無常未來

香港仍有人種稻田,

原來稻米成熟時穗會有尖利位,

收割時要穿長袖衣物和長褲。

第三波疫情確實磨人,作為退休人士也感受到各行業都處於水深火熱中。營業額持續下降;被欠帳;開工不足;欠薪;午餐無處用膳;無理被發脾氣的情況比比皆是。

雖然這陣子我笑容少了,但更需要保持不抱怨的好心態。關心另一半心理狀況。小石人不斷優化自己的處事心境,越來越好修養,作為妻子的當然要大力讚賞和支持。他說:"聽得周華山先生視頻多了,人也改進了。"

昨天晚上開始,我們在家中練習太極。庸懶成性又沒記性的我,多得師兄用心教導,希望今次能像小石人般有毅力學完一套拳。

今天下午遠眺窗外景觀做了些單操動作和站樁瞬間。

這時刻,不盲目正向,踏實地對無常未來做好準備。

各位,共勉之。

用單槓的強腰運動

吊到多過兩秒後😄

唔沽唔安樂

最近老公幫我添置及安裝了這單槓。只做到離地兩秒……哈哈哈。

最主要係將成個人垂直吊起對舒緩腰患有好處。

呢兩日都係諗嚟諗去想沽貨。雖然個勢係似向上,既然個腦經常有呢個念頭,就做啲嘢平息佢。本來重想開始舖淡對沖。但都係忍多一口再睇環境情況。

是日操作:

沽了一注001...作價$75

咋一聲就成到,其他都咪再賣住了。

喜利得(hilti)重力拉爆螺絲

生機飲食

呢排真係心思思成日想寫吓嘢，但係又唔知用啲乜嘢題材，講食講買股講心情?

而家食嗰啲嘢，噏出嚟可能看官一聽到會作出副好難食的表情呀:紅菜頭同生果、菜葉打成的汁，係開始試緊生機飲食﹗

記得幾年前參加咗由周兆祥先生舉辦的洗腸營，首次接觸到果菜露呢樣嘢，返到屋企就用有機蕃薯葉加蕉打嚟飲啦，嗰種菜青味真係。。。『冇得頂』!!!!! 跟住梗係食幾日之後就唔再攪咁多嘢啦。

過咗好耐好耐之後的近一輪，因為身邊的小石人雙腳有皮膚患疾，睇個樣係好難好嗰隻，於是上網查吓有乜解救方法啦，就揾到有位亞哥話自己有辦法醫喎，重係自身實體驗證過添，其中佢有做斷食同生機飲食，斷食我知丫，以我又懶又冇乜『磚牆』嘅壽頭，呢樣都可算係強項，至於生機飲食lu喎，每次同小石人提起嗰啲咁嘅果菜露，我都會泛起詭異的笑容....騎騎騎..

嗱嗱嗱...試咗大概幾個禮拜咁食法之後，傳說呢種極頑治癒的皮膚問題好明顯地冇再蔓延，重係向住好轉的方向嚟行。

而家差唔多朝朝早都整杯嚟飲，屋企位高堂都加入埋一份，可能成世人的飯癮都有機會戒到﹗

何謂生機飲食，主要是以生果、蔬菜、果仁等素食材生食，因為咁樣先保留到食物中的酵素。

處理方法最好係用高效能高速攪伴器打爛，食味較佳得嚟避免大量營養流失又唔浪費。至於嗰種菜腥味點克服呢?可以選用沙律菜，初先時用少啲菜多啲生果然後逐步增加。有益嘅嘢都要入到口先有恒心繼續食架嘛﹗

據講癌同奇難雜症醫極都唔好的，用斷食同生機食療呢兩味都掂。

飲與食

前嗰排認識咗健康飲食新知識之後，有啲迷惘，唔通以後都只係一直飲菓汁、食生菓同生嘅菜糊？

前者都好滋味，但生的菜汁就真係暫時未完全食得到。

而家做法係，每日都有飲菓汁、煮熟啲菜先用攪拌器打爛嚟飲、有食肉。

每餐盡量只食一樣嘢。咬得好爛先吞。

平時一日起碼飲一至兩杯咖啡，蝦，已經兩個禮拜掂都冇掂過喇。

呢方面我真係要俾個credit自己﹗

之前係酒，而家係啡，飲又得，唔飲亦得~～　得咗﹗

嗜甜人須知，白糖唔係身體要嘅嘢，所以係食極都唔夠。轉化過程令身體加重負擔。

如果吸收夠菓醣之後，就較容易搣甩舖癮。

我尋日煮蕃茄就用咗乾甜菊嚟代糖。

啲健康飲食人士真係好花心思將優質食物去扮唔健康食品的口味，

例如一個用咗７００幾蚊嚟做唔駛焗冇麵粉冇蛋冇奶的蛋糕；

幾佰蚊一樽仔我唔記得叫乜名的東西扮檸檬茶。

其實都係為咗滿足想食又唔想吸咁多毒素的心理。

而家的我都係會照食不過食少啲，

會排但唔要求自己太極端去清啲毒為原則。

今日會飲番杯啡﹗