流程圖
講多啲好人好事,人都開朗啲。咁橋我係會員,明早如果登記後分配到就出吓街lu😁
老公喺街市幫襯開的生果舖女店主問佢:"點解咁耐唔見你老婆嚟街市買嘢?"
答:"慳返啲口罩嚟用。"
^^
由上次落枕開始,頸膊痛到而家,左邊嚴重患處右邊有時都有。
我用Osim pro therapist電患處,多得呢件東西舒緩痛楚,有時可以呼呼入睡,身體唔舒服時,瞓得到覺好重要。
另外一件法寶係呢款搖擺機。活動脊骨放輕鬆😄
我需要經常提醒自己保持良好姿勢,慢慢活動拉返鬆啲繃緊咗嘅筋腱。
自我按摩同用暖水袋熱敷。
^^
前幾日聽小石人的CD庫發現張國榮唱別人的歌,有一隻歌詞簡單旋律好。跟手喺youtube搵吓發現以下呢個版本超正。
從不知
Hifi黑膠96/24HD Audio
呢幾日不停地聽。
耳尖的小石人都覺得唔錯,就睇唱頭同製作😄重問我好唔好搵隻黑膠返嚟😅
我亦有兩箱黑膠碟不過無唱盤
回覆刪除😵😵😵
佢之前有個冇唱臂同缺其他我唔識嘅嘢的唱盤話掉。問咗佢啲朋友要唔要都冇人有興趣。😅
刪除鄉下仔有個侏儒謎題未揭盅。真係估唔到。。😵
刪除係乜東東迷題 ？？😨
刪除鄉下仔 (B貨)2020年2月13日 下午4:21
刪除一塊砧板有兩邊
一邊剁豬肉一邊切魚片
魚兒問猪猪何日可相見？
猜一個字
咁遠都畀你發現 ？ 哈…………
刪除答案 =(懶)
我都間中有肩頸腰痛（但香港中年人有幾多個會冇？）
回覆刪除睇開嗰個按摩師傅話，其實唔係條頸既事，而係大脾內筋緊，叫我做多啲丫開大脾既動作。我練左其中一個扮青蛙扒响地既動作拉筋。條腰即刻無咁痛。
謝謝米兄好貼士。
刪除剛看了扮青蛙拉筋視頻話改善o型腿,唔知係咪同一樣嘢。
我同意拉筋有幫助,你啱呀,一度痛可能係第二度有事,人體真奧妙。。XD
》蛙拉筋視頻話改善o型腿
刪除類似，重點都係拉鬆大脾內筋
我個師傅解釋，人體既筋其實同一條橡筋類似，上身痛可能係因為下身既筋緊。同埋，用得電腦多，個人習慣係烏低縮埋向前彎，於是就應該做返啲相反既動作，去擴展返