昨天小石人晚間出發上班,巴士擋風玻璃外堅忍的佐治穩著全身尾fing fing。
一齊咁耐今次深宵獨個在家,有啲驚。
7月15日(二)晚上11時許
他又剛出發上班了。
雖則打散,返工日數幾日,我哋覺得係要有機會就持續工作,保持思路精靈。
凌晨回家交通自費,巴士停止服務,今早佢同事建議一齊食完早餐再等頭班巴士回家,慳返2xx蚊的士錢。
是晚返工前遲啲食晚餐,日間斷斷續續瞓吓覺,對佢平時要早上床休息的人,真係相當唔慣。
我就盡力配合,日間保持家中安靜等佢安心休息,有時幫佢按吓肩頸。好彩最近買咗按摩身同腳的機,佢多次用時都多謝我,套按摩機好有用。
今次逆境嚴冬,我經過1997至200x的慘痛教訓,似乎現時應對得好好,因為銀根上早有預備,多謝自己~多謝小石人~多謝長生天。
今次逆境嚴冬,我經過1997至200x的慘痛教訓,???
回覆刪除冇跌市呀??咁快逆境嚴冬??
弓起,對WW兄冇影響(享受退休生活)。
刪除可能就業行頭關係,好早已發現家中伴侶開工不足,曾被欠薪,多家公司都接唔到工程而苟延殘喘。(我已經唔係一個人)。佢哋有啲公司,被人拖數走佬已經發生緊好耐。有公司曾向小石人招手欲聘用,就係拖人數結業再起爐灶,畀都唔會幫呢啲人打工。
好彩我哋曾投身飲食中菜業的老best離職唔炒餸變炒股又炒巧手十八剷得咁掂。飲食業尤其中菜係重重災區。
若果再加埋有跌巿(前幾年買咗某啲腰斬再腰斬的股,跌咗唔識放手或想辦法處理,而家都係停滯不前在谷底。
槓桿過度負資產如被call loan對某些人就更加百上加斤翻唔到身。
香港走咗咁大班人,可能有啲工種仍能吉出職位機會。幸甚。。。。
大環境是差.... 但同時做裝修的人手亦老化，要揾個有交帶的判頭一樣好難。
回覆刪除"要揾個有交帶的判頭一樣好難"
刪除甚是。
有啲做判頭自己死命做埋一份,但唔多理工程進度。項目部份可能好多人掂過,出事時就諉過於人時有發生,最弊係搵極搵唔到出錯位。
又唔理材料入貨情況,成日都話有,其實咪用咗囉。
入場時一啲初部步驟需要mark定位嘅又唔做,人哋其他瓣數佔晒位,後期再攝位就失先機啦。
冇工程時冇資金養住啲師父嘅情況已經發生咗好耐,有工程先埋班咁班師父平時點收入??做uber司機😄