慳時間·留嚟做喜歡事

 記憶中提過一次,我哋係融洽地處理家務事(大部份佢做😁😄)。

唔趕嘅,有能量做就做,唔做就由佢。

呢輪一齊睇吓煮嘢食視頻,佢似乎開始有啲興趣煮餸仔(我哋好少食飯,屋企亦冇電飯煲)。

近期煮餸時佢有問我使唔使幫手。

以前,煮嘢有好多步驟諗(唔識同未建立到系統),,煮食用具唔似而家咁方便先進夠使(中三時完全唔識,放學後需要煮飯,買餸、用火水爐+一個爐頭整2餸1湯,整得好慢),,,

人大咗有段時間,操刀煮嘢時別人唔敢埋身,因為面口唔好睇又比較忟憎。而家留意到有呢種情況加之做得多咗純熟啲,煮少少嘢,冇咁大脾氣。(拍拖同新婚時面容會好好多。)

是以,有些情況下,有冇人幫妳係自己造成。

我攞住刀佢敢行埋嚟,感情好好。。。

單操(一個人整)保持一隻手係乾同乾淨(講過),做定啲乾手時處理的步驟:預備醬汁,放定啲鹽抹蒸魚身,放定啲抹紙吸魚同蠔生料的多餘水份。就唔使手經常濕立立再掂啲物件,尤其是要乾身儲存物。

<以前有個有錢親戚問我啲魚點樣處理先唔水撈撈,佢哋使慣工人所以唔會知呢啲竅門技巧。>

洗蠔有人幫手放粟粉,係順暢好多的。佢想幫手時會自動埋位,好合拍。

昨晚佢第一次溝獻汁,之後老婆煮香茅乾蔥薑蒜蠔(唷,唔記得留份蔥畀呢味添)。蒸魚見過我整,由蒸焗爐攞成品出嚟倒走啲水,好幫得手。

繼續轉變煮嘢時語氣同面口好啲。

有次佢攝錄我處理銀行嘢好專注個樣,Cool睇返。。。吓,覆舟嘴。咁樣落去唔多掂,要改。

正題😁😄

皇宮開完大食會的感覺,就係用洗碗碟機幫輕吓之時,此時不用待何時,機器係要耐唔耐用吓,況且專屬洗碗劑都唔躉得耐,受潮一舊舊。

家居要乾爽乾爽。重要嘅事。

以上內容有啲亂,時序記憶冇乜整理。睇得明,你/妳哋好嘢👍👍👍👍👍