唔係食咗幾啖,未食已係得咁多。
呢個怪人又打電話去反映,上次講俾個熱線落單員知,結果係冇用的。因為。。。
昨晚收到的份量依然是這樣。
今次致電,呢位熱線落單員佢竟然答我份量係唔多的。
我:"不如你將我條線駁去嗰間出貨分店,你係一個接電話的,我唔想你難做。"
熱線員:"不如你自己打去"
<呢個人遇著的是神秘顧客會有乜嘢下場😄>
我:"已打去該分店兩次,冇人聽。"
咁樣佢先肯接駁條線去,但都係冇人聽。佢話叫分店打返俾我。
分店回電
那人第一時間已提出送返兩碗湯俾我。
我:"唔使嘞,最主要想了解返個份量原本係幾多,如本身係得幾啖,我下次考慮唔叫。"
佢:"係個碗的八成"
佢有禮貌地多謝我反映意見俾佢哋知。
而家做生意實在困難,由2月中到月尾,呢間食肆係做買一pizza送一。重要外賣盒都唔印商舖圖案了。
古姐，妳有冇用uber eats, deliveroo ,foodpanda? 而家唔興用电話反映。
回覆刪除我首次用uber eats 叫車仔麵時，少咗蘿白，我線上反映，佢即送返兩張$40餐劵。
剛循你仙人指路下載試吓uber eats,哈哈哈佢哋未提供服務到我呢度。其他未試。
刪除Deliveroo在舊居時從郵箱收到過佢傳單並有50蚊Q蚌。問過小石人佢似乎冇乜興趣啲食肆。而且當時跨區送貨"好似"訂唔夠某個金額要加錢。有妹仔大過主人婆之感。
呢間pizza有佢送貨團隊,N年前試過用佢個apps簡直發晒忟。後來去佢食肆口噏個水蛇春咁長的會員冧把記分又俾個收銀話下次一定要出示張咭。
另一個好態度的員工係有話佢哋有電話專線教客戶用佢哋個apps,但上網唔係因為要較方便才用嗎?
不同途徑唔係找對客人最方便的來用嗎?
我同意自由兄,線上反映係較電話個別訴說更有威力有效率地讓企業和食肆改善的途徑。下次我會試。
回覆刪除