仍愛

今日又用番廣東話嚟寫，最鬆弛的做法。

自從上次了解咗電視電玩之害後，

打機已戒，

鍾意睇電視的我就多嘢諗喇。。。

有得賴嘅係古謙自細已成日睇電視，唔怪得之看書的專注力咁弱啦。

睇緊電視時又會偶然鈎起智商係咪下降緊呢？咁重睇﹗

經過一輪矛矛盾盾之後，都係冇搣甩舖電視癮。

亞Q啲嚟講每次都會用腦諗好多嘢，觀察場景佈置、服飾道具、欣賞特技製作、劇情合唔合理、演員演技。

有時睇卡通片我都會熱淚盈眶，睇推理劇會考吓腦筋，歷險戲又會幻想吓自己置身其中又會點，有意思同寓意的就同老死分享吓自己的想法，樂在其中。

況且我而家都越嚟越與外界隔絶，可能呢個係重同世界有連繫的弦，如果都可以斷埋，離升仙之期唔遠了。

講咁耐開場白，其實我想講吓最近的仙巴歷險記。但唔係講劇情喎。

我鐘意海，我喺度諗如果要揚帆出海四處漂流闖蕩，

喺船上可以有乜嘢貢獻？我識釣魚同煮嘢食。

跟住....如果想歷險，就係時候要鍛煉好自己的體能，就由呢度開始好了。