尋日小石人影完呢幅,嘩,我覺得靚到氹一聲。佢捕捉到FA~妹專注的頃刻。光線柔和自然睇落啲毛色好似好圓潤咁。絕佳作品。
近期見小FA~Fa表現算穩定,呢排每日都會解鎖鍊餵啲嘢畀佢食,將佢放喺唔同地點方木塊、高腳櫈、觀景台和外帶背囊。讓佢行吓飛吓郁動吓。
最窩心的係佢會自動飛嚟我右前臂。全程監察陪伴,初先一、兩日鎖返佢時會發出不滿聲音,當我等佢平靜後會立時畀其中一樣佢最鍾意的新鮮芒果佢食。後來有次活動一陣後自動飛返紫膠pan,安靜地畀我鎖返,因為知道有好嘢食。
今日我同佢玩個裝食物的小金屬罐當足球咁碌嚟碌去。
有幾次佢自己爬入去、飛去之前佢好驚的外帶背囊(要長時間畀佢適應睇熟先唔驚)。咁我就喺嗰度餵吓佢食嘢;引吓佢出嚟上我前臂,等佢習慣吓我伸手入去個背包。
每次都會上齊保護裝備,比較熱。經常小心防範警惕,因為佢有時會受外界活動影響,受驚而攻擊。
換FA~紙時最激動,試過鎖住都全方位作勢進擊。
以前會畀佢發口痕咬吓我啲衫或者衣帶,戴住的勞工綿手套,而家通通唔得,馬上喝止,咪整慣晒以為同佢玩,玩玩吓就變得好大力。
有次佢咬緊條索帶,我埋啲手臂掂到條膠帶,佢就㗅我。。得。。。轉頭我就收走佢。是次表面平靜後,過冇耐輕力咬咗我手指一嘢就飛去背囊。
以下我影:
呢排同佢相處得幾開心。
佢有好多嘢進步同叻咗:
飲水冇咁易嗆親。
唔滿意走埋一面刮👄。
接觸我手指的力度可以接受。
尋日餵佢飲椰青水,佢一試,
對眼望實我,好似講:咦,好好味喎。
未見過佢飲嘢飲得咁開心,半世雀第一次飲呢樣"甘霖"。
