起皮再起皮

"起皮"對我來說是陌生的說法。

是其中一範建造業員工被解僱的用語。

服務一間公司10年以上糧單上仍是臨時工。要算已是升級成管工,沒有犯錯情況下,有資源請真正臨時工也放棄有手藝、盡責、順利完成任務的人。

對當時人來說,委派工程的上司連解僱時見一見交代都欠奉,只叫另一名多年前介紹當時人到這公司工作的員工(我哋俾個稱號叫佢做"膠")告知休息。過幾天,這位膠哥又再致電當時人問他找到其他工未,即間接落實當時人已被"起皮"。

處理手法之差令人要明白賓主關係,生意一場。

死因:

此公司話事人用人為親,冗員同上司多年朋友,例一:遲返工因為去打波,工作時間瞓覺。例二:哮喘不能完成很多工序的,都可留任繼續工作。

話事人會死攬脾氣暴燥,不懂分配工作,預材料離天萬丈(新料預多咗變咖喱回收價過萬),有事推卸責任,不懂跟工人溝通的人做管工。(呢啲衰嘢話事人係唔知情,因為當時人唔會向話事人告秘)

相反燥管工就經常在話事人面前打當時人毒針。當時人其中一個非死不可的原因就係知得太多。

山頭主意,啲旗在早期已被不同人佔領用公司資源招兵買馬,排他性強,已是話事人不能駕馭的局面。

陰招:一日話事人追至公司門外同當時人講,若老闆叫你用whatapp報糧單,你答佢唔識,如果佢一定要做,你話俾老闆知唔做呢份工。。。(咁即係教當時人同老闆作對然後自盡!!!)

呢間公司已接唔到新訂單好耐,舊工程啲數又好似幾千萬未開頭咁唔追,欠佢數的公司不再給工程已變成巨額死數。

行內完工程即將臨時工解僱係家常便飯,所以炒散心態係潮水漲退般一日和尚敲一日🔔。

就算係管工炒咪炒,可以做得好睇啲。。

最XX係,重不停叫當時人食佢嗰餐咁嘅團年飯。其他長散仍在該公司返緊工的亦問嚟問去叫當時人食嗰餐咁嘅飯話為自己留後路。(真係聽到都滴晒汗,一則針唔拮到肉唔知痛係千古不變的事實。二則有咁天真的人。。。不過散工心態又點會明咁多人哋的情況)

咁當時人好快就搵到第二份散工。佢真係想快樂地打散。過幾日新公司老闆已安排他到另一工場幫執(協助管工的工作)。呢位管工全部嘢差不多都係靠腦記,啲圖新舊撈到亂晒籠,袋住啲掣房鎖匙,次次要開門就要自己去,齋噏又沒有安排具體工作俾當時人,正所謂想幫都幫佢唔到。

工作唔係搵問題係解決問題,短短時間發現嘅重有好多又唔係當時人工作崗位可處理,為有自己搵啲實際嘢做。

咁又過咗幾個禮拜。

年近歲晚,大家都收到公司發的Whatapp,大致係寫照公司慣例所有散工都會被起皮。每個人都要在今年工作最後一日執返晒自己啲架罉走。。。有報咗名食團年飯的散工話點帶埋咁多嘢去食,重要喺母雷公山旮旯咁遠。。。

前幾日同當時人去茶樓叫咗釀尖椒,發覺啲椒外皮好難消化就起咗皮先俾佢食。。(會心微笑)

去谷哥大神查過"起皮"唔係粗話。😄

我哋係用好正面的心態去一齊面對呢件事。

分析形勢原因,了解事情的可能性更能協助當時人觀照情緒來源清晰的脈絡從而接受。