好人好事

 有人睇繼續寫😄

冇人睇都照寫。

近期看到比較感動的好事。

一位導演兼編劇///有好多斜槓,可能平時對佢印象一般,當日佢敍述發生在他身上的事,我好感動。

某日佢家附近有人跳x(飛人),正想避走之際,有個唔認識嘅人(30幾歲男仔)同佢打招呼,佢應完就離開雖然嗰個人重有嘢想講。(因為導演係公眾人物,陌生人同佢問好是平常不過)

導演再回想廿多年前:

事情是佢有日因某事情查看報紙搵一宗不幸事件資訊。突然發現另一宗交通意外架單車好熟面口,認出小相片該交通意外身亡中年女人係幫佢月聘抹車的,於是打電話到死者家,男人接電話係該女士丈夫,簡單告知尚欠一些抹車錢未畀(實情係導演作對亡者心意,給未亡人金錢援助,因為記得抹車亞姐平時有帶住個十多啲歲嘅細路,頓失依靠可能需錢周轉)。導演當日如平常般賭馬仔,為免賭輸晒啲錢做唔到正經事,玩到一半就去死者家。

到埗見該接電男子,冷淡,電視播緊賽馬,導演道明來意,屋內男子殷勤起來(導演心想,亡者老公典型賭仔,從眼中猜測此人心想有賭本了)

該男人於是叫自己個仔出嚟多謝叔叔。

其實自己就繼續賭馬。

小孩目光失焦點地道謝。

導演看在眼裡,於是從袋中攞晒僅餘仟幾蚊,細細聲叫細路收埋啲錢唔好畀佢老豆知,有需要時離家找其他人協助。

離開後導演仍記掛,心想若畀個男人知道細路收埋啲錢唔知會唔會打個仔一身。。。。

回到較近期,有天,導演又再遇上該某日見到唔識嘅三十多歲男仔。

原來是當日暗中畀錢嗰個細路。

真的像導演想一樣,給男孩老豆發現啲錢而被打咗一身。好彩有五佰蚊收得好密,佢過咗幾日趁機逃離投靠咗親戚。

男仔(細路):"多謝您。我重欠您錢未還。"

呢個導演~救咗一個人嘅人生。

厨餘

 要講返今年清明節,去拜完老爺奶奶既龕之後,回家發現附近有厨餘收集機,我即刻就好有興趣。

小石人話已有一段時間,妳冇出街所以唔知。佢正想繼續回家之際,我話與其有,不如配合吓。

佢Loading....,似乎覺得麻煩。

攞咗厨餘筒後,平時我猛咁同佢打招呼同唔該佢嗰個清潔男工(年紀唔係細),佢竟然開口話:"你哋攞呢個筒係要登記的。"

嘩,我嚟咗呢度住大大話話5年,佢未啋過我,今次開金口。

我哋去櫃位登記(好多都似係保安替工)咗之後,我又再唔該嗰個清潔工,佢今次終於有應吓我。

要推行一啲新嘢,第一就係簡單,唔好令做嘅人覺得煩。

我用小白篩(老爺奶奶留低的)去儲果皮菜頭菜尾亞FA~瓜子花生殼,要求係乾身瀝乾水份,然後用膠袋存氣夾子將佢哋盡量保存。因為唔想日日落去倒厨餘同埋防止氣味留在雪櫃內。又用膠盒將咖啡渣儲起來。

老公切完菠蘿那天果皮較多,第一次我同佢一齊去處理。

當然,我一早下載咗個鴨s,睇好說明同用法,務求老公見到同做起嚟方便就有誘因持之以恆。

不能放硬的東西如榴槤殼果核,也不可放膠袋入厨餘機。

可惜我哋第一次放時就發現入面有好多連膠袋的,好多人唔睇清楚說明。

100克就可以,不過我哋唔係志在啲🎁,就返自己儲夠先掉慳時間方便自己。

我又同老公講,將積分捐畀某機構。之前嗰度做過嘢,啲同事對我非常差,衰到一個點我想殺晒佢哋。後來懸崖勒馬,辭職之前重買咗好多優之x品零食送畀佢哋。

人,到咗一啲位,無論幾善良都有可能自己覺得被人迫到想為惡。當刻就要睇下自己平時有積幾多修為立咗幾多福而唔去殺人放🔥。

老公問佢哋對妳咁衰妳重捐去嗰度?

佢哋班好似野鬣狗嘅女人對我唔好啫,間機構唔錯嘅。

虛雲寺·觀音巖

觀音巖再上景緻。

右邊小路。先往觀音巖再下山到虛雲寺行程較佳。

 由荃灣兆和街搭85號小巴在竹林禪院落車。

在禪院大牌坊右手邊上斜。沿路有指示到觀音巖記號。

虛雲寺及觀音巖需為進行斜坡修葺工程籌募經費。

4月16日偕小石人前往並作出捐獻。

丈夫替我預備兩支行山杖,倚仗上山,幸能完成是次行程。

天然巖洞,內裡陰涼舒泰,法相慈顏。

由觀音巖落山,有度虛掩木門進虛☁寺可省郤再由正門上據講2佰多級樓梯之腳程。

事前我們不知情所以由正門進入,按門鈴良久有位正在進行內部工程的外藉員工開門。

大門左幅磚牆已出現嚴重大裂縫。

寺內貓,似識得。。。多次揩擦我雙腳。

願早日籌足修葺經費。

睦鄰

 出前一丁送的動漫咭,唔知有乜用,夾硬要嚟掃刮清理吓亞FA~留喺窗台的瓜子殼。而家佢唔係好鍾意去廳窗台--咭s冇用。

前兩日,兩口子食緊嘢時,聽到門外有啲鑽聲,老公去看過究竟,原來對面乜生喺度開鎖。初先小石人諗住自己唔識開鎖,幫唔到忙就唔好多事。過一陣佢開度門睇吓。乜生就問小石人有冇架生。

前言:呢位年紀有返咁上下的乜生重有揸夜更的士,多年前跟小石人同lift時,佢問小石人係咪三拾幾,小石人話唔止lu,四拾幾了。咁乜生就冇出聲了。

(估:乜生想招小石人做女婿卦,但知道同佢個女年紀相差太遠,就作罷。

Cool:好彩啫😁)

上年乜生有搵小石人幫忙檢查吓佢家中一樣重要東西,事關佢搵過商舖報價,據說啲商舖睇位收幾舊,問咗維修報價大約幾仟蚊。

小石人幫佢代為買材料兼維修,只需畀料錢實報實銷。

之後,乜太有日撳我哋家門鈴,送咗佢朋友種的耕菜同一啲新年炸物答謝。

場景回轉返小石人除咗攞架生畀乜生之外,又幫手拆鎖。個鎖拆到甩皮甩骨都開唔到度大門。

小石人回到家中,我問佢係咪珠鎖。係~就好辦了,整到的機會高好多。

到小石人第二次再回家時。我話不如搵咭涉門邊擦刮開鎖舌。心意雙通,老公今次就係搵呢樣嘢。

咪用得著囉~~⬆事後老公提咗兩次,我哋應該一人放一張呢啲咭喺銀包。

(以前我有個同事有幽閉恐懼症,又係被珠鎖反鎖喺公司厠所入面。尤幸當時度厠所門下方有百頁窗,我可以伸手指畀個同事見到我隻手令佢個心定好多。最後都係用呢招膠咭攪掂。)

第二日,又有人撳我哋屋企鐘仔。

佢去開門之前我同老公講:我估係乜太。

好彩嗰晚浸咗豆之後冇煲糖水啫。

覺得小石人好好心地。

有次我哋郊遊燒野食時,管理處來電話有個亞伯跌咗件衫落我哋當時住處窗外。返到去見到窗外有魚絲釣咗個鈎落嚟~亞伯真係好鍾意件多袋背心🐸,小石人為免亞伯成晚瞓唔著,即時到戶送返畀亞伯,從面容看係非常感激。

小石人的第一次

不記得由何時開始已看自在社周華山先生的視頻。看他個人成長的蛻變,是一個人物,我不認識也未曾見過他本人,但他及其創辦的自在社,就幫助了很多有需要的人,協助受眾脫離情緒困擾和授予自救之道。

這一年香港經歷種種,實在有賴這些行善者義務而不遺餘力地付出貢獻協助復建美好。而因為疫情,自在社沒法如常開班授課近半年,所以我很樂意捐獻以令更多人受惠。再者,我免費看了很多他們製作高質素的視頻,盡一分力是理所當然。

其實亦想捐獻法性講堂護持佛法貢佛法僧,但我認為自在社現時更有需要。

將這意念告知小石人,他很認同。這是我們平時有優質溝通的結果。而且上年九月份,他同事情緒受極大困擾煎熬時,我著小石人給他同事自在社視頻s,他同事看了也覺得心情有緩解,可惜的是縱然我一直透過小石人給這人聯絡自在社的方法。最終這人藥石亂投擬看中醫、看針灸也沒有尋找有可能令其逃過大刧的機遇。

上年九月份本人網文:
孽戀

捐款要自己由心而發地進行,多少量力而為。所以我請小石人自己考慮是否捐和捐多少,培養助人之心。他終於願意自己按鈕做善事。

以下是自在社捐款連結,也有他們介紹自己工作範疇、成果,而他們很多人尤其是創辦人周華山都是義務地付出努力。

支持自在社繼續有意義的工作

我在這裡告訴大家捐款或善行,最主要是若有友好也常發善心就可以一同把握助人機會。
大家不知我和小石人是誰,又不存在任何利益衝突。為善積德,福有攸歸。

今天寫了我個人對布施的分享,有興趣可按以下連結:
說布施

延伸觀看:

華山秘笈
誰能代我做自己。
父親臨終那刻改變潮洲大男人的固有態度向太太道歉。他個人對父母的感謝。深感每個人獨一無二的珍貴。

保就業計劃~自僱人士可申請

昨晚協助小石人完成申請手續,今天著老公提醒他現正失業及開工間斷的舊同事/攝雀友申請。

我記起一些網友是從事飲食業和建造業。附上申請連結,有興趣知道詳情的可看看:

保就業計劃詳情及申請表格

截止日期6月14日。

愛心抗疫飯盒·認購·銀杏館

我經常尋找實質幫到有需要人士的機會。

今朝看到貓奴師姐的帖文,坐然起行響應。

以下是認購愛心飯盒的連結網址。

銀杏館·Love Project 愛心抗疫飯盒

施比受更有福

😉☺

行動最實際
剛完成捐贈^^

頌恩公·空谷幽蘭

小石人作品,最近家中這盆蘭花開

杏林聖手古道腸

青囊妙用解愁悵

歧黃濟世堪稱頌

懸壺絕藝冠四方

續上篇感謝眾網友關懷,建議我有用的強身方法。

合指一算,原來痛症已纒繞若一個月了。那跟我以前落枕的情況不相同,而且初期起床敞卧甚至要用手托著頭部才不至令頸部痛不可當。

我為有找小石人致電他的太極師父,由太極師父問他的外父跌打聖手幾時有空幫我治療。

為何這麼轉折。。。我們幾次求診都是這樣聯絡的,事關聖手沒有牌,只在家中治療有緣人。我因腰部多年舊患加多次受傷,都是遇著這高人才得能痊癒。小石人也有兩次腰背問題由他療癒。

回想聖手對我特別關顧,給我金狗脊(據稱現時已很難找到的藥材,一次內地開山時發現的)。又給藥酒我喝。最不好意思的是他只收過一次診金,之後再去都不肯再收。更說,如我們給診金他就不醫了。

現時疫情,沒有必要當然不想打攪別人的住家。

鏡頭回轉,今次是相約聖手住處附近由他親自帶我回他家。原來有人介紹其親戚求醫,那人按錯了聖手鄰居門鈴,該鄰居就向房屋署投訴聖手在公屋營商。

正所謂關公都有對頭人,聖手跟大部份鄰居和睦關係良好到交換鎖匙;互相到家中用晚餐。就是有人會這樣對他。

我在網誌留言曾提到聖手事蹟時,有網友問我聖手的聯絡地址,由於上述很多原因,未能幫到該網友。今次親自見到聖手,我有記掛網友情況就問聖手會否醫治陌生人。他慎重考慮後,為免有機會連公屋也被收回,就只有協助熟人了。

聖手著我應該一開始病發時就到他處治療,我的情況不是落枕,是穴位閉塞。

果然:

"嗰度最痛其實第二度重大鑊。。"

左頸肩最痛,他一開始就發現我右肩穴位閉塞得最厲害。他表示病情開始時治更好入手。

因為他曾中風加上鄉音很重,我很多時都聽不懂他說話。例如他解釋給我知今次不能敷藥,我聽不明,他要到厨房取煎藥煲示意😅。我問原因,原來頸肩位置很多血管神經,膏藥藥性太猛會將之"乸死"。治療過程是超痛的。。。

之後,他就用60多種藥材以烈性強的白酒自家浸製的跌打藥酒來再敷我患處。敷料用強力膠貼貼好四邊以防滲漏。約4小時後就要用水沖濕才撕走,若不浸水恐怕連皮也會甩掉。敷後皮膚會有敏感情況而痕癢。撕完敷料立即沖涼原來是可以的。

悉心治療完畢,跟他閒聊。原來以前有個40多歲的看更因腿部痿縮腳較移位,到處醫不好。向聖手說想尋死。聖手就問他是否願意付出時間,要約7次療程(預鬆啲),最後用了5次每次長達4小時。。將中年男子的腿醫好。

他表示不為賺錢,大部份症都是一次斷尾,免病者再回來。

最後,我又硬著頭皮請他收下診金。今次他沒有以前強硬了。。只淡然答道:

"免失感情。。。"

是日操作:
買入

358   $8.65

1810 $12.06

我成功將口罩平均價拉低了

儍豬豬的我排錯條輪侯連結。前面有成幾萬人都排錯。個幾鐘之後,11:33有通告話俾大家知呢條隊係錯嘅。一定有好多人好嬲喇,打電話查詢都cut線唔聽。

原來面書在專頁有個"馬上逛逛"的連結係去返本頁,我諗主辦商舖都唔諗到會咁樣累事。

於是我由排三萬幾位置跌到10萬幾以後,需求幾殷切。。。

佢哋由廿萬口罩加碼到三十萬。好彩係會員喇,後來都分配到。

上次小石人買70蚊10個,即刻大幅將平均價回落。😅

呢啲舖頭咪識做生意,商譽好,我去換口罩時已預備幫襯花膠海參腰果。俾佢哋賺多啲再適時回饋造福社會,減少怨氣。

蔡康年趁生計淡薄時自我增值剪咗條片,用股壇術語嚟形容我哋呢場世紀搶口罩大時代。

我推算罩價將大幅回落。

前晚小石人嘅友人問我哋買唔買50蚊一盒50個,咁如果可以梗係買兩盒,公價喎。點知呢位大哥噏漏個1字,百伍蚊至真。。。哈哈哈,咁就買一盒lu。

其實呢次疫情,我買物料的意識真係0。平時用嚟洗衫的滴露又就嚟用完,前嗰排小石人用較高價喺街邊買的未聽過牌子,液體內有雜質,我諗至多用嚟洗地算。

另外上次講自製UVled燈又係一早冇晒原材料。

我咁執輸都生存到,都係老公最醒,唔搶但乜都攪掂晒。

😍✌

樓上派口罩·安排得好都係善舉

流程圖

講多啲好人好事,人都開朗啲。咁橋我係會員,明早如果登記後分配到就出吓街lu😁

老公喺街市幫襯開的生果舖女店主問佢:"點解咁耐唔見你老婆嚟街市買嘢?"

答:"慳返啲口罩嚟用。"

^^

由上次落枕開始,頸膊痛到而家,左邊嚴重患處右邊有時都有。

我用Osim pro therapist電患處,多得呢件東西舒緩痛楚,有時可以呼呼入睡,身體唔舒服時,瞓得到覺好重要。

另外一件法寶係呢款搖擺機。活動脊骨放輕鬆😄

我需要經常提醒自己保持良好姿勢,慢慢活動拉返鬆啲繃緊咗嘅筋腱。

自我按摩同用暖水袋熱敷。

^^

前幾日聽小石人的CD庫發現張國榮唱別人的歌,有一隻歌詞簡單旋律好。跟手喺youtube搵吓發現以下呢個版本超正。

從不知

Hifi黑膠96/24HD Audio

呢幾日不停地聽。

耳尖的小石人都覺得唔錯,就睇唱頭同製作😄重問我好唔好搵隻黑膠返嚟😅

中秋餅共嚐

點滴是生命這慈善團體於中秋期間舉辦名為『月共賞 餅共嚐』活動為長者、露宿者和低收入家庭送上福袋，現正向市民收集月餅，詳情如下：

收集目標：900盒（共3600個月餅）
收集日期：8月1日至9月12日
收集地點：九龍尖沙咀星光行1915室（辦工時間：星期一至五 9:30am-6:00pm及星期六9:30am-1:30pm）
查詢電話：27358377
備註：必須是一整盒及在最佳食用日期內的月餅，包裝上沒有註明食用日期的月餅恕不接受
http://llcs.org.hk/index.php?tn=local-charity-detail&ncid=4&nid=247&lang=tw

有興趣跟有需要人士分享家中過剩月餅的網友們請於收集期前行動，行善積德 福有攸歸。