T

 新買Tshirt我哋都會選購快乾透氣衣物。綿質索汗,久而久之啲汗臭蝕咗入衣料內,浸洗消毒反覆煎煮清洗都甩唔到浸味。物盡其用的我會剪咗佢嚟抹地。

昨日放工佢去買衫,佢似乎都習慣咗會問吓我揀乜嘢色。事關以前佢多數係灰黑藍綠,自從識咗我佢就被轉化為著多啲色彩的衫。橙色紅色😮。著咗上去試吓先啦。

其實呢3隻色買兩件,都問,咪佢以前揀嘅色(呢句心諗)。我又大條道理咁答,而家你已有件還算新淨的灰色,鬆出嚟開工的是藍色同綠色。

佢十一月生日,我話我送畀老公的生日🎁。實用 有需要 自己揀 鍾意的,唔使理係咪正日,幾好。

前嗰排放晒啲阿里巴巴正股,伺低吸納,呢個過程覺得有少少壓力,佢係慢慢回落,我貪心想等低啲,同希望4月結算會插多一嘢。

調整心態,發覺自己無論點都要在相對低位入返啲。因為完全唔買,一抽高我知自己會好唔開心。

27/4 84.5買

29/4 102.2沽

叫做再追返啲。

好多隻都有排追,下風牌。耐性兼檢視自己心理狀況,有壓力就試圖搵吓來源制定和執行然後解決佢。

大巿跌冇人講到答案畀另一個人知喇。睇人操作都唔係辦法,人人揸住副牌唔同,櫃桶籌碼數量不一。

好網友會睇吓我的狀況,呢度啲嘢參考價值不大。

成熟的人,買乜做乜都有經過思考,用心睇過別人的網誌可窺一二。作為觀察者我就選擇唔置喙。

人哋講嘅嘢,有冇試過 做過?冇,咁有乜好畀意見。有,對方想交流傾得開心咪爹吓。對方一路唔答,自己又要大方識趣。

以上全部講我自己。

蘭香滲四象

她施展了蘭花處處128絕活,雙臂如藤蔓般游走於對手身軀至主要穴位,手指如蘭花含苞迅間蓄勢將發。

意會到若未及臨她綻放爆炸力前止住這無處逃避之猛攻就一定敗陣,他奮力在千鈞頃刻之際使出全身力氣,鼓起內丹,頓然空氣中瀰漫著蟲咬齊鳴拍動透翅之音頻使她失神。是回比試靜止了。

她心知,倘他以十成功力發招,不是雙耳失聰如是簡單吧,即時經脈盡碎還來得轟烈痛快,來個腦神經永久受損地瘋瘋癲狂才是活受罪。

~他·心中有我~

回到現實,

這株蘭花在小石人家多年,是一位既賣蘭花又是打散同事免費給的。(我心想,老公人緣確好,這些東西在某些人們心目中的價值很高。)

據小石人回憶,到家後一直沒有開花,翻查網誌紀錄我曾提過將之放在其他蘭花會盛放的位置,轉換陽光吸收程度和環境。

記得近月當他發現每支莖上都長滿花芽,喜歡用手擎吊著欣賞,臉上流露孩童笑臉來到我面前稱讚一番,當然是👍我悉心澆水成果。

我倆都是愛花之人,以前與雙方老一輩同住就不能如願作自己s喜愛的興趣,有些不喜歡植物惹蟲蟻;有些開花位是用來曬晾衣物。現在自主自由,漸漸看著很難做到的,在天時地利人和配合下呈現眼前美好感覺,不是金錢可以換到的,自己種的跟野外或其他設施花圃是兩碼子事。

寫網誌當然希望有觀眾,要不然不如買本日記簿寫給自己看。所以感謝在這文字共視頻百花盡放年代,仍訪本深山飲泉水的各位。今天以幽蘭奉茶賞花兼遊想域以表謝意。
 

週末攝影·賣金者言

彩鷸雄鳥

小石人當天回家時好開心呀,佢話呢對鳥罕見,重要俾佢影到。事關啲models好多時唔會停留得耐,時機一閃即逝。。。

彩鷸雌鳥

雛燕

似回力鏢嗎?

此地我重以為係雲的倒影,原來乃泥地乾涸有裂縫兼注咗水,據佢講現場好靚。

荷葉翻飛彩鷸行

枝頭展翅雛燕鳴

片絮淤泥回力影

南生景緻拾趣窩

嗰日我冇去呀,集合時間太早。

唔好下下話男人結婚後唔夠細心、浪漫。今日諗假若是追緊小石人時,再早啲都會興奮地赴約。😄

^^

入題。。

講完心就講金。

話說老爺奶奶生前買咗啲金。

除咗有兩樣好細心寫明,龍鳳鈪留俾佢哋二仔,條金鍊留俾小石人外,其他就冇註明。

處理分金事宜落喺小石人身上。。佢兄中有人話要返啲作紀念,咁攪法發分唔勻咕喎。

有道是不患寡而患不均,無謂之後耿耿於懷。處理人解釋咗情況畀嗰個兄知,最終用貨幣結算最公道。

某兄從佢保險箱取出物件交給小石人後,,,

首先辨別出處,成6、7間分別不同的鋪頭嚟,重要5間都係舊金鋪。

一般常識是回到買的地方賣,金鋪收自己金飾不扣火耗。。。原來不完全對的。

大型連鎖金鋪就係,小金舖非常多"龍new"。

賣嘢當日:

有啲已執咗笠,咁即係涉及要到其他舖格價。

有間俾佢睇完後我哋起身唔賣,佢叫價俾多兩仟蚊,可想而知食水幾深。任佢噏的感覺好強,因為火耗佣金%間間唔同。

有啲自己舖的金都收10%火耗,別家來貨收20%。佢嘅10%+佣金客人得來的又有可能少過人哋15%+佣,總之一堆堆數字。。。

最尾嗰單,因為想當晚攪掂晒佢就俾人搵咗笨。我好嬲自己,小石人安慰我時,我重用好重語氣對佢。

事後我覺得自己好奇怪,股票輸大數目都冇影響心情,為咗丈夫家亞公事咁憤怒。

因為喺現場,又冇心理準備,自己又好似麻痺咗咁唔識走。

總之太攰,頭腦唔清醒時就要停止。

翌日我上谷歌搵資料,原來有間中上環金鋪收別家來貨價較高。

買金飾去大型金鋪到第二日自己或後代要變賣物品時省卻格價同俾人食價的情況。分唔到件物件出處,亦可以去呢啲大型金鋪搵職員幫手辨別。

鍊·原來老公立心係送俾我,咁而家就變咗係我架喇😁(突然想起以前啲人鑲金牙,戲中嗰啲金牙坤,笑起上嚟,打燈落去咪有星芒。)

朱雀台前水流田

昨天倚窗望行雲如綿,

有影偕雙一樂也。

是日操作:

雖然7331有排未到買入價,先沽伺低再戰。作價$7.82

^^

今天鮮有地忙碌,山洞穴人出關辦銀行事、1蚊換購口罩、購物。。滿載而歸。總之儲多些戶外任務才一次過完成。

^^

小石人:"詩人是不用洗碗的。"

呵呵呵,都是要培養多些書卷氣,回復當初在網上認識他時的嗜好和"形象",才對板。

朱雀台前 水流田

嫣紅一別 話相思

話說有一種鳥名朱雀~多好聽的名字,胸前有嫣紅色的羽毛而今年曾在水流田出現,小石人當時沒有到那裡打雀。。。

網海前世今生

磅礡雲湧 聚香江

鯨吞氣量 儲丹田

俗世塵凡 擦身過

陌路相逢 逐紅妝

網絡上你曾用幾個不同身份?

賬戶不單,你或會遇到一些轉換了另一個稱號的人。可能她曾在你需要找人傾訴時無條件充當樹洞。我以前在雅虎寫最早那個網誌時頭像就是一隻微笑大嘴蛙。

要算是玩遊戲的臉書群組,也有年青人原本禮貌周周向我討教。結果在不知原因的情況下,有一晚他突然徹夜難眠地不斷留言公開騷擾我,又在我帖上向留言的群友們說我不是。

能忍~我沉默

他又以女人的年歲欲用說話來傷害我呼亞嬸。及後陌生的留言者見義勇為,她為我說公道話。然後一位平時有交流的群友就與這不知他為什麼會這樣做的人互相鬥嘴。實在感謝這位勇者,不是他轉移視線,就不知那年青人要纒多久。

我們就是不知一些人有什麼隱藏痛處,要似將血海深仇算在素未謀面的人身上。。。

我們只能向內求,不卑不亢,儲備豁達氣量來化解。

是日操作:

買入

7200 $8.91

1088 $13.76

9988 未能成交

我成功將口罩平均價拉低了

儍豬豬的我排錯條輪侯連結。前面有成幾萬人都排錯。個幾鐘之後,11:33有通告話俾大家知呢條隊係錯嘅。一定有好多人好嬲喇,打電話查詢都cut線唔聽。

原來面書在專頁有個"馬上逛逛"的連結係去返本頁,我諗主辦商舖都唔諗到會咁樣累事。

於是我由排三萬幾位置跌到10萬幾以後,需求幾殷切。。。

佢哋由廿萬口罩加碼到三十萬。好彩係會員喇,後來都分配到。

上次小石人買70蚊10個,即刻大幅將平均價回落。😅

呢啲舖頭咪識做生意,商譽好,我去換口罩時已預備幫襯花膠海參腰果。俾佢哋賺多啲再適時回饋造福社會,減少怨氣。

蔡康年趁生計淡薄時自我增值剪咗條片,用股壇術語嚟形容我哋呢場世紀搶口罩大時代。

我推算罩價將大幅回落。

前晚小石人嘅友人問我哋買唔買50蚊一盒50個,咁如果可以梗係買兩盒,公價喎。點知呢位大哥噏漏個1字,百伍蚊至真。。。哈哈哈,咁就買一盒lu。

其實呢次疫情,我買物料的意識真係0。平時用嚟洗衫的滴露又就嚟用完,前嗰排小石人用較高價喺街邊買的未聽過牌子,液體內有雜質,我諗至多用嚟洗地算。

另外上次講自製UVled燈又係一早冇晒原材料。

我咁執輸都生存到,都係老公最醒,唔搶但乜都攪掂晒。

😍✌

樓上派口罩·安排得好都係善舉

流程圖

講多啲好人好事,人都開朗啲。咁橋我係會員,明早如果登記後分配到就出吓街lu😁

老公喺街市幫襯開的生果舖女店主問佢:"點解咁耐唔見你老婆嚟街市買嘢?"

答:"慳返啲口罩嚟用。"

^^

由上次落枕開始,頸膊痛到而家,左邊嚴重患處右邊有時都有。

我用Osim pro therapist電患處,多得呢件東西舒緩痛楚,有時可以呼呼入睡,身體唔舒服時,瞓得到覺好重要。

另外一件法寶係呢款搖擺機。活動脊骨放輕鬆😄

我需要經常提醒自己保持良好姿勢,慢慢活動拉返鬆啲繃緊咗嘅筋腱。

自我按摩同用暖水袋熱敷。

^^

前幾日聽小石人的CD庫發現張國榮唱別人的歌,有一隻歌詞簡單旋律好。跟手喺youtube搵吓發現以下呢個版本超正。

從不知

Hifi黑膠96/24HD Audio

呢幾日不停地聽。

耳尖的小石人都覺得唔錯,就睇唱頭同製作😄重問我好唔好搵隻黑膠返嚟😅

斷·捨·離

籠煙淒迷灑甘露

清風送爽朝霧散

雷隆響聲猶不絕

曙光漸見照人間

這兩天都是歷經一日如幻多變的天氣。瞬息轉換令人學習適應,欣賞自然界傳遞予萬物之訊語。

^^

前天那陳年電腦下載更新就卡在94%藍色畫面。

要是以前的我就是大為緊張地想辦法"營救"。今趟試了一會兒也算了罷。

雖然內裡紀錄沒做備份,沒關係,反正現在做買賣才啟用。😄

^^

說到斷捨離的哲學。香港那電視頻道的節目做得最"粗暴",速食兼扮有品味。對我而言除了製造更多垃圾(沒用的所謂裝飾品)外,整個節目只是要參加者履行簽了的合約強行將她們的舊東西囤積物一掃而光。

一些細緻連繫內心複雜關係的物品,可以是擁有者渴望完整的心願。又可能是受了重大刺激後用囤積方法去表達內心自尊受傷的外在表癥。重覆購買、一款多色有機會反映缺乏安全感,怕犯錯等心態。若沒有好好解決心理障礙,要算在受者不情願情況下清走物品,當下烙印不悅感亦沒有解決核心問題,不久又再故態復萌。。

照顧好心理需要,解構根本原因,認知明白而儲夠能量,心裡與家居澄明簡約再也不是夢。

😉😊

美妙的一天

佢話揸住嚟影有味道啲。

今日佢突然走入房請我跳咗part慢舞,真係估佢唔到變得咁浪漫,好開心呀。

小石人又主動提議我喺呢度分享吓佢花咗兩日安裝返妥當的氣浮臂。

儍豹主題曲我好鍾意聽架,呢條片係我個智能電話錄同收音。

^^

口罩消毒重用的謎思

今日我搵咗條片係一個女人做布口罩,我問如果我做咗佢會唔會用,佢答會。佢話見到藥房已將口罩價炒高咗好多,$520十個,約為N95嗰種,聲稱韓國製造。佢唔會俾錢啲人咁賺法。

傾開消毒口罩方法,諗到用UVled。連一次性口罩估計都行得通。查到有呢啲UV消毒產品但係已賣斷貨。

其實佢係識自己安裝UV燈的,咁我著佢自己買料整個消毒盒咪得囉。

今晚嗰間公司又話召集聽日返工了,呢個口罩使用處理方法係要解決。。。

^^

是日買賣操作:

買入

386 $4.2

778 $8.85

87001 ¥3.16

^^

東南亞風味的咖喱

料頭一落咗乾蔥香茅同檸檬葉就寧舍唔同。

1.香茅要拍吓佢,剪段。

2.乾蔥一半用油爆香,一半臨尾先落,一樣嘢就有兩種味道變化。

3.檸檬葉最多放兩片,多咗會好霸道同偏酸。

4.百搭配蔬菜、魚、雞、牛、豬、海鮮都得啦。

我哋鍾意配雞翼或肥牛。今次雞翼用啲咖喱醬醃過夜效果好好,入晒味。

做法一:

落油,依次序落料頭:薑乾蔥香茅檸檬葉蒜頭,煎雞翼(徹底解凍至室溫)兩面,加咖喱醬,炒香後加熱水蓋過肉類,加魚蛋。呢啲細隻雞翼煮約9分鐘(中途要翻),加乾蔥至收汁。

點解會冇薯仔?因為尋晚嗰餐煮肥牛時用咗。😄

做法二:

落油,煎切咗的薯仔(想快啲就切細啲),依次序落料頭。。做法同上,將薯仔煮腍。

肥牛我會用另外一煲熱水淥至九成熟夾起撈落啲咖喱汁度。原因是將肥油減少同控制到啲牛肉嫩滑度。

唔記得落椰漿喇。。。哈哈哈😆

封地盤·70蚊10個你都買

大壩的六角柱石群總能給我堅毅不屈的意象。

上回起皮再起皮講到小石人新打散的公司要所有人在新年前收爐日一定要執返晒啲工具、安全鞋等離開,一刀切個個完結賓主關係。

話都冇咁快第二日,公司老闆就Whatapp問人完咗假期後初六返工。

小石人自己決定初八先返。點知因疫情關係,地盤改為初十開工。佢哋在防疫方便係有盡力的,事先要啲工人申報身體狀況同有冇返大6。亦有安排有啲員工返早啲做探熱時唔使迫埋一堆。

3日後
據講有個工人又痾又嘔重暈埋。咁就封地盤唔使返嘞。

佢尋日攞完喇叭回來之後話俾我知用咗70蚊買多10個口罩。。
上次70蚊一盒50個(已用咗啲),我唔出街佢用晒,起初我有少少疑惑點解重買。
諗深一層,佢係啱嘅。

記得佢之前講過,間公司係有從大6訂口罩但唔知乜嘢原因被扣住運唔到落嚟。

而地盤規定要自備口罩先准開工。冇人知幾時先有正常合理價錢的供應。假設圍封地盤14日後有機會重開,都要自己有罩先得啦。
佢:"寫口罩呢啲因住俾人笑。"
我:"笑你芝嘛"
😁

^^

夜半鬼歌聲
尋晚佢好勤力安裝返啲喇叭,重有調較好多嘢。跟住開party咁乜嘢都聽。
玉置浩二一出場,我就打咗個冷震,實在太有感情太好聽。
11點幾重聽歌劇卡門,著佢較細聲啲,唔好嘈到啲鄰居,唔係人人頂得順鬼叫咁聲,佢就出去大門外試吓。。聽音量。
總之自己喜歡都要為人著想啦。

^^

以下呢隻Enigma -sadness
雖是N年前作品,Mv做得型、男俊女靚、sexy又充滿誘惑、音樂節拍感強而有動力。

買賣的節奏 · 三卷次子

~是誰~

在敲打我窗

(無間道電影試膽機用歌手蔡琴那首被遺忘的時光)

小石人終於從堆積的雜物中,將這些東西像有趣積木般砌回。

他:"老婆,你應該早啲敦促我執嘢,咁對喇叭就早啲好似而家咁響得返。。"

我:"要你覺得舒服先去做啦;正如你都冇要我執好啲畫完畫又唔執整齊的顏色同畫具。"

Funk咗一陣,佢突然將音量收細。原來佢發覺喇叭邊爛爛哋,,,咁喺呢方面知識豐富嘅佢,就請我幫佢搵深水埗鴨遼街出名整喇叭的舖頭象記電話同地址。

好快手地,佢已將低音對喇叭兩日來回修好帶返家。兼今日再出咗去攞對高音喇叭。

佢:"老婆,多謝你俾我喺廳享受HiFi樂趣。個同事的老婆一定要喺廳放組合櫃,佢套嘢係放喺組合櫃入面架咋!"

咁我都好鍾意聽音樂嘛😊

^^

尋晚佢收到風話啲人搶厠紙,佢喺某區超市目及目及情況,真係搶購一空。佢就打電話著我落街買,佢明知我尋日落枕~條頸痛到氹一聲都要我出去,咁一定要聽從。事關我哋屋企

只有新晉美女

[三卷厠紙]。

^^

午夜笑語

凌晨醒咗,兩個人講咗一輪笑。

佢:"遲啲如有人話衛生巾缺貨啲人都會去搶購。"

我:"可能啲人會用嚟做口罩。。"

呀哈哈哈哈哈。

一陣笑聲中。。

佢:"真係見過有人對住的媽巾喺度商討。"

喺呢個黐孖筋的瘋狂世界,有幽默感真係救命靈丹。

佢:"唔夠厠紙用要用把較剪攞2.5格嚟用。"

^^

今早佢第一次落街買早餐時發覺超市貨架上米同厠紙都冇貨。

第二次佢諗住搭車去攞喇叭,見到超巿返貨就買,嗰種情況似熾熱巿,手慢啲就被人搶走。

😁😄

是日操作:

7500 $6.49入貨

又再有機會入返lu,今次學精咗入一注先。俾機會我有耐性地練習進可攻退可守的黃金戰略。

食之享受

寒冷天氣,看見這熱騰騰的白胡椒酸菜龍利柳。剖析煮理心思。此人在重要部份堅持又帶點隨意就地取材。耐不耐喜歡醒醒胃☺

(1.龍利柳全程室溫解凍歷時8個鐘(視乎魚的冷藏狀態,天氣而定)才能避免肉質流失及縮水。洗淨、厨紙索乾水份、調底味。

2.白胡椒原粒白鑊炒香樁碎香味發揮極致。

3.酸菜浸半小時,白鑊煮一會再加油、薑、蒜適量糖炒香,加水蓋過煮至腍(喜歡吃爽口就減少水份)。

4.添喜歡的菇類索汁,再放魚,放白胡椒。

5.見雪櫃有半舊餐肉切成大小不一加入。

6收汁上菜。

7.每人的口味不同,試味找尋自己喜愛的調味份量)

當仍想瑟縮在被窩時,最好就是口述給伴侶如何烹調簡單食品,容易做得到做得好對沒有太大興趣煮食的人是正面鼓勵。加之就不要對成品太多要求。出乎意料他竟然將銀"幸"切得細緻。讚讚讚。

如果有收看唐頓莊園的人,就知道那些莊園主人會在床上用餐。他有時會打趣稱呼我瑪莉小姐(唐頓大小姐)

😆哈哈哈😊

蘭花草

這株近期開,花期頗長。

小石人另一嗜好就是種蘭花,

初先在網絡與他相遇時,他曾貼了一幅背景黑底的綠色拖鞋蘭照片。多優雅。

現在我將這棵石斛蘭放在"開花位"(唔係後欄開花喎)😅。甚至追日將之一日內置於不同位置吸收多些陽光。因為小石人說這盆從未綻放花朵呢。

是日操作:

又入回1171囉買入價$6.78

對於001,上次$75.x冇沽,回落返,我已能克服唔開心的感覺了。而家簡直唔敢沽佢,真心怕買唔返。。。呢兩注留嚟看門口。

7500入貨注碼運用得唔好,為有放喺度唔郁等運到。

選對朋友

大館的THE CHINESE LIBRARY

早前跟Poly舊同學午聚,本來是斷食期間,如果只是與在港的相約,我會"鴨腎",事關呢幾年每年兩次的斷食都只能維持3日,太多誘惑了。身邊的另一半是很支持我,但要經常見人好滋味的吃,或者是我不進食時他餐餐焗🐷扒飯,又於心不忍。。。

今次一知道居澳門的舊同學專誠到來會晤,我就盡快復食了,少見面更為珍惜。

話題離不開近大半年的社會運動,我平時在一群人飯局時,大多數都是不多說話。套用其中一位同學丈夫的話語"I"個性的人在人群聚會時是忍受著社交狀況。我未至於忍受,但總是未能找到大家都有興趣的演繹方法和話題。

今次比較深刻的感受是我雖然只有五隻手指數得完的朋友,對我來說她們是品格和質素都很高的。

有一位已申請移民中,她跟丈夫更曾經兩人去過禮賓府舉標語喊口號歷時幾個小時:抗議林鄭冷血管治將香港淪為戰場!

(怨有頭 債有主 不滿意當權者時的正確做法 不願意活在夾縫中的明智選擇。)

另一位舊同學告訴我們,有一些被捕者是罹患自閉症或過度活躍症年青人,他們是該舊同學以前的服務使用者。這些患者容易情緒波動,激動時會不顧一切。

有位分享她妹妹情況,就讀大學一年級女兒由初先和理非遊行開始已積極參與,及後到情況嚴峻暴力升級,家人有勸阻她參加。到女兒堅持要外出時,他們父母就陪同女兒,一家四口一起,這樣最起碼能確保有突發事情時全身而退機會高。

當友人問及我丈夫的取態時,不諱言他通常不看抗爭者作暴力衝擊的新聞。

澳門表面年年派錢,歌舞昇平,背後的黑暗面縱然是我同學真人真事經歷也不在此敍說。

積極~靠自己活好每一天

無懼鬧市堵路行

同舟共濟甚可嘉

財務自由倘若成

悠閒是得疊賞花

小石人週一復工下班時,交通情況緊張之際,乘車到其他區幸遇一位當處識途者仗義引路找小巴回家。

感謝另一半每朝跟其他人鬥早起床,為的是能夠搭到名額有限的邨巴去上班。

不要對政府和別人有期望,努力靠自己活好每一天。

在紛亂時勢默默接受,不抱怨:靈巧面對未知將來。

一定會更好

小石人與父母同住多年。執拾舊東西時發現父母其中一人收納了很多鈕扣。

那就是儲起來總會有用的想法。結果離世前都是用不著。

我看見就是有一種欣喜的感覺,百衣鈕。骨子裡我也是這種人。

上圖我好好運用了別人眼中的廢物去解決一個煩擾的情況。

Nothing worse

現在很少人有興趣猜想。

最好是明快給答案。

聯想電腦便宜但機面的膠用了一些時間就開始"黐臘臘"。

試過其他方法不果。

我這種人物件未壞通常會繼續用。

練筆畫山景

只要另一半有蘋果即是我有。

但我就是喜歡用得到但不太花費的產品。

況且這是當年我送人三星智能手機換回來的。

遲換新身份證有機會罰款五仟

學識煮這款印尼甜品

不明所以,我們都沒有在意換新身份證日期。9月尾一天偶爾瞥電視一眼看見有關宣傳,小石人說我們是否已經過期換領?說完就沒有行動。

我滑動手機……果然兩公婆都已過了換證期。吓,罰得這麼嚴厲。

當刻凌晨時份,網上申請也挺方便。及後轉換領地點也很便捷。對港府這個程式很滿意。

跟著就是"找遲換原因"和查閱是否真的有人被罰,都可以上網參考……哈哈哈。

有些人就將責任歸咎政府宣傳不足。我沒有這樣想法,明明已遲再將事情諉過於人,這不單令接待的公務員無辜受罪,也提高了被罰的機會率。訴說了我的想法後,小石人自己決定怎樣作答了。我就會如實相告,不找藉口。

換證當日:

他們的安排服務周到。遇見的職員也很有善。遲換需要給原因,離港有病入獄通通不是的情況下,就要找高級一些的員工親身問換證人。

我微笑答道:因為大半年好少睇電視。

亞Sir(想一想):咁妳而家又知要換?

我:前幾日啱啱睇一睇新聞發現。

亞Sir就會心笑咗話:咁妳即係忘記自己個換證日期啦,照寫落去。

又過關。另外原來配戴全視線鏡片需要除眼鏡或他們會提供無度數眼鏡來拍照。

那職員說我要算不架眼鏡也不難看呀……也讓我選較自然郤面部側了少許那幀富點點藝術成份較自然的相片。

整個過程相當愉快,最好的是我倆不同出生年份可以同日攜手領取。(開心極了)

~獨台以氾濫飲食/旅遊節目來麻醉大家+ 劣質劇集 植入式廣告,我有我選擇。~

萬聖貓復活記

這是今天經過反覆處理後+光影拍照角度的黑貓再現。

上回說到,放了熱鐵煲在上面弄成小花貓的鐵架。但鐵架不就是要來盛熱的物件?

答:對,但不是要來盛生銹火熱鐵煲吧……

小石人總能提供到盆子給我做實驗。

昨晚花了很長時間詢問菊歌大神應該怎樣將神聖的貓使者還原接近真身。

用醋啦 蘇打粉 檸檬 銹轉化劑等等。

最終我選擇了……

用熱米水浸呀。

因為我需要清洗那鐵煲內籠,才可以沖咖啡呢。

一石二🐦

用了足足兩小時半清洗了兩件物件沖出來的咖啡……

小石人問是否特別香甜?

--"