有日同老公行街經過6。入去問佢回收壞電視機事宜,都唔記得咗嗰位小姐講過乜嘢行情。只記得佢好有禮貌同埋寫咗上門回收電視的電話冧把畀我哋。
有用嘅嘢就擺喺唔會搵唔到的地方~玄。(仍然亂嘅人暫時最好的方法)
真係,擺低咗就冇咗件事。
直至有一日,又同老公講開個廳電視睇吓重得唔得。答案不贅。
歐綠保
接電話的小姐sharp醒。
(其實佢哋有真人接聽前已畀另一whatapp聲稱較快捷方法處理。
但我就傾向選擇同人交談。)
約咗時間後,我已經少有哋寫咗喺其中一個電話的行事日曆。
點知:
近日有個5字頭嘅電話號碼猛咁打嚟我以為係推銷/騙局等騷擾電話就完全唔接聽。
終於對方要短訊我。
😄
主動打返電話畀佢,第一句就係:
"對唔住呀"
嗰位先生好好品又有耐性。
今朝放咗壞電視出門口外,等到差唔多時間再主動打返電話通知佢。
其實好小事,如果自己做錯嘢或疏忽咗,主動致歉就可以扭轉局面。
唔喜歡邊種對答,自己就避免咁樣答別人。通常最普遍的係:
冇理由
唔係呀
甚或狡辯質返人轉頭
當越嚟越冇記性前,更應習慣回應人時有良好態度、語調、聲線。
"I could be all wrong"
咁橋
回覆刪除今朝先至收左我部洗衣機
係呀,幫咗好多忙。
刪除今朝接兩個3字頭來電,一個有用,一個賣大6樓盤,話咗冇興趣,仍然講極都唔肯停。。。
司主，一念之仁，其實在浪費對方時間，明白？為他人著想，快用小熊來電(類）。😁
刪除用咗小熊好耐架喇,大師。
刪除每次係騙徒都有舉報以減其他施主們被浪費時間。
呢啲篩唔到原因係1.我確係某電訊商用戶。2.我以前買過大6樓。😄☺
我意思是三秒內要掛斷電話😁
刪除有冇試過遇著好小器的人?
刪除當我聽見個女人在電話筒傳來話sale保險時(又係已有保單佢據我資料再想做我生意)。
唔夠三秒,我答唔使喇。
(蝦,我從未遇過對方竟然反問我,妳都未聽就話唔使。)
我內心扯緊火,但沉住氣畀呢個女人繼續講。
等佢發完佢偉論後,
我:"我唔需要再買保險,就係想慳返妳啲時間sale第二個人,所以一早答妳唔使。而家妳講完,我仍然唔使買。"
(我係敍述形人,講嘢唔精簡😅)
有啲人,佢有你真實資料,小器起上嚟,係會用唔同方法整都別人冇覺好瞓,🐔🐕不寧的。
佢在暗我在明,佢知我姓名地址電話號碼身份証號碼,我對佢一無所知。
妳答咁多嘢當然會扯興人。我係話你喂完，佢講第一句妳馬上知可收線。
刪除我第一句係答佢"唔使喇"三個字咋喎。😄
刪除正常如果我做cold call,有人答"我"三個字定係即時cup線,有答好過冇答卦。
但不停打電話騷擾人,對方唔答cup線就係慳時間?你啱。
又,所以成篇重點係,我唔接聽陌生電話。哈哈哈。
我咁樣連續寫可能令你誤會。呢單個保險公司女人冇再打嚟,冇瀨嘢。
刪除