叁佰玖拾蚊~乜嘢用途?
話說我哋上年年尾透過地產洽談到超近居所的短期租約以做家中大裝修。
今年一月十日,早上就聽到有一不知名鳥叫得好大聲。小石人當早到家居地盤就發現有隻表紫紅底透綠的折衷鸚鵡勾在家中的棚網上。
小石人本來搵我上去,諗住我睇完隻雀就放佢走。
捕捉過程當然係雀用力咬人,四處飛甩羽毛隻嘢又驚驚怕怕兼惡死。
最後聰明的老公靈機一觸將前臂曲在鸚鵡前佢就乖乖上手。
迅速地佢安靜下嚟扮可愛個樣又上我膊頭。完全好似養咗好耐好馴良咁。
平時唔主張養動物又懶照顧別東西的我就話養佢。^^"
好多時另一半係估我唔到架喇。
咁我哋倆好似小學生興高彩烈拖住手去買鸚鵡架同混合種子餵佢,指定唔會買籠。
上網查吓,呢個品種動物出名,,,,
咬人。
經常畀佢咬到就係去救佢。有一次佢將扣住佢嗰條鋼鍊先圍住自己條頸兩個圈然後用隻腳撑直頭使力向後想"解開"條錬。嗰種急燥法可想而知。小石人行埋去救佢就瀨嘢。
伏(擊)人最叻:好機警咁弓起身體頭左右竄動用其強而有力足以粉碎硬物的大力金剛👄去縷住人肉或啄。
春天嘛呢排就雄渾有勁的大叫~嘈到鄰居呀~FA~。齒咬又掹食然後甩到成地彩色羽毛~"幾浪漫"😆
紅色折衷係女
回覆刪除綠色折衷係公
折衷鸚鵡好小動作同埋嘈吵
可能係新環境未適應慢慢佢企喺腳踏半日都可以唔喐同埋唔出聲
哈....
係呀,我初先都以為佢係雄性。上網查吓先知,原來喺澳洲佢嘅同類會搵好大好高嘅樹的洞嚟棲身育兒,又會有6至7隻雄性餵佢。唔怪知得我哋住咁高都飛到入個棚網。
刪除鄉下仔真係熟悉佢哋脾性,養過?
亞Fa~有好多可愛嘅優點😊而且令我更認識自己。。。
折衷鸚鵡女比起雄性獨立同埋惡
刪除折衷世界係女權至上 哈
養鸚鵡無可避免一定畀佢咬 我以前屋企人識得雀仔街D老細 成日攞D雀仔玩有文雀武雀同鸚鵡。 有啲養咗十幾廿年有啲轉個頭畀返老細 記得屋企有幾十隻雀仔 淨係我自己養都超過20隻
哈.....
養寵物一定會變得更了解自己
因為需要 愛心 知識 及耐性
我後生嗰陣好鍾意養雀仔
想問吓佢哋需唔需要用乜嘢方法清潔身體嘅呢?我初頭日日有暖水濕條巾幫佢抹身,但係佢好抗拒而且好嬲又作勢啄。我估係佢視為一種攻擊。咁我而家為免自己勞氣同傷感情就冇再同佢抹身了。網上有話有陽光開盆暖水佢自己跳入去--"。另一個人又有話用特別沐浴製品,但嗰個視頻主持係齋講唔示範的。。
回覆刪除你有冇剪走佢啲飛行翼 左右最大兩邊果4條 佢下次換毛會生返然後你再剪走佢 如果剪咗飛行翼就放佢喺個細盤仔 一兩吋水。 佢自己天生會學識沖涼
刪除包括人類在內其實 唔好用太多化學用品 因為根本佢哋唔需要太過清潔
折衷鸚鵡需要專用生果量 需要多啲曬太陽同畀佢玩下水。 切記要乾透個身
玩完水表面好似乾透但係一對翼下低裏面啲絨毛仍然可能會好濕 時間耐咗唔處理啲濕毛好可能會變成毛囊發炎
剪走佢飛行翼會唔會令佢飛行有困難?除咗呢個方法唔知有冇別的。抹身都咁惡,剪佢啲羽毛,我諗佢會同我"死過"😵
回覆刪除我有諗過用噴壺在佢後部上空噴暖水,但要等裝修完先喺企缸試又唔知有冇用。或者如果佢肯玩水後用風筒暖風吹吓唔知會唔會伏擊個風筒。
唔好意思,又要問專家又要自己多多聲氣,,,😆
剪咗飛行翼佢嘅世界就可以無限大
刪除如果唔剪就永遠要鐵鏈鎖住或者喺個籠度生活 觀點與角度
可以用條大毛巾包住佢淨係露出兩邊翼
唔好畀佢睇到佢就乜都唔知道 剪飛行翼同我哋剪頭髮一樣冇任何感覺
睇咗網上剪羽毛嘅片了,嗰個人隻折衷乸細啲又好似粒湯丸咁任佢舞。亞Fa好憎人摸佢,會跌膊示意避開,繼而攻擊。
回覆刪除教鸚鵡要採取只賞不罰方法 佢做啱就賞少少零食畀佢而做錯就忽略吾好怪佢
刪除時間耐咗佢就會多做有零食嘅事情
佢想親近你嘅時候就自然會
相反強迫只會令佢憎恨
用風筒吹乾佢最多八成唔可以全乾
因為佢啲皮膚好容易受傷
放喺空氣流通或者 附近開把風扇
等一陣間自然乾最後嗰兩成 最好
到佢喜歡你嘅時候就會反芻食物畀你
鄉下仔畀咗好多啟發思考嘅空間我尤其係剪唔剪翼上。
刪除有幾刻諗:不如將亞Fa~送咗畀你,佢會有更好的照顧。
講畀小石人聽佢就同亞Fa~講,今朝就畀Fa~大力咬我食指了。。。。
通常動物襲擊人只有三個可能性
刪除第一係為咗生存找食物
第二係憤怒而作出攻擊
第三係因恐懼而自衛
係緣份呀！唔好輕易放棄
嘻.....
以为孔雀。
回覆刪除你話個金屬手套似孔雀?
刪除本港呢個價錢買到一隻咋。
淘淘有貨都唔畀買,平好多架嘛。
攪到我淨係買咗一隻中碼。兩個人隻手大細相差好遠。我係細手人😆
可以上網，問問專業觀鳥學會，可能會有好意見，再唔係去太子雀仔街，個D老行尊，一定掂。
回覆刪除慢慢收集唔同資訊同經驗。
刪除自己觀察再思考。
自來鳥的經歷都會影響佢某些反應同行為。
鄉下仔話明B貨，信唔過。：）
回覆刪除A貨先信唔過。
刪除呢樣我問過鄉下仔,佢係B貨~真材實料。😊
B貨係我呀！
刪除哈.... 凡事只要相信邏輯就足夠
有啲例外嘅事就由得佢去例外.....
鄉吓仔係~B貨
但絕對唔唔唔係專業呀..
專家呀... 專科呀....
專才呀......
嘻........
哈..... 哈....
B貨鄉下仔懂得自嘲，我欣賞你。：D
回覆刪除射射.....
刪除嘻......
射乜嘢先，閒來輕笑兩三聲，相信師姐想唔到.講鸚鵡，留言去到20大關過外，破哂紀錄，這令我想起慈雲山慈雲閣，很多馬騮在神壇搞破壞，偷食貢品，工作人員用長根追捕，也徒呼奈何，其實用鸚鵡或受個訓練獵鷹，就是最佳天敵。：）
回覆刪除點會用鸚鵡獵鷹呀？？
刪除咁貴
哈.....
見你哋傾得咁投緣就唔加把嘴。
回覆刪除鄉下仔真誠待人通識涉獵之廣,一般學院嗰啲乜才物才學歷意義唔大,好多都係到某方面出色人哋自動頒畀你啦。
慈雲閣有馬騮原來係咁,匿名要改返個名,上次丙丙聲係🐔,易走。
師姐真係薩心腸身體健康青春常駐
刪除不過講大話個鼻哥係會變到好長㗎喎！
哈....
我已經唔記得咗係邊套卡通片？？
頭先去旺角雀街見到一隻大红葵同埋大紅金剛 兩隻都企喺個女主人撲頭又大隻
紅葵真係好靚呀 鬆毛鬆翼搖下搖下
好似跳舞咁 主人話佢好乖唔惡但我就直頭唔敢去摸佢
哈....
又諗番以前住荃灣嗰陣樓下係啲復康中心
每日出入都會接觸到佢哋 有D間唔中喺架𨋢度大小便失禁 會亂鬧人又會大聲尖叫 初時真係好憎佢哋
住咗大概兩年發覺佢哋有個共通点
好怕人叫佢個名
唔鍾意人知道佢嘅存在 及唔想人知道佢嘅身份
其實諗下雖然自己係四肢發達頭腦簡單
不過至少仲算做清醒嘅生存於世上
或者已經算做好好彩
然后慢慢就唔再介意佢哋嘅唐突行為
由於唔想再有人留言纏繞(英文人)
自己網站已關閉左匿名留言 雖然有啲可惜不過責任上應該咁做
嘻.......
係木偶奇遇記呀~
刪除嗰齣小鳥必必我止咗蝕了😄。
小石人上次去郊外影相見到有人擺葵花鸚上膊,恤衫背後係晒隻鸚的便,咁都低得住。昨日睇條片啲人集合喺觀塘海濱鳥聚,確係訓練得啲雀好馴服,有啲竟然任陌生人摸唔嬲。
我曾經喺某復康中心做過partime。試過畀個中年女院友行動快速如貓地用手义住條頸,留有指甲傷痕。佢哋有部份都有一定危險性同攻擊性。
多年前又有一次喺窩打老道過馬路無端端畀個約十八九歲男子一隻掩住佢自己面一隻手摑咗我一巴,嚇死我喇。
嗰個人轉咗寫中文喇。嚟呢度留過一次言,可能後來知我係女人又冇料,之後冇再在此出現了。
我同意,如果你覺得受騷擾確係應該免除去應酬唔想傾偈嘅人。時間寶貴,人事物都找自己心悅的來 見 交往 接觸。
抵
刪除正確係 Student Says
刪除於我網上留言時被匿名滋擾
(我估應該係D特殊智商人士 )
英文人先係受害者呀！
哈...
假如妳係無料的話 ？？
鄉下仔就係腳下一堆爛泥..
哈....
葵花鸚鵡咬人有會三個傷口
其他鸚鵡只有兩個 我喺度估師姐第一句敎佢會係咩說話？？？
我以前教(滴滴)第一句係
....咩嚟㗎
哈...
Fa~好似以前啲小姐搣妹仔咁架。好彩小石人個亞哥畀咗燒焊皮手袖我哋,我著咗先冇損。
刪除唔係我教Fa~的,佢自己聽我哋傾偈時學嘅。
"好呀"
佢將呢兩個字玩到出神入化。。。高音低音漱口音老牛聲,演繹得淋漓盡致。
英文人斯文又有禮貌,鍾意去你度留言,你閂咗佢咪少咗個地方講股囉。
我只係取消咗(匿名)留言
刪除有名有姓嗰啲可以繼續交流
佢真係好有禮貌敎養
我忽然間諗起一件重要事情 敎鸚鵡講嘢最好係女仔 男人教可能會有老牛聲
我估師姐好快會買多隻陪佢 然後試下 開支散葉 哈....
我以前隻折衷公由一個肉球返呢(未夠一個月)
自己餵奶然後睇住佢慢慢長大
係好神奇嘅一件事 直至到聽到佢學識講野 真係會對鸚鵡中毒㗎
哈....
對於鸚鵡講嘢,就呢幾個月觀察我疑惑佢之後會講乜唔似係人教出嚟。
刪除我哋都冇著意對佢講"好呀",呢方面好彩小石人一友人知道我哋的鸚鵡奇遇記,就已告誡我哋要小心講嘢。。。我哋有聽佢話。如果唔係就係一隻成口數字婆,紅磡嗰條唔直嘅街的FA~。😆
養嘢方面,文中述我唔主張養動物。人漸長大,發現及思考著養動物就有誘因令人投入販賣。一啲人會偷運罕有動物;配種啲外表得意又吸引的卻有隱疾(記憶好似有某種配種出嚟嘅貓係先天下脊椎於成長過程中有病變機會率高)。
我亦唔係特別對動物有愛心的人。如果亞FA~唔係外表咁靚同我最種意的紫色配鮮豔的紅色,我係會如小石人初衷放隻鸚鵡走,迪迪嗰隻色都唔會養。FA~可能捱唔過今年年初好凍又落雨嗰排。嗰段日子我哋日日開住暖爐畀佢。小石人亦發現路上有凍死的斑鳩。
太靚有自由嘅機會就相對低。然而又一次執返條命仔。
我曾經諗過幾次放佢走,因為傳統想法係冇理由養隻咬心口及伏擊自己與配偶的動物。餵緊都咬乜嘢道理,清潔緊佢地下周圍地方都"㗅"有冇攪錯。
自己亦要保持別投入太多感情。做個理性的主人,預佢隨時離開同加強自己接觸佢時的保護裝備。
尋日帶佢入房曬太陽後在扣回椅pan時又啄。戴咗鋼手套加白勞工都被啄到一個沒有破皮的小傷口。幾狠。
佢可能重有幾十年生命,以我嘅歲數有冇咁長命一路照顧佢?
只能抱修練的心態,上天畀另一課題我呀。。
佢喺出面大嗌了,可能外面噪音刺激到佢靈敏的聽覺。。。。。。
師姐都算犀利咁短時間就可以清醒面對處境 唔單止寵物 對人對事一切亦唔能夠太投入 如果 fa 性情唔太合邏輯嘅話 可能係新環境又或者進入發情期 唔同品種鸚鵡發情期長短唔同 有啲可以係一兩年都唔出奇 無論仔或者女當進入發情階段都會毫無邏輯 但經過時間洗禮及荷爾蒙調節 慢慢就會回復正常
刪除再畀機會自己唔好咁早放手
相信佢係需要你哋
(坊間有好多同寵物互動理論技巧及方法 見到好多美好互動片段 畀到好多寵物主人嘅無暇幻想)
但亦只係片段 並唔係現實嘅全部
養寵物只需提供佢生存基本條件
然後就係相處
大家同阿FA相處佢亦同緊大家相處
大家諗緊辦法佢亦諗緊辦法
又或者大家都係等緊時間
哈.....
佢的確唔可能獨立喺呢度野外生存 因為冇父母教佢生存技巧 鄉下仔經歷過冇人冇物係好難生存㗎
相處無需要任何承諾
相處亦唔需要有互動
相處無需要任何回報
或者相處只需要有關心就夠
佢係進入發情期呀,好多表現都配合坊間所述,搖尾 地盤主意更重 加埋換毛 週圍又係好多陌生環境,電水壺 抽油煙機 外面不同品種鳥鳴 超大地盤喺好近動工 車聲頻繁 對耳聽覺咁靈敏 重要可能係我哋人類聽到的十倍百倍。
刪除佢梗係會好驚好燥。
之前面前呢個女人重好似顛婆咁惡同鬧。個男人又做咗好多網上提及的禁忌。
根本就係一個唔自然又唔適合FA~的居住環境。乜嘢令到有咁嘅情況發生,就可能係好喜歡呢種動物,覺得佢好靚好可愛的人。自小就套個名環養大佢,好悉心照顧教佢上手就有食物,點知養咗咁耐咁大期望,呢隻嘢就係咬人,可能咬到屋企細路令前主人徹底失望。拍起翼時對眼瞳孔收縮十足復仇者聯盟暴風或都軀魔人的上身Demon。好嚇人。
據小石人估計,FA~另一隻爪的環,係要用工具先解到,人為放走棄養的機會好大。附近亦冇尋鸚鵡的啟示。
網上有條發文圖文並茂,就係勸人養鸚鵡前三思。啲人畀鸚鵡咬到流血甚至嘴傷頸傷。傷口好深。
我嘅想法係未能駕馭就放到隻雀有好大領土領空權,佢一唔高興就邊個都冇情講,口趙啲人係應該。多數人養動物就將自己地位擺到好低,點解角式調轉晒。重有個說法係隻嘢咬埋嚟唔好縮,但佢哋係冇任何保護淨肉咁被咬喎,係咪好大問號呢!
要觀察佢身體語言,唔好強迫佢。我冇再摸佢好耐嘞,可能佢唔想畀人摸同我唔想畀佢咬係同一道理。。慢動作 自己個心要平靜 佢咬埋嚟都唔可以再大聲鬧佢刺激到佢更驚就攻得越狠勁。
現實就係殘酷
刪除當大部份人都希望能夠擁有 而忽略擁有本身就係一種壓力負擔 哈....
慢慢相處喎！
我自己經驗就係惡嘅鸚鵡盡量要放地下養 要佢擔高頭去望你哋從而聯想到自己地位
唔好長期放雀餅喺籠裏面任佢食
盡量定時定候畀佢開飯
要畀佢知道食物來源喺你哋手上
一隻成年健康鸚鵡一兩日唔食飯好正常冇影響身体 但係水一定要有
似乎佢仍然未融入新大家庭
不過係我多口咋
哈....
其實師姐所有重點一早已經清楚明白曬
勁呀=
之前經過佢會伸頭出嚟扯咬啲衫尤其係佢抗拒唔到啲帶呀繩呀咁,咁畀佢咬就係我自己令佢習慣咗一見我出房門就好興奮,預備有嘢咬(我錯喇)。
刪除而家會綁好身上衣帶,又截斷佢伏擊的範圍,收起對手,如果佢平靜用喙輕揩我哋先慢慢攞一粒葵花子出嚟餵。做得好食完就畀佢睇我對手係食晒。開口咬就走開唔餵。
少咗對佢絮絮不休,其實我諗佢唔太想人經常嘮叨。有需要先溫柔同佢講嘢。
有試過掛住打機,想咗將鋼容器綁喺木椅背推近佢自己食。佢越用得耐就霸王式撐隻腳上容器,又想爬過去張木椅(我又錯),維持了一段時間。更甚是到我手餵返佢時佢就咬我,意思好明顯。
佢有某啲行為其實係我做成。
冇時間唔夠耐性同毅力真係唔應該養。
初先諗住動物世界係強者壓倒控制局面,鸚鵡係遇強越強縱然佢內心係非常恐懼。見到佢條尾啲毛震晒重擺起個惡樣。
有時又好似有假想敵在近距離咁向空氣 鋼鍊狙擊。
有一次見佢個樣好似想起前塵往事,哀傷。
有時呆咗冇晒反應。
有時又如夢初醒地忘盡剛才及以往發生的事。
見我有一刻悲從中來,佢索性唔食我畀佢嘅嘢。
細心感受,佢其實好可憐。。。。又勇敢。
好多謝你就真,學到好多嘢同傾得好開心。
F A 可能有創傷後遺症
刪除好彩遇到你哋 又希望佢可以繼續好運。 我估呢啲case最少三年以上五年起步先至會有明顯好轉
可能要等佢自己慢慢忘記以前吾好嘅事。
未有畀中大型鸚鵡咬過嘅人係想像唔到佢個喙有幾咁大力咬人有幾咁痛
雖然傷口唔大不過比起我以前同啲狗玩嘅時候畀佢哋咬到 傷口比較大
但都未有畀隻中大型鸚鵡咬到咁痛
佢銳入啲肉度果下真係痛到入心
但偏偏最痛嘅又往往唔係手上面個傷口喎！
哈....
"偏偏最痛嘅又往往唔係手上面個傷口喎！"
刪除講中晒。
上咗佢啲相畀你睇。
欲罷不能，鄉下仔B得師姐寵幸，真係死而無堪，可能很多人無去過慈雲山慈雲閣，它是一間庵位把放先人的地方，環境非常非常非常優美，在山的頂端位置，俯覽整個慈雲山下景色，要由黃大仙地鐵站坐34M才可以直達目的地，到達還要行一條長長留梯，庭台樓角嶺南風味設計，高大不同樹叢設，另一番景象，氣魄非凡，它是由潮洲社團主理，內供奉先人小小庵位，好的先人位置，少說幾十萬港元一個，而且係一位難求，由於近山邊，加上馬騮仔覓食越來越困難，所以對訪客帶來祭品，常偷食或搶奪，非常滋擾，保安職員衹能用長棍或其它物件敲打，防不勝防，如果知道慈雲閣重地身價，過仟萬元以上不在話下，用獵鷹及鸚鵡大內近身待衛保護，身價一点都唔貴，尤其後者，價錢很便宜，還有一個防法，用電網，哈哈！就叫我大鄉里 C。* *©©©
回覆刪除有先人住位需要的才有興趣知啦。以亞洲人傳統觀念平人提都唔會提啦,貪大吉利利是。
刪除甲乙丙
abc
炳門
仍未脫離平時走開嘅迴圈。
日
刪除現在很多老一輩人，很會打点往後終身事宜，不再封閉避違那些大吉利是的想法，一些社區中心亦有推介賓葬事宜，覺得鄉下仔B, 刪取留言，雖然係保謢英文人或其他訪客滋擾，其實可以包容一点，有容乃大，當然主場是博主本人，有自身的想法，正如匿名留言，衝激英文人一團火，以上衹是大鄉里C愚見，說錯莫怪。
回覆刪除社區中心推介畀嗰啲對象,咪就係有需要嘅人囉。
回覆刪除有兒有女重想後人以後有傳統咁就係孝順的思想。死後究竟係咪還需要有呢種習俗或呢款宗教儀式。到兒女嗰輩去埋,孫嗰代聽父母話繼續拜,咁孫s都魂歸某處重有邊個拜呢。
傳統係咪一定要跟隨。