近期都是反反覆覆地思考自己的投資心態與規劃。
我發覺原意由抗通脹至往生時手頭上都有鬆動銀根升呢為對收集財富配置方法的資訊感興趣，確實是一個很大的進步。
細心留意每個人都有個人喜好，當某啲種子植根在一個人的腦海內係好難再改變他/她繼後想法，是以在找尋『新』接收訊息時是有選擇性的。而當一個人做決定的時候，從來是沒有客觀可言。
好似前幾個月我成日重重覆覆都係睇住101的股價，因為之前賺過錢，到佢個價位一路下墜時就覺得係再入賺錢的機會。發現網友偶然提起佢都會望多兩眼，再深入啲觀察持有該股票的大有人在但現時都唔多提，因為跌多升少又未到家鄉。有些人就算心知呢隻嘢有好多不利因素都義無反顧穿16蚊再入。
為咗擦去想在現價買入的思路，我數數唔睇好佢的理由係集團太側重於大陸零售業；上海的試點成功，但其他城巿的情況不同所以未必有相約發展；內地人的生活模式趨向網購，雖然吃東西買大型家電用品始終有人喜歡外出消費，但已減少了客源流量影響盈利；人民幣續貶值的機會很高；比佢更優質的地產/收租股有很多選擇，在周街平貨時聰明的資金流會投向優質股；現時跟大巿死貓彈的成 交量很低，甚至有以小量金額mark高少少價令人看似止跌回穩；如果恒指續下跌，個股大多數不能幸免。
講咗咁多，我究竟會唔會到佢派息率再升高同成交金額上升時入呢?我暫時真係講唔埋，哈哈哈。
好多人成日吼住啲價位跌得多或者冇乜業績的細價股，深層次的主觀願望就是希望佢突然一飛沖天，短時間帶來刀仔鋸大樹的巨大『橫財』，咁個腦就可釋放大量安多酚，係冇第二啲嘢可替代，錢買唔到的獎勵^^
到今時今日仍然是零持股呀~
喜得人生新目標
很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...
-
一見呢幅就開心,清到呢 背景又翠綠。 過去的週日 早上大隻佬約小石人去影雀。 佢哋約下午,我就截咗佢糊先同小石人早點到目的地附近豆品店食嘢。 現代少女既青春又歡樂地結黨踏單車去,大派冰淇淋。 呢排老公都係提住工作,更發惡夢。夢劇情我解讀為舊公司無啦啦被炒,現職又走唔到同因友人... -
近期同老公喺通訊時玩自家建立貼紙。 睇隻🐦兒好似幾得意,前嗰排我嬲咗佢兩日。野獸本色重重複複係咁架喇。。。 眼神似唔似精神出現咗狀況。 呢幅由條片cap出嚟。老公真犀利,單手用祖師爺的棒同FA~格鬥,另一隻手又攝到佢魂。 呢排佢間房有陽光入屋,嬌的的lady唔鍾意曬,左爪拍右... -
平時煮嘢接近每次都會用到的,咦,點解唔見咗嘅? 同老公講,大家不約而同反應都係可能包埋在垃圾內棄掉。 咁我激活短暫記憶海馬體。 最後一次見佢喺邊 ? 最後一次用佢係煮咩。 💡 就喺雪櫃放厨餘嘅小篩中發現佢同啲菜頭菜尾料頭外皮安然在一起。 為咗避免 乜都冇晒同累街坊,每次都看看... -
要篤才有沙冰效果的奶茶雪糕。 今日睇youtube,有人推介呢間手工意粉。 於是問老公有冇興趣試下。 想落咗車行吓,散吓步,所以冇約站內相見。 相聚後, 去到附近搵咗一陣,終於發現。 見到入面一個人都冇喎。 生意難做。 肉醬意粉,只有濶麵條。 蘋果茶凍飲 是日餐菇湯 呢個piz... -
各位早晨啊😊 前日問佢生日想食咩,佢話由我決定。昨日午間通訊告訴佢食泰菜。 佢放工後在港鐵站匯合時,甫出閘口,見到面時佢笑得好開心。 一問之下,原來佢就係想食呢間。 我答:"上次諗唔到晚餐食乜時,你有提過,因為嗰日我有啲攰同天氣比較凍所以冇出洞。但我有記得你講過的事... -
家蛛身手靈活,捉咗影完放走,在家中某角落。 大巿冇方向,成交低迷隨時爆邊,今次落注。 今日買入7200同7226。 美估又入返sdow。 蠅🐯科 我從打豹虎出發,搵到巴莫方胸蛛Thiania bhamoensis係以前啲人鬥金絲貓嗰種跳蛛。 安德遜蠅虎 ~家中發現的蛛 巴莫方... -
確係唔太理會幅相夾唔夾所說主題,當時想上邊張咪邊張。冇框~ 講起呢件墨魚骨來源,係小石人去西貢碼頭影猛禽時順道買咗隻活墨魚的產物。 呢一點我有諗過唔想打爛FA~的齋砵,然而似乎啲雀仔需要補鈣,就做咗。 正題 點解今次裝修咁落本,原因是我哋有共識之後唔會再做,而我一心諗住家中設施... -
叁佰玖拾蚊~乜嘢用途? 話說我哋上年年尾透過地產洽談到超近居所的短期租約以做家中大裝修。 今年一月十日,早上就聽到有一不知名鳥叫得好大聲。小石人當早到家居地盤就發現有隻表紫紅底透綠的折衷鸚鵡勾在家中的棚網上。 小石人本來搵我上去,諗住我睇完隻雀就放佢走。 捕捉過程當然係雀用力咬... -
前兩日佢洗洗吓碗話,:"而家生活好舒服。" 後來再問吓佢,佢覺得而家種花養鳥,過緊退休時會過的生活。 我哋做家務係邊個得手邊個做,互相補位。 都係嗰句,佢影到FA~美態,攝於3月尾。大隻咗,毛靚咗,拔少咗自身毛。 今朝好火,用嘴搓我條裙啲布。事關攞走咗FA~... -
傾盆如注形瀑布 瘀泥堵塞成澤國 午夜雷震隨光影 閃耀闇空驚夢魂 正所謂現實生活發生的比電影戲碼橋段來得驚心動魄又意料之外。 眼見電視畫面洪水激流震撼慘烈場面就是前兩天投射進腦袋景象。 年老捌旬的士司機駕車失控橫腰極速撞向遊客,墮樓無頭支離男首暗藏體內。 後者確為未能猜想到的情節。...
「在周街平貨時聰明的資金流會投向優質股」，所以我呢啲次聰明資金應該投向次優質股。優質的優點係優質，缺點係貴，次優質的缺點係次優質，優點係平。
回覆刪除哈哈哈，我以為你買的第一先決條件係要高息，跟住再考慮比較平的次優質入手....:P
刪除是否平兼次優質見人見志，但穏定高息有眼睇。
刪除零持股這种高度耐性令我佩服不已🙆
刪除其實好多人都能對大巿把到脈，最明顯係而家賺息蝕價我確信唔係入巿時機。
刪除向上成交薄弱，搭好個雞棚之後又醖釀大大嘢向下插，買嚟做乜....^^
Cool兄你好，我最近也開始寫投資blog，多多交流
回覆刪除恆隆的管理層在香港地產股來說算是極度不進取的一群，在這隨時會被科技disrupt的年代，市場一般都是對這種公司避之則吉
安兄，多謝留言^^。好多時以前經歷記憶勾實咗思維就會影響到決定。例如個股歷史最高最低位。。曾經當時得令過咗嗰浸炒風後此情不再如中移動。投資巿場警愓、謙虛未必賺到大錢，但將賠本的機會降低好重要。機會多的是。
回覆刪除向上成交薄弱，搭好個雞棚之後又醖釀大大嘢向下插，買嚟做乜....^^
回覆刪除--> 樓主講到好得人驚呢？
三人行兄有沒有傾向相信什麽原因導致今時今日巿場狀況?近期巿場謹慎又帶悲觀情緒，這兩天夾淡倉、部署轉倉是救生門還是整固反手向上總會需要相信一個版本才可下決定。
回覆刪除我認為較合理版本是內地下了很大決心去槓桿、不救巿、定向降準而資金不准流入樓巿股巿、人民幣貶值對應貿易戰、封殺走資渠道、債冚債陸續出現違約，一語寄之曰冇水。
由於很多人都以貿易戰為主因所以也不排除到戰況表面因素看似緩和或侵侵出口術又會有人借勢造上派貨。