跌2仟x當日·many圖

 當很多人都磨拳擦掌,10月8日睇吓港股市食粥食飯之際。

古氏同老公清早起來,預備是日早午餐,出發去蒲台。

唔知喺邊度我查到船期係10:30,但我覺得攪咁大爛餐,預早啲出門口,早到好過送船尾。

平時多人返工,兩蚊60係咪阻住地球轉呢?小石人幾次羡慕地說老婆的入場費交通費超抵。今次我答:"現時你比我多兩年青春😄。"

況且我以前曾經都有交唔少稅架。

耐唔耐先早上出去一次,多數係非繁時間出洞,對得住社會大眾。有權冇用盡。

搵路,因為我依稀記得我哋之前去黃竹坑港鐵站之後搵咗好耐,有次甚至步行過去香港仔碼頭之後先知有車可以搭去。我話:"順利搵到車站先啦。"小石人瞟。我告知:"雖然我言語對你唔友善,唔好整慣晒斜視我。"小石人好快就搵到,事關佢去香港仔水塘影嘢時有搭過一兩次。讚呀。

便利增值要排長龍。(即係要時間)

有個熱心小巴乘客聽到小石人請司機如駛到香港仔海濱站叫我哋落車,該熱心者就話畀我哋知"呢個站"落。佢冇錯。不過下一站落我哋慳返好多腳程。有時人哋咁好人就順吓佢意,反正有時間。

小石人拖住我急步行去碼頭,途中我話,唔係趕,你行得咁快我好辛苦。(其實我行到蟻咁慢的。)佢想早啲了解完情況,"趕住"夠時間去食嚐食個早餐!

去到碼頭,,,,

原來架船開10點呀```

票務員話3點30回程,上唔到嗰班就要流落荒島。週四先再有船。

好彩查錯嘢嘅人有被保佑,倒乜咁早就出發。

船程途中~

佢享用雙溫泉蛋同提子做早餐。

我起床已胃痛,所以唔食住。

呢間天后廟兩次嚟都冇拜訪,呢次呢度一期一郊遊,應該都冇緣再見。

我哋整嘢野餐原因係,大隻佬(小石人影友)話,蒲台淨係假期先有士多開。即平日在島上冇嘢食。

現時兩間士多開放時間係跟船期:週二、四及假日。

喺個亭度開餐。

佢發現有紅隼。

呢鏡當日🐦攝人之中,應該淨係小石人影到,因為呢度地勢較高,少人途經。

回程:昨日來回咗咁多級樓梯(抹汗中)

去到士多買咗啲昆布紫菜。有人買咗3大紅膠袋份量的紫菜話派畀同事。

有人就買3-4瓶士多自製飲品。

到下午遊人都集結在士多待回程船。

有咁多時間,佢又去獵🐦。

我就睇吓個股市,因為好攰又冇其他細藝。

嘩,跌咗咁多,前兩日入的7500有賺喎。

享受生活·圖圖圖

 

佢話約咗攝友們翻洗貓仔。

最好笑係話週五隻褐魚鷹會飛近啲😄。

咁我週四就食咗頭啖湯先。。。

佢本來冇乜興趣影的雞,鬧巿中的山雞變咗鳳凰。

我找找附近有冇好嘢食,炮台山有間連續兩年都獲米芝蓮食嚐。午間去坐無虛席,等咗好快就有位。

魚事者。有唔同醬汁配搭。

跟手去咗附近油街一以前政府倉改建的供巿民休憩處:

我影1

我影2

我影3

我影4

我影5

我影6

影雞要行好多級樓梯或上落大斜坡

我影7

走嗰時影返落去。

原雞亦係山雞

週五

我唔去lu

最想知道係咪佢哋所講貓仔會飛近啲😁😄😸

當然係比上次週一遠,週五多人好多。不過一公一乸影到晒。

近期買賣操作

散戶作風

沽388

沽部份9988

沽部份2800

沽部份3

財運,參透到的是~想咗做好心理準備,做。

等,冇做,咁我之前係咁決定嘛。

同喜歡的人在一起健康地享受生活就是最大的幸福。

提早取回強積金

小石人影到一對和尚,可能走失咗。(佢話會唔會係放養,我:唔會怕卦。問佢呢對飛入嚟佢會唔會養?佢話會😄。我上網查吓,據稱呢種鸚鵡日間經常吱吱喳喳,亦係會咬人的,,,,都冇乜鸚鵡係唔咬人。再養多對又要隔離以防有病或毆鬥又要處理好佢哋之間關係,又要小心唔好變殺戮戰場,算罷啦。)

 攪咗3日銀行事宜

~開通人民幣戶口以便透過雙櫃枱買港估。

~將不同銀行好耐冇用的戶口解除凍結。兩年或以上冇郁過啲港幣同綜合外幣戶口就會凍結。

~取消一間好耐冇用佢服務的銀行戶口。斷捨離成功。

~年滿60歲之後唔再打工可提早取回強積金。查詢、取表格及翌日接連處理宣誓繼而將相關文件交回受託強積金銀行。佢哋大概一個月會將啲錢入返我提供的戶口。宣誓正本佢哋會收埋。(N年前已將所有強積金戶口整合方便管理)

本來諗住食埋呢次跌浪購入待巿回升沽售港估基金。不過想深一層唔知再要等幾耐,錢入返自己袋,投資/機買賣具靈活性又唔使再畀行政費同手續費。

今次去唔同銀行,好多銀行女職員都好有禮貌,幾可愛。幫咗好大忙。

有位當我指示解凍賬戶時,我要攞幾仟蚊港幣,佢提咗我兩三次解凍戶口唔使攞錢的。

我:"我要攞錢用呀。。。"

另一間入去要等成60幾籌在前面。辦理期間,隔離個亞婆,有另一個女人陪同下話攞一萬蚊留返八佰在戶口。佢戶口要交水電煤同平安鐘,可能某日會有每月長者4仟幾蚊津貼入落戶口卦。個亞婆攞完錢又話自己重有萬幾蚊喺戶口,轉頭又話自己有兩萬蚊喺戶口。。。。

我低聲對幫我辦緊手續嘅女職員說:"真係難為妳哋嘞。"

買賣操作方面

上星期又揼咗少少石仔,沽晒美估反向執幾佰美刀。

9月10日買咗兩佰股趕交所。

近期操作

佢話附近嗰隻係蟻,即係呢隻角蟬好細隻。有雨水滴在身上。
 

前嗰排落雨的某一天放假,佢同攝友大隻佬一齊去影的。

呢排成日落雨,早上趁未落出就在家開晒啲窗,開晒廳啲櫃門,捲起FA~房啲衣櫃。。。

吹呀吹啲濕氣。

洗完衫用腰間風扇夾在洗衣機吹下內籠。

成日就係開窗閂窗。。。

唔係淨係睇表面,想埋內裡的可能性。有好多資訊就算諗爆頭都唔會知道甚或唔會明的。只能攞住幾塊以為係呢個圖的puzzles去踱。

啱唔啱都叫做有思考過先行動。

上星期又將美金轉做人仔。

留返部份美金,今晚入咗少少SQQQ同S標,sdow排緊。

重未的起心肝去銀行開通返個人仔戶口,計劃用人民幣櫃枱買港股。

忍住唔入港估,,,,伺低吸納。

跌巿·又是動腦筋時候

可愛乳鴿仔look~小石人影

真實一面~我影

佢有時對翼扯恒晒,好緊張呀。

我哋嘅三角關係。我錫亞FA~ 亞FA~見到我大大部份時間都友善開心 ,見到小石人就刮嘴放嘢入櫃同攞嘢就發出不滿聲音,之前有講過。其實有時亞FA~都會咁對我。

最近,費事聽佢呢啲聲音,圍封佢囉,唔想聽就要畀警示隻🐦喇。餵食尾段畀不滿聲音嘛,每次咪唔好餵咁多。

餵吓佢 陪吓 🐦 玩飛行,一見到呢個物體出現就有好嘢食又開心,漸漸地佢對飼者態度可能有好轉。

睇一篇獸醫的文章,掹毛唔係一個單一問題,有時因為皮膚 內臟有病 轉換環境同心理因素都可能有關架。可以數到好多原因。

亞FA~畀人遺棄過又畀人打過,惡死唔信任人類係好正路,動物原始自我保護機制。

佢哋兩個唔咬弦,我就要巧妙地做啲嘢嘞。

對小石人先生唔禮貌就圍封佢。有時餵食時就同佢講吓小石人先生對佢幾好。(老公要喺房聽到)

公道啲,以前因為救佢或某啲原因對亞FA~唔友善,都係佢一見小石人就咁嬲嘅主因,又唔怪得晒隻鳥。

總之最好就算我唔喺度,佢哋兩個都相處得好啲,亞FA~就有更大保障。

平衡 公道,家庭和睦又暢快就最好。

近期操作:

變咗短炒。

sdow SQQQ S標又係嗱嗱聲賣晒😊記憶中喺呢度記錄上次賣晒,後來又入返之後賣晒。

部份散戶似乎都習慣咗美股跌咗好快就升返,吼相約低位入心儀嘢。

上星期五賣咗月供中電,只留下碎股,預留多啲現金等跌巿,呢單交易有賺。

昨天再入200 388 。之前246.×入咗100,投石問路。睇吓富途用戶,多數都係埋怨同鬧。

7226又入咗啲

7200都入咗少少。

今日早巿見升就賣晒尋日買的lu。

再等。

 

Something exciting

 

呢排小石人經常轉唔同地點工作,攞住啲架生四圍走真係辛苦晒佢。

經過趕交所見有公司上巿就即時報料畀我知。

有時途經中區紅棉道,會好開心咁告訴我見到大批葵花鸚鵡,目測都成幾拾隻,佢哋個竇喺香港公園。

有次話幾隻嘢合力咬棵樹的樹枝。地下好多佢哋唔鵮,係鍾意咬。。。新鮮嘛,而且鸚鵡把嘴就係成日要磨,X(廣東話好生鬼,呢個發音我唔識拼-啲古老大宅門鉸或坐落舊木椅發出的聲)樹枝。

近期我有請老公於早上生機飲食打果菜露嗰陣留返啲唔要嘅羽衣甘藍莖等我畀亞FA~(口趙),緩解吓FA~嘅煙癮-掹頸毛。

早前喺租住屋影咗以下好治療的短片:

人禽合拍😁🐦

午夜夢迴,起身放晒啲美股反向eTf。之前贏嗰啲畀返佢,匯款班師回朝,低位撈返贏回大半。前兩日聽譚生話Dow倉位有大戶夾淡手影,

1 Nvdia拆細傳會入道指指數,增添道指活力。

2 美國總統大選年多數會頂住個巿,而亞特朗普又有機會勝出。

前兩日放完sdow真係升咗幾佰點冇被夾。

(只是聽佢倉位情況,佢多數都係升跌都講晒的😸😄)

夜半聽歌,原來羅拔唐尼唱歌都好好聽咕喎。

更厲害嘅係樂隊The Police的主音歌手咁多年後重係咁好聲。

⬆呢隻歌成日聽。

另一位當時非常紅把聲又雄厚的Rick Ashley

而家富成熟男人魅力,且又係咁多年後把聲都保持得好有水準。

收鳶

 有毛放養豬~油畫feel的相,好靚

19XxX唔收鳶18XxX先放貨😁

今朝好忙,繼尋日放咗啲7200餘下的貨,係止賺。

今日沽部份9988,呢隻有排攪。

全沽388,唔想連贏嗰幾皮都化水。

全沽A股中國平安袋幾仟,呢隻好好彩暫時一路都有斬獲。

MPF都清倉港股基金轉回保本。

我的,伺緊機提取趁重有賺就收手先。

老公的,1業績好定2業績好好定3輸返贏咗嗰啲。我揀1

佢哋講的放紙鳶,係唔跌穿某個指數就繼續揸,今次穿19000就要考慮放。我呢,穿一日唔放到續下跌先放。

心理預期,下星期大升返妳沽嗰啲會唔會唔開心呀?

想清楚先做,就唔好再loop嚟loop去。

尋日又睇N+TV,分析部份好多方面,不詳錄。其中講到日Yen,講者約6算買咗600,000港元。

小石人問我哋啲Yen係咪贏緊?

唔係呀,初買入後有贏過幾仟蚊,而家倒輸。

佢話成日"覺得"以為係贏緊添,呢樣又輸,不過我唔識唔好講咁多。

我:係咁架啦,好少能買在最低點。

(我又講吓多咗人去日本旅遊,據電媒標題,態度服務"差咗"。

又會有啲人衝出馬路影富士山打咭釀成險象環生。當局要圍黑色布阻止遊客此行為云云。

遊客係咁多,唔守規矩兼亂丟垃圾。當地人有乜辦法唔厭惡。而且當地匯率降咗咁多,日人購買力被蠶食咁勁,會有幾開心?)

我哋入日Yen嘅價位到目前為止算好好架喇。

不沽、不高追,放唔放到紙鳶?

前幾日闖進我哋家中的小螳螂。

記得有個前港姐冠軍兼演員曾打電話上恐怖在線,同潘聰講佢住低層,有日有隻好大的螳螂入咗露台,咁高都上到嚟,重唔係鬼故,最終呢個女演員為咗保護個女兒打死咗隻螳螂。

古某住廿樓以上,經常有昆蟲入屋或伏在窗外,見蟋蟀螳螂都有份莫明喜悅,前幾日徒手捕捉咗隻黑蟀放出窗外。慨嘆嗰隻大螳螂真係唔好彩。。。

無驚無險繼"摒棄散戶心態"帖文又過咗十日有多。

如題冇沽冇高追,至於有人成日話的不估頂放紙鳶,試吓做。嘗試唔同的方法可帶來不同體驗。

前日見忍咗咁耐,就開吓啲強積金戶口睇吓,幾開心,因為小石人個戶口比上次結算多咗6位數字。

而我個戶口亦有進賬,因為我好早已唔打工故此累積有限,總結算時未知,而家呢個利潤百份比都可以稱讚自己處理得好。初步計劃食埋呢次升浪就提早領回。

及早提取,慳返啲手續費都好。

股票方面,聽米兄講(我有自己做功課同會負責返自己的買賣決定的,請放心)我今次有入趕交所,暫時帶來滿意的利潤。其他嗰啲價位尚未追得返,不過拉勻追返唔少,又睇吓自己再守得幾耐。

自從B呢巴啦吐感受後,呢十日過得輕鬆好多,又搵唔同嘢分散吓注意力。Utube Utube打機睇戲放FA~

雖然我成日講FA~壞話,不過有隻生物陪我,同埋要照顧佢,可以延緩退化。鬼叫我膚淺,睇見佢咁靚女就墮入美雀陷阱偏我遇上。。。

又整多張小石人影落FA~嘅舊照。

不停嗌咗幾個月,呢幾日無啦啦又撳返著個講嘢mode。
 

摒棄散戶心態

都係同一扇天窗,投射出來是不同的景象,好有趣。

 呢排升巿,說實話係捱得辛苦過跌巿!

何解,之前自己買的貨跌到幾近麻木,堅持,睇啱方向都要有個繼續來來回回跌的漫長過程。

小石人做得好,佢係唔會過問我做緊同做過啲乜。只有我最清楚自攪出嚟的狀態。

今晚B呢巴啦倒晒呢排忍得幾辛苦爆爆爆。我講個情境出嚟問佢,佢賣唔賣?會點決擇。佢從來都冇答得咁爽快:"唔知。"肯定地嗰隻。

一個冇經驗股票買賣的伴侶。佢講妳都唔好信。一切成敗得失由自己承擔。

低位嗰批有賺的貨,買之前都係諗住片水,有微利放咗佢係一早預咗。轉頭再升,都唔會諗喇。

要忍的係千祈唔好再"賤賣"其他喇。現在進入惜貨如金階段。

今次入貨做得差係唔分段,對我嚟講大手直入。又係到接近低位入少少,因為要做風險管理唔可以入得太盡。

要喺股票巿場獲利殊不簡單。

人哋比我哋有耐性,資源知識器材數據都多,睇住我哋嚟食。咁我哋就要忍得先有望等到佢唔開車唔得,然後搭一程~長程?

最怕係啲駕馭唔到大錢買賣投機投資的人去畀意見搏緊大茶飯嘅賭仔/女。嗰啲人就係一般畀人割的散戶心態~驚。最驚時打貨。

穩住自己的心

天寒地凍時小石人趁放幾日假約咗大隻佬去朗原影雀。回來後都是訴說及兩公婆進而討論政府做完一輪話保育其實將自然生態變咗石屎石屎奪去生物多樣化,規管唔畀普通巿民進入稻田及保護範圍。

係咁架啦,本身政策同辦事的人的思維就唔係真正保育或保持自然生態,只是跟一向做法,例如濕地公園的石屎屋遠距離窄角度觀鳥,會吸引到不同生物的樹林灌木就斬晒佢。

話說回當日佢去完鳥攝後返嚟就開始作病。呢啲時候就係要休息。佢話點解沾寒沾凍似發燒跡象又乏力。

我:唔係咁樣你點會乖乖休息,大隻佬第二日假期再約你去影嘢你會唔會去丫。

我當然知道答案。。。

比原定假期放多一日好好靜心休吓。

呢間公司啲老闆幾有人情味,之前佢哋有個同事中咗風,老闆們去醫院探佢。小石人以前嗰間公司個服務咗十幾年嘅忠心員工(即小石人的老友)突然死咗,嗰間公司兩個老闆冇出席喪禮連乜金花牌都欠奉。啲仍然在職的員工一離開告別儀式無不炒媽拆蟹鬧爆嗰兩個人。

我:生意賺錢生計活動,唔使放太多感情落去。

今次小石人因病請假,現職公司老闆都會問候吓呢個散工,請佢保重身體。

家常講完。

繼上次操作後,個巿上上落落,我只取消了月供中電。因為冇用不完的資金。而且變咗陣買咗日Yen,咁就供少幾期架喇。

近期比較做得好的是$246港交所,究竟個巿在結算日後再掟落去定繼續緩緩上升呢?比著之前一早賺少少就沽。但經過咁耐的逐步沉底,上次盈富同吉利亦係在當時低位反彈,而家由贏變輸然而要改變賺幾粒花生卻追唔返之前的虧損就係要忍耐。

政策。

日Yen carry trade拆倉。

不加息而有心人會繼續作可能減幾多幾多次息。

有人以為升巿就係經濟好。

當多次似出現"常規"時,到大部份人都相信這常態那刻,逆轉可以嚟得好急。

忍耐忍耐再畀耐性,循之前的大綱執行,有變陣係正常,現時的虧損是正常,由贏變輸是正常。

手風順時不意氣風發

逆境時不意志消沉

一日未離開賭枱一切都未有定論。