家庭版梅子蒸蟹
週日,小石人友人大隻佬本來想約佢去微距攝,老公竟然唔去話留喺屋企休息。
週六那天,佢中午短訊告訴我有個同事工作期間有中暑跡象,好彩後來歇下冇事。我即刻讚佢,事關日前佢有帶腰間風扇返工,戶外烈日當空地工作,又用唔到室內的大風扇,所以備有掛腰間風扇、補水同耐唔耐到陰涼地方避暑好重要。
講返週日,日前睇網友魔兄同佢靚靚姐姐及家人海鮮晚膳網誌,見到味梅子蒸蟹,古氏就垂涎欲滴。講咗畀另一半知道後佢立刻行動,早上買早餐時去佢相熟魚檔留咗3隻紅蟹晏啲攞。
我預先搜尋下點樣整呢味令人望而生津的美食,最早出現在瀏覽名單的好自然係鼎爺的食譜又有youtube睇。
因為懶開砧板同刀,只用石製杵盅整爛啲蒜頭,老公滿意味餸,建議下次整多啲汁同再刴細啲蒜頭,我駁咗兩次咀話啲蒜頭大啲,食唔到就可夾開😄。呢味佢買佢洗,我調醬及蒸。全靠有youtube,發覺我用呢個方法學嘢比較上心易記。
週一,佢話想休多一日息~好呀。
人應該適時唔上班攤抖吓。
又話想食蒸烏頭,事關佢曾在一同事家食過舖滿麵豉醬的煮法。
因為前一晚食剩晒啲蟹蚶,雪凍咗成凍蟹,咁又係用自溝梅子汁,咁我建議是次清蒸烏頭好嗎?佢初先都係想用本來想的食法。
天意,我洗烏頭時發現隨袋有一舊東西。
送咸檸檬?
於是又係用同一方法整咸檸檬醬嚟蒸條烏頭,徇食者要求將蒜頭刴碎就成咗以下呢個模樣。。。
我影極都影得唔好,又要小石人出🐎。
凍食~特別鮮甜。
淥定個麵嚟撈食。
多謝魔兄。
流哂口水
回覆刪除兩款都係第一次試呢種食味,夏日醒胃妙品。
刪除哈哈，謝謝捧場。你參考個 youtube 值$168（加工費）XD
回覆刪除$168虛擬入賬,以前有收銀機聲,有聲有畫😁。
刪除半島級數,舊肉煮完resting唔夠,就有咁嘅情況,厨師失手。