呢個伸縮架好好用架,唔知由幾時開始個用嚟扣實嘅掣壞咗,放嘢上去就有跌爛危險。
唔好放過讚賞伴侶的機會呀,呢種維修方法我從來冇諗過。
對所愛的人正面真誠鼓勵,佢會更加有動力去做啲對雙方都受益的事情。
當我讚賞他時,佢而家會大方地說:"多謝喎。"
我哋大部份人成長過程都係孭住條荊棘棒,冇讚不特止,一啲就係用惡眼神去令細路停止大人覺得唔鍾意的行為(瞳術?)。我細個時就受過唔少呢啲潛罰,心理威脅。有啲就打;有啲就將自己責任由細路負,譬如有人提過要脫離住公屋而將厚望由兒女讀書叻嚟完成。我聽到覺得超恐怖的。
人類BB自細就喺父母好屈機的狀況下長大,無能力自主,我諗大部份人都係自卑底,有啲表面自大裡面嗰浸亦是自卑。
有時見啲人,明明喺某方面能力已超出中等水平,功夫屬上乘,當別人讚賞她/他時,佢哋嘅反應就係唔識反應,甚至有啲好謙虛咁話唔係,仍需多多學習;有啲就話自己點唔得。。。問心,啲表現行為又唔覺佢哋認為自己唔得。
咁係咪虛偽?
對於平庸的我而言,心裡就皺眉:"咁都話自己做得唔好?"
後來,睇唔同的視頻後又較深層發覺到,可能呢類人,心目中的自己同現實以為的自己有好大距離,心中的鞭不自覺地對自身抽打得最狠。
寫上面一大篇,唔知表達得清唔清楚。
對自己公道啲,係做得好咪大方答句多謝別人的讚賞。
更理想的是,一個人也靜心觀察自己做得好的地方、從具體的優點去讚賞自我。人生才甜甜的繼續再繼續呀。
十分滿分,你畀自己幾多分~
自卑或自大應該係同現實的朋輩或業內人士或同事同學比較，大家要有類似的外在環境， sample size 較大才可以知道自己功夫的水平，精益求精，而唔係幻想出一個 standard 出來要求自己達成。獨孤求敗的最高境界，不是一般人可以做到的。
回覆刪除工作都係英雄地,難免需要競爭同較勁。普遍現象學歷高/A膊/講嘢上司或老板啱聽上到位機會較高。實幹又肯承擔責任的多數都係中層,因為真係花咗好多時間實務同關顧下屬合力解決問題。
刪除香港地好多人,個"標準"似乎都係獨孤求敗式嘞。每次都係越升越高的。今次攞98分,就會問嗰兩分呢,然後下次就點解唔係保持到乜乜乜云云。
好多時就係睇讀唔讀到書,40人中其他嗰37個有冇人記得?嗰37個人都有佢唔同的才能架。但係好多時就畀設立制度的人當係"失敗者""地底泥"。
久而久之就算係隻大笨象,被鎖住得耐咗都唔知自己力大無窮了。
我自己,同我身邊有些認識的人都曾承認過自卑。但我看她們做人處事和工作表現同能力都係盡責穩當的。
以前一位眾人公認的自大男友,佢就親口同我講"我係好自卑的。會考成績滿江紅,written英文錯grammer"而呢個人,工作上都相當有成就。同佢一齊咁多年,佢從來冇讚過我,我淨係覺得永遠達唔到佢"標準"。
隨著用時間去認知及多了解一些心理狀態先有可能更認清楚具體而恰如其分地運用把尺。使身心更健康。
個人經驗人越自卑越自大，因為要扶持自我才能生存。
回覆刪除而有自信嘅人反而會謙虛，但不會流於自大或自卑，因為明白人外有人天外有天，自己每天都是一位學生，因為學生新事物是一種喜悅。。
對呀,也是某些人的一種生存方式。
刪除由唔知到覺知,明白心理狀況影響不同行為出現,重覆練習正向方法加強自信心而通達至較健康的心理發展利己利人,跟自身及和別人相處得更自在舒服。