經預咗隨時唔撈。
今早草擬好咗封信就搵佢傳畀案主家人睇吓有冇嘢要執同補啲資料畀我。屆時就要親手寫,呢項事宜不容有失,事關錯咗又要重新寫過。手字工整啲,言詞真摰誠實誠懇,對件事應該都有幫助。
2021年9月7日星期二
積極面對抑鬱
跟住就傳相畀小石人,又小心翼翼希望保住隻昆蟲唔好郁,等老公可以返嚟影。。。
結果,草蜢仔梗係噗跳去窗上。隔一陣爬爬吓又跳咗出街,我哋住好高架,咁都唔會跌死,真係犀利。
今日睇返2019年頭當時飽受情緒起伏困擾,嗰種自己控制唔到情緒嘅可怕經歷,好彩有寫落嚟,如果唔係就過眼雲煙咁只是發生過而唔記得。然後又有百般思緒,千種念頭閃過湧出。
亦多得啲好網友們嗰時支持鼓勵,分享佢哋自己的經歷,而且真心關心我。當一個人遇到危難時,幫到自己的,那些人就是菩薩。
我哋只能、只會喺文字言語中說到事情的一部份,其中有啲散落的missing puzzles只存在於自己知唔知的狀態下。
知道而冇講,可能係厚道又可能係對自己形象不利又可能冇用三眼你我他角度去睇事物而忽略了一些重要又對事情影響深遠的元素。
歸根到底,令當時人逃出胡同的就只有自己。我一個懂知恩圖報嘅姨甥女喺佢斷然舉家四口移民英國前主動約我於今年6月尾相聚。她是從小到大都經常情緒非常起伏的另一眾生,問我怎樣從那個陰霾中變得情緒穩定。(當時我梗講唔出以下咁多,我只能指出重點~離開現場。)
我想,第一個重要行為就是離開觸動當時人憤怒、無奈、哀傷等情緒的現場或情境。好多時精神病患者在精神病院回歸穩定後康復出院,可是一回到之前至發病的地方接觸那些人和事,就又再精神病復發,說明了人是需要經常有意識地探索內心的情緒變化,對有些人、事、物自己不能承受時,就要斷絕。
傳統的覊絆父母子女人際關係的枷鎖。如果再試圖逼自己去留在其中,跟著可能會發生更災難性的結局,就好像以前我寫過的孽戀中男女發生慘劇。當決定離開時,同時亦要想辦法脫離內疚自責的矛盾。
我有像都巿人打機麻醉自己的時刻又有曾躺在床上什麼都不做又長年累月怪自己沒恒心懶惰想法~其實原來當時我已不知不覺間墮入情緒長期低落的迴圈。啟悟後,當我處於情緒正常狀態時,猶幸有積極尋找有關抑鬱及情緒病資訊,觀照內在情緒問題的核心。
重覆又重覆提及傷害自己的親人所作所為。我不可以在網絡公告天下。幸運地我有小石人。消極的一面是傾訴時只是重覆一次又一次地在回憶及意識中不停加深傷害自己。這樣對自己冇幫助亦使聽者可能越來越煩厭。所以我選取積極地表達而且每次都在事件中擷取正面訊息,一次比一次減少激動。當我訴說時心境平靜如說鄰家的故事時,表示自我心理療癒取得重大成果。不忙讚賞自己多番,加強下次再可能受創傷時正面解決情緒問題的能力和經驗。越來越強;越來越升呢。
有人會認為輔導幫不到人。冇錯,如果當時人觀念係輔導員等於救世者,自己不願意同一言九頂,放軟自己手腳灘喺度等人幫,咁就一定係廢、嘥錢、嘥時間。
一個優秀輔導員的經歷。佢唔會"dump"症,見幾次冇幫助就會請案主另請高明。一次佢同來者做輔導時,個女事主喊喊吓在傾談室內的厠所洗面,點知出嚟時嗰度厠所門壞咗,佢哋都不知所措,攪咗一輪終於出得返嚟,對嗰個人嚟講人生的重要時刻來了:
佢話好多謝輔導員幫咗佢:佢被困時初先用返自己平時方法嗌救命、搵人幫,但出到嚟時佢頓悟到遇困境時只有自己才可幫自己走出困局。
透過當時人搵到一些細微的實際經驗~轉念而找回自己的力量。
我就冇去見心理輔導,我上網睇視頻睇不同文章幫自己。+上理性同思考能力,一在狀態時就做。我覺得如果情況好嚴重又"長"時間情緒狀況冇正向改善,用啲錢見輔導都係好嘅選擇。好似無間道梁朝偉去陳慧琳度放鬆休息吓。畀錢搵樹洞好過無緣無故喊、發脾氣喺老公身上,枕邊人頂得妳幾多鑊,佢唔係儍嘅,正常人都睇得出伴侶成日一時北極一時熱帶反覆無常係有好大問題。自己攪唔掂就要搵專業人事扶一把。
真係技窮,已經完全啟動唔到對任何事物的興趣前,就搵西醫斷吓症做轉介。如果係腦欠傳遞血清素這生理情況就可能考慮用藥。我呢啲人就用自然協助自己釋出快樂荷爾蒙既方法。
用返我哋買賣股票同期權的說法。當規劃長短倉前係咪要諗清楚自己的承受能力,有冇興趣、有冇時間處理。如果攪個project係長短期都要兼顧要好多時間心力,但做咗又唔理,咁同你合伙嘅拍檔就企咗喺度兼要做埋你嗰份,點知原來個戶口冧把又淨係你先知,你又成日情緒化困擾唔理啲倉攪第二啲嘢。咁之前點解要開呢個project,就係missing puzzles只有你先知或你都唔知。
咁個拍檔頂得幾耐呢?你又擔心個拍檔同你拆伙,又惡性循環地擔心但又唔從核心問題著手解決。。。。
點解一個人會唔畀伴侶做佢平時開心的事?
1過份緊張。
2未放得低伴侶有自己的選擇,後果自負這豁達理念。
3情況已變,伴侶有機會危害自己生命,佢有事兩人都要一齊孭。
或者睇吓抑鬱測驗表的癥狀,反其道而行之。
伴侶喜歡見到另一半開開心心。
自己又覺得在家中有貢獻有滿足感。
經常受到讚許禮待。
健康身心愉快人生不是夢。
如果要搵情緒輔導,我會搵呢位女士。
2021年9月4日星期六
恒安與維達
感謝Anson兄留言,同日,本人整理了以下資料,如有錯漏萬望指正提醒。
圖2
圖4
圖8
圖10
報告31頁亦有指出2021年紙巾產品由於消費者不再因疫情原故擔心供應短缺,消費態度回復理性和較去年慬慎需求、如上提及競爭激烈、木漿成本上升,而且需要加大費用促銷及減價而錄得12.2%紙巾銷售收入跌幅。恒安稱上半年大部份時間仍有低成本木漿庫存。32頁,濕紙巾產品亦由去年高增長回落。恒安一向為其他紙企及海外巿場出口原紙,鑑於國外疫情仍然嚴峻,導致航運成本急劇上升及原紙價格於期內上升因而影響海外顧客採購出產原紙,原本該部份業務佔紙巾銷售約15%,繼而使該銷售下滑接近30%。
(註:除木漿價格情況外,某些重點維達今年中期報告沒有提及。)
(註:人民幣上升對集團有利。)
維達以港幣計算,派息比率29.38(2019年)30.03(2020年)。你說得非常對,資料由2019年看,總收入、毛利、營業收入、淨收入都在增長。反之恒安在倒退中。2021年6月30日中期業績財報第2頁財務摘要指出紙巾佔總收益83%而個人護理佔17%。銷受渠道來自傳統經銷商27%重點客戶超巿大賣場24%商用清潔衛生客戶11%及電商之收益38%。疫情加速消費習慣改變,電商渠道錄得26%增長。
維達受惠於2020年增加原材料存貨水平為應對任何可能的國際物流中斷情況作準備。有助減低2021年上半年原材料上漲壓力。2021上半年毛利率增長15.4%330多萬,使毛利率維持37.4%較高水平。
(註:人民幣上升對集團存在匯兌風險。)
其他會計資料不懂比較。
恒安可以做期權,維達不可以。
恒安於恒指成份股被調低至0.24%,見圖13尾3項(2021年9月6日生效,可能因此加深股價受壓),暫時仍對恒指上落有些微影響。維達上年納入MSCI及中國全股票指數成份股。
圖1~6來源自 Investing.com有關股票財務摘要。
圖7 8 11 12 AAstock
圖9 10 富途
圖13恒生指數有限公司宣佈指數檢討結果。
(資質所限,本人不保證上述資訊之完全準確性。)
2021年9月2日星期四
繼續下去的勇氣
驟目光影呈秒毫
木登米分絲工色
化凌為整巧想域
紅蓮燈(脂鯉)多作水族觀賞魚,螢光藍線彩斑斕。以上照片湊巧形似,又可作文一兩句添雅興。
現持期權倉SP:
10月
1. 9988 $185 -1張 $6 $3000
07/07/2021
(炆嘢唔記得校鐘睇火的情況。😅)
3. 823 $67.5 -1張 $0.51 $510
10/08/2021
11月
1. 9988 $137.5 -1張 $6.35 $3175
27/08/2021新做
6月2022年
1. 2628 $12.5 -3張 $0.97 $2910
02/08/2021
3. 386 $3.3 -10張 $0.35 $7000
20/08/2021
5. 9988 $147.5 -1張 $16.14
$8070
25/08/2021
6. 1044 $40 -4張 $3.45 $6900
26/08/2021
9月2022
1. 941 $42 -2張 $2.69 $2690
31/08/2021新做
德華在麻雀大賽中話齋:8筒8索萬子
"安全"
我會說除10月$185 9988嗰單交易未走出重圍之外,其他暫時安全。
8月2021期權實現虧損-7718
27/08/2021 買入9988 $157.4(今日要忍住唔沽)
31/08/2021 買入2628 $12.84
31/08/2021 買入270 $10.66(今日$11.4沽出)
重有一籮籮蟹諗緊辦法泡製。
"成功非終結, 失敗非末日
最重要有繼續下去的勇氣。"
邱吉爾