$76.15沽941
個人心路歷程
收完息有得賺就走^^
太耐冇落場，呢次經驗感覺唔錯。
思考後有計劃地行事又有紀律咁執行。
拉勻1359兩項交易連手續費數字上當然冇進賬。
賽後檢討我應該減少買入1359的注碼。但我冇後悔入信達，因為想咗好耐一定要俾自己做過先心息。
對大巿想法
現時巿場氛圍就是以『似有實無』嚟形容。
踩落去大大腳，上返少少引散戶上釣。。
據講開巿前後競價時段用少量金額Mark個價以便大戶畫出想要的圖表(我唔識分辨呢個說法的真偽)，呢個方法專係用嚟殺圖表派。
遠鏡回望高價時大成交金額後插水落，由山下仰頭慨嘆上唔上到返去呢?
指數呈斷崖凹凸梯級式下墜。我觀察的名單短揸大部份個股買咗轉身水位低，唔走又被套實。(恭喜揀股心水獨到的網友)
志在燒磨我哋嘅耐性同彈藥，唔好中計呀。。。
喜得人生新目標
很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...
-
昨午見天氣好好,於午間通訊時問佢攰唔攰,唔攰就睇吓有冇興趣看星星。 由於上次間食肆食物未能保持水準,今次我建議叫刺身壽司外賣進行野餐,又可以未天黑前欣賞吓沙灘日間景緻。 小石人問點安排。 咁梗係我攪掂啲食物,佢放工到指定地點匯合就得。 在地鐵上有位年青人想讓座畀我。 多謝佢,我... -
之前佢唔鍾意沖涼,就放金屬容器內有瓜子引佢落水,用壺噴佢時都唔多歡喜。鼻 有時濕濕的。 冬天時開浴室寶以免凍親。 最近幾個月開始懂洗澡樂趣,也不用放零食於金屬盆,逕自跳進水中,浸吓胸口拍拍翼。 如常放牠在房中飛,有時佢食得夠就眼定定左右顧盼,似想離開我哋呢度?上下打量,飛上衣櫃... -
本來之前想講吓啲追風逐浪有乜事係要負上責任,唔好以為我命由我不由別人管。 擱置咗篇嘢又不如說說趁假期前,我問佢去唔去食泰嘢坐沙灘影星星。 立時又生猛晒嘅小石人,返工前一早就執好晒啲相機同腳架帶埋返工。放工後直接相約撐枱腳。 幾開心嘅,間餐廳的員工,有兩位一見我哋踏上舖前樓梯,男... -
⬆係咪好靚呢,兩公婆考慮良久先買,比較貴。不過兩個一睇就鍾意,難找同類型質料同花紋。 今朝凌晨已醒,佢過咗大半小時都醒咗。 跟住,傾咗幾小時到天光。都係佢就職嘅公司嘢。 是日,大雨。 我整咗老早一齊分享。雪櫃有料唔hea就有嘢食。 佢話要返現在工作緊嘅工地檢查吓處理好某啲嘢未... -
.jpg)
一. Y科文對腦細說:"間公司送錯咗貨嚟延誤了工程。" 腦細:"關我咩嘢事。" 二. Y科文告知腦細:"該地盤領班話我哋自己好難運啲咁重嘢入去個島,他表示我哋可以揾卡板包好啲重物,用佢哋吊雞運啲貨上佢哋專用船。"(明醒... -
傾盆如注形瀑布 瘀泥堵塞成澤國 午夜雷震隨光影 閃耀闇空驚夢魂 正所謂現實生活發生的比電影戲碼橋段來得驚心動魄又意料之外。 眼見電視畫面洪水激流震撼慘烈場面就是前兩天投射進腦袋景象。 年老捌旬的士司機駕車失控橫腰極速撞向遊客,墮樓無頭支離男首暗藏體內。 後者確為未能猜想到的情節。... -
⬆呢幅係今晚喺上次嗰間泰菜叫的晚餐之一。 前天快餐店晚飯,發現咗小石人一樣嘢,問咗佢兩句,登時我速速飲用完冬瓜盅吃過啫喱飲埋凍檸檬茶,用事先帶去的盒子包好我的食物同佢講聲我走先(帶著不快怒容)。 回家蓋被冇眼睇。佢沖咗咖啡畀我都熄燈唔飲。 昨黃昏前未收太陽,餵咗亞FA~整好晒... -
13年前曾寫過"再見海星"。 也有在內心掙扎一二去沙灘嗎? 今午小石人說瞬眼就在家過了半天。(以前未認識我前,夏天佢會在放假日去沙灘"晒咸魚<太陽>"~佢自己提過的) 雙方做好家務後,佢原來諗住外出吃東西跟住改變主意想買外賣回... -
要講返今年清明節,去拜完老爺奶奶既龕之後,回家發現附近有厨餘收集機,我即刻就好有興趣。 小石人話已有一段時間,妳冇出街所以唔知。佢正想繼續回家之際,我話與其有,不如配合吓。 佢Loading....,似乎覺得麻煩。 攞咗厨餘筒後,平時我猛咁同佢打招呼同唔該佢嗰個清潔男工(年紀唔... -
原來由本月14日開始除打十號波停咗幾日,返通宵班至25號,若不是打風要直踩足咁多日。 本來重話有單接住去離島,該島船期係晚8時搭船留島工作直至早上8時由島才有船回岸,由上船處回家來回又幾粒鐘有多,個黐線腦細,喺科文提出咁返工法回家逗留幾粒鐘又要再出門返第二日唔掂,腦細竟然發脾四...
似見低。
回覆刪除多謝四萬兄提醒。
刪除我個情況要比較穩健操作。
上次搏反彈無實際斬獲，唔知今次彈唔彈得起，衷心希望你撈到好嘢，昆侖能源係代表作之一呀，好嘢^^
信達紀錄曾經去過$1.83，散戶係咪真有機會在當時撈到，定係競價時段mark出來的?
回覆刪除昨早941最高位$76.4是開巿前的『交易』...
實在我哋在這巿場上贏到錢就係要好似你咁有信念+運氣+操作方法+耐性+........哈哈哈
$1.83是實際交易,我當天看過. :)
刪除1.83的確近底。
刪除又到咗呢幾個月價位接近頂部。
刪除唔知佢今次開那一邊呢。。。。😊
信念+運氣+操作方法+耐性 其實都不重要, 最重要是 「資金」要夠強大.
回覆刪除係呀，有傳說中用不完的資金，見低就吸、買多幾隻總會有啲跑出^^~、收息就有源源不絶回籠銀根再買。你真係要多多在這網海出現，每次你出場我就會再反思呢種實實在在有人成功的方法，重要係兩公婆都咁勁...........................................
刪除:)
李生係人都識？講个個人故事妳聽，當年我知佢入股中海集運，於是我將手上所有資金買哂佢，又叫老婆用一半資金買，再叫老爸重手入。點知佢浮浮沉沉好多年，我當時供緊樓，眼見可以沽清佢黎斷供，咁我好開心沽哂，老婆同老爸都跟沽，大家好開心賺咗几个巴仙。點知佢后來十送5.5仲要大升，計埋比我沽出价高十倍，然后李生一个唔該清倉，金融海嘯跟住黎。我立即「悟」。😑
刪除注：原先計劃係跟佢先會沽，點知為咗斷供，冇咗件事。成日資金，敗也資金。
刪除影響我信念，運氣，操作，耐性，說白了原來係資金的嘅多寡。😲
刪除雞同雞蛋，蛋變雞、雞生蛋..保住啲雞..生生不息^^
刪除多謝
首先要有一大羣雞，如果只得一公一乸，求其死隻或不育就冇蛋蛋喇。😂
刪除李生經常能在災難前著草，能人所不能。。。
刪除冇蛋蛋 豈不是公..公.....雞:P
刪除而家處於捉唔到的走地雞，執蛋唔容易呀
唔知啱唔啱聽，同以前啲亞爺揸扒成既得利益者。而家時移世逆，早走早著遲走瞓唔著...
刪除李生是公認的冧把1叻人。^^
唔知点解，作為妳的路過讀者Fans,喜見Blog主頻頻出文，確係乎合開心投資，快樂人生的主題，希望日後仍繼續航保持初心，無論逆境及順境。預祝有個愉快的中秋節。路人丙
回覆刪除都係要慢慢積累經驗,對親人負責任,待自己公平同不過於苛刻,接納個人有不足之處。
回覆刪除知足常樂 平凡是福 ☺
941沽得好。另外有冇留意妳寫文日27000點，今日24585，相差2500點，1359嘅價格變動？所以又真係見底定被圓底收集呢？
回覆刪除多謝,博反彈但個指數續沉底見有水位都是先行離場。而家係勁沽緊啲本地同國際銀行股,未郁到內銀。
回覆刪除我採取每日瞄瞄冇乜特別又未到價就又做吓第二啲令自己開心的事情。事關我內心好想入巿,可惜強烈感覺仍未係時候,所以揾其他嘢分散注意力放鬆吓。
1359上次炒上引人入然後散貨,暫時資金會唔會走去佢度成疑問,用相對較低的成交金額就可炒起幾格,提防提防。
我的觀點冇影響力,我冇貨當然希望四萬講中,亦感謝你提醒讓我三思這是否獲利機會。😊
祝師兄新年快樂。 心想事成😁
回覆刪除多謝 Y St兄。也祝你事事如意,股海長勝,身體健康。
回覆刪除