連購三日

 好少極少連續3日都七街。

24日(六)

雀仔街買瓜子畀Lady Fa Fa。見到隻折衷公,個主人養得佢好靚仔,而且有啲主人帶鸚出街,咦,有幫隻🐦攬C袋喎,咪唔使放隻嘢上膊,然後整到成個背件Tee,都係。。。

平時小石人買外賣回家一齊食,一起行去買食物途中,我話多謝佢成日四處張羅買嘢食,我覺得感動。

橫豎等待期間,我問佢有冇去過對面嗰間古蹟建築。

係冇嘅。

咁我話過去參觀吓。原來淨係畀入地下。二樓同三樓要約導賞人員組齊四個人以上先可到訪。

印象中之前係畀搭(車立)上去的,去過?但最後都唔太肯定,我個人腦係信唔過的,,,,

本來想幫襯飲杯涼茶,發現種種都唔適合胃氣漲嘅人飲用。

攞完外賣食物,小石人發現附近有間舊舖仔,可能有我搵咗好多間店舖要買的物品。

有幾個女仔喺舖門口,個亞婆店主同佢哋講兩句,幾個女仔猶豫又冇乜興趣再買。

我入到狹小的舖內,講明我想買的東西嘅要求。

佢:"唔需要,唔需要。唔講嘞。"

(佢意思係我嘅要求係唔需要的,佢手上sale畀我的貨品最適合。)

其實我已經去過大大話話3至4間問過揾過都冇合條件的。

我見到有我想買的貨品,問佢有冇我size,佢又講一輪佢嘅偉論。

我:"咁有冇我size?"

佢:"冇"

走得。

我冇唔高興,敍述返過程畀老公聽,老公話畀佢就會答:"而家妳著定我著?"

每次諗起個亞婆店主嘅反應同對答就覺得好好笑。

25日(日)

去咗一間商場買另一款貨品兼食埋晚餐。

去過兩次呢間食肆。

叫返"肉桂"咖啡,店員話佢哋冇呢款咖啡。

Oh no

睇勻個餐牌,究竟我上兩次飲同款的咖啡是什麼呢?

會唔會係玫瑰咖啡有落肉桂呢?

小石人就直情問我,我哋係咪唔係嚟呢間呀?

😄

肯定係呢間啦。

一次同小石人嚟,一次跟我中學時舊同學嚟,今次同第二次重係坐同一張枱添。

26日(今日)

小石人:"叫嘢食。"

我:"乜唔係去屯門飲茶咩?"

去到屯門,叫咗呢個餐:

美味非常

鮑魚鵝掌冇影。掛住食。

今日似生日😋😋

女待應同傳菜的女士們大多都很有禮貌。

"本來小石人話自己未嚟過呢間酒家,見到酒家門口又話好似同殺咗人嗰個舊同事,嗰個人由覊留室放返出嚟後一班人喺呢度食過晚飯。

兩個都好似夢中人咁記憶迷走。"

今天重外賣一隻糉或者明天食。

跟住去以前買嗰件物品嘅舖仔附近,連續問成4至5間都冇。

最後搵到呢間舖個中年女店主,有喎,但佢又淨係sale佢手上嗰件唔啱我size的畀我。。。。

真係唔知點解。

後來同佢傾多兩句,又摷到幾叠貨係有唔同size咕喎!

行成56789十間舖,得一個女人笑笑口咁答我冇,而家呢位算有禮貌。

路在口邊,呢區嘅街坊們都樂意又準確地講到地點方向畀我哋知,超讚。

是日晚餐食埋啲打包食物及餃子,一路睇D+

教宗選戰·贖夢

前晚家中中庭發現,小石人用電筒照完就話要留嚟影相。影後放生。

(睇戲車程中佢send畀大隻佬睇,對面重以為小石人去咗影微攝。兩人約咗明天出洞影小生物。)

昨天(週日)早上問佢去唔去睇教宗選戰。

佢:"冇興趣"

頃刻,佢:"我可以陪老婆去睇。"

冇興趣可以唔去,好自由。上次問佢去唔去睇贖夢,佢唔想去我咪自己去。其實呢兩齣我都知佢唔會有興趣睇。

贖夢

主要睇之前瀏覽youtube,張家輝話呢次佢一定要拍自己想拍的東西,所以好多嘢喺呢齣戲特別堅持。可能之前幾部執導作品都要融入巿場元素,有票房先有機會繼續。

畫面感好重,極盡感官刺激功能。佢想營造做夢時那種天🐎行空飄渺氣氛好成功。陳法拉演出實在令人讚嘆。

網上有人話嫌佢冇注入心理學大師榮格等的理論深入闡釋覺得唔夠深度。"大佬"佢都要顧及入場人士嘅喜好,加得太深我又唔明又冇咗趣味性,一齣戲嘅時間可唔可以咁貪心?做效果燒錢超晒預算連主題曲都自己唱返。

人人都可以"評論",試圖理解人哋拍嘢背後嘅一些內情,可能難過見到好勁嘅外表發現就話呢樣唔夠好嗰樣失望。始終佢哋拍youtube都係評論人哋辛苦做出嚟嘅嘢,最重要有流量有人睇夠爆夠高深夠有見地。

今次張家輝用戲內角色身份在現實生活中做宣傳,真係好有諗頭。

教宗選戰

呢齣想睇咗好耐,幾個月前上畫時在youtube視頻只要有電影亞舒生講過。本來即時唔睇影評住,諗住睇咗戲先觀看。當時冇動力去到咁遠睇事關當時我覺得呢齣值得去IFC級數影院嘆。最後無事(冇去)。
 

前週六又在手機碌吓呢齣戲資料,喂,原來有場18號週日5點幾圓方上影,最正係得十幾個人買咗飛。咁嘅環境,嗰啲聽電話及傾偈嘅觀眾怕且唔會同場出現喇卦。

不過我都冇網上訂位,都係去到有就有,冇就行吓當一個活動。

因為老公都一齊去,又增添咗好多動力。

早到咗好多。

買飛時突然(目立)到長者優惠。個售票員話,自助買票成人有九折。個腦load緊之際。我問老公:"你唔想要個九折優惠?"

Loading中。。。。。。。

最終,超讚呢間影院售票處安排。

個售票員放咗個牌喺案頭。出咗嚟喺佢櫃位隔離個自動售票機幫我哋撳撳撳。我連放信用咭嘟位都搵唔到😁。

如果我網上購票,分分鐘就畀正價$220,而家$169。

係咪要耐唔耐出吓街適應吓個世界。其實之前兩次網上購票後,到戲院取票機攞飛又係要攪一輪,因為好耐先做一次,未成為長久記憶,比較🐷鈍。

之後好多時間,行吓有乜想食的食肆或者睇完戲後睇情況決定喺唔喺嗰度食埋晚餐。長車程來回出唔到街太耐,以至未必喺街食。而家喺屋企食嘢舒服好多好多。

前嗰排睇咗一些坐墊想買畀老公,未執行去實體店試吓先,試到適合才買。

點知:入完Osim後想買普通墊事宜一切就改寫。答應售貨員當我哋睇完戲回頭買貨。

因為電影就開場,入場前佢重話要買嘢食。(經常本來大把時間就變成臨尾急趕)

剛坐下唔夠幾秒就入正場。

冇興趣宗教話題的,可以以權鬥爭上位題材嚟看待。

因為講教庭,取景古雅宏偉;色彩配襯耀目亮麗;配樂令文戲增添緊湊節奏。

我的疑竇是究竟男主角是處心積累登寶座,定係做做吓選新教宗統籌人在過程中勾起爭奪嘅野心呢。

完成買按摩產品後,戲院內吃的東西重未落格。

回家途中買外賣回家,我睇多一次只要有電影相關影評。因為睇完齣戲,老公都變得有興趣食住晚餐睇視頻。佢欣賞舒生做影評嘅認真,介紹導演及演員們過往經歷及作品,資料搜集充足。鏡頭運用嘅解說。

尾部十分鐘扭橋,舒生覺得又係左膠DEI文化令齣戲功虧一簣。

呢一點喺呢部份我就唔認同,齣戲有呢樣特別情節作結尾先有話題同爭議性,令觀眾印象更深刻。

恐報兒

D+ Dr Who其中一集有呢個生鏽機械人出現,呢齣氣氛營造得幾緊張刺激。其他集數內容冇乜特別。人物外貌已經係騎呢唔討好,後來重硬生生地將男主角分裂個黑人出嚟<天蠶變?>我哋之後冇再睇。

DEI文化令啲劇同片都攪到好突兀。

之前有一篇帖文,我話自己有一件事令我耐唔耐就泛起唔舒服感覺。

係有個前親戚個仔,都成三十幾,有而家唔休冇工作就業的工種學歷同相關經驗。突然爆出原來過去幾年已經向佢老母不斷借錢。條數。。。成3球有多都攪唔掂。之後老母唔借(似乎係咁講,情緒勒索吓可能又就範),呢個人竟然向個90幾歲嘅亞婆一開口就係要借1佰個,老人家冇咁多,佢借盡晒40多萬嘅棺材本。而家亞婆死咗,得米佢唔使還。佢用咗好多人一生都儲唔到嘅數目。其他啲紙筆數重未計。

成件事令人想起就好不安。

可能埋到手就會同佢其他嘅屋企人傾多兩句,冇機會借到錢就失聯啋都嫌嘥時間。

大話連篇不在話下,今時今日都未知佢真正揩咗乜嘢鑊,成咗乜嘢癮。

生著呢啲仔真係大災難。

上圖個生鏽機械人,喺主角們時空遊歷時誤上的一艘太空船上,喺條超長通道老遠見到呢件鏽物,初先以為佢壞咗唔郁。

後來方知,已死去嘅太空船艦長(外星人)因知道自己被另些生物複製中,如果佢哋成功,不單強奪太空船,而且一脫離虛空就對宇宙造成毀滅性傷害。已故船長巧妙地將時間慢化延長,企圖在被完全複製前,個機械人慢慢行去撳個自爆太空船掣而殺死該些可惡生物。。。都諗得好複雜。

即係冚包散嘅情況原來正悄悄進行中。。。。

梗有一個財困者在左近。

前兩日小石人接到通電話,係鄰居揸夜更的士估佢都可能接近70歲嘅亞伯。話自己欠債30至40個,有人上門追數,問小石人個門cam影唔影到?

(但佢哋自己咪已在門外裝咗個cam囉,唔通係裝假🐕)

佢又同小石人講呢筆係賭債。

又,小石人工作的對上間公司係父傳子業,3兄弟後來拆夥。其中兩兄弟有合作一輪,卻關係唔多好。個大哥我見過,同枱食飯時當時態度非常氣焰擺晒老細款。但當時係朋友聯誼的一餐。

前嗰排,小石人話呢個公司(老闆?)大哥,佢個仔畀人呃去做酒吧生意失敗,著草出咗國,而呢個父親已賣埋自己啲公司股份。(我當故事咁聽)

 呢啲紙,考驗到人性真實面。

古某一直切實奉行自己責任自己負,唔好累人。。。。亦深深體驗到唔再踩入他人課題,佢哋要處理返自己攪出嚟嘅嘢。

出手

 

小事糊塗。

有些事果斷爽手完成。

今朝8:55同8:57分別在兩個富途戶口認購這新股。

之前在A股戶口想買,然而該股只供機構投資者買賣。

好少抽新股,今次就試吓。

電器篇

 劇情講到之前壞咗雪櫃。

慳家嘅老婆用燜燒煲保存咗一啲食物,第二日食咗韮菜餃重要一人啃十粒湯丸>>>小石人話食到最尾嗰粒心想有排都唔食湯丸。

(有新雪櫃轉頭咪又買😋)

嘥咗幾盒雲吞,蠢咗,唔醒起還在良好狀態時送畀鄰居。

本來有家舖,可比實體舖平啲購買同款雪櫃。

去商場睇實物時,個女職員好幫得手,有禮貌又解釋得清楚,咁就幫襯該實體店。

該店又有折更講一個保養計劃,條數又係令古姐45度側頭內心擘大個口。小石人今次好決斷咁話加錢加plan。

然後望住我>>>我話:"決定得好。"

哈哈哈哈哈哈。

我問:"而家壞咗嗰部雪櫃用咗幾耐。"

小石人答:"20幾年。咁妳又話決定得好?"

我:"記起個蒸焗爐買咗幾日就壞,所以參加延長的保養計劃係啱嘅。"

小石人又向我解說:"呢個雪櫃電子嘢多,有幾com呢就好難講嘞。"

跟住又有驚喜。

呢個商場為咗吸引多啲顧客消費,又攪咗啲積分計劃。

於是去顧客服務台做鴨s登記。

過幾日,我哋再去該商場食嚐幫襯用咗啲積分。

問揸住煲茶個男侍應:"咩呀。"

我本來想等佢放低茶煲先問,但佢見到我電話的鴨s面,唔知乜嘢積分。其他女侍應又圍住睇都唔知咩新攪法。

跟住叫咗門口知客(大家姐款)嚟,一睇就話有呀,妳去櫃位埋單時嗰個職員就知。

我笑說:"就係侍應唔知。"

知客又禮貌地回報笑容。

燉湯冇影,見到係粟米紅蘿蔔就覺得蝕。因為佢話西洋菜同蟲草花兩樣揀,咁梗係要蟲草花點知其他配料咁普通。

外賣裹蒸糉回家第二日午餐用。

找數時,我攞個電話打開鴨s嗰個男人好純熟的完成結賬。

回到我哋坐的卡位畀小石人睇,佢即時發現問題:"點解重要全數4佰幾,唔係扣積分咩。

一日懵幾勻的我,又往收銀處告訴該男子。

男子:"妳冇話扣積分。"

我:"係呀,我冇講,勞煩你要做多啲工作添。"

男子:"唔緊要。"

佢又好快攪返掂。

再唔該佢一次。

出去食嘢開心愉快,我通常對路人同卡乘客侍應們笑笑口。

同場加映~小石人將個滿晒油漬嘅焗爐拆散晒,洗乾淨再嵌返,勁!