Outward bound

 做緊第一份工時,間機構有畀錢送員工去外展訓練。

食物方面,總之攞咗喺個碟上就要食晒,蠢蠢的我見到啲通菜洽到黑色重走去夾,史上最難食的一碟臭腥味嘅嘢。

有個外籍青年教我哋呢組人(中型卦)駕駛風帆,幾張jibs載10幾人嗰種。記得跟住會畀某啲學員當captain。嗰個男仔當船長時好得意的,佢會每次嗌人做嘢時自己走埋去人哋個崗位落手落腳做。

除此之外,在岸上有另一年紀大長鬍鬚的外籍人士教我哋急救。嗰個salty worm鬼佬。喂,人哋扮dummy佢竟然問個女學員示範人工呼吸時可唔可以真嘴。後來有一次同呢班學員再聚會時,聽講有啲女仔接到呢條友嘅騷擾電話約佢哋出去。

講返重頭戲荒島求生,要喺個島上執啲用品,諗方法10幾人由荒島去返主大樓岸上。另一組人成功。我哋就有人執咗個由竹綁成的大三角形,個諗法後10幾人游水推動個三角竹棚。係唔成功的。

一來件嘢阻水,二來組中有人唔識游水。有冇試過在海面上秒剎間風☁變色,成個天黑晒刮大風兼落雨遠處閃住雷(記得收衫呀)。。。好驚!

跟住啲員工似海豹部隊咁坐住吹氣艇嚟問我哋是否放棄是次任務。當每個人都同意後,佢哋話唔會直接送到我哋上岸,每人用手抓住快艇邊啲繩,運我哋離岸一定距離自己個別游上岸。

頭先咪提個有人唔識游水,古姐出場拖住佢一齊仰蛙腳撐埋岸。

小石人:"咁個男仔有冇追妳呀?"

我:"感激就會。我諗多數唔會追個一見到就諗起自己瘀嘢嘅人卦,況且我唔係靚。。😆"