商·政

 點解我哋做買賣~收利息 賺差價 低買高賣 一般嚟講老豆係男人(同性婚姻又未必)

為賺錢

上巿公司,點解要顧及股民利益?股民係買賣,有冇為盤生意出過丁點嘅力。公司為盤數,佢使唔使理會水流柴嘅股民嘅感受呢?

精明公司老闆嘅觸覺同我哋比,天淵之別,我哋後知後覺 唔知唔覺 水浸眼眶都冇感覺。

佢哋趁重有價時已用盡所謂"優惠"方法促銷喇,目的就係將嗰啲火燙山竽畀老襯接手,點會唔追呀。

接手嘅人係要為自己的決定負責任。

咁樣亦對嗰啲有風險管理嘅人公平。教人2開4 4開8從中取利潤的人係好有問題,然而人哋講就信就做嘅人要承擔最大的風險同責任因為佢哋認為搏到就發達 快 靚 正,冇諗過搏唔到嘅後果。

當權者有幾多個真係為民而做?

確保權力 官位穩固才是真相,為鞏固勢力,咁多千年灌輸畀民眾的思想,係忠。但係有乜依郁話殺就殺 誅連九x九族。

可能要諗吓要忠於乜嘢。

冇錯,有國才有家,呢樣反而係最重點。

有上巿公司才有機會在各國不停印嗰啲紙嚟偷走我哋辛勞累積的購買力幸運才能取回一些屬於我哋的東西。

天才呀~

 呢個伸縮架好好用架,唔知由幾時開始個用嚟扣實嘅掣壞咗,放嘢上去就有跌爛危險。

唔好放過讚賞伴侶的機會呀,呢種維修方法我從來冇諗過。

對所愛的人正面真誠鼓勵,佢會更加有動力去做啲對雙方都受益的事情。

當我讚賞他時,佢而家會大方地說:"多謝喎。"

我哋大部份人成長過程都係孭住條荊棘棒,冇讚不特止,一啲就係用惡眼神去令細路停止大人覺得唔鍾意的行為(瞳術?)。我細個時就受過唔少呢啲潛罰,心理威脅。有啲就打;有啲就將自己責任由細路負,譬如有人提過要脫離住公屋而將厚望由兒女讀書叻嚟完成。我聽到覺得超恐怖的。

人類BB自細就喺父母好屈機的狀況下長大,無能力自主,我諗大部份人都係自卑底,有啲表面自大裡面嗰浸亦是自卑。

有時見啲人,明明喺某方面能力已超出中等水平,功夫屬上乘,當別人讚賞她/他時,佢哋嘅反應就係唔識反應,甚至有啲好謙虛咁話唔係,仍需多多學習;有啲就話自己點唔得。。。問心,啲表現行為又唔覺佢哋認為自己唔得。

咁係咪虛偽?

對於平庸的我而言,心裡就皺眉:"咁都話自己做得唔好?"

後來,睇唔同的視頻後又較深層發覺到,可能呢類人,心目中的自己同現實以為的自己有好大距離,心中的鞭不自覺地對自身抽打得最狠。

寫上面一大篇,唔知表達得清唔清楚。

對自己公道啲,係做得好咪大方答句多謝別人的讚賞。

更理想的是,一個人也靜心觀察自己做得好的地方、從具體的優點去讚賞自我。人生才甜甜的繼續再繼續呀。

十分滿分,你畀自己幾多分~

小石人的第一次

不記得由何時開始已看自在社周華山先生的視頻。看他個人成長的蛻變,是一個人物,我不認識也未曾見過他本人,但他及其創辦的自在社,就幫助了很多有需要的人,協助受眾脫離情緒困擾和授予自救之道。

這一年香港經歷種種,實在有賴這些行善者義務而不遺餘力地付出貢獻協助復建美好。而因為疫情,自在社沒法如常開班授課近半年,所以我很樂意捐獻以令更多人受惠。再者,我免費看了很多他們製作高質素的視頻,盡一分力是理所當然。

其實亦想捐獻法性講堂護持佛法貢佛法僧,但我認為自在社現時更有需要。

將這意念告知小石人,他很認同。這是我們平時有優質溝通的結果。而且上年九月份,他同事情緒受極大困擾煎熬時,我著小石人給他同事自在社視頻s,他同事看了也覺得心情有緩解,可惜的是縱然我一直透過小石人給這人聯絡自在社的方法。最終這人藥石亂投擬看中醫、看針灸也沒有尋找有可能令其逃過大刧的機遇。

上年九月份本人網文:
孽戀

捐款要自己由心而發地進行,多少量力而為。所以我請小石人自己考慮是否捐和捐多少,培養助人之心。他終於願意自己按鈕做善事。

以下是自在社捐款連結,也有他們介紹自己工作範疇、成果,而他們很多人尤其是創辦人周華山都是義務地付出努力。

支持自在社繼續有意義的工作

我在這裡告訴大家捐款或善行,最主要是若有友好也常發善心就可以一同把握助人機會。
大家不知我和小石人是誰,又不存在任何利益衝突。為善積德,福有攸歸。

今天寫了我個人對布施的分享,有興趣可按以下連結:
說布施

延伸觀看:

華山秘笈
誰能代我做自己。
父親臨終那刻改變潮洲大男人的固有態度向太太道歉。他個人對父母的感謝。深感每個人獨一無二的珍貴。

沒有所謂應該不應該

昨晚有人放煙花☺

由年廿八至年初二,清潔、預備糕點炸物、預備團年飯、拜年應酬。。又食埋晒啲肥膩熱氣嘢,個人攰又燥,今日初三休息吓都好正常。

除咗兩支公團年同休息之外,我哋以上乜都冇做。

不受傳統思想繁文縟節所覊絆係我個人的想法亦做得到。

好早已發現,同枱食飯聚會,相處真正融洽有話題才值得花時間,近期更同意是我們沒必要為完滿別人期望而委屈自身。

只是形相分別出現在同一空間,無言以對,甚至有人平時很"忙",總是於聚會遲到,然後像債主般向家人逐一訓話,咁唔開心啲飯就唔好繼續了。

人與人之間聚散勉強不來,但就不是人人都明白及實行。