相片背景其中有一盒老公送給我的朱~古~力。
這十幾年間,我送給自己的禮物s包括:
成功戒掉打麻雀 過大海 飲酒。
又再而三受到誘惑,而我成功對之說不。因為這考驗中,我打到終極大佬KO咗呢個重覆的人生課題。就收成到美好果實。
唔多但覺夠錢就唔做工lu,攞返屬於自己的時間。打工真係唔對路,畀啲揸住雞毛友s s s又要咁又要點點點。現時怒氣已減郤至新低點。唔會畀以前記憶不停折磨自己,事情已過去,如果成日想住係同自己過唔去,不停傷害自身。我要錫自己多啲,先吸引到老公更😚我。
對那些經常放負的友人,&飯局完每次都令我好激氣的舊同事,已經去到頂唔順的狀態,就要拜拜。認識到一些人是(暫時)沒有尋求優化自己,改變自己使成為更好的覺悟。無謂嘥時間。不要委屈我。
幸福是要親手爭取,主動出擊,搵到心愛的另一半。之後我因家事情緒唔穩定同抑鬱,失控地嚎哭和大嗌,都係老公救咗我條命。佢當時放咗工晚晚回我哋現居所執嘢修整,等我可以盡快脫離原生家庭,那個令我致病的人s和地。佢又好耐心咁聆聽我訴說。要不然,一係我殺人s一係我殺自己。有冇咁嚴重呀,Coolhim。就係有機會咁激,一個平時善良又替人考慮的人,失控時係乜嘢都做得出。是以,我比較明白人哋痛苦。針唔拮到肉唔知痛,我自己經歷過可以較易理解其他眾生的苦。不過每個人情況唔一樣,遇著有慘痛遭遇的人時,我學會唔好叻唔切地畀建議。用心耐心聆聽,最好是讓該人尋找途徑,自己找回內在力量。
唔以世俗認為的"成就"來衡量自己甚或與人比較,冇以買賣"估"票成績來定義成功與否。
檢討自己錯處,出問題自己都一定要負上責任,不能千錯萬錯都是別人的錯。
成日都我我我,呢一種係管好自己的事,別人的事嗰啲人自己負返責任。世界大事我唔識又管唔到。
不故意傷害別人的情況下令自己更美滿,才可以感染其他人。
本體跟期望的自己想成為的人越來越相近。
不斷贈送🎁畀內在的我。
Coolhim做得好好。
送給現在處於水深火熱,被人生之苦煎熬中的朋友們。
離苦得樂,你們做得到的。
呢篇好有價值， 好多嘢感同身受。尤其身边的人和事，看似受盡折磨，但明白自己原來也是其中一員，別人也有難處，多作換位思考。沒有對錯之分，時刻檢討我念。
回覆刪除淘兄早晨。
刪除是日早餐大家享用過。
感謝留吓有價值的留言,互相鼓勵。