賞

 覺得呢張有獵奇的特別感覺。

昨日佢同大隻佬去塱原大豐收。

隻彩鷸好謹慎靜靜雞行出嚟,佢哋其中一人慢慢尾隨,隻🐦自然走到被偷窺的位置入鏡。

飛邊後。⬆所以我要求佢畀埋第一幅我。寫嘢寫特色,唔係有乜好講。😄

佢影到鸚鵡好似好開心。

雌雄同框,佢話周圍有另外兩隻乸,隻公淨係黐住呢隻。

日前有疑似utuber,同年輕貌美身材正女助手八卦文。

小石人:"遇著呢啲情況個男人死梗"

我說:"老公夠坦白。"

實情我冇留意嗰啲嘢。人哋男歡女愛唔關我事。

春意濃

前天,佢最近在職又因工程未開工而放假的公司,個性格好執意的老闆(可能有強迫症)竟然特登再打電話畀小石人交待因工程未開到所以要員工休息。

可能上次小石人開通頂的那一晚,同呢個老闆及一科文共事時,老闆對小石人解決當時工程的能力讚賞,因為老闆有採納呢個散工(小石人)的各項建議。

(我多次提醒小石人對個科文要小心啲,因為可能該員工看在眼裡會覺得受威脅。你唔同人爭但人哋會妒忌你。)

呢個老闆經常都會吹毛求疵,例如某啲工作已盡能力完成後,個老闆會要人將啲位做到直角(實際係做唔到的)。

在老闆致電給小石人後,我讚他們。

個老闆知道你在此工種能力上有真材實料,所以咁有誠意打嚟交待未開到工住。

昨天去塱原影嘢時,有關方面一通知公司可重開工程,個老闆又即刻打電話問小石人在別處埋咗班未,未就重返工作。

我覺得呢個老闆好尊重小石人。

而家經濟不景,有乜嘢項目係雲來。。。

求神問卜

問下點解運滯 問下點樣財來 問下呢問下路。

我就唔會求,正神仙唔會幫人改變因果,邪神陰神幫咗事主要還的更多。

逆境未嚟前做好防風準備,自己踏實生活最靠得住。

水流田

 前兩日,

當天早上雲霧八起,本來佢想取消同朋友K的攝影有約。

畀佢驚喜,佢臨出發前一陣時間我先話畀佢知我會去。

呢個K君之前我有提過,我要有耐性同心情先出現喺佢面前,無謂到我忍唔住口就得罪小石人嘅朋友。

上巴士,正路3個人係咪有多位揀前後排咁坐。因為架車有些格位窗好污糟,我搵兩格都乾淨坐埋去。呢條友攪特別就坐開第二面。唉,(即係唔想在車上溝通傾偈啦)

算,就佢,

立時我著小石人一同移位坐佢後面,就係一隻非常dirty的窗旁。

(咁人哋可能唔阻我兩公婆喁喁細語)

(亦冇要求我就佢)

因為影鳥地點要揾,亦唔肯定邊個站落。小石人在車上用手機搵較相近落車個站。

(係要探索架啦)

落車時,

K問:啱架囉河。

我:唔知架,因為來報者畀嘅係對面馬路個站。

落咗車,同老公手拖手,搵啱,我拍拍老公,

讚:相信自己,做得好。

沿路行入去,目的地又係周圍冇地方坐的爛地,重要係拾幾人迫喺一條窄石屎行人路。

壇鳥:即係用誘餌引隻雀飛去特定地點。

環保人士不建議的方法。

擺壇嗰個人,兩粒幾鐘未停過口(非常核能人),向其他攝友訓話,尤如佢嘅舞台。佢用企架棟相機放喺壇前約5呎(畀多佢)。

又行嚟行去折野芋葉及其他草,甚至當地人種嘅花。見拗到半生不死的芋葉有焦邊就棄,成個雜草地的植物都係佢嘅咁摘摘摘。

好彩好彩好好彩,今次我有帶耳筒。佢喺我面前時,我會以不屑眼神擰歪面。

佢哋班人,好多時有人就係攪串晒個活動。

⬆爛地中我看見的景緻。

到小石人影夠,我哋離開唔夠10呎,

我已向小石人說:有諗過幫大家出聲,叫佢靜吓,不過唔想種惡因所以忍住咗。件相機擺到咁近嚇到隻雀好驚,根本冇停留喺佢設嘅草上。老公話:🐦好似老鼠咁迅速噡走食物。

⬆舊嗰張爛咗好耐。今次有帶新小摺櫈老婆更大機會陪佢去影嘢。曾喺淘佬買過收唔到貨,畀人呃咗兩佰幾蚊(寄條紫色小方巾話贈品,簽收咗就唔跟單,$2xx一條巾仔)防不勝防。

呢張在香港買,當時有折。

企喺枯木上睇定啲先飛往掠食,呢舊木咪重自然,當然,冇蟲喺嗰度就唔出嚟站喺呢度。

我今次唔問K同唔同我哋食晏。(因為十次不同事情邀請都是先被佢拒絕的,我對此人完全失去耐性。。。)

K係兜大迴環路都唔搭"港"鐵,外出食嘢只幫襯某啲舖。自己封到周遭好狹。

上網搜尋某鐵路站食肆,有搵咗一間後老公發現該舖已經結業。

以下呢間好好味,職員有禮。該鐵路站午餐時間附近食肆都好旺場。

🐷潤腸粉

魚腩粥