18/08小石人特意放假同我一齊去游水。呢個泳灘佢第一次去。當天水質如圖清徹、沙幼、水中不時有大石。佢徒潛窺石底發現小魚群、蟹、火點。呢幅落咗鏡航拍的美景如翡翠水色,內灘外海雙映成趣。
該處以井水速細慢流分男女兩處沖身(有啲泳灘男女混合沖身處,有啲麻甩日沖夜沖瞥看女泳客)。每區只有3至4個龍頭,女方更有一個壞了待修。因為限制於回程船期,下午3時許開始多人輪侯。看見一個十來歲女孩獨自佔用了沖身位置良久,我猜測她是受"其母"差遣霸佔待母稍後到來即時可用。排在我後面的是外觀見不平則會鳴的40幾歲女子。到我在那女孩旁沖身時,以前的我是會想開口對女孩說後面有很多人輪侯。現在我不會,對事件沒有幫助。最佳方法是自己速速用完設施讓下一位輪侯者可用。老公在遠處問我要不要梘液和洗頭水。我答:"不用了,我要快啲沖完等後面啲人可以用。"
我比其他兩個比我早使用者更快交位。果然,前述那位女子(亞姐)到位,見發號施令給女孩的中年女人從女厠步出到沖身區,亞姐出馬訓斥:"個細路女玩咗好耐水"
中年女子答自己只是剛剛到來沖身。(通常就係吵架,佢講呢句無意思嘅對答都係一個方法)
事後我在想,帶著女兒有沒有更好的方法在不阻礙輪侯者又可如厠後盡快用到沖身處。
指示清楚,著自己女兒沖身後,再一次輪侯,到第一個位時如果媽媽未出現就守著頭位讓其他人先用。(會不會太複雜呢😆)
我哋預5點回程,所以早啲梳洗好可以有時間畀老公玩航拍。不過,因為風起雲湧大雨將到,佢飛咗兩轉就走lu。我哋整嘢食、帶嘢齊全就係唔帶傘。又留返啲精力回家用晚餐後做善後收拾。
今次行程好開心又順暢。
呢幅我影嘅
hello，請問甘靚嘅view係邊度啊
回覆刪除個名好優美架~半月灣,又叫厦門灣,近橋咀。你/妳可以從西貢碼頭乘街渡前往。我哋幫襯一間🐱記,佢係載廿人細艇,最好坐中後位,因前面大浪時會好大風同濺水。好處是回程時發覺佢都幾密來回,其他啲人等大船似乎比較耐一班。
刪除》對事件沒有幫助
回覆刪除很無奈，我也是類似做法... 而有時我會想，我是否過份犬儒？我沒有好的答案...
有實際事例先可抽絲剝繭去了解。
刪除講個我覺得自己做得唔錯的事件你知。依稀係200x年,當時仍有參加一班飲紅酒飯聚,其中有個3x歲嘅男士S係好抵得諗,自己要當更返工都搵佢女朋友山長水遠去天后買出名美味蛋糕攞去美孚聚會地點,而佢女朋友係冇份參加個飯局的。
咁嗰班男人打牌到肚餓,就唔理個女攪手話要等埋S(當更後放工就到)就開餐都唔緊要嘞。佢哋喺S到達後身水身汗重要成班啫住佢話佢遲到。。。似乎係欺凌慣。
咁我做咗啲乜,我同嗰班人唔熟又冇包袱,我夾咗舊义燒畀S,同埋多謝佢搵女友幫我哋買蛋糕。
立時成個場8至9個人都氣氛緩和咗好多。
有需要時我會有勇氣據理力爭同見義勇為。