跌2仟x當日·many圖

 當很多人都磨拳擦掌,10月8日睇吓港股市食粥食飯之際。

古氏同老公清早起來,預備是日早午餐,出發去蒲台。

唔知喺邊度我查到船期係10:30,但我覺得攪咁大爛餐,預早啲出門口,早到好過送船尾。

平時多人返工,兩蚊60係咪阻住地球轉呢?小石人幾次羡慕地說老婆的入場費交通費超抵。今次我答:"現時你比我多兩年青春😄。"

況且我以前曾經都有交唔少稅架。

耐唔耐先早上出去一次,多數係非繁時間出洞,對得住社會大眾。有權冇用盡。

搵路,因為我依稀記得我哋之前去黃竹坑港鐵站之後搵咗好耐,有次甚至步行過去香港仔碼頭之後先知有車可以搭去。我話:"順利搵到車站先啦。"小石人瞟。我告知:"雖然我言語對你唔友善,唔好整慣晒斜視我。"小石人好快就搵到,事關佢去香港仔水塘影嘢時有搭過一兩次。讚呀。

便利增值要排長龍。(即係要時間)

有個熱心小巴乘客聽到小石人請司機如駛到香港仔海濱站叫我哋落車,該熱心者就話畀我哋知"呢個站"落。佢冇錯。不過下一站落我哋慳返好多腳程。有時人哋咁好人就順吓佢意,反正有時間。

小石人拖住我急步行去碼頭,途中我話,唔係趕,你行得咁快我好辛苦。(其實我行到蟻咁慢的。)佢想早啲了解完情況,"趕住"夠時間去食嚐食個早餐!

去到碼頭,,,,

原來架船開10點呀```

票務員話3點30回程,上唔到嗰班就要流落荒島。週四先再有船。

好彩查錯嘢嘅人有被保佑,倒乜咁早就出發。

船程途中~

佢享用雙溫泉蛋同提子做早餐。

我起床已胃痛,所以唔食住。

呢間天后廟兩次嚟都冇拜訪,呢次呢度一期一郊遊,應該都冇緣再見。

我哋整嘢野餐原因係,大隻佬(小石人影友)話,蒲台淨係假期先有士多開。即平日在島上冇嘢食。

現時兩間士多開放時間係跟船期:週二、四及假日。

喺個亭度開餐。

佢發現有紅隼。

呢鏡當日🐦攝人之中,應該淨係小石人影到,因為呢度地勢較高,少人途經。

回程:昨日來回咗咁多級樓梯(抹汗中)

去到士多買咗啲昆布紫菜。有人買咗3大紅膠袋份量的紫菜話派畀同事。

有人就買3-4瓶士多自製飲品。

到下午遊人都集結在士多待回程船。

有咁多時間,佢又去獵🐦。

我就睇吓個股市,因為好攰又冇其他細藝。

嘩,跌咗咁多,前兩日入的7500有賺喎。

人心多變

 尋晚同今朝沽晒啲港、美反向ETF。7500、sdow、SQQQ、s標。

今朝入咗7226同多啲9988。

平時的五毫子古姐,在相對高位冇放2800、175、9988

等。

😄呢兩日心情好好多。😁

滾緊

 近期操作:S標 S納 S道

今日買咗少少7500。

MPF:將之前買入3成港股指數相關轉回保守。老公同我的強積金戶口全數是保守。有斬獲。

好彩攪吓強積金戶口,原來6月中忘記做豁免信用咭年費變成有多兩筆過期收費,夾埋2仟幾蚊。今日發現後立刻致電處理,幾好,攪掂返。幫咗我忙,耐心聽吓電話另一面的男聲sale嘢。多謝佢介紹完,拜拜。

喺呢個網誌曾講過我有情緒病,發生了一些事呢星期情緒時有波動,拉扯。而家想緊方法去舒緩這狀態。

買咗少少Futu~更新咗

 閒置咗咁耐,呢排清晒啲淡倉7500同sdow。

喺富途戶口:用美股淡倉得嚟嘅斬獲再做買賣。港股就重補緊窿。

今晚趁"壞"消息買咗少少Futu。

片水唔使同佢搏命。😄

生活照舊愜意,暫時唔需要為錢煩。錢係要嚟令自己同屋企人有安全感同滿足物慾,做到不用一擘大眼就為錢張羅係其中一樣自由呀。

講完啲喺人都知但未必個個做得到嘅嘢就係時候瞓覺lu。

23/5 39.58沽咗lu。

家居有計·買賣

卒之解決到厨房窗開關問題。

在裝修大計中我提過,厨房的窗離兩呎位"烏"唔到咁遠。

得咗。

之前有個撈意粉的木厨具,我哋叫佢九陰白骨爪,一鑽就散。

再試呢個冇弧度的鑊鏟(唔好炒的發明)就成功。

又可以廢物利用。

是日買賣:

今日再扯高一棍時又買入多啲7500。

是日賣埋啲月供中移動廿佰幾碎股(清倉)。呢單交易有賺。

小插曲係打電話去銀行s詢問嘢時烏龍一出。我都唔知自己處理股票買賣重可以維持幾耐。

而家啲蝦碌嘢當做笑話一宗咁哈哈哈。

保持思考動腦筋,延緩衰退。

之前寫過:

兩間鋁店都攞到我哋嘅感謝金

 

轉身·又是不同的體驗

上回$583.5入咗700,$594放咗,事關睇視頻知道資金流向:北水同基金沽緊。儍儍的又在$573.5入返,跌到約$500反彈,有機會平手走人,冇咁選擇,尤幸$552都識得肯走。26/7於$490SP是月就係蠢蠢哋諗住接貨。27/7$420SP下月。次次Short put完就大幅跌(掩面)。

9988早約7月頭已做了$187.5是月SP同較遠期10月$185SP。$221.4沽咗早前$204入的貨。再曾在$205.6現貨再入,同上微利唔賺亦懸崖勒馬平手走人。

另外之前又SP咗8月386(早前放咗部份現貨回補)同914。

                    9月883

27/7買咗啲941同1044(早前放咗部份現貨回補)。

7200同7500呢類,買定等波動日日食價,短炒沽咗迎來大升大跌又食唔到,買嗰時知佢情況,食得咸魚抵得渴。

今次如果唔係用期權操作接700同9988飛刀,可能於較高位已入貨,又係一個用腦新體驗。

各位在這波動巿況仍勇敢前行的網友們都是值得尊重的,大家都知道唔想辦法增值資產或/和發掘現金流,購買力已被通漲不斷加劇吞噬。

別氣餒啊。😊😁

 

對我嚟講係新嘗試

喺富途開咗戶口成個禮拜,今日終於做第一單交易。 

今日另外在其他戶口作價$4.322沽出早前25/05/21 $4.218買入的7500,幫補吓$5.165入嗰批。

而家周街見到廣告直至6月尾開新戶,保持HK$10000在戶口60天送一股蘋果+港股證劵一世免佣。

這星期的富途體驗是,如果兩公婆都開戶就先開咗現金戶口嗰位先,因為佢只准其中一個持孖展戶口。好似我咁先開咗保證金帳戶,開配偶戶口時就要致電去待處理。

電話查詢服務暫時畀我感覺幾好,入第二筆錢時用咗同一間銀行的另一個戶口冧把😁,在富途賬戶相關位置加添多嗰個戶口號就可以。

做買賣加入社交群組元素,對我而言就一般般。不過有時試吓唔同形式都冇壞嘅。

攞隻雀出嚟

週日一早出發去西貢企嶺下捕呢隻。

落車後見到並跟住個師兄前往,行到一個牌坊上山,小石人已有質疑唔係嗰度。上到山極目一望冇打雀壇,真係行錯路。

途中,小石人的雀友3以鄉音廣東話同我講:"亞嫂我哋打雀,到時你燒俾我哋食。"

因雀友3以前喺內地過著艱苦的生活,令佢練成自製捕獸器加火藥去捕大野豬的本領。大家叫佢穿梭3,打趣意指佢穿梭機都整到出嚟。

我答:"不如你打隻野豬,你哋影完相,我啱啱就會燒好😄"

行行重行行

上嗰啲山仰頭38度角,腳骨力要唔少。"哩"(藏)喺山旮旯鳥。

老公陪著我大落後,上到山就發現佢哋的目標,位置就喺人哋搭個營嗰度,今次需要發揮共享空間的情操,大家將就吓。

我就係坐喺張凳答網友留言,搜尋吓資料同聽歌,望吓天。

過咗幾個鐘。。
走埋去人群睇吓佢哋的成果。我問穿梭3:"又話俾獵物我烹調?"
佢指吓個芒"嗰度"
我:"你攞隻雀出嚟我先煮到"
<呢招跟一休和尚學的>
佢哋笑完一輪,我又歸位返返去張凳。

後記:老公講咗好多次話穿梭3好羡慕佢。因為3的女朋友一陪佢去影嘢,唔夠幾分鐘就喊走,又成日催促住。

我認為又唔可以咁比較的。穿梭3又唔知經過多次陪伴,今勻老公已問咗我幾次,我都是cat smile回應。老公又預備定條iphone線等我可以聽佢電話內CD庫唔使咁悶。之後又向我表示歉意話估唔到條路咁陡峭,佢應該自己去過評估咗情況先。重有我好多缺點"如木砧板一邊片赤貝隔住另一邊整豬心",一個字懶😁。重要成日扭計。。總之各有前因。。。

^^

昨晚整蠔餅,份量蠔太多薯粉攪唔勻成唔到餅形。

^^

買賣操作

昨日6.8沽晒7500

買賣的節奏 · 三卷次子

~是誰~

在敲打我窗

(無間道電影試膽機用歌手蔡琴那首被遺忘的時光)

小石人終於從堆積的雜物中,將這些東西像有趣積木般砌回。

他:"老婆,你應該早啲敦促我執嘢,咁對喇叭就早啲好似而家咁響得返。。"

我:"要你覺得舒服先去做啦;正如你都冇要我執好啲畫完畫又唔執整齊的顏色同畫具。"

Funk咗一陣,佢突然將音量收細。原來佢發覺喇叭邊爛爛哋,,,咁喺呢方面知識豐富嘅佢,就請我幫佢搵深水埗鴨遼街出名整喇叭的舖頭象記電話同地址。

好快手地,佢已將低音對喇叭兩日來回修好帶返家。兼今日再出咗去攞對高音喇叭。

佢:"老婆,多謝你俾我喺廳享受HiFi樂趣。個同事的老婆一定要喺廳放組合櫃,佢套嘢係放喺組合櫃入面架咋!"

咁我都好鍾意聽音樂嘛😊

^^

尋晚佢收到風話啲人搶厠紙,佢喺某區超市目及目及情況,真係搶購一空。佢就打電話著我落街買,佢明知我尋日落枕~條頸痛到氹一聲都要我出去,咁一定要聽從。事關我哋屋企

只有新晉美女

[三卷厠紙]。

^^

午夜笑語

凌晨醒咗,兩個人講咗一輪笑。

佢:"遲啲如有人話衛生巾缺貨啲人都會去搶購。"

我:"可能啲人會用嚟做口罩。。"

呀哈哈哈哈哈。

一陣笑聲中。。

佢:"真係見過有人對住的媽巾喺度商討。"

喺呢個黐孖筋的瘋狂世界,有幽默感真係救命靈丹。

佢:"唔夠厠紙用要用把較剪攞2.5格嚟用。"

^^

今早佢第一次落街買早餐時發覺超市貨架上米同厠紙都冇貨。

第二次佢諗住搭車去攞喇叭,見到超巿返貨就買,嗰種情況似熾熱巿,手慢啲就被人搶走。

😁😄

是日操作:

7500 $6.49入貨

又再有機會入返lu,今次學精咗入一注先。俾機會我有耐性地練習進可攻退可守的黃金戰略。

雜錦的一天

呢幅上次跟小石人打雀回程時影到,似唔似一隻動物伸個頭出嚟呀,對腳太空步行~就算唔作呢個想像色彩同層次都好靚。

是日操作:

沽7500 $6.9獲利

尋日佢又同攝影朋友去咗大埔滘影藍喉B,咁凍我唔去lu。留喺屋企入吓股票煮吓南乳豬手。淨返啲南乳又上網睇吓人哋煎南乳雞翼,嗰個人話試味就將生勾勾醃咗嘅雞翼汁放入口。。"

尋日入178今日再跌咁多有冇唔開心,又冇喎。係咁架啦,冇人知幾時最高幾時最低,唔會吓吓目及實個巿。

 長尾

呢隻短尾

構圖超靚

 回眸

似黐咗隻假眼

我會預備熱辣辣食物等小石人返嚟即刻可品嚐。

佢返嚟時聽到有人話街市冇菜供應。咁食飽咗咪落去睇吓是否屬實。唐蒿賣到$40蚊斤、粟米$12菜漲價咗一倍有多,粟米平時賣6至7蚊。

佢就問吓相熟生果檔老闆娘,她說因為好多菜檔未開先咁貴。

咁我哋無謂同人搶lu,屋企有兩棵生財(菜)頂住先。。

蘭花草

這株近期開,花期頗長。

小石人另一嗜好就是種蘭花,

初先在網絡與他相遇時,他曾貼了一幅背景黑底的綠色拖鞋蘭照片。多優雅。

現在我將這棵石斛蘭放在"開花位"(唔係後欄開花喎)😅。甚至追日將之一日內置於不同位置吸收多些陽光。因為小石人說這盆從未綻放花朵呢。

是日操作:

又入回1171囉買入價$6.78

對於001,上次$75.x冇沽,回落返,我已能克服唔開心的感覺了。而家簡直唔敢沽佢,真心怕買唔返。。。呢兩注留嚟看門口。

7500入貨注碼運用得唔好,為有放喺度唔郁等運到。

中方答應了嗎?

現在出網誌其中一樣樂趣是貼自己的隨心拍照片。以前喜歡乘巴士居高臨下觀人 物 事。仰望天景 遠眺海岸 欣賞新舊建築物反差變化。

今天大巿因兩大利好消息亢奮。

英保守黨大勝剔除了纒繞幾年的脫歐問題,算是較有明朗方向。是故今天不短沽001,預期仍有上升空間。

另一個嘛,只是引述彭博未經證實的消息,我的疑問是實行關稅日期在週日,為何設定的日期如此吊詭。利好消息出現的日子在週四 五,那位"特帝"又是彈弓口的說法。

最重要的是美方一廂情願羅列的條件,中方答允了嗎?剛剛上月尾才通過香港人權與民主法案,以方仗的脾性會否純如羔羊任由攞佈呢。上次還那口價是完全撤銷關稅。

重重覆覆狼來了萬試萬靈。

基於我相信出現戲劇性反差對Trump較為有利,加上急升兩棍,今天做了以下操作:

沽1171 6.97 獲利

買7500 6.52

以上純屬個人胡思亂想。