之前有沽走港股MPF,今日先可以再入貨。老公同我的戶口各由保守轉30%入港股基金。
現在最多聲音係巿場大戶散戶均非常短線操作。
瀰漫著悲觀情緒。
一些彈弓口講股人,前日一條片就說可能會u型或v反彈,昨天條片就說因為散戶搏反彈可能續沉底。基本上包括晒有機會發生的情況。發生邊樣咪放返估中嗰條片,好準呀😁。
我都明兵慌🐎亂,資金、人心竄動虛脇,自己的操作更要循"低"買方向堅持。
做出來的勢,到大家都相信時,就是破格的時候了。
2023年8月16日星期三
2023年8月9日星期三
2023年8月8日星期二
FA~FA~愛主人
有番咁上下的,記唔記得以前有句歌:
"肥佬發咗達"
我就係用呢個音唱住咁畀佢聽。有時下一句+啲聲效(自己扮)
有時就學佢創作的FA~FA~well well well.
聽吓佢呢幾日的鸚鵡舌。
有乜動靜有機會就要拍,早前同佢玩網球,有段時間佢好似隻狗咁,我一拎起個波,佢就跟住我。掟個波出去立時飛住追。
過咗幾日此情不再。
老公的配樂剪片,因為唔想人睇到我對腳行嚟行去😄得返幾秒。。。
下面條片音樂比較大聲,請自行調細音量。
2023年8月7日星期一
"Unwanted"beauty
小石人昨天出洞跟攝友影嘢。佢發現呢隻嘢之後,畀佢朋友影先。佢友影完後,到小石人影時,未影到全相又係"嘟"一聲飛走咗。
變成只影到一片翅膀。佢對翼嘅紋理似朵花。
佢話係隻烏蠅,我睇形似但唔肯定。
烏蠅係世界清道夫。就係佢哋處理腐爛嘅東西。
令人討厭但其實佢做緊一啲對大家有益的事。
2023年8月4日星期五
聯名保險箱
如果同老人家聯名租保險箱,若一方終老離開。要喺銀行知道此消息前,儘快取清箱內物件,若不然,銀行會封箱並要做輪手續才可取回箱內物品。
自我結婚後,原本我同亞媽合租的保險箱加多兩個姊的名,以方便她們二人也可到保險箱取物。
近日銀行來信,要這後加名的二人填寫更新客戶資料。我在注意到母飲食後續醫療安排和情況穩定後,Whattapps問大姊77可否說說有關保險箱事宜(因填回資料有期限),佢話會去銀行填表。我建議佢考慮將保險箱內亞媽的東西取出後,我詢問手續將個箱取消。
佢反建議話將個箱轉佢名,因為而家好難租到合適的箱。
我知難輪。亦告訴她如果可以轉名,當時就轉咗畀佢哋而唔係加名(只有攜匙取物權,非租箱人),銀行連交租箱款項的戶口都一定要係租箱本人。
好早前我媽暈到不得了,斷斷續續成廿幾年了,乜嘢都係我一人處理。當時趁佢精神好嗰排冇暈,將原本聯名戶口取消再在該總行開個我個人戶口等咗好多個鐘頭。
77唔記得咗租箱銀行地點係正常(加名時去咗一次又已經係幾年前的事),佢連我提過有關其中一方有事會封箱好似都唔記得,或者覺得而家唔使做,或到實際發生先處理。但以佢咁緊張的性格,到時重記唔記得?又或者冇時間又或者到時又未必方便提。
咁橫掂而家要重新填兩個後加名的人水蛇春咁長的資料,不如取消埋個箱係咪更妥當呢。
"我已經冇能力處理封箱後續跟進事宜。"
呢句一出,昨天傾,今天77清空了保險箱內東西。
今午佢通知我後,即時致電該銀行問取消手續,得知若果是開箱時單簽的就可攜嗰兩條鎖匙到銀行直接取消。如果開戶時是兩人簽的就要兩人親身辦理取消事宜。
成廿年前有多,咁耐我真係唔記得,不過以我平時行事手法,好大機會係單簽。
2023年8月2日星期三
食道收窄者救星~生機飲食
因為佢嘅whatapps嘈醒咗我老公。第二朝請假等賣優質攪拌機的綠野林午間12點開舖問有冇貨。結果該舖要預訂後7日才有貨。醒目的小石人記得旺角實惠見過。預時間問咗患者出院資訊。我哋去咗旺角買呢部機再送去。
兩公婆用盡近期消費券再加仟零蚊,立時買咗呢個優質攪拌機給被診斷食道癌的母親。
第二日小石人在家附近街市買蕉菠蘿沙律菜牛油果薑(羽衣甘藍佢哋有人買咗),再去教佢哋用同打果菜露畀佢哋試飲。個個都讚好飲軟綿順滑。攪拌機易清洗。It washes itself,沖洗後再放水入去開機就可清洗乾淨。
恩怨情仇,我去唔到原生家庭。
就由老公代勞。佢亞媽有事時我協助,現在我亞媽有事老公又協助返。
種下的因 收什麼果。
又有心理準備,用完一次就唔用。要明白生機飲食的理念,才有機會貫徹始終。加之生理上究竟能否再吃東西也會出現買咗之後擱置的情況。