終於再斷食3~曳

 斷食前同小石人一齊去處理銀行事宜,之後我提議去有佢兒時回憶的懷舊冰室。佢話細個企喺卡位開心享受美味紅豆冰。有次試菠蘿冰唔對胃口,想再叫。。。

邊有咁容易,畀奶奶鬧,快啲乖乖飲埋🍍冰。😆

我哋幫襯嗰日腰豆眼瞇起咁飲杯冰,笑得天真爛漫,好可愛。

復食,

之前提過今次復食界線模糊,大前日就已經食咗兩箸丁麵同一啖腸。

尋日就食咗細半碗丁麵同幾件刺身。

今午重食海南雞同炒通菜。

延唔到長不特止,還要受唔住誘惑。

而妹下生果同飲吓蔗汁,既在過程中冇咁辛苦,又有少少體力。

今次晚間睡眠較之前好。平時斷食係有夜裡眼光光的。

第9日同第10日都有血糜排出。食咗嘢之後又係冇排了。

便方面也比以前潤暢,5月18日同19日都有。

身痕同平時一樣。。。已維持了好多日。

今次斷咗幾多日唔準確的。😁大約5月6日~17日(以17日晚食丁麵計)。

喺斷食中、早期,面色烏黑額紋多咗,有一次出房睇亞FA~時,佢震晒同有啲驚,唔知係咪以為我就嚟唔得。

我諗動物、小孩們都會感應到親近人的情緒和感覺。

約三日前見到我,佢翼就縮吓又伸吓,同佢比較要好時佢係會翼展同舉起雙翼,我覺得係向我敬禮。呢兩日有向我salute。