無新聞才是好消息

傾盆如注形瀑布

瘀泥堵塞成澤國

午夜雷震隨光影

閃耀闇空驚夢魂

正所謂現實生活發生的比電影戲碼橋段來得驚心動魄又意料之外。

眼見電視畫面洪水激流震撼慘烈場面就是前兩天投射進腦袋景象。

年老捌旬的士司機駕車失控橫腰極速撞向遊客,墮樓無頭支離男首暗藏體內。

後者確為未能猜想到的情節。

默哀。。。。。

再遊流水響

 

呢幅我放咗日本女超人面罩喺手機前面影的。

倒影之翠綠幻似真

找到相中的生物嗎?其他遊人一直說見到好多xx,我努力地終於見到一隻。

用手機出手可以好快。小石人話用佢部相機隻嘢不停跳跳吓對唔到焦。呢幅我好快手執個用嚟索麵包袋的膠片以作實物比例,搵到未,好細隻的。

影呢幅時查實反光到乜都睇唔到,斷估影。

昨天週日,佢話想郊遊。

我話週日多人喎。

佢:"而家要返工淨係星期日先出到去玩。"

腸仔雞翼。。佢去街巿買料,我整好出發。

記性麻麻,上次去完,今次對頭段景物覺得好陌生。

佢有機會試新買的相機用品。

我好少影人物,看見這構圖好有感覺。

一隻小鳥飛到彼岸,我諗起我隻鸚鵡喺呢度飛過實搶晒遊人目光。好靚呀好得意呀。如果將亞FA~放嚟呢度佢搵唔搵到食呢?松果佢食唔食呢?小石人話佢多數落地就有人帶佢返屋企養。。。

鄉下仔起碼兩次鼓勵我唔好放棄繼續養亞FA~。我寫網誌同睇網誌冇乜特別目的。紀錄下自己的想法。有些人原來日後會給我需要的知識和啟發。有名有姓的網名是一種在人海之中不認識卻有交流有延續的互動。

我平凡,在狀態可以的情況下大部份時間都是思考。

真實的生活就是會有想法不同的時候喇。

練習好好地表達。

積累到頂唔順先講就容易扯火。頻密定偶發。事後點樣去溝通。傾唔埋欄又點處理。

人際關係健康界線又點定。

冇標準答案。鏡子的正反面,身處不同位置角度你我他。。。對當時人來說都是真實。

有濾片和沒有濾片呈現出來是不同的東西。乍似然而一切都在慢慢轉變。

接受自己的情緒

 十月份約了兩位舊同學見面,途中突然失控地流淚。內心確實沒有覺得什麼的,卻出現這情形。我於群組通知她們當時狀況,主要是告訴她們若不介意我可以繼續赴約,她們各自用不同方法安慰我。

對面長者乘客又不時望著我。。

我接受自己突如其來的情緒,也沒有所謂羞愧。就像打欠呵後人會流眼水般正常。

大部份人很多時在不停強忍打壓自己真實情緒,對自己最苛刻的可能就是自己。

十一月份又約了中學同學見面,由疫症開始已接近兩年沒有相聚。今次見她由食肆門進來,滿臉愁容。我覺得很奇怪,因為記憶當中她從沒有這表情,然而她卻說自己經常縐著眉頭。😮

傾談間原來是工作上的事情,上司向她提點,而這位同學也客觀地道出自己工作表現和看法。一剎那,她哽咽著卻又立刻壓下情緒,強忍眼淚。始終在公眾場所不是人人可以接受真感覺的流露。

唉,我心中有點兒替她難過。

明白她繼續撑下去的合理原因,我只能告知,若心理影響到生理出現病徵,就要好好仔細考慮去留,到生理出現問題後是不能逆轉的,皆因我經歷過呀。

聚會完畢,以短訊告之可以多些見面,我願意繼續傾聽陪伴。

網海前世今生

磅礡雲湧 聚香江

鯨吞氣量 儲丹田

俗世塵凡 擦身過

陌路相逢 逐紅妝

網絡上你曾用幾個不同身份?

賬戶不單,你或會遇到一些轉換了另一個稱號的人。可能她曾在你需要找人傾訴時無條件充當樹洞。我以前在雅虎寫最早那個網誌時頭像就是一隻微笑大嘴蛙。

要算是玩遊戲的臉書群組,也有年青人原本禮貌周周向我討教。結果在不知原因的情況下,有一晚他突然徹夜難眠地不斷留言公開騷擾我,又在我帖上向留言的群友們說我不是。

能忍~我沉默

他又以女人的年歲欲用說話來傷害我呼亞嬸。及後陌生的留言者見義勇為,她為我說公道話。然後一位平時有交流的群友就與這不知他為什麼會這樣做的人互相鬥嘴。實在感謝這位勇者,不是他轉移視線,就不知那年青人要纒多久。

我們就是不知一些人有什麼隱藏痛處,要似將血海深仇算在素未謀面的人身上。。。

我們只能向內求,不卑不亢,儲備豁達氣量來化解。

是日操作:

買入

7200 $8.91

1088 $13.76

9988 未能成交

尋找消失的愉悅感

這是我每朝醒來看到,窗外景色當然時有變化,偶爾可以見到像紙鳶般飛翔的猛禽。

掛著的繡球花是之前跟舊同學學習水墨時摹臨的,我本來就是將舊作品胡亂置於一旁(縐過入樽😅)。搬到這裡後,用買了放在一旁變扭曲的畫框掛起。。

前陣子可以用不知自己怎樣的來形容內在狀況。

明明有體貼的丈夫;

不愁糊口;

每天悠閒地自由地渡過;

就是消失了那份愉悅。。

甚至經常有負面思緒侵襲。

做抑鬱量度問卷有14分(這個分數參考做法是要找專業人士求診)

有想過網誌自拆招牌。。

既然做不到開心快樂就別掛著嘜頭欺世盜名。

轉念

是一瞬間的,

是平時有練習修為的成果,

它會像暗黑中透來的曙光,

遇溺時抓到的浮物枯樹木,

最重要的是沒有放棄為自己尋找出路。

這幾天開始重拾笑臉,

我沒有閹割哀傷無奈憤怒等正常情緒,

在它們出現時用不同方法如閱讀、聽有用視頻去更理解自己為何會出現這些感覺。

曾經體驗跨越助我更能了解自己延展至理解他人。

這裡細心的常客友好網友會發覺我近期每天都發帖。

這是為我帶來好心情之其中一個途徑。

~以下送上我經常聽的一首好歌~

浮塵

想做怎樣的人

究竟是什麽人或想做怎樣的人。

虛假與有禮

率性的人爽直想到什麽就說什麽，可以說成是真，

粗言穢語

情緒失控

那又可以定性為真。如果所在圈子裡接受這行為，大家是可以相安無事，愉快地互相問好﹗
為何一群人會接受到這樣的交往，跟人的本質、背景、耳濡目染有關，
後兩者很多時也不到自身控制，在未懂事前身處的地方，成長後為了適應群體得到認同，很多時就要這樣，久而久之就如家常便飯般沒有兩樣，別人不認同是大驚小怪、不合時宜、虛偽。

以這用語對父母表示友好，而子女也理應可以這樣做，對你問安﹗

笑笑從眾的路永遠比選懌自己要做何許人的路容易很多。

好lonely的blog

樣式色彩都多選擇，但你唔會知實際邊個探訪過，又冇途徑探索找尋新網友，只係靠舊有人脈的網誌清單。瀏覽到的範疇傾向單一化，其他的『花鳥蟲魚詩詞歌賦』完全冇路線去到，真係好朋黨獨個兒自說自話feel。

想起以前曾經有一段時間，通過寫網誌認識到一些網友柴娃娃咁談笑甚歡，嗰段時間過咗之後，自己寫寫寫，都有機會俾人去四圍探索，唔出聲都睇吓人哋釣魚網網千斤、煮嘢食色香味丫。

可能呢個就係人生寫照﹗

好似靚仔靚女的時候無憂無慮咁，興起時甚至會促膝夜談，當時有個好有趣的網友係行歐盟時間，重俾人話我好半夜三更唔瞓無無聊聊咁同佢係咁傾。但係而家諗番起又係一種偷快經歷。少年輕狂，漸次步入正正經經的社羣，又認認真真咁學習，新知識帶來另類滿足感，但總縈繫著那種莫名的寂靜。。。

寫呢篇期間，屋企人在籌備家庭聚會，講咗個gag，我俾咗個反應。我慨嘆好耐，應該都有兩年冇人講過笑話。佢話唔係丫，尋日.....。我既意思係我就成日都試講啲人哋覺得唔好笑的笑話，但周圍嘅人係冇人講.....真係好dry。

如果講到呢度就收筆，我同嗰啲終日唉唉唉嘅人有乜分別。我諗學習知識、認真工作、生財愛富都可以開心活潑咁進行，事關而家係悠閒活動，要觸動別人的幽默細胞係好唔簡單的事，只有自己經常在失敗中屢屢嘗試，起碼要捕捉生命中一些生趣才像樣....笑樣﹗


你幾耐冇笑過呢？你今日笑咗未﹗

 

繫

這兩天總有一種生氣勃勃的感覺。變，換來的是一片新景象。

為什麽經常著意管好自己的腦袋散發好能量，使身心都洋溢著正面的氣，與人交往確實需要很多能量，尤其是最親近的人，我們發出和接收的就是真性情表露無遺，要長年累月好好地相處是藝術。

對我不好的人，採取的是我行我素態度，要不自在的共處在一個空間，我寧願獨處。這是很不世故的做法，但我認為勉強將一些不願相見的人拉在一起，只會有反效果。控制不了和善以對就隨心中意願而行吧。最起碼是忠於自己的感覺。

對我好的人，是要經得起雙方磨合階段，如果不能真真正正在一起，給自己一個機會和期限，最少是已經嘗試過。雖然花費了很多能量但最終能跨過不調協而沒有各走極端，是要彼此也願意作出改變才能成其好事。現在與家人的關係正是處於這和洽融合的狀況，尤其是她已屆高齡，我可是對她沒有半點遺憾﹗

放過我吧﹗

今日去每月竹戰時，狗友話舊同事的另一半又想再約我哋打牌，咁等我就稱佢為熱鬥小馬吧，應酬過佢大大話話都有五、六次。我不諱言告知狗友，其實我唔想打喇。狗友即時喺其他兩個雀友面前問咁呢檔呢。我答：『我可以打到妳哋揾到人為止。』

不過我諗佢哋都係當我講下啫，今日打完之後又約下一個月，可能真係揾唔到其他人卦。起碼我表達咗我嘅意願，我認為最緊要係對別人和自己都老實，坦然講出嚟。

另外一個唔想同狗友太多交往的原因係，呢個人完全冇用心聽人講嘢，亦唔記得自己對人講過啲乜，每次的話題都差唔多。如果講開某個人，佢就會講相同的內容，重重複複N咁多次都一模一樣。最離奇的是由於佢老公係做警察，當消防員大力要求加薪時，佢就撐硬話如果火燭鬼加，差佬都一定要再加，咁我話係囉，消防員只係要讀消防條例，但謷察就要識晒所有法例，不可同日而語。佢好同意，但佢完全唔記得我講嗰啲說話係佢自己講俾我知嘅，以上對話佢講一次我答一次，佢都唔發覺，真係人都癲﹗

又好似有一次同熱鬥小馬雀局，講到有啲兩公婆落埸會打感情章。我同熱鬥的屋企人都係咁，狗友就話點會呀，家人嚟架嘛，打全沖出唔到蠱惑。我哋解釋咗俾佢聽全沖都可以使詐，佢又係好堅持己見。

今日善良屋主話開，佢細佬同弟婦打牌時打龍通得好犀利，（助語詞），狗友又係咁樣答﹗﹗﹗

我真係強烈認為呢個人同人交往的言行都好有問題，但佢身邊的朋友又覺得冇嘢，重好多人好喜歡佢，好奇怪的現象。

其實我有時係會表達自己的想法，呢排雖然我可以保持禮貌，內心的吶喊越來越頻密～～呀。

就算我朋友唔多，我都想將我啲時間與真誠的人分享。

牌局賽果，勝，三連勝﹗

『無奈地想了一會兒，好醜心太明，則人不親。如果不能擺脫，可能是另有玄機，那我就應該以正面的心態去面對，將自己的注意力集中在享受這遊戲，不要想這個人的言行可行嗎？在這個圈子中發放善念，古謙盡力吧。。。』

心火盛

乜嘢係人哋有興趣的事物？

豬朋狗友，嗰個成日揾我打牌、耷骨、去旅行、飲酒食嘢嘅，佢真係屬狗。

佢成日講嘅話題係是非、行街、買時尚嘢、認叻，經常就以自己人生目標係吃喝玩樂而自誇。

以前工作辛勞，頸肩腰都非常『淵』攰就有同行耐唔耐耷兩嘢，過咗一啲時日，我開始冇再同佢一齊北上耷骨，主要係我真係冇興趣呢啲話題，俾人嘅感覺係唔出聲的人一個。而且我冇再做嗰份令我身心俱疲的工作後，最顯著的就係肌肉冇晒呢啲痛緊實。

去旅行雖然遊覽的地方唔同，但來來去去嗰十幾個狗友的朋友，都係冇乜交流，我覺得去一次同去二十次都係冇大分別，所以去咗十多次之後都開始婉拒，咁當然你可以話都係睇名勝啫，咁大個人話不投機莫同行都唔駛我多講。

飲酒，自從我個胃開始唔妥，我就唔多飲，於是又唔需要再應佢約。亦留番啲限額同家人飲，其實而家都只係淺嚐一兩啖，因家人話酒逢知己一個人冇咁有癮喎。

至於打牌，其實都開始冇乜興趣同佢打，但係講咗好多次請佢揾人戥腳佢都照揾我，唔通兜口兜面拒絶以後朋友都唔做？

哲學家亞里士多德認為如果嗰啲只係沉醉於吃喝玩樂之享樂層次的人同豬冇乜分別，自己唔係追尋呢啲但又唔會咁串嘴話人，始終唯樂主義係人天生喜歡的，人各有志。

網友喜歡睇啲乜，可能係政治經濟對後市影響、大市走勢分析、買乜嘢組合、收幾多息、富人心態，都係我冇能力講的。

我講的亦係以上呢個已被定性為雀友的舊同事冇興趣聽，其他人又未必明白未必有興趣，對別人來說可能是不值一提的老生常談，卻係我內心所思所想所感受的記錄。

但我依然努力發掘題材，保持內心的一團火，如果連我自己都不感興趣，可能我的人生已變得空白、無聊、不屑一顧了﹗

可怒也

我呢兩日都有怒火，平時我係唔會用食嘢嚟發洩，但我尋日有意識地叫咗好多壽司，雖然我能控制到自己在家人面前若無其事，重好似好開心添，但我內心係知道有件事令我憤怒﹗

一個人有七情六慾好正常，嬲就係嬲，冇必要連自己都呃埋，最緊要係能夠了解自己，了解情緒的根源而用有效的方法宣洩出嚟，而唔係發洩喺別人身上。『食物治療』當然唔係最好的方法，但係好多人喺受到壓力或情緒困擾時，好多時都會不自覺地用食物嚟轉移問題以致有暴食或厭食。有啲學說甚至話體型肥胖其實大多數都係與情緒有關。

我知自己發生乜事，我會主動面對，所以有信心可以化解到，負面情緒傷肝傷身，不過佢要嚟時我係唔會抑壓住佢。

寫出嚟都係一個情感抒發的好方法。

我要活出一個更精彩的人生。

蔡夫人所為

我想，一個人到了對慣常喜歡和感興趣的活動也不再提得起勁時，可能患了抑鬱症或行將入木？當然還有別的可能性﹗

* * * * *

昨天跟一舊同事偕她的舊同事竹戰。就稱這舊同事為蔡夫人好了。

大戰多個回合後，戰況又是蔡夫人領頭勝出，她已是幾連拔籌。

晚燈初掛，可是用膳時刻，蔡夫人故作大方地讓敗方決定是否繼續砌城。

那再度擲骰四個回合又何妨。

估計得分

蔡夫人 7 (她說的比自己實際得分少) 友善屋主 約-5   想得太多 約-3   古言兼 1

形勢逆轉 古的一手好牌 踫 1 9 8 筒  待 6 9 筒糊  來章7 筒 摃 8筒   摃上花7筒 完美的對對踫一色大滿貫

運氣來了，又自摸7 筒老清，夫復何求﹗蔡夫人順勢向其他兩位雀友稱討籌碼找別人不要找她.......

最後戰果

蔡夫人 4    友善屋主- 10   想得太多 -4 古言兼  10

蔡夫人拿的主意，她付各人下午茶費，古付各人早餐費  沒有異議，樂意之極

古又已主動將全數10個每個價值兩個銀錢的散碼予友善屋主，但到找續期間貪得無厭的蔡夫人仍要將古應得的找續殺掉﹗

光顧附近麵店，古也二話不說請友善屋主收起錢包，賬單由筆者付，蔡夫人擺出平時想佔人家便宜的面容語調笑問要否分賬付款，免了。


註：蔡夫人‧回到三國電視劇集，劉表妻，劉關張亮稱之為死X婆一角。