不沽、不高追,放唔放到紙鳶?

前幾日闖進我哋家中的小螳螂。

記得有個前港姐冠軍兼演員曾打電話上恐怖在線,同潘聰講佢住低層,有日有隻好大的螳螂入咗露台,咁高都上到嚟,重唔係鬼故,最終呢個女演員為咗保護個女兒打死咗隻螳螂。

古某住廿樓以上,經常有昆蟲入屋或伏在窗外,見蟋蟀螳螂都有份莫明喜悅,前幾日徒手捕捉咗隻黑蟀放出窗外。慨嘆嗰隻大螳螂真係唔好彩。。。

無驚無險繼"摒棄散戶心態"帖文又過咗十日有多。

如題冇沽冇高追,至於有人成日話的不估頂放紙鳶,試吓做。嘗試唔同的方法可帶來不同體驗。

前日見忍咗咁耐,就開吓啲強積金戶口睇吓,幾開心,因為小石人個戶口比上次結算多咗6位數字。

而我個戶口亦有進賬,因為我好早已唔打工故此累積有限,總結算時未知,而家呢個利潤百份比都可以稱讚自己處理得好。初步計劃食埋呢次升浪就提早領回。

及早提取,慳返啲手續費都好。

股票方面,聽米兄講(我有自己做功課同會負責返自己的買賣決定的,請放心)我今次有入趕交所,暫時帶來滿意的利潤。其他嗰啲價位尚未追得返,不過拉勻追返唔少,又睇吓自己再守得幾耐。

自從B呢巴啦吐感受後,呢十日過得輕鬆好多,又搵唔同嘢分散吓注意力。Utube Utube打機睇戲放FA~

雖然我成日講FA~壞話,不過有隻生物陪我,同埋要照顧佢,可以延緩退化。鬼叫我膚淺,睇見佢咁靚女就墮入美雀陷阱偏我遇上。。。

又整多張小石人影落FA~嘅舊照。

不停嗌咗幾個月,呢幾日無啦啦又撳返著個講嘢mode。