冇方向~更新2

 家蛛身手靈活,捉咗影完放走,在家中某角落。

大巿冇方向,成交低迷隨時爆邊,今次落注。

今日買入7200同7226。

美估又入返sdow。

蠅🐯科

我從打豹虎出發,搵到巴莫方胸蛛Thiania bhamoensis係以前啲人鬥金絲貓嗰種跳蛛。

安德遜蠅虎~家中發現的蛛

巴莫方胸蛛~鬥蛛金絲貓

拉丁文 界 門 綱 目 科均相同

巴莫方胸蛛(雌)~呢隻會唔會係傳說中的紅孩兒?

呢三幅小石人影的~係咪老篤呢?

好鬥小貓方胸蛛-綠色力量~呢篇有相及不同金絲貓的介紹。入面相片s又有冇你哋講嘅兒時玩伴呢?

竊聽鸚云

 

個look幾有大志。

前幾日玩金屬罐玩到罐跌落地,佢就追住降落地。咬FA~紙咬衣櫃帆布,企圖"捐"(有查但出唔到個正字)去不同櫃底。

以前唔畀佢入厠所櫃底,後來清咗啲清潔用品唔會有危險都畀佢入去探索吓。因為強行唔畀佢入嘅地方,佢會好惡咁反噬對峙。

有一次,奸嘅人類趁佢入咗去厠所櫃底就輕輕閂咗度厠所趟門。過一陣再(目及)吓佢情況。

佢由櫃底出咗嚟重跳咗上企缸邊望住我。。。

我先發現:

原來我唔記得關厠所窗呀~呀~

佢又一次證明畀我知,當佢有機會時都是向室內方向望。

喺地下佢會試我底線,唔畀佢咬FA~紙踩入個C盤就發晒老脾。用祖師爺的棒欄佢,佢就好似打欖球咁突破阻撓而達陣。

好彩我知佢籠嘢,事先換咗乾淨報紙,唔係就被佢攪到滿處C足印就有排收拾。

有次在防潮櫃同布衣櫃之間叫極唔好都要鑽入櫃底。掹住佢條鎖鍊鬥完一輪耐性之後,初先用怨恨的眼神望住我,過一陣又肯出嚟同上我手。

😄

佢喺我面前多數發"喔"音~可能係鸚鵡語。見到小石人在附近又未炸毛時就會講人類語"FA~"

我叫亞"喔";小石人叫亞"FA~"?

小石人同我講:"妳同佢講多啲嘢就會對妳講人話。"

吓,佢而家講緊啲人類語都係我平時教佢咕喎。。。

⬆片,偷影竊聽途中,唷,又落水喇。已經幾次冇留意地開晒啲窗撇濕晒間房同啲嘢架喇😰

小石人最近有個好年青的同事問佢有冇養寵物。畀咗FA~相個同事睇,同事就話FA~靚,又話想養。小石人已有講FA~咬人,又淨係畀"老婆"摸。<寫著網誌,我奸笑中>

⬆片,叫小石人畀佢同事睇吓幾凶狠先啦。

⬆同時又好可愛喎😘

昨夜隔壁竊錄。

有四級艷星叫聲

平時見到我"喔"鳥語

講FAFa玩到出神入化

賭聖洪爺講"主人"

(我對佢講咗一萬次+"主人",佢呢排識講呢個咁難的發音喇,叻女呀~)

FA~佢自己個名正版講法。

端午大搜查

 黑色部份好似拳套咁,真正埋牙只是極速短時間。

閃電俠般快佢都影到。叻~

肚幾金彩。

橄欖保護色。重燶燶哋邊添。

嬉戲樂。

紋理青清晰。

我都有貢獻架,發現咗排排卵呈長矩形金屬色,E,好毛管棟。佢影咗話靚,唔使畀我了。

⬆😸呢隻都係我發現的。

第二幅佢試堆疊功能,隻嘢觸鬚郁就有咁嘅情況。

當日佢朋友約了另外些人去天水圍影冇叫佢。

佢就自己在家附近草叢探索。

我遲少少出門送罐冰凍汽水畀佢。

小插曲,我哋傾傾吓偈,突然從後有兩隻中型狗停咗喺我左右。(just next to me,that close)

當我回頭望時發現原來有個亞伯用狗帶拖住嗰兩隻雙剎的。

好彩當時我冇大驚小怪惊呼狂叫啫。

低頭淡然同佢哋講拜拜。佢哋就走咗。(當然係亞伯用狗帶控制🐕s走啦)

諗極都唔明點解明見到我哋在樹蔭下談心可以咁樣發生?!

後著,原來佢朋友先同攝友探路,再約小石人今日(週日)去影食蟲虻。

今日佢影完嘢又好開心咁返到家中,好滿意是日收獲。

下篇再跟大家分享。

主動·致歉

 

擺喺廳嗰部電視終於完成咗佢歷史任務。

有日同老公行街經過6。入去問佢回收壞電視機事宜,都唔記得咗嗰位小姐講過乜嘢行情。只記得佢好有禮貌同埋寫咗上門回收電視的電話冧把畀我哋。

有用嘅嘢就擺喺唔會搵唔到的地方~玄。(仍然亂嘅人暫時最好的方法)

真係,擺低咗就冇咗件事。

直至有一日,又同老公講開個廳電視睇吓重得唔得。答案不贅。

歐綠保

接電話的小姐sharp醒。

(其實佢哋有真人接聽前已畀另一whatapp聲稱較快捷方法處理。

但我就傾向選擇同人交談。)

約咗時間後,我已經少有哋寫咗喺其中一個電話的行事日曆。

點知:

近日有個5字頭嘅電話號碼猛咁打嚟我以為係推銷/騙局等騷擾電話就完全唔接聽。

終於對方要短訊我。

😄

主動打返電話畀佢,第一句就係:

"對唔住呀"

嗰位先生好好品又有耐性。

今朝放咗壞電視出門口外,等到差唔多時間再主動打返電話通知佢。

其實好小事,如果自己做錯嘢或疏忽咗,主動致歉就可以扭轉局面。

唔喜歡邊種對答,自己就避免咁樣答別人。通常最普遍的係:

冇理由

唔係呀

甚或狡辯質返人轉頭

當越嚟越冇記性前,更應習慣回應人時有良好態度、語調、聲線。

"I could be all wrong"

小昆蟲大世界

 好美,揀一陣先搵到呢張排頭位。昨天佢哋可算是微距攝~大豐收!

太多,就冇咁珍貴了。要好似在亂草叢搵失物而且屏息靜氣嚟影咕喎。

有時一掂片葉就頭也不回地飛跳走。

發現佢朋友,有時會在小石人影緊時於附近執起小樹枝,可能是用嚟引隻昆蟲上樹枝,單手揸機影,以防隻嘢喺葉/草上被風吹動時搖晃對唔到焦;在石屎路面上影,就算蟲跌下,搵返的機會大啲。

影影吓有個幾歲細路走埋嚟:

"叔叔、姨姨,你哋影緊乜嘢呀?"

冇錯,喺旁人看來佢哋影緊空氣。。。

⬆上一篇鬆郁矇在欄杆上拍的短片內嘅蛛,下面嗰隻先係佢哋對話中影緊嘅主帥~

真身細過粒綠豆。

飲管吸啜大法。

有時隻甲蟲平平無奇(肉眼睇佢灰灰黑黑架),鏡頭下折射後色彩璀燦。貴氣十足。

因為前一天下大雨,可能雨後出洞覓食,攝友們滿載而歸。有啲相唔使點執都出到街。連佢友咁豐富經驗嘅都話啲昆蟲相多到一晚執唔晒。

"偷拍"層層疊。

呢隻大過眉豆少少。

敍事,話說我急急逃離人面蛛天網,因為腳力不支,記得鳳坑家樂徑左手面的分义路某處有地方歇息,點知去到個亭已拆,兩張長椅霉霉濕濕,又係只好企住等佢哋。

上佰級樓梯的欄杆也是不時有蜘蛛的。去到山頂終於嗰兩張救命椅可以坐到,蚊也較少。

我倆原定計劃係去鳳坑嗰間食肆,好彩我有問吓由嗰面回程的行山客,佢哋話食肆已封咗冇開。

嘩,呢句取情報慳返我幾佰級樓梯來回了。小石人想影耐啲,商量後唔落去再行遠啲嘅食肆了(未去過,都係該行山客報料的)。

佢朋友叫我先行折返。

梗唔制啦,同一齊去,唔會走前離老公太遠喇。

我又返山頂椅等佢哋。佢哋沿住另一面樓梯再進行搜索。

佢哋回來後,我又獨自先回程在地圖路牌石級上坐住等(比較乾爽,周圍好多蟻,用新買的手持風扇吹開佢哋,第二日大自然要我受強風吹就係我而家以操生殺大權者製造風力吹小昆蟲的果報)

見到個行山人士手拿狗帶,左右兩肩都企住不同鸚鵡。佢對住我話風涼水冷,我又回一句啲鸚鵡好乖。

答:"曾經乖過"

有些人行過會同我互相點頭微笑。

有人睇地圖牌,我像亞FA~咁由低轉個頭望佢,好不友善的表情,咁起身走開lu。好似覺得我阻住佢咁。

丈夫嚟到,我問:"頭先嗰個人一膊企葵花另一隻綠色的有冇留意到係乜嘢鸚鵡。佢朋友嘅答案就老實:"好專注影嘢,乜都睇唔到。"👍,唔知咪答唔知。

本來想影嗰個🐦人的背影,影唔切,只見佢背件衫係C。隻綠色的在他背後撩隻葵花。

考古咁,心細如塵~

佢朋友同老公講,兩個人一齊搵到多啲。

<後來,當老公複述給我知時,我答:睇吓同乜人夾啦,我就乜都搵唔到,視力不佳。

重有你先可以同佢做朋友,我聽力障礙,真係聽唔到佢講乜。>

😄😆

以上圖片又係唔跟時序的。

回程時,佢哋喺附近個亭整理器材,我徑自步向小巴站,呢次嘅排法方向又唔同咗。我窺探期間,佢哋呢班行山年青人好友善,企著的男仔向我招手,初先我話唔使喇,後來見到佢嗰邊有啲吉櫈,咁就行過去,同時我話:上次我企喺呢邊以為係龍尾,畀人話我哋插隊。其中坐著的一個女仔問我是否當地人,答咗佢。另一個坐喺我隔離身材較高大的後生仔話,佢鬧妳,妳咪鬧返佢。

我用風扇吹住佢答:"天氣咁悶熱,大家唔好咁燥。"☺

小巴到了,亭中人冇發覺添,同佢哋揚手,佢朋友先到達。叫佢上車先。

因為老公行緊嚟但未執好嘢的。

我:"攞齊嘢未呀?"

跟住請他給銀包我,佢上車先,我替佢嘟埋機付費。

剛才那位女士就讚我細心。

😸

今第一次同佢哋同行看微攝經過幾有趣。

不過我諗未必會再去鹿頸鳳坑了。同老公講,佢有啲失望。

咁👻多大蜘蛛,用乜易下次去行行吓佢唔見咗我(其實佢一影嘢就進入忘"我"境界),原來已被拑住抱咗上樹頂用純熟手法搵蛛絲打包緊。

漫天蜘蛛恐怖魔域

首先擺兩張美景圖,因為我諗有啲網友驚蜘蛛甚至討厭佢哋。

我本來都唔驚的,但是。。。

今日咁嘅情境,嚇到我騰騰震,真係震到我。。。入心,丫呀。

以下開始,不喜看蜘蛛千祈咪入🎐😳

 

成隻八爪鈎咁吊落嚟。。。Oh,no

實景係成條路,兩邊樹同草叢多如滿天繁星。處處張網大大小小人面蛛。

丈夫同友人一齊去影微距攝昆蟲跳蛛等生物。小石人影緊一隻紅色似醬果的昆蟲時,頭頂上係四五片大網,佢被大蜘蛛包圍下仍專注拍下心頭好。

😰

總之今日有段時間好驚!

聽取一千萬兄建議,小石人影的昆蟲蛙蛛就下期先上囉。

若然唔係呢篇會變得更少人睇。

下面佢哋兩個好似幫蟲蛛配音咁。

饒宗頤文化館~更新咗少少嘢

 鄉下仔,我友喺饒宗頤文化館畫的畫呀。

美化咗好多,好似仙境咁。

我嗰時咪就係去嗰度搵佢先食到乾炒牛河下午茶。

咁樣,相機食先就有呢樣好處,有圖有聯想。😸

(該館大維修後,呢間食肆已不再。改咗由意法式餐廳經營,不設下午茶時段。)

之後同小石人去過一次,影咗啲相又有幫襯食多一次。嗰度原來唔畀人用腳架影相的。

呢張我攝於2018年3月😊😄