奶奶的錢包I

上次去呢間銀行時,個職員好有禮貌又樂意完成我想要比較新淨新鈔票的要求,讚呀。

這個故事較長篇,奶奶罹患老人痴呆症多年,老爺去世後照顧的責任就落在小石人身上,他兩個兄長不同住,似乎變得理所當然由原本同住的人照料。

平時由老爺代取奶奶生果金,人走了沒有人跟進,奶奶的銀行戶口金額就這樣一路積存多年。

作為新入門的一份子,我雖然察覺到有需要處理,但原本負責開的人不理會,我只能婉轉地向丈夫解釋利害和一些程序。隔上隔地傳話,換來的當然是說一步行半步又完成不了,這樣情況拉鋸了多次,我又不能太趨迫他人。

一個人在生時,要處理財務託管較人仙遊後做遺產承辦容易得多,這是我的認知和理解。再者,與其經常要為撫養母親的生活費而有傷和氣,為何不想辦法取得政府給老人家的資助解這方面的財務緊絀。

有一次奶奶入醫院,我就徵詢小石人的同意後試找醫務社工協助。因為平時要從社會福利署獲得授權取得失智症患者資助金額,手續非常繁複,包括先找一個醫生轉介給一名精神科醫生,這兩次診症要在相隔14天內完成,取得精神科醫生報告後再到社署申請。

但如果當時人入院,醫務社工有責任要協助,所以一定要抓緊這黃金機會。由於醫院內有醫生評估,做到的機會率是接近100%。

在這家庭裡本來負責的人,就拋一句要做到"應該"等很久。

我見到醫務社工後,順帶查詢有關遺產承辦事宜,因老爺逝世後,他的遺產也是一直留在兩間銀行7年有多。

結果醫生批出了高額傷殘津貼給奶奶,比平時的生果金數額多一倍以上,經醫務社工的協助下,很快可到社署辦理監護人手續申請,直接取得每月津貼。此舉可用一半金額減輕奶奶日常開支,又可將一半錢撥備。

下一步是要從銀行取回奶奶多年生果金及儲蓄,高達6位數字的金額。

怪客·又出招

唔係食咗幾啖,未食已係得咁多。

呢個怪人又打電話去反映,上次講俾個熱線落單員知,結果係冇用的。因為。。。

昨晚收到的份量依然是這樣。

今次致電,呢位熱線落單員佢竟然答我份量係唔多的。

我:"不如你將我條線駁去嗰間出貨分店,你係一個接電話的,我唔想你難做。"

熱線員:"不如你自己打去"

<呢個人遇著的是神秘顧客會有乜嘢下場😄>

我:"已打去該分店兩次,冇人聽。"

咁樣佢先肯接駁條線去,但都係冇人聽。佢話叫分店打返俾我。

分店回電

那人第一時間已提出送返兩碗湯俾我。

我:"唔使嘞,最主要想了解返個份量原本係幾多,如本身係得幾啖,我下次考慮唔叫。"

佢:"係個碗的八成"

佢有禮貌地多謝我反映意見俾佢哋知。

而家做生意實在困難,由2月中到月尾,呢間食肆係做買一pizza送一。重要外賣盒都唔印商舖圖案了。

俾我哋都消受唔晒

而家好少執筆寫字

叫外賣自取壽司,次次都係我打電話落單,小石人放工後去取回家。佢唔會檢查接收到的食物嘅。

一攞到返屋企,我發覺多咗好多,係多咗成盒12件😅。兩個人點食得晒幾拾舊壽司。。。

記得以前在別一間分店都有類似情況,嗰次只是多咗兩件,打電話話返俾佢哋知,個負責人覆由佢個同事填數,受啲教訓就會更深刻下次唔會犯錯。

咁今次成百幾蚊,如果個店員要扣人工,幾慘。我就打電話話俾佢哋知。點知呢間分店話唔緊要,員工唔使填數。咁我答聲多謝佢哋。

查實俾多咗我哋真係食唔晒,呢種食物又唔擺得耐,唔通攞出街周圍問人要唔要😄(如果得我一個人,我諗我做得出的,或者問吓樓下管理員食唔食。但我忍住唔攪咁多嘢,事關話打電話如實告知店舖時,老公都覺得我舉動奇怪)

最終嗰盒壽司係食完晚餐後,隔兩個鐘再食埋佢。。。好飽時為咗唔嘥嘢夾硬食唔係好盞的感覺。

^^

另外最近小石人啲舊同事就發生咗上網購物講價事件。嗰件二手嘢唔平。A幫B向賣家討價還價,還咗口價人哋都話送多樣嘢兼減到去公價,A重要講平啲,對方唔覆,理應算數。

點知過一排A見件嘢未賣出,又返兜話而家呢啲時勢俾唔到嗰個價。人哋回覆俾唔到就留返啲錢。A就覺得人哋窒佢。又再回一句唔禮貌的說話。

筆者覺得人哋咁答都好正路,唔係有心買就唔好攪攪振。

話時話我面皮薄,好怕講價。講得價就當練吓口才同應變,跟買賣股票同理,留返啲水位俾第二啲人賺,唔使樣樣算到咁盡。😉