老公生日·添美好回憶

 各位早晨啊😊

前日問佢生日想食咩,佢話由我決定。昨日午間通訊告訴佢食泰菜。

佢放工後在港鐵站匯合時,甫出閘口,見到面時佢笑得好開心。

一問之下,原來佢就係想食呢間。

我答:"上次諗唔到晚餐食乜時,你有提過,因為嗰日我有啲攰同天氣比較凍所以冇出洞。但我有記得你講過的事情。"(咁樣咪+晒分,哈哈哈)

是日嘅生牛河保持到水準,美味呀。

豬肉串燒,佢一食就話好食。

之後其實我已7至8成飽(因為預咗重要食梳乎厘~算生日蛋糕),佢未夠,所以叫多味雞串燒,好香。一食落口我話過咗火(武斷),睇真啲已經係用雞肶肉,食到雞串中斷,肉呈少少粉紅色,碟的肉汁都係粉粉哋色,火候係佢可以做的最好程度。

今次坐唔到平時張枱,舖內接近滿座。

坐呢張最埋面枱重好呀,一來我係自攜生日燭(足)唱歌時又唔使騷擾到其他食客,而且影相背景係紅底襯得幾Grand。

當我攞生日蠟燭出嚟時

小石人竟然話唔使啦,室內唔可以點火。

(好彩我品性好,冇燥狂地咁唔使攪啦。。。)

喂,點一支燭啫,唔會即刻射水熄火拉人卦。😁

其實啲女侍應見到都有笑,幾歡樂丫。

況且

我事前帶定兩支蠟燭以防失拖。

搵唔到佢平時用開點寧神香嗰個較輕便橙色火機,只見龍船咁大的黑色直立火機,

摷返我以前儲的火柴盒,重要試吓火柴work唔work。

大佬,你話唔使?

好多時拒絕一次別人的心意就唔會有下次架喇。

又到聖誕臨近,影低商場佈置同地標名稱,想記返是日做咗乜去咗邊就係有效記載。

假期前夕

 本來之前想講吓啲追風逐浪有乜事係要負上責任,唔好以為我命由我不由別人管。

擱置咗篇嘢又不如說說趁假期前,我問佢去唔去食泰嘢坐沙灘影星星。

立時又生猛晒嘅小石人,返工前一早就執好晒啲相機同腳架帶埋返工。放工後直接相約撐枱腳。

幾開心嘅,間餐廳的員工,有兩位一見我哋踏上舖前樓梯,男的後生仔已老遠跑向來迎接,健談女侍應一早已在近門口有利位置打點著。

又安排一列寬敞舒適的長枱給我們。

原來那位少年侍應皮膚黑黑係由澳門過江來的,懂萄語英文西班牙語。

(我覺得西班牙話音調好性感的,雖然唔知噏乜😁)

主要係因為我讚佢廣東話好咗好多,佢就話畀我知以上事。

長者係要友善 笑笑口,人們較喜歡親近。

是日咖喱大頭蝦煮耐咗,汁仍然保持到水準。魚餅偏咸。

好多嘢係分分秒秒都變緊。遇著合意稱心的人和事 時刻 就好好珍惜 記著,給自己更多幸福回憶儲備再老啲時用啊。

有4個預留咗枱的客人進來,少年招呼佢哋坐近門口那四人枱。客人唔多滿意嗰個位,佢哋可以揀另一張角頭較狹窄的位置。

呢位健談女侍應一出馬:

"我已經預留定兩張枱畀你哋揀,因明天是假期所以今晚比較多人。"

該些客人又咪係乖乖坐返門口嗰張。

把口幾犀利,講嘅嘢令人覺得很被重視而且有選擇。

我見狀著小石人飲埋幾啖咸檸七,盡快交返張枱畀佢哋,兩個人佔六個位。。。😮😋

今次步行去沙灘條路好似好快好近,事關上次沿途影相至有時間上感覺差異。

踏沙涉水躺沙沙。

灘上聊聊十幾人。

薄雲閉月,月出光亮蓋繁星。

影唔到目標stars。

回家,老公攰到不得了。

美好的晚上。

咦,我對鞋呢?

 13年前曾寫過"再見海星"。

也有在內心掙扎一二去沙灘嗎?

今午小石人說瞬眼就在家過了半天。(以前未認識我前,夏天佢會在放假日去沙灘"晒咸魚<太陽>"~佢自己提過的)

雙方做好家務後,佢原來諗住外出吃東西跟住改變主意想買外賣回家品嚐。我又提出去上次間泰菜店睇吓有冇喇沙同食蠔餅,然後去沙灘接地氣(赤足散步浸海水)唔知睇唔睇到星星呢?不過週日可能會多人。

佢:"今日萬里無☁,會觀到星的。"

上次的健談女侍應遠處聽到我問落單嘅人重有冇喇沙(此物只在下午供應)轉頭健談跟我說:"下午5點前先有架,唔記得我講過。"

我連忙道歉。

鐵板上的蠔餅,嚟到已好有睇頭,滾著卜碌卜碌的氣泡令人食慾大增。臨到尾都保持到熱度。

吾 揀啱時辰,據女侍應講夜市已全場訂滿座。我哋食完頭啖湯,兩位女侍應送我們步出食嚐。健談女侍應著小石人拖著我攬緊我。😄😆

漫步往沙灘時沿路影影攝攝,小石人又話那位女待應好似非常羡慕我。

我答:"當然,上次佢已自嘲是老孤婆。人到咗咁上下年紀,大部份人都想有個伴,尤其係女人。"

當然是除鞋行沙同埋涉水,放低咗兩對鞋在人們堆的小沙丘上,sefie完再揾有利位置舖好塊布躺著看星星。

舖好布後,我才發覺忘記在放鞋地點取回。。。。。。

前嫌冰釋後·蝦蝦

⬆呢幅係今晚喺上次嗰間泰菜叫的晚餐之一。
 

前天快餐店晚飯,發現咗小石人一樣嘢,問咗佢兩句,登時我速速飲用完冬瓜盅吃過啫喱飲埋凍檸檬茶,用事先帶去的盒子包好我的食物同佢講聲我走先(帶著不快怒容)。

回家蓋被冇眼睇。佢沖咗咖啡畀我都熄燈唔飲。

昨黃昏前未收太陽,餵咗亞FA~整好晒🐦兒啲嘢趁佢未放工回家又外出走先。

好似亞甘正傳咁係咁行係咁行。汗水流著😞。回到家佢問我食唔食乜食唔食物都一概唔要。

自己睇咗齣D+戲紀念日。唐寧嗰部份真係做得好出色。觀者都哭了。

熄燈後。同小石人講完一輪我嘅疑問同表達想法,我抒發咗情緒。佢又講咗佢嘅原因。

最後我靜坐觀想前告訴他~祝福佢是次冥想迴向給他。。。。

上次午餐試唔到咁多。

冬蔭功湯~好飲。

女侍應好健談,服務態度又非常好,臥虎藏龍兼豪氣~有好多經歷亦曾賺好多錢。

晚間呢度好有氣氛。平日晚上靜而且免加一。

魚餅上次試過好味,重點。

落單時可能比較多嘢問同解說事關個咖喱大蝦份量好大,要考慮食唔食得到雖然我有自備一個食物盒。最終嚟咗碟蝦餅,位女侍應立時說可能佢攪錯,並即時取走,然後過一陣就嚟咗呢碟。

今日大家都攰,不過拖住手漫步好開心。

是日郊遊

今日啲雲壯觀到不得了。

全景攝,水光閃爍。

有蝦架重幾大隻。

飛天🐯?

魚排

睇youtube搵食...小石人話鍾意呢間嘅魚餅。

喇沙,除肉較熟,食味不俗。

攰,工作夠人手當日。。。休息。

即興往外走走逛逛。

火舌

 延續上一篇的,昨晚約佢食晚飯。

上次間美味泰菜,叫嘅嘢近乎一樣,係改咗食湯河代替意粉。牛肉夠腍滑粉份量不多。

呢幾日佢放工後都好攰。

食嘢時大家有講有笑。佢又八到曾經殺咗人的舊同事似乎又有新戀情。我就說說由youtube睇到的得意人性嘢,同埋一啲虛構故事傳到變真實發生嘅事咁。人世都係虛虛幻幻未必係我哋以為認知般真確。

佢提議用膳完再去附近商場睇鑊,上次佢搜料後睇啱一隻,本來我請佢揸主意買。後來佢喺食嚐附近連鎖店睇實物我記起可以用商場app取積分就請佢等我到埗先買又有誠意地再下載連鎖店的app,去到發現:

嗰隻鑊對我嚟講千斤咁重,未計加上食材都是雙手勉強攞得起(質料好),洗同擺好的工序都要經常提起。

佢已經同個售貨員傾埋有折平啲,然而我用唔到就要出聲。約千陸蚊。

今次睇啱呢隻石製,可以用百潔布清洗(超鍾意呢樣),5年保養,比上次睇嗰隻價錢平一半有多,接近八佰。兩個鑊都有玻璃蓋。最重要係我攞得起先會常用。

找數時,櫃位職員協助登記,原來連鎖店個app綁定去商場app要用開的密碼!!!我眼睛40度斜角望。店員話去商場客戶部睇吓幫唔幫到。離開櫃位,我諗咗頃刻,竟然記得。哈哈哈😆。重有十蚊迎新優惠添。

找完數,回到買鑊櫃位又登記個孖人牌積分。

呢啲不同登記簡直係氾濫。。。要用嗰時又係擘大個口。

咁成篇同🔥舌有乜關係呀?

今次唔係九唔搭八的。。。。

事關用開隻鑊,煎炒食物時鑊邊搶火(非常有鑊氣),最後嗰次係燒呈火舌狀上到抽油煙機,好彩我哋架機冇積油煙,如果唔係就會火勢蔓延。

我哋兩公婆望實🔥靜觀其變又唔係驚。

完事後,我淡然說隻鑊一定要即時掉。佢就話我哋有防火毯,但用咗四圍會好多煙而且食物唔要得。

香港仔水塘二進一

 今朝7月6日週日~老公沖畀我的玉桂奶啡,水準正過出面幾拾的。

前日,7月4日星期五

起床同小石人講:"今日去燒嘢食。"

佢愕然答:"冇心理準備。"

我:"你今日冇約別人又冇其他地方去。"

佢~開始預備工作😋😁

呢款係第一次用嚟燒烤小石人起骨我醃的鮮雞肶。落咗洋蔥粉有特別香氣。

⬆有蝽。

佢問我點解咁突然要燒嘢食。

我:"畀啲即興嘢去辦,腦筋保持靈活。上次去香港仔水塘,你哋去咗影昆蟲微距,我喺燒烤場獨自等咗幾個鐘。

有對日本中年男女在該處燒烤,與其當時想問人廿蚊賣舊食物畀我(妙想),不如自己預備嘢去燒。"

當日,小石人話可以去個亭坐吓。。。我:"唔喇"

查實大家都知9×9嘅嘢都係小石人預備。😆

清涼新鮮椰青水入保凍瓶

多春魚

街市醃定雞中翼(當然自己醃好味好好多,攪即興嘢就唔好咁揀擇了,雞翼要多啲時間醃先入味呢。)

腸各人一

臨走前拍吓啲背囊同袋,有隻跳蛛成日想偷渡去我屋企。今次又有一隻。

6月23日週一佢哋影昆蟲微距嗰日。

喺呢個亭逗留咗好耐,遠處日婦就係不停燒烤。相中佢咪停咗囉😸

豐收照如下:

啦啦

大嘴

角力

十拿九

鬍子

呆

斯文

以下我看見的世界:

有野🐷突然由樹叢衝出嚟同我目交投,我輕輕拿起物件小心遠離。先影佢的。

好驚驚。

好多蝶戀住棵植物。

偷渡客,兩次都係呢種蛛。

查定近該港鐵站商場有乜好嘢食。

二人枱就係咁窄,常態。

一入去呢間食嚐就安排我哋坐門口嗰張二人枱。

若食得咁唔舒服就罷了。

我堅持要坐入面。

轉頭因為有7至8人入坐,佢調走我哋,去 呢 張 枱

嘩哈哈,餐後結賬當然醒廿蚊貼士,雖然我哋多數唔會再幫襯。

慢煮豬肋骨,咖喱醬濃郁,肉腍,係好食的。