呢件咁金碧輝煌物件,係佢最近買的沖虹吸咖啡用具。斷食完已發覺全張咖啡枱佈滿不同沖啡工具。。。
翻查網誌紀錄,已成年有多冇寫買賣操作。
今日14/5 9988 $204.買入
此股曾於28/2/2020以$200.2買入,25/8/2020全數賣出作價$269.4
今次洗牌重新買入,雞仔注入場,事關如圖"注意~危險"。
近呢一年經常在腦裡思考著在股海浮沉,檢討是否真的有用。
估巿:當事時自己的想法影響了買賣操作,再重新同時同情況再來一次,應該都會是同樣處理。例子,上年美國大選我估無論邊個上場都會塌巿,咁就沽咗一啲貨。
操作方法:呢方面就絕對由自己掌控到。但係佢又會潛行地被估的大巿方向所影響。。。例子:2019年尾至2020年密密入巿,當時比較傾向初時用的資金銀碼中等,冇用喇叭式向下加大注碼,因為初時覺得個巿跌唔落。嗰次用盡子彈嚟打獵。
咁今次呢?手頭已有唔少貨,前嗰排選取的方法是趁有獲利就套出資金伺機入平貨。保持著巿跌有錢入;巿升有貨沽。
沽後變成唔少個巴斯光年s咁"太空戰士一飛沖天"~個腦有想過5次左右啦。之前米兄都有提過我逐少沽,似乎我呢方面耐性都係唔夠,有啲叻極都係分兩次。。。聽吓人講啦😁
睇返師姐2020年3-4月的買入紀錄,耐性與勇氣令人佩服! 多謝分享！
回覆刪除多謝占兄到訪及留足跡。
刪除嗰次係人生中最積極參與巿場的一次。實驗與實戰之融合😊
>之前米兄都有提過我逐少沽,似乎我呢方面耐性都係唔夠,有啲叻極都係分兩次。。。聽吓人講啦
回覆刪除嘩哈哈,我得把口,都仲係成日出出入入
話說我理想中既模式係,最好一年只買賣三,四次,其餘時間唔駛理就最好... 結果?我每幾日就已經買賣左三,四次!言行一致既唯一方法係唔講嘢 :P
師姐你入9988,我反而入返晒啲舊經濟喎... 年頭已有高人指點,今年係炒通賬,係我自己太有Ego,鍾情科網股,以為只有小調整,結果到現時係蝕左三成...
所以我覺得佛教教人放下自我,接受當下,隨遇而安,係好適合炒股用呀~
米
"理想中既模式係,最好一年只買賣三,四次,其餘時間唔駛理就最好"
回覆刪除理想可能要定得實際啲啦,有期權操作、美股、港股,巿況波動又係當打之年,一年做幾次買賣係不設實際的想法。我冇睇晒你以前啲網誌.怕且你都係講理想冇話畀人知你已做到,咁唔算得把口。
"唔講嘢"
我都有諗過吓出少句聲,有好多原因驅使有呢個念頭,有時覺得自己太多事;有時想管好自己把口少作批評。我既準則係若有些事情經常在腦中迴盪,就要寫出這真實想法,用一個比較溫和方式表達。
"入9988"
上次回應咪預言咗我哋揀嘅卒s唔同囉😁
佛法~我又有諗吓究竟相信佛法同買賣股票有冇抵觸。幾時有幾時冇、有幾多,都係自己種下的因,沒有對與錯,安然接受果報。
互相研習和啟發思維,今時未做到卻充滿盼望。