期權話搬倉26/08/21再更新

呢件工具幾好用,攝氏60度以下保持食物酵素。

上次講完$187.6入9988例注唔短炒,升到19x履行自己的說話唔沽就倒輸幾仟蚊。巿場瞬息萬變。

今次跌巿的期權體驗係個巿況咁波動向下續沉底,自己又喜歡追逐殘股,有錢賺就要收割,我發覺得遲。本月到期SP700$420同SP9988$172.5重諗住月尾接貨都唔緊要就換來教訓。

咁我做咗啲乜。。。

19/08/2021

做咗6項平倉,以免個股下跌引發大幅提高保證金雖則我有足夠現金全部接貨。我要趁仍有利潤止賺確保多啲水位補償已入價太深的1044(今月)同9988(10月)。

1 27 700 883 914 939 

加埋8月頭平倉的一項700,合共+$4028

期權規劃Ω更新四

20/08/2021

兩項搬倉

本月到期386 $3.7

($0.27平倉虧損 -$3255) 

                9988 $172.5

($15.97平倉虧損 -$5846)

新做22年6月SP

3. 386 $3.3 -10張 $0.35 $7000

4. 9988 $155 -1張 $22.8 $11400 

唔知做得啱唔啱。專注地拆局之後個人比較攰卻感覺很好。

25/08/2021

好感謝米兄摩打手咁快今日寫咗兩篇有關Bull Put Spread同埋期權SP搬倉與IV的想法給我參考。

是日早上同下午,吼住個巿尋寶,故第二篇係收巿後才閱覽,跟手搵咗一篇(Option Spread Strategies)同有關youtube視頻嚟睇。

3分鐘快速搞懂選擇權價差交易

今日操作:

短倉$49.35沽出早前27/07$49.2買入的941,只是趁除淨收息,風高浪急,食咗先講。

期權

Ω9988 $155 -1張 $18.87 平倉。  +$1905

新做22年6月SP

5. 9988 $147.5 -1張 $16.14 $8070

26/08/2021

期權

Ω1044 $46 -4張 $3.2 平倉。

-$4550

新做22年6月SP

6. 1044 $40 -4張 $3.45 $6900

 

 

繼續啟動好心情

 18/08小石人特意放假同我一齊去游水。呢個泳灘佢第一次去。當天水質如圖清徹、沙幼、水中不時有大石。佢徒潛窺石底發現小魚群、蟹、火點。呢幅落咗鏡航拍的美景如翡翠水色,內灘外海雙映成趣。

該處以井水速細慢流分男女兩處沖身(有啲泳灘男女混合沖身處,有啲麻甩日沖夜沖瞥看女泳客)。每區只有3至4個龍頭,女方更有一個壞了待修。因為限制於回程船期,下午3時許開始多人輪侯。看見一個十來歲女孩獨自佔用了沖身位置良久,我猜測她是受"其母"差遣霸佔待母稍後到來即時可用。排在我後面的是外觀見不平則會鳴的40幾歲女子。到我在那女孩旁沖身時,以前的我是會想開口對女孩說後面有很多人輪侯。現在我不會,對事件沒有幫助。最佳方法是自己速速用完設施讓下一位輪侯者可用。老公在遠處問我要不要梘液和洗頭水。我答:"不用了,我要快啲沖完等後面啲人可以用。"

我比其他兩個比我早使用者更快交位。果然,前述那位女子(亞姐)到位,見發號施令給女孩的中年女人從女厠步出到沖身區,亞姐出馬訓斥:"個細路女玩咗好耐水"

中年女子答自己只是剛剛到來沖身。(通常就係吵架,佢講呢句無意思嘅對答都係一個方法)

事後我在想,帶著女兒有沒有更好的方法在不阻礙輪侯者又可如厠後盡快用到沖身處。

指示清楚,著自己女兒沖身後,再一次輪侯,到第一個位時如果媽媽未出現就守著頭位讓其他人先用。(會不會太複雜呢😆)

我哋預5點回程,所以早啲梳洗好可以有時間畀老公玩航拍。不過,因為風起雲湧大雨將到,佢飛咗兩轉就走lu。我哋整嘢食、帶嘢齊全就係唔帶傘。又留返啲精力回家用晚餐後做善後收拾。

今次行程好開心又順暢。

呢幅我影嘅

生死之間·邊個等錢使啲

最近用鮮奶盒發芽菜,效果好好。

方便而且培植環境啱晒芽菜唔見得光的特性,成品用嚟配麵食~美味。

呢幾日心情MACD從中軸慢慢攀升。雖然繞著腦海的不乏對某些人來說屬沉重課題。你/妳仍可在此抽身不往下看。

對於已經嗰頭近的親人,願意付出幾多金錢去四出尋找治病方法,甚或療養費又點睇點使呢?

個案一,曾經聽過一個中年女兒,用咗二佰幾萬(唔係而家的200個),讓垂死父親入住可供一名親人無間貼身陪伴的私家病房直至與塵世說拜拜。

此中女之母事後講返,係覺得花咗咁大筆錢。估計其母心中不是味兒,而且佢丈夫係指定要佢個女在院照顧。(入住咗好短時間已經呢個數,如果病者再長命啲真係唔知點埋單)

個案二,上年發現妻子腰骨痛到提唔起腳入浴缸沖涼,去睇公立排好耐,用?萬蚊去私家醫院照正電子掃描。西醫就發現佢老婆患咗血瘤癌,開唔到刀。咁事主又怪自己冇及早發現其妻有病(時有說腰痛)。西醫話佢老婆得返幾個月命(而家病人重生存緊)。病者有做化電療。而事主就用盡幾十萬積蓄,去買幾千銀一劑,先得比尾指甲更少的份量嘅豪豬棗畀老婆食(一日兩劑),又中醫兼打蘆筍汁(據說佢妹夫飲此物治好癌症,佢妹連個優質攪拌機都借埋畀佢),後來佢好快就還返部機畀佢個妹(明明有親戚試過係得都唔繼續堅持)。

跟住佢老婆過咗大半年仍在生,精神亦好轉了。以下就係我諗唔明之處:佢哋已共同決定讓患者唔再接受第二次化電療,但就竟然去再做正電子掃描~輻射量等於100次X光照射的驗身(話睇吓入面情況喎);去睇報告結果就係癌細胞多咗。去覆診醫生話病人隨時係咁先,唔化電療冇嘢可做。

65歲人平時有少少積蓄,隨時就可以話唔返工。而家因家中改變,工作時脾氣暴燥、心情唔好都要返。

訴說太太情況時眼有淚光。

佢個女已在楓葉國定居,話到得佢一個時可移民同住;佢另一個妹單身,已移民英國定居,暫住民宿,亦邀請佢一齊到外國生活。佢又一一否定,話唔想陀累第二啲人。

又唔鍾意香港現在情況,藍店一定唔光顧,經常憤世嫉俗好似全世界欠咗佢的模樣,咁生活法好痛苦。

佢同事指出既然喺呢度咁辛苦,試吓跟個妹去外國考慮吓去第二度生活。咁佢呢次肯聽吓人講,立時致電佢妹問續期護照資料。又話一去咗唔會返嚟。。"65歲唔識英文,係唔係可以過去了解吓自己適唔適合先呢!唔通立時退埋公屋就斷晒後路。(英國要求擬移民人士要先買五年保險才可過去呀。)

個案三,63歲退休女單身人士,與9x歲不良於行的母同住,有請工人,退休後立時租咗個單位開咗自己工作室,作品有人買架,但佢經常唔捨得賣。曾裝修供滿自住二樓村屋,裝修完佢啲感情好好的妹妹s就話點解只局部裝修,要夾錢出聲嘛。近期村屋喉管有滲漏,事主好擔心,於是又擬全屋大裝修。提早退休到而家已經大概八年,合指一算冇乜收入又將所有供養母親的支出樣樣自願樂意地攬晒上身,未計水電石油氣差餉交通食用等雜費,8年請工人同租工作室+局部裝修估計用咗佰七萬卦、種牙用咗約廿萬。近期佢本人試過腳凍同痺行唔到嗰一層樓梯,經過做物理治療運動同搖機~好返。

諗緊逆按揭然而又想將層樓留畀佢好愛錫的姨甥們。佢啲妹都已表示唔使。

佢朋友話,在考慮大裝修前(可能又要花七至八拾萬?),會唔會慎重諗清楚係咪繼續住呢度?(潛意思係佢都有返咁上下年紀,又試過上唔到樓梯)。

佢根本一心諗住等佢媽百年歸老先賣呢度買間細啲的。又話呢度住得好舒服。

佢友話,唔好以為而家樓巿高價就一定可以賣到,可能有價冇巿,佢答到時跌價由佢。佢又答裝修咗價錢好賣啲。友續,但佢間屋係改裝咗方便輪椅人士如厠沐浴,就算佢重新裝修買家未必合用。又云唔想佢媽轉去第二度住,每個家庭都有佢難處。友再講,咁佢裝修時都要有地方安置母親居所,佢答,佢哋會一齊住酒店。

佢有買匯豐同港交所,已有親戚話佢成日唔喺高價沽咗啲港交所(一路持有)。。。

綜合種種,佢朋友決定唔會再喺呢方面畀意見,只是聆聽、點頭和😊

 

Too naive,always simple

一橫一直,今日想整杯腰啡~腰果汁加expresso,點知耐唔耐攪一次,唔記得點操作個煮啡機,水蒸氣焯親隻手。。幾時都係:重覆運作先可熟能生巧。

近期看視頻發現一個說法,出咁多政策有論是亞爺早人一步先收成美人預早炒高佈的剪羊毛局,前一步是6萬幾時的加密幣防咗內地走資。港股出咗名係大戶提款機,今次木姐基金嘅客戶、買佢基金同跟佢買中概的人,就係其中的受害者。呢啲無從證實的說法,聽吓都可以引發想像空間,亦是曲折離奇劇情。兩大巨人博弈,散戶在戰場地域想執少少著數~唔易呀。

無知如我,經常保持簡單操作,跳出跳入,賺少啲都唔好被套,又貪心又怕死。

今日$187.6再入返基本例注9988。今次入咗唔短炒lu。

強積金又跳返出去😁

 

採寶蘭

小石人曾告訴我,他的同事買了港交所,又有一個買了美團。談及期間都是這兩隻股價升得好勁時。

我每次聽到都是支吾以對。

最近有一次我問他,覺唔覺得啲同事賺大錢好犀利,你老婆就成日都浮浮沉沉,經常都告訴你不成功經驗?

他沒有回答,似默認卦。

我說因為我是告訴你買賣股票的真象,我諗你啲同事都一定輸過錢,可能是大錢,但他們只告訴你英明神武的彪炳戰績。

有人可能會覺得賺權金好似喺雞舍取蛋,定時定候有收成。如果是這樣,個農舍應該是裝咗機關,捕啲定時定刻一早做定晒嘅採收者。

由細到大都鍾意睇卡通,記憶中是近幾年先冇興趣再睇。想60年後出生的,很多人人生中都有一齣印象深刻的日本動漫,而我大半生人中,最喜愛的動畫是全職獵人。

當10一、二歲的小剛考取獵人執照時,其中一條考題是取得抽籤隨機其他參加者胸襟的考生號碼牌。而男主角正正要取的是全場最強的考生希索加之牌子。剛恐懼卻又興奮,深思突襲策略;不停練習用魚杆鈎走物件。

其實考生們一知道試題是取及被人取牌那刻,近乎所有人都收起自己的牌子。唯獨希索加,強者就是充滿自信,最怕你唔來的姿態。

那麼剛怎樣部署呢,由於自小在森林長大,有著野獸捕獵本能地收藏生命氣息監視目標,就在目標出手捕捉其他生物的一刻是最專注的,剛就趁這0.001秒同時出手鈎走希索加身上的號碼牌。。。心跳加速但又好開心。

講咁大段,我哋散戶買賣期權,大部份時間,我估對手就是訓練有素、數口精、資源豐富,各方面裝備都比我們優勝。要戰勝他們,就是要在買賣那一刻比他們專注,而我們要趁獵食條件乎合時才出手。SP個股大跌時;SC個股大升時。而不是規律地做定,而且做的時間要心無旁念。

~ ~ ~ ~ ~

近期做了270、700、9988短炒。

28/07/2021將小石人和我的強積金由保守分別轉30%和50%到香港股票/中港股票/恒指基金。

04/08/2021停止月供股票計劃,當時主要是用這方法培養自己別老是心急微利收割的心態及讓小石人可以有意識地儲股收息。前者,將相對現在高位賣晒匯豐的資金入咗941同1044,昨天決定用餘下資金做1044期權操作,此舉較月供更靈活和儲錢機會高些。當我告訴小石人我們的月供戶口開始有時有微利時(因接近8成持倉的煤氣近日有上有落),他很是奇怪,在他印象中我哋呢項計劃蝕到有排追唔返😝😅

寫網誌期間,他又說我自從做了期權買賣之後思考多咗。

其實我經常都在思考中呀~呀~

 

期權規劃19/08/21Ω更新四

日出夕陽攣生子

行踪永向東西走

惺忪睡眼驟瞥見

浪漫同體是一人

25/05/2021執倉賣掉:

2 $79.05

35 $2.75(蝕賣)

62 $15.4(蝕賣)

178 $1.83(蝕賣)

315 $4.51(蝕賣)

386 $4.15

659 $8.56

778 $8.2

823 $74.8

1359 $1.64

1848 $6.27(蝕賣)

1883 $2.65(小部份以伺低位補回)

2628 $16.44(蝕賣,已過急回補部份)

以上操作雖然有幸有不幸,現在看來當時減持~大方向來說是很捧的操作,撞彩成功。

期權初體驗

想入的股票才會動手。

今次兩日每日大跌仟幾點時,是觀察期權鏈和出價變化的好機會。

暫時都是做SP,多數都以不接貨為原則來出價,以保持更強後著購買力和選擇。

等待想購入的股票下跌當日搜尋較好價位才入巿。

檢視該支股價除淨前的日期,以達接貨後有機會收息。該月除淨的股票SP,月尾是否因除淨而導致更易被行使,暫時於視頻s未找到答案。傾向不在除淨當月開。

好彩兩夫婦都各開戶口,觀察價位時可兩部機對照莊家或其他LP出價情況。

檢視富途提供的期權理論價格作參考。

遠期而又在除淨前的股票,試過以價內做SP以求收取更好回報。下述建行SP

橫向分佈控制每月可能要付出的接貨金額。

預留資金待超荀價時才落注。

預留資金接正股。

完成一個月後,再等待心儀股票跌才再考慮入巿。

7月 權金+$990(已扣除手續費),開心嘅嘢講兩次,股災直插冇水花×2日都唔使接貨。

8月

1. 386 $3.7 -10張 $0.11 $2200(好明顯唔夠經驗,一次入太多,將接貨機會大。) 16/07/2021

2. 914 $38 -2張 $0.51 $510

                   23/07/2021

 Ω914 $38 -2張 $0.05平倉

                   19/08/2021(更新4)

3. 700 $420 -1張 $6.72 $672

                   27/07/2021

 Ω700 $420 -1張 $6.1 平倉

                   19/08/2021(更新4)

4. 9988 $172.5 -1張 $4.39 $2195

     呢個非常滿意之作。

                   30/07/2021

5. 1044 $46 -4張 $0.96 $1920

                    04/08/2021(更新1)

9月

1. 883 $7.75 -10張 $0.33 $3300

    是月除淨。初級新手。

                   16/07/2021

 Ω883 $7.75 -10張 $0.3 平倉

                    19/08/2021(更新4)

10月

1. 9988 $185 -1張 $6 $3000 

    超級新手。哈哈哈

                    07/07/2021

2. 1 $55 -4張 $1.6 $3200

                     04/08/2021(更新1)

 Ω1 $55 -4張 $1.09 平倉

                      19/08/2021(更新4)

3. 823 $67.5 -1張 $0.51 $510

                     10/08/2021(更新3)

3月2022年

1. 939 $5.5 -10張 $0.36 $3600

    價內做,先做10張,等待更優惠時段。            29/07/2021

 Ω939 $5.5 -10張 $0.262平倉

                    19/08/2021(更新4)

2. 27 $46 -1張 $4.9 $4900

                    04/08/2021(更新1)

 Ω27 $46 -1張 $4.31 平倉

                    19/08/2021(更新4)

6月2022年

1. 2628 $12.5 -3張 $0.97 $2910

    回補早前沽出正貨,接唔到貨就幫補吓。        02/08/2021

2. 700 $390 -1張 34.17 $3417

    🎉hit今日最高位,沾沾自喜中。

                    03/08/2021

     700 $390 $24.47 平倉。

                    05/08/2021

(再進一步思考,無忌兄的做法是對的。如果預期此股大幅波動,趁可能是死貓彈價格先獲利,保持同一筆資金候機低位再入。05/08/2021更新2)

上月結,小石人問我做期權情況,知道攪一大餐只賺幾佰蚊,咁就要聽我講一輪睇法。。。

佢話鍾意我進行呢項新活動可以用腦防痴呆。

我覺得做期權有啲似尋寶同打獵。

佢訂購咗另一樣新玩具,下次再講。