近水平線見太陽初昇之美,我咁鍾意色彩斑斕,只可同愛伴共享。
是日終於有操作:
沽175 同9988
呢注係上次升咗唔走被套的嗰注。175 $11.×近期呢次係第2次機會,上次係流星般一閃即逝。
再升會唔會揼心口呀?
唔會,想清楚先做,次次都諗嚟諗去咪好唔得閒😆
多啲時間搵吓樂事笑吓好過啦。
我發覺數得埋手指的幾個友人,個個都唔想講多句,覆OK 謝謝
疫情 限制 實在太太太耐了。
我平時都係深居簡出,對我影響唔大,喜交誼的人就疲累鬱鬱然。
所以我呢排網友講一句我答十句,帶返旺呢度個場(笑),出文密啲,開心快遞😉
咁我就講一句，有賺就好👍🏼
回覆刪除Q(亞Q)
刪除單筆計係呀哈哈哈哈。
兄,升返啲期權你順返好多了。
下個月我接最後一單9988期權。
頭先怱怱寫,漏咗7226今日都清埋首注,當時5000股5合1後變1000股$$3.x入。
在低位我相對大注入,追返晒而且有賺。個別股率先反敗為勝係呢隻,多謝無忌兄。😄
期權都係咁，做慣了其實好機械化操作，因為SP時間就係朋友，慢慢就追得返。返而2800, 7226先有排追，第一次大注指數，就仆街😭
刪除7226我用掃把頭觀音腳策略。重有忍,
刪除因為佢槓,最尾殺手鐧。
2800及小小注7200相對低位操作,食過兩轉。
其他嗰啲乏善可陳。
9988的期權,分段做咗約4至5次,計過自己接貨的能力後冇再做了。如果唔係做期權級級落咁入仆得重應。好處是有權金幫補,短處係500股為單位。我喺相對低位買賣取價差。
嚟緊唔知重有冇機會相對低位呢?
剛聽亞豬視頻詳細解說FTX爆煲骨牌效應,唔知會唔會牽連其他,拭目以待。
我估計FTX的骨牌效應只會產生於幣圈內, 因交易平台欠規管不可信, 部份持貨者可能會考慮不問價沽貨, 取回現金離場
刪除而幣圈外的其他資產, 則或益於從幣圈逃逸的資金而上升. 另一方面, 視乎加密幣大戶的損手情況, 或令他們需套現資產填氹托市甚至破產被迫清倉, 受影響的資產會有沽壓
亦有人認為這是個好事機趁低吸納, 因為事件的效應是令加密幣平台受到監管, 長遠令加密幣成為比其他資產更優良的選擇, 而必可以一次過賺夠錢過世云云, 但我就不信了, 我認為受到監管的加密幣已非那種洗黑錢和走資的好工具, 根本一文不值, 信不信由你
多謝兄台分享。
刪除早在很很很初期這東西還在未太盛行,有位朋友告訴我佢個仔有意攪掘礦機。
我問她知唔知呢種方法無中生有出"有價值"的東西是什麼原理。她答不到詳情,佢估計同洗黑錢有關。
我:"咁重做。"
事後佢冇再提佢個仔有冇進行大計,亦冇再同我講呢方面同"投資"方面的事了。
對的,我在阻咗人發達。
泡沫形成期,個波吹得越大,總會有人賺到大錢。
雖然做唔做係佢決定,我學精咗以後千祈唔好加意見。
事後呢個世紀之局部份真係有同洗黑錢走資有關。
又有些涉及五花八門的不同幣,龐騙案,衍生代用幣 。
我完全不識呢條鐵,表面裡面一無所知。而呢樣嘢又有本事威脅國家發行的貨幣,在虛擬世界取而代之後又變到實體。好詭異呀。(X file音樂響起)
頭先睇完亂博的解說,亦進一步知道好多"知名集團、銀行、對沖基金都損失慘重。
涉及破產係血本無歸,有人輸咗好多錢,有摃的班緊水救命(估)。
縱然話汰弱留強,自問呢啲錢我冇本事搏。
呢幾年做實業正正經經做生意又有一定現金流防守力的股票價格都腰斬再腰斬。手手腳腳都中地雷多次。靠緊靭力同耐力手腳再生中。心理質素似乎升咗呢。
剛到一篇文章後, 想修正一下之前的說法, 加密幣的前途如何, 也要看到底實際上會如何監管, 以賭場去作比喻, 要是監管者只着重收割, 而不是阻止不法資金流入, 加密幣的確還有一定前景的
刪除http://decky88888888.blogspot.com/2022/11/blog-post_73.html
另外, 簡單把買賣加密幣視如等同去幫手洗黑錢或行騙也有不妥之處, 加密幣的本質是一種接近完美的貨幣, 就像股票的本質是一間公司的權益而己, 問題是有些來歷不明的資金參與了買賣, 也有些人魚目混珠發行了一些騙人用的加密幣, 加密貨幣的對手應為電腦的運算能力, 若有天誰人家中的小電腦都足以撞破演算法的加密數據, 那才是加密幣的末日
做期權其實唔需要相對低位，反而要相對高位，什麼價位也好，只要做完有高位走就可以✌️
回覆刪除驟看圖像牆上的油漆，還是早上及黃昏的晨光最好看，看得令人十分淘醉，對深居簡出的人，特別心懭神怡，精神百倍。：）
回覆刪除所言甚是。
刪除經常感恩,可能還有6仟至萬+天之日與夜欣賞。
😄
寫唔到十句添。。。
可能真係深居簡出之故，就算出外走一小時，保証你頭腦清醒，象山邨有間藥房，老闆娘經常把寵物小鸚鵡店外，非常特意可人，師姐有空行下，交流心得，又可散心一整天，當屋邨一日遊，廣濶視野，墨心都多 D。
回覆刪除多謝報料,繼貓店長後奇鸚原來已靜靜起革命進佔商舖。
刪除係呀,出外會帶來不同經歷弄墨時多D題材。
見到陌生鸚鵡千祈唔好伸手去摸佢,無論幾得意外表幾"純"。尤其係喺主人膊頭上嗰啲。因為鸚鵡受驚嚇時好大機率會轉移攻擊個主人,連一啲好有經驗的養鸚人都當過殃。
我又来旺场。
回覆刪除感謝捧場
刪除生即是息
息即是生
生生是息
息息是生
近期建倉
前景亮麗
若再沉底
淘金時機
計好預算
勇者無懼
未來水源
甘甜美味
生活閒逸
此中尋也