提早取回強積金

小石人影到一對和尚,可能走失咗。(佢話會唔會係放養,我:唔會怕卦。問佢呢對飛入嚟佢會唔會養?佢話會😄。我上網查吓,據稱呢種鸚鵡日間經常吱吱喳喳,亦係會咬人的,,,,都冇乜鸚鵡係唔咬人。再養多對又要隔離以防有病或毆鬥又要處理好佢哋之間關係,又要小心唔好變殺戮戰場,算罷啦。)

 攪咗3日銀行事宜

~開通人民幣戶口以便透過雙櫃枱買港估。

~將不同銀行好耐冇用的戶口解除凍結。兩年或以上冇郁過啲港幣同綜合外幣戶口就會凍結。

~取消一間好耐冇用佢服務的銀行戶口。斷捨離成功。

~年滿60歲之後唔再打工可提早取回強積金。查詢、取表格及翌日接連處理宣誓繼而將相關文件交回受託強積金銀行。佢哋大概一個月會將啲錢入返我提供的戶口。宣誓正本佢哋會收埋。(N年前已將所有強積金戶口整合方便管理)

本來諗住食埋呢次跌浪購入待巿回升沽售港估基金。不過想深一層唔知再要等幾耐,錢入返自己袋,投資/機買賣具靈活性又唔使再畀行政費同手續費。

今次去唔同銀行,好多銀行女職員都好有禮貌,幾可愛。幫咗好大忙。

有位當我指示解凍賬戶時,我要攞幾仟蚊港幣,佢提咗我兩三次解凍戶口唔使攞錢的。

我:"我要攞錢用呀。。。"

另一間入去要等成60幾籌在前面。辦理期間,隔離個亞婆,有另一個女人陪同下話攞一萬蚊留返八佰在戶口。佢戶口要交水電煤同平安鐘,可能某日會有每月長者4仟幾蚊津貼入落戶口卦。個亞婆攞完錢又話自己重有萬幾蚊喺戶口,轉頭又話自己有兩萬蚊喺戶口。。。。

我低聲對幫我辦緊手續嘅女職員說:"真係難為妳哋嘞。"

買賣操作方面

上星期又揼咗少少石仔,沽晒美估反向執幾佰美刀。

9月10日買咗兩佰股趕交所。

不沽、不高追,放唔放到紙鳶?

前幾日闖進我哋家中的小螳螂。

記得有個前港姐冠軍兼演員曾打電話上恐怖在線,同潘聰講佢住低層,有日有隻好大的螳螂入咗露台,咁高都上到嚟,重唔係鬼故,最終呢個女演員為咗保護個女兒打死咗隻螳螂。

古某住廿樓以上,經常有昆蟲入屋或伏在窗外,見蟋蟀螳螂都有份莫明喜悅,前幾日徒手捕捉咗隻黑蟀放出窗外。慨嘆嗰隻大螳螂真係唔好彩。。。

無驚無險繼"摒棄散戶心態"帖文又過咗十日有多。

如題冇沽冇高追,至於有人成日話的不估頂放紙鳶,試吓做。嘗試唔同的方法可帶來不同體驗。

前日見忍咗咁耐,就開吓啲強積金戶口睇吓,幾開心,因為小石人個戶口比上次結算多咗6位數字。

而我個戶口亦有進賬,因為我好早已唔打工故此累積有限,總結算時未知,而家呢個利潤百份比都可以稱讚自己處理得好。初步計劃食埋呢次升浪就提早領回。

及早提取,慳返啲手續費都好。

股票方面,聽米兄講(我有自己做功課同會負責返自己的買賣決定的,請放心)我今次有入趕交所,暫時帶來滿意的利潤。其他嗰啲價位尚未追得返,不過拉勻追返唔少,又睇吓自己再守得幾耐。

自從B呢巴啦吐感受後,呢十日過得輕鬆好多,又搵唔同嘢分散吓注意力。Utube Utube打機睇戲放FA~

雖然我成日講FA~壞話,不過有隻生物陪我,同埋要照顧佢,可以延緩退化。鬼叫我膚淺,睇見佢咁靚女就墮入美雀陷阱偏我遇上。。。

又整多張小石人影落FA~嘅舊照。

不停嗌咗幾個月,呢幾日無啦啦又撳返著個講嘢mode。
 

今日入貨

 無出街,摷返以前自己一個去郊遊影的相片。

上次跌到一萬捌仟幾,之後V大反彈。看人寫的 聽視頻,就係有啲人話自己無"最低位"入港股掃貨,嗌笨。

事後同小石人閒談,佢話雖然佢唔識但係好驚。咁驚我第日都係略略同佢提吓算喇。

我有執行底位入反彈放貨的諗法。忍忍忍咗咁耐,今日又再出手了,分別入返部份之前放咗的阿里實股。。。(另外,做落的3張未到期遠期期權重係輸緊。接咗一張好早前做的$185。一路碌落嚟逐少買實股。上次試圖在$8X至約$10X位出入拉低吓平均價。又T咗一次)今次入咗再賣唔賣住就未定。

放咗啲千年7568$17.35。據講大戶係好容易睇到呢啲倉位。個人覺得另外一樣考量的係隔山買,美股我哋凌晨時跌到翻天都賣唔到,尾巿由跌至升,做完一輪大龍鳳都唔關我哋事咁。反而前嗰輪把心一橫換咗啲美元買Sdow有啲進賬,但我唔會淨係講自己贏嗰個倉😆(三兄弟出的文娛樂性豐富,真係學到好多嘢)。拉勻都係要繼續諗計追返條數。。。

10/05/2022 銀行戶口入9988 $85

今次冇攪盈富轉咗入7200 $4.52

褲圖入7226 $1.246(有一少注$3.X,上次喺低位拉平均價一次)

             175 $11.2(呢隻都可以呀,出入位拿捏得幾好。)

            2018 $16.7(同上,賣咗而家又入返)

褲記認購綠色債券好多優惠,所以我同老公的戶口各認購5萬鎖咗部份資金。又唔想繼續入太多$去褲。幾窟又發揮佢作用的時候了。

其他較早前放咗的中移動 中石化同中銀,都要耐心啲等位入返。

今日又入返老公戶口MPF的第二注。

自己個強逼金戶口銀碼很少,留待若再插深啲先入埋尾注。

查實有啲股票已經跌到同上次痕指萬捌差唔多甚至更低。

大致想講的係咁,下面盞燈唔知係咪我。😁

好彩堅持一路繼續入貨

 呢三日都密密入,

轉強積金入港股相關基金。 

個底幾深,唔知架。

今日叫做有返啲甜頭,

希望嚟緊個巿唔好咁chok。

😆😄

又又又,米兄今次我有聽你話入咗講膠所。100股咁多,寧願入得少都咪再下墜。

Too naive,always simple

一橫一直,今日想整杯腰啡~腰果汁加expresso,點知耐唔耐攪一次,唔記得點操作個煮啡機,水蒸氣焯親隻手。。幾時都係:重覆運作先可熟能生巧。

近期看視頻發現一個說法,出咁多政策有論是亞爺早人一步先收成美人預早炒高佈的剪羊毛局,前一步是6萬幾時的加密幣防咗內地走資。港股出咗名係大戶提款機,今次木姐基金嘅客戶、買佢基金同跟佢買中概的人,就係其中的受害者。呢啲無從證實的說法,聽吓都可以引發想像空間,亦是曲折離奇劇情。兩大巨人博弈,散戶在戰場地域想執少少著數~唔易呀。

無知如我,經常保持簡單操作,跳出跳入,賺少啲都唔好被套,又貪心又怕死。

今日$187.6再入返基本例注9988。今次入咗唔短炒lu。

強積金又跳返出去😁

 

採寶蘭

小石人曾告訴我,他的同事買了港交所,又有一個買了美團。談及期間都是這兩隻股價升得好勁時。

我每次聽到都是支吾以對。

最近有一次我問他,覺唔覺得啲同事賺大錢好犀利,你老婆就成日都浮浮沉沉,經常都告訴你不成功經驗?

他沒有回答,似默認卦。

我說因為我是告訴你買賣股票的真象,我諗你啲同事都一定輸過錢,可能是大錢,但他們只告訴你英明神武的彪炳戰績。

有人可能會覺得賺權金好似喺雞舍取蛋,定時定候有收成。如果是這樣,個農舍應該是裝咗機關,捕啲定時定刻一早做定晒嘅採收者。

由細到大都鍾意睇卡通,記憶中是近幾年先冇興趣再睇。想60年後出生的,很多人人生中都有一齣印象深刻的日本動漫,而我大半生人中,最喜愛的動畫是全職獵人。

當10一、二歲的小剛考取獵人執照時,其中一條考題是取得抽籤隨機其他參加者胸襟的考生號碼牌。而男主角正正要取的是全場最強的考生希索加之牌子。剛恐懼卻又興奮,深思突襲策略;不停練習用魚杆鈎走物件。

其實考生們一知道試題是取及被人取牌那刻,近乎所有人都收起自己的牌子。唯獨希索加,強者就是充滿自信,最怕你唔來的姿態。

那麼剛怎樣部署呢,由於自小在森林長大,有著野獸捕獵本能地收藏生命氣息監視目標,就在目標出手捕捉其他生物的一刻是最專注的,剛就趁這0.001秒同時出手鈎走希索加身上的號碼牌。。。心跳加速但又好開心。

講咁大段,我哋散戶買賣期權,大部份時間,我估對手就是訓練有素、數口精、資源豐富,各方面裝備都比我們優勝。要戰勝他們,就是要在買賣那一刻比他們專注,而我們要趁獵食條件乎合時才出手。SP個股大跌時;SC個股大升時。而不是規律地做定,而且做的時間要心無旁念。

~ ~ ~ ~ ~

近期做了270、700、9988短炒。

28/07/2021將小石人和我的強積金由保守分別轉30%和50%到香港股票/中港股票/恒指基金。

04/08/2021停止月供股票計劃,當時主要是用這方法培養自己別老是心急微利收割的心態及讓小石人可以有意識地儲股收息。前者,將相對現在高位賣晒匯豐的資金入咗941同1044,昨天決定用餘下資金做1044期權操作,此舉較月供更靈活和儲錢機會高些。當我告訴小石人我們的月供戶口開始有時有微利時(因接近8成持倉的煤氣近日有上有落),他很是奇怪,在他印象中我哋呢項計劃蝕到有排追唔返😝😅

寫網誌期間,他又說我自從做了期權買賣之後思考多咗。

其實我經常都在思考中呀~呀~

 

忍住唔獲利·比做清兵考驗更大

前兩晚小石人一見到呢個畫面就笑。。。疫情下如何在嚴峻大環境中處之泰然找笑點,兩個人比一個人有活力,大前題當然是身邊的是什麼品性的人。

今時今日自主自在對我來說很重要。

我哋近期興扮貓叫,佢有一次在工作地點搵個角落頭錄音咪咪咪。。哈哈哈,扮得好似,倆笑得好開心,他的想法越來越跳脫。

😄😁

如題,油相關股嘭嘭嘭升咗幾大棍上嚟,今趟有兩、三次都諗過要獲利。
會有不同念頭跑出來,賣咗3175,妳重有883、386、135blar blar blar
在網上銀行扲兩扲,又要自己忍住。
對神華的想法又唔同,就算有兩、三勻可以賺6至7毛錢的上上落落,都有一種賣咗買唔返的感覺,能夠好堅定安份地等。。。

越睇得多講外面世界、經濟、不同行業有幾唔掂的帖文,坐貨的耐性越低。

我自己的強積金部份重攪笑,3月中在轉投資決定時,手多多按咗一個掣諗住睇吓入面內容,點知變成買入咗懶人組合。已即時再做一次操作,又有埋參考編號。點知近日查看,佢俾我的電郵是入咗第一個亂扲選項。可能個啟示係要我再啃清楚啲:p

是日冇買賣操作~~要搵啲嘢嚟分散注意力。。。

又再整餅·小石人強積金

近期第3次整蠔餅,

蠔仔用滾水淥一分鐘,

瀝乾水份後等一陣,待出清水再用厨紙索乾身。

一蛋一湯匙薯粉,

將蛋漿混合物分兩次煎。

唔懶得。

好有精神先獨立當小食咁整,

因為一味食物要用好多厨具,有排洗。

小石人今次有將成品上臉書,

即係對是次"傑作"的肯定。

佢話唔油膩、蠔仔唔靭,

好過屋企附近間潮洲打冷的外賣多多聲。

功多藝熟 用腦改進

^^

小石人新舊工作的強積金比較,

終於的起心肝開呢個台摷吓資料。

新嗰份工的BCT,佢對我說了好幾次話啲人講呢間強積金公司有得賺。我:"咁係乜嘢人講?"

粗略睇過發現:

BCT新公司強積金賬戶-

1.產品概覽的投資經理係其他現成基金例如富達、鄧普頓、景順。咁會唔會導致佢收費貴的其中一個原因,現成再打個過水濕腳費。。"冇答案"

2.搵勻佢個app、網上、甚至佢寄俾個客的產品概覽都冇講實際具體買咗啲乜。只給投資於香港股票、環球股票、債券等字眼。

3.部份又係由2008年成立將基數以最殘嗰年起跳計算,拉線令組合睇起上嚟好好賺。喺嗰年先開始入巿確係幾好。

東亞舊公司強積金賬戶-

1.類似組合收費較平。當然內容係有出入,唔係兩個一樣蘋果比較。將資金在巿旺轉去保守基金時,咁大家都係唔做嘢乸住筆錢等有平貨時再轉入高風險組合,呢間收費平啲,由2018轉咗做保守基金重有1.x%進賬。

2.東亞的概覧起碼在股票、債券部份話到俾我知佢買咗乜嘢。例如中海油定中石油,我會選擇前者。雖然都只係講俾我知少量百份比的資訊,好過完全冇。

今朝喺小石人部手機安裝咗BCT個app同埋將佢已有及將來供款都轉為香港股票基金。

週三我生日最好佢請嗰日假攪埋老爺在銀行的遺產承辦事宜同埋去東亞將佢啲強積金由保守轉去香港追蹤指數基金。

小石人:"俾妳洞悉到我會嗰日請假添。"

香港人應該習慣自己的資金一定有部份係唔知買咗啲乜。又或者買咗好似知係啲乜其實又係唔真正知。。。

人生如夢幻泡影。買樓時無端端會賺幾拾個,入股票巿場暫時賬面少咗幾拾又如何!

😊應作如是觀😁

過去是過去的事·沒必要每天每天都記起

非常喜歡這對白,這角色冷靜素有訓練,處變不驚。

現在最不需要的是心靈龜湯。

而是冷靜地分析個人形勢。

前天跟小石人講笑,而家我的入股運作似花花公子。買完一批,唔望。。又入第二批。

只著眼新的又好價錢的。

每項交易都充滿喜悅地完成。

18/3

883  $7.09

作為最大燃油輸出國,一定會想辦法將油價回升,我係咁諗。

19/3超蚊型股數都照入,當供mpf

135    $2.98

175    $10.26

178    $1.07

778    $6.24

1810  $9.52

1883  $2.29(等唔到$2.2,呢隻仍然笑住入。😁)

2588   $34.75

2628   $12.04

幸福,有一位永遠支持自己的枕邊人。

下一步要處理小石人由舊工作強積金戶口轉錢到新戶口預備出擊。佢的錢要留待最後,最大遍利潤才逐步轉。

我咁平凡都攪得掂,你哋一定會做得到。

🎊😊😁🎉

超興奮

越入越起勁

古橋遠眺好風光

遊人享樂未思源

一磚砌石層層疊

門拱穩步關關過

大家經常說等大跌巿擇肥而噬。

某隻股票穿那個位入。。

以工具讓升巿時倍增速度。

哀鴻遍野時是越來越安全還是更趨險峻。我覺得是前者。

興波作浪的操盤者就是要消磨散戶意志企圖讓人信心崩潰好使他們收割。

什麼時候來過迅雷不及掩耳的回彈無人能知。

身歷其境我反而覺得慶幸爬過這刀山火海。

縱然周圍撕殺聲不絕。

內心反而寧靜到沒有半點漣漪。

(超喜歡這玻璃沙瓶般背景)

蟻哥沒有想前路有多遠,只管慢慢逐步向著美好方向繼續行。

別忘記笑著過大部份的日與夜。

😊😍

17/3/2020是非常充實的一天。

因為計劃了到遺產承辦處取文件。

早上賣出澳幣(-約10%)兌回我城貨幣入貨。

將另外一半強積金轉成中港股票基金。

烹調了美味食物給自己配手沖啡。

取完文件後(今次不用等還飛快完成,我有興趣可能描述做遺產承辦的有趣經歷)再到中銀總行取消戶口將錢尾(小石人的叫法,佢話老婆錢尾都有咁多)整合到另一戶口。

小石人歡天喜地約我鋸扒。鐵板扒一到手,我就是這件食物的厨子,要注意熟成程度煎封肉汁。

我已養成蓆地而睡,攰就倒頭甜睡的習慣。醒了,精神奕奕地思考,凌晨寫網誌。沒有因為股市波動未能入眠。

將來的成敗得失不知曉,目前的心理狀態是最重要啊。

入貨情況:

8       $4.37

1359 $1.48(我知道周街大把好嘢,情意結地任性😜)

1918 $35.4

2018 $39.65

7200 $6.63

小鳥必必 ¥2.4

做自己的基金經理,型。

強積金轉組合·再整餅

蠔餅~尋日整得唔好,今日再嚟過。

細切薑芫荽蔥

蠔仔用鷹粟粉洗乾淨,以滾水淥佢大概一分鐘,用厨紙索水。

做法:

1.先將加了胡椒粉的蠔仔用油煎乾身,仍有水出的話將多餘水份倒走。

2.兩隻鴨蛋打勻,加少許鹽同胡椒粉,加入料頭。

3.蕃薯粉一湯匙加少許水,待蠔仔煎至較乾身,將薯粉水攪勻加入蛋液

4.混合了的蛋液倒進再加油的蠔仔中煎煮。

5.完成一邊後倒進碟中,反轉半成品跣回加了油的煎煮器具。

這做法沒有炸般油膩。蠔仔出水令蛋液不能成形是昨天不成功的原因之一,所以今日分開先煎蠔仔而不是將所有東西混合製作。

^^

今天終於看看自己強積金組合,由全保守轉了50%至恒生中國企業指數基金,反正錢唔多,喺而家呢啲兩邊有權爆,主要金融股已下調的情況下,試吓無妨。

積極六月 更新

是日操作

$76.55 全沽001
  唔知可唔可以再喺低位買返呢。。

6月頭開始月供匯豐同煤氣
用這方法令自己要儲股收息創造自動現金流。小石人有份參與,在理財上共同有一些計劃增進話題和溝通。

5/6 買咗啲人民幣做定期,又入咗啲英磅。
本來係想買啲美金唔係買人仔。。呢樣有啲諗嚟諗去揸唔定主意,事前搜尋過谷歌又冇乜文可以參考。最終以低買高賣的原則嚟處理。既然港元有可能受衝擊,冇人知道會點發生,就為有靠自己的感覺行事。

13/6 小石人強積金供款部份由保守基金轉為港股基金。

鐵甲奇俠史達大樓概念設計模型

要諗諗強積金組合了

對我而言呢個冇新資金的戶口操作係個巿開始起動時就由保本基金轉去港股基金，到而家升到冚冚聲賺咗約25%，嚟一招回歸基本步。再伺機出擊。

尋日趁小石人重放緊假，兩公婆去佢做開強積金的銀行鎖定佢咁多年攪高風險「投資」贏咗一倍有多的血汗錢轉做保守基金。

深深明白食幾多著幾多係整定。

認為個水位差唔多就係好喇，唔使諗住賺到盡^^

強積金=強迫金

今天閱李兆波先生的發文管好你的一千元，吸引我的非文章內容，而是那些人人皆心同感受的回應﹗

原意是政府眼見人口老化，又不想背負起沉重包袱，於是假設大家都不儲蓄又不懂投資，家長式地強迫大家由細開始種『金』，多年來，金子種不成，就是賣柑者大撈特撈，真是有倫敦金騙案的影子，操作買賣者賺盡手續費。

其中筆者認為最令人齒冷的，莫過於幾年前政府將$6000注入打工仔強迫金戶口，現在大部份可能已蒸發得無影無踪，大家又得到了什麽？

以前公積金制度，保證員工每年累積的增長，在該公司工作得越長，增長比率隨著增加，一方面確實保障了員工的退休生活，另一方面又能增加員工的歸屬感，最重要的是受託公司真的要有優質投資本領，才可兌現增長承諾，此舉確實對投資知識一竅不通的人有所裨益，責任在收取手續費的受託公司，而她們也理應是投資方面的專家，有競爭有進步，各受託公司為了搶客，除了手續費有比較外，汰弱留強方為正道﹗

現在的強積金制度，最失敗的，是受託公司收取了手續費卻由委託人承受所有風險，既然假設員工不懂投資，那又有何理據促使施政者相信委託人有能力選擇那些由『專業人士』設立的投資工具，況且，這多年來所謂『專家』擬訂的各式強積金基金組合，勁蝕不特止，想找到正增長的比上太空更難，委託人連存現金也要蝕手續費，真是天理何在？

大氣候要港人學習多元化投資知識，促使自己的積蓄由自己掌管投資項目可能更為奏效的想法；不懂投資的寧願過濠江踫運氣也有贏的機會，比起現在坐以待陰乾淨盡羸面更高。

於2009年，筆者曾經做對又做錯了一件事。於最低迷的市況時將強積金組合轉為中港及北美股票基金，但可惜到強積金累積金額平手後，便將之轉為現金和債券，現在回看基金價格，縱使由高位回落，但仍比當時售出價高。汲取了上次教訓，現在又是留意改變投資組合的時機了。還有，別忘記十一月份，強積金受託公司可能會掀起一輪減手績費潮，以爭取『自己強制性供款部分所產生的累算權益轉移』的客戶。

要在一堆爛柑子裡挑比較沒有那麼爛的，確實要付出更多時間和萬二分努力﹗