劇情講到之前壞咗雪櫃。
慳家嘅老婆用燜燒煲保存咗一啲食物,第二日食咗韮菜餃重要一人啃十粒湯丸>>>小石人話食到最尾嗰粒心想有排都唔食湯丸。
(有新雪櫃轉頭咪又買😋)
嘥咗幾盒雲吞,蠢咗,唔醒起還在良好狀態時送畀鄰居。
本來有家舖,可比實體舖平啲購買同款雪櫃。
去商場睇實物時,個女職員好幫得手,有禮貌又解釋得清楚,咁就幫襯該實體店。
該店又有折更講一個保養計劃,條數又係令古姐45度側頭內心擘大個口。小石人今次好決斷咁話加錢加plan。
然後望住我>>>我話:"決定得好。"
哈哈哈哈哈哈。
我問:"而家壞咗嗰部雪櫃用咗幾耐。"
小石人答:"20幾年。咁妳又話決定得好?"
我:"記起個蒸焗爐買咗幾日就壞,所以參加延長的保養計劃係啱嘅。"
小石人又向我解說:"呢個雪櫃電子嘢多,有幾com呢就好難講嘞。"
跟住又有驚喜。
呢個商場為咗吸引多啲顧客消費,又攪咗啲積分計劃。
於是去顧客服務台做鴨s登記。
過幾日,我哋再去該商場食嚐幫襯用咗啲積分。
問揸住煲茶個男侍應:"咩呀。"
我本來想等佢放低茶煲先問,但佢見到我電話的鴨s面,唔知乜嘢積分。其他女侍應又圍住睇都唔知咩新攪法。
跟住叫咗門口知客(大家姐款)嚟,一睇就話有呀,妳去櫃位埋單時嗰個職員就知。
我笑說:"就係侍應唔知。"
知客又禮貌地回報笑容。
燉湯冇影,見到係粟米紅蘿蔔就覺得蝕。因為佢話西洋菜同蟲草花兩樣揀,咁梗係要蟲草花點知其他配料咁普通。
找數時,我攞個電話打開鴨s嗰個男人好純熟的完成結賬。
回到我哋坐的卡位畀小石人睇,佢即時發現問題:"點解重要全數4佰幾,唔係扣積分咩。
一日懵幾勻的我,又往收銀處告訴該男子。
男子:"妳冇話扣積分。"
我:"係呀,我冇講,勞煩你要做多啲工作添。"
男子:"唔緊要。"
佢又好快攪返掂。
再唔該佢一次。
出去食嘢開心愉快,我通常對路人同卡乘客侍應們笑笑口。
同場加映~小石人將個滿晒油漬嘅焗爐拆散晒,洗乾淨再嵌返,勁!
沒有留言:
發佈留言