仍愛

今日又用番廣東話嚟寫，最鬆弛的做法。

自從上次了解咗電視電玩之害後，

打機已戒，

鍾意睇電視的我就多嘢諗喇。。。

有得賴嘅係古謙自細已成日睇電視，唔怪得之看書的專注力咁弱啦。

睇緊電視時又會偶然鈎起智商係咪下降緊呢？咁重睇﹗

經過一輪矛矛盾盾之後，都係冇搣甩舖電視癮。

亞Q啲嚟講每次都會用腦諗好多嘢，觀察場景佈置、服飾道具、欣賞特技製作、劇情合唔合理、演員演技。

有時睇卡通片我都會熱淚盈眶，睇推理劇會考吓腦筋，歷險戲又會幻想吓自己置身其中又會點，有意思同寓意的就同老死分享吓自己的想法，樂在其中。

況且我而家都越嚟越與外界隔絶，可能呢個係重同世界有連繫的弦，如果都可以斷埋，離升仙之期唔遠了。

講咁耐開場白，其實我想講吓最近的仙巴歷險記。但唔係講劇情喎。

我鐘意海，我喺度諗如果要揚帆出海四處漂流闖蕩，

喺船上可以有乜嘢貢獻？我識釣魚同煮嘢食。

跟住....如果想歷險，就係時候要鍛煉好自己的體能，就由呢度開始好了。

好好句

前兩日都冇乜機會用電腦，只因屋企人要用部腦做功課。冇智能手機的我又有冇因為冇得用而典床典蓆癮起？哈哈哈。

同家人朋友傾吓計、做吓家務、睇吓第二啲嘢、去吓拜山，總有好多其他嘢好做。

今日睇一篇文章，好鍾意以下呢句：

『世上又哪有借回來的快樂可以到永遠呢？最緊要識起身！』
呢排個心就成日諗住劉青雲喺電影十萬火急向方中信講嘅呢句對白：

『亞sir，我真係冇氣同你拗喇。』當時喺火場缺氧狀態要有人犧牲做某啲事，兩個人爭住捨身成仁。

近期有人向我訴說生活、家庭、工作上遇到嘅問題同困擾時，我會先問吓佢係想向我『呻』吓定想聽我意見，是關大多數人都只係想人聽吓佢哋有幾慘。

另外，我要學習說話精簡一點，是以今日唔打說進一步解說以上事宜背後原委。

動完腦筋寫嘢完畢，下個節目係閱讀，各位happy Tuesday ﹗

電視電玩嚴重影響我們的IEQ

前陣子搜尋有關成癮原因的文章，發現某些上網活動尤其是玩電腦遊戲影響玩家邏輯思維、判斷決策發展和功能，延伸是令人容易產生脾氣暴躁、情緒失控情況。

據稱當人玩電玩時，腦部alpha 波和 beta 波的活動跟腦退化症患者呈現的相約，都是維持在極低水平。

遊戲過程無須活動到腦部前額葉直接由視覺接收訊息作出反應，前額葉正是掌管人類思維決策所在，久而久之腦部對外來訊息習以為常地不經思考就作出情緒反應。

無獨有偶看電視對人腦運作的不良影響跟電玩有過之而無不及，給發育期間之幼孩看電視為他們腦部發展的窒礙確是非同小可。

其他壞影響包括導致焦躁不安、對外來刺激反應不協調、語言聽覺發展較遲緩、缺乏創意和想像力、專注力不足、解決問題能力偏低和欠缺堅持。

家長們可能要認真考慮在子女建立到閱讀習慣、思考能力前不要讓他們看電視和接觸電子遊戲，若然多些人能做得到，盼望擁有一個美好和諧快樂的世界可能不是空想。


以下是其中一篇電視如何影響健康的文章

http://tw.myblog.yahoo.com/jw!qenrcEifHwRFOdGa9A63JZvo/article?mid=2619

已在默默起革命

有遠見的人會看得到我們的敎育並無敎下一代正確的理財觀念，在我們還在溺愛小朋友的同時，財技大國已開始透過媒體向青少年們灌輸理財知識和富人思想。

今天發現bizkids這個節目，內容敎授年青一輩認知學好做好個人理財、簿記、會計管理的重要性。亞美利堅鼓勵後一輩，從小已開展和體現他們經營自己的小生意，魔術表演、出售自製汽球動物和玩具、家庭式船上賣雪糕生意(三兄弟妹分工合作)。

我的印象是生意小小，但經營的青少年都是面露笑容，充滿活力和生命力﹗

由先洗未來錢的擦咭文化至從小開始敎導新生代擅於理財，正是由窮人腦袋邁向富人思維的佐證和實踐。

電視經

好似我咁鍾意睇電視的人，買一部有錄影功能的機頂盒真係唔錯，錄晒喜歡的節目，飛晒啲廣告又可以等得閒先睇，慳番好多時間又有自主性。

尋日屋企人話想睇寵物Wakaka，睇到一半佢已經話唔想睇，我同佢講開咗個頭咁都要睇埋佢架。

我哋的電視台，只係可以製作到呢啲咁低劣的節目。為一隻沙皮狗女揾仔，五選一分幾個回合，最離譜最後到二選一的時候，係叫個話自己有讀狗心術的女人嚟講出隻狗女的心聲，咁一早唔駛攪唔大壇嘢，叫個女人一開始問隻狗女鍾意邊隻就得啦。

唔知大家有冇睇我上次提過的都市馴狗師，睇呢種節目我覺得學到嘢，而且佢替人解決問題的方法，係比較全面，可能有剪輯所以未必係我哋睇到咁英明神武，但係你會發覺佢知動物的心理同反應係假唔到。好似其中一個例子，有對同志養嗰隻狗好憎其他啲男人，偏偏狗主成日有好多好多男朋友嚟開派對。雖然馴狗師係男人，但係佢對該狗做的行為，神奇地一開始隻狗就已經接納佢，而且到最後隻狗重可以同成班男人共處一室肯俾人摸，真係幫到隻狗同狗主。

如果愛狗人士，我認為係好值得用多啲時間同心思喺訓練犬隻的方面著手，而呢個節目係可以幫到大家，好簡單一樣嘢，我發覺啲狗主成日以為自己可以駕馭到隻狗，出街唔落狗帶，喂，平時冇訓練已經未必可以嗌得掂隻狗，加上有突發事件，例如啲狗遇著發情期，拉都未必拉得住，何況嗌﹗咁樣對途人係非常唔負責任的行為。其實要訓練隻狗喺屋企都要守紀律尤其係應門時唔好狂吠同撲向客人都係要用狗帶，但我發覺好多狗主都冇呢方面的意識。

近期明珠的新紮伊人、醜聞都值得我追看。

昨晚首播的日劇最強名醫，男主角個樣有啲似怪醫秦博士，而劇情都有少少怪醫的影子。

於人以利

早兩日姨甥女話要嚟過宿一宵，佢有哮喘，所以我就好盡力咁將屋企打掃乾淨，打點好啲等佢休息得舒服啲。

有句說話叫做於人以利，意指俾著數人，冇所謂啦。

呢個親戚自細有學音樂~彈琴、中樂都識，今次佢有興趣學小結他，4條弦的的骰骰，幾得意。

以前我曾經學過結他，但隻手太細最主要係我懶，學唔成。

唔知由幾時開始我覺得一個人如果懂玩樂器自彈自唱，係好快樂的﹗

咁好機會喺目前，我梗係唔會放過。

跟住姨甥女送咗以下的禮物給我：

m m f s s f m r d d r m m r r

m m f s s f m r d d r m  r d d

r r m d r m f m d r m f m r d r s

m m f s s f m r d d  r m r d d

臨老學吹打﹗以一個完全唔識音樂又冇記性的人都唔可以對自己太苛求，玩吓著。。。

於人以利，下一句係，其利必反，或反更多﹗

我出發點係沒有望任何回報，但係今次得到的係 ~ ~

貝多芬第九交響曲快樂頌

唔係嘢少，哈哈哈哈哈﹗

亂噏一通

我知道的最攪笑買股票方法係用扶乩，嗰個師奶買股票好似入雜貨咁，日日出出入入好多隻股。用孖展倉嚟認購新股，話唔驚。。(如果多人認購一人派一兩手就係囉，一旦冇人認購質晒俾佢睇吓點死法﹗)由幾萬轆到成百萬都唔收手，卒之又打回原形先話感到好徬徨，真係幫佢唔到。

又有人話2012唔係世界末日，係經濟末日~ ~ 楊x命講嘅。

哈，係呀。楊x命批人條命話佢個仔留喺香港有機會做特首，去大陸就做國家領導。做老豆嘅就梗係希望個仔做領導，唔駛好似香港特首咁陰功日日俾人鬧都未靜止，重做乜都唔啱，冇日安寧。2003年香港環境最低迷時都已經有三個單位，千幾萬身家嘅羊牯，就係聽呢個神棍點佢上大陸，生意失敗兼妻離子散。折舊賣番個送子觀音俾神棍都收得番萬幾銀，你話俾人坤咗佢幾多錢呢。觀音都可以循環再用，好環保。

睇見呢啲新聞真係擰擰頭。信啲神棍亂up當秘笈撈到風山水起(係個神棍喎)，作到咁大，又有人信，呢個世界直頭係黐筋到冇麟﹗

警世之言係今日家財億萬，都唔好坐定粒祿，唔到最後都唔好鬆懈﹗

超乎我的想像 ~ 有趣

最近有好多好睇的電視節目，例如週五晚明珠8:30都市馴狗師。

首先要講明我唔係愛狗之人，童年曾經俾自己家犬咬過，而家隻手都重有疤痕，

前兩年又無啦啦俾幾隻大狗追住嚟凶兼差啲被攻擊。

不過我冇怪啲狗，都係啲狗主唔了解、唔識敎同唔負責任才是元兇。

講番都馴師真係型到爆，佢除咗對狗的行為同心理極為了解之外，

我最認同佢的就係馴練隻狗唔難，要啲狗主學識點駕馭自己的愛犬就好花時間，學好耐都唔掂。

我覺得好多時啲人就係自己對件事已經無能為力，先揾有經驗的人幫手，咁好心就聽吓人點講同跟住去做喇，

佢哋偏偏就係駁咀駁舌，如果自己叻晒就唔駛出錢請外援。

另外，就係啲狗主成日將隻狗當咗做人，淨係顧住同溺愛隻狗到唔理其他人死活。

佢會關心要留隻狗喺辦公室日對夜對，而唔理一有人入嚟寫字樓佢隻愛犬為咗保護地盤同主人就一支箭咁撲去咬人。

次次都係咁撲係咁咬，發生咗好多次，你話黐唔黐﹗

如果識敎，狗係好忠誠同可愛的動物，尋日又睇到一個發夢都諗唔到的鏡頭影像，

一隻飢餓的北極熊已經作勢襲擊一頭被綁住的雪撬犬，但係當隻熊見到隻狗笑住咁逗自己玩的時候，

隻熊的眼神一瞬間就由想將隻狗置諸死地而轉為柔和，重兩隻動物一齊玩扭撲遊戲，

跟住隻熊又帶埋自己啲同伴嚟同隻狗一齊玩，

大自然，真係超乎大家想像，乜都有可能發生的奇異世界﹗

九唔搭八

有一日狂煲黃子華楝篤笑，其中佢有提到已經係第四次中『冧把降』，聰明的股友讀者怕且都唔駛我多解說何謂冧把降....

吓，唔知....冇奶油喎，大部份曾買股票的人都中過故喎﹗

乜都唔駛知唔駛理，淨係聽人講個冧把買嗰隻股票，黃子華話今次叻咗，有問多一句如果個市塌隻嘢點先，

介紹人話都冇事買得過，黃稱自己今次又輸咗一半身家。<筆者按希望佢今次只係嘩眾取寵攪吓笑﹗>

好深刻印象，97嗰次塌市佢真係由心而發，尤如淌住血地訴說，反省點解會用畢生積蓄去買自己乜都唔知的東西﹗

對某些人來講，歷史確實不斷地重複。

~~~~~~~~~~ ~~~~~~~~~~ ~~~~~~~~~~ ~~~~~~~~~~

記得上次個市升到勘勘聲，有人問我點解唔買股票走去買磚咁麻煩，我冇答佢，唔係我吝嗇而係我知道同佢講都冇用，所以無謂潑人冷水。

一個唔知自己接緊火棒，又因為轉一轉手就贏到錢去旅行花費，炫耀自己有幾叻的人，會聽得入耳咩﹗

結果？嗰位女士而家成日都收到好多不同公司寄去的公司年報，又放咗好多隻紙船去大海，等緊啲船自己漂番嚟上岸。

前嗰排我喺市況低迷時談買股，佢冇再答一句嘴。

並非要批評別人，而係身邊有多如天上繁星的例子警惕住自己。

~~~~~~~~~~ ~~~~~~~~~~   ~~~~~~~~~~    ~~~~~~~~~~

又話說，有個在中資公司工作的人講佢啲內地嚟香港工作的同事買咗金條係會諗到用郵寄方式寄回內地，係，你哋冇睇錯，係『金條』﹗聽官當然睜目耳側，佢哋一係蠢、一係唔志在。

但當今日睇完個電視節目，得悉原來舉世知名價值連城的藍鑽『希望之星』曾經都試過俾當時的物主寄去美國捐出嚟做研究時，頓然明白一點，無論物件有幾珍貴，當物主已經視之為身外物而且與佢再無任何瓜葛，在其他人眼中再有價值的東西對原本的物主來說同一幀明信片冇乜分別，運送途中俾人偷咗又如何﹗

Phone人都瘋

呢個世界越嚟越變得有趣，以前啲人攞住個啞鈴咁重的大哥大水壺出街就自我感覺良好威過威士忌。

科技發展，跟住人們又追求電話要夠精緻鬥小巧以方便收藏。

家吓就要多功能鴨舌又番轉頭捧住個屏幕通街走都唔覺笨鈍﹗佢哋攰唔攰嘅呢？

還是在職場打滾，工作上有需要、又怕俾人眼望望笑落伍，能力負擔得起，擁有一部智能電話係無可厚非。

我呢啲冇需要、唔從眾的死硬派，從來都唔理會人點睇﹗

咸豐年前的大哥大我買唔起，當時我已經覺得有乜需要成日都守住個電話？

究竟係人用電話定係個電話支配緊大家(靠電話洽談生意的唔計).....

聽過有人曾經跌過電話落馬桶....吹乾再用？如厠都咁唔暢快，為乜？

近期就遇到咁嘅情況，第一時間已經揾到用『原始』電話的朋友E，

跟住打電話俾兩個已經用緊智能手機的朋友A&W約飯局，無獨有偶，都打唔通，W的電話尚且可以留到遺言，另一個就關機狀態。

咁分別留短訊啦，一星期後，W回短訊話剛發現我的短訊問幾時飯局，覆W告知我已經揾咗A成個禮拜都杳無音訊，請佢試吓揾，

又過咗一日，W成功Whatsapp到A，

後來W重叫我以後打唔通電話留口訊嘛﹗﹗(佢自己去咗旅行聽唔到口訊).....再者W重反問我有冇Whatsapp？

但我腦海當時只有What's up﹗

那是釣魚島

老友向我致歉，因昨天升巿，其中一支我已放的股票大升9%。

回他一句人不能輸打贏要。記得放貨收市當日，價位比沽貨時低，又點計呢﹗

他提點我也是為我好。

中日釣魚島之爭若鬧大了，香港難獨善其身。

日政府口說的跟做的明眼人心中有數，

幕後黑手口口聲聲話持中立態度，一個對該島的稱謂已出賣了她。

我的腦海卻浮現一段歷史，

義和團作亂，慈禧貪圖享樂，將練海師軍費建頤和園，

最可悲的還以為自己兵力強大，出戰才知炮艇原來豆腐渣咁弱﹗

歷史，往往是不斷重演﹗

貧富懸殊，人民生活困苦時，趁亂搶掠、仇富破壞等義和團式暴行已出現了，

我國政府腐敗貪賄，究竟有沒有如想像中的船堅炮利就成了疑問，

尤幸，條件因素欠慈禧，加上現在各國以經濟掛帥，

這邊廂扮可憐乞求買債，先使未來錢不用付款，以別人的錢增強軍備不特止，

暗地裡又命手下將債主圍堵，對手乃超班奸人美利堅是也。

交情

葫蘆兄笑古謙早前密密寫，這輪又冇貨賣。哈，從來都是喜歡才行文，而且書寫時總是心情愉悅。

昨天家慈開心到不得了，事源她酷愛一款電玩遊戲，可惜因長年累月的使用導致光碟已變花~ ~空虛﹗

四出搜尋，由於是咸豐年代產物，不果。

用人情牌請一位舊同事幫忙，以她的電腦知識也解決不了，因光碟損毀程度幾近透明。

但天無絶人之路，朋友又有幫得上忙的朋友，高手連迷失的檔案也能復修，一個字~ ~勁。

親戚知悉事情後問我為何這舊同事如此賣力幫我，回一句各有前因。

昨天家中洋溢一片歡樂，一份失而復得的感覺。

每個人有不同的性格、對事物的看法也迥異，但總會有些人特別投緣，

無論如何，能夠擁有一些能刺激思維的人一定對一己有所裨益，

和而不同，又有何相干。

外星人早已財務自由

想寫這天馬行空的話題很久了，每次想起也會嚮往那匪夷所思的狀態。外星人早已財務自由，哈~~

擁有異能及尖端科技

他心通     ~ ~  既然不用外在通訊工具，那麽手機，乜phone物phone都慳番。

時空科技 ~ ~  比光速更快的時空之旅，甚至可以瞬間轉移，不用像人類般擠公車，駕車也嫌費時，又少一筆開支。

看不到的空間 ~ ~   能夠將細小狹窄的空間變大，那又豈會為蝸居而煩惱，要幾大有幾大。用成世人孭債供樓做房奴？No way。

衣著    ~ ~  通常也是全天侯銀色，亦攪不清是膚色還是衣飾，免洗衣又免名牌，眼大大又冇近視，鞋都不用買一對。

食    ~ ~ 總沒有發現太空船上需要雪櫃來儲糧，如果要吃，那時空穿梭多不方便，要帶多少才夠，所以可以推斷外星人早已不需進食，又不用想想今餐食乜餸。不吃自然就不拉，多環保省錢又省時。

奢侈品 ~ ~ 可曾見過穿滿珠光寶氣的外星人(其實根本從來未見過外星人)，連手錶也沒有，我們覺得有價值的東西，其實是虛幻。

佢哋唔駛用錢，冇銀包架﹗﹗

似乎探索新事物，知識的渴求對外星人的意義來得更實在。

近期盛傳世界末日臨近，搖滾之父言之鑿鑿地相信一顆名叫Planet X的星體正迫近地球，並會影響地球運行以致消滅世界上九成人口，

又說近來有很多發現不明飛行物體的報告，究竟外星人是來湊熱鬧還是別有用心？是敵是友？

人，總會一死，如果世界真的到了終結，也害怕不來。

道德選股

前兩天與朋友們相聚，其中一位友人提早退休。我相信越接近退休的人士，除非她們的另一半熟諳理財之道，若不然或多或少都會開始留意投資門路。

記憶大概一年前，據聞她已開始嘗試不同的投資及投機方法，包括買窩輪，她的論點是要感受自己是否輸得起。當我跟她分享投資心得如領匯及盈富是對將退休人士來說較為穩健的投資工具時，她大義凜然地表示領匯逼迫小商戶，害得小市民生活無以為計，所以她不會購入此類股票﹗

個人認為當我們參與股票市場活動時，當站在營運一盤生意的立場來看待，簡單而言就是賺錢。當然，君子愛財，取之有道，這麽多不同行業股票可供選擇，又何須選某些食人不吐骨的吸血鬼行業﹗

但我想營運一盤生意是一門極高風險、充滿競爭的事情，要算只是金融銀行業，借貸取利、為達標而向客人推銷一些高風險衍生產品，也何嘗不會令人破產跳樓。不同行業板塊之所以能發展蓬勃，又怎會不各出奇謀地務求業務增長。還有的是當人們參與股票市場賺錢，又有沒有想過是賺誰的錢，差價多半是賺取另外一個高買低沽的人輸的錢，收息可能來自併購別家公司而產生的盈利。

那當然，一年前我並沒有將以上長篇大論的想法跟她爭辯，反正每個人都有其原則，只是她們限制了自己選擇一些好股票的機會罷了。

最近一次聚會，談到投資股票時，她已變得侃侃而談，恭喜她於18000點時入市，半年間已收六位數字的股息，而她的投資也是散戶們通常會選的高息股，建行、匯豐、盈富，而且她有著很好的投資心理質素，我笑說原來她。。才是隱世投資奇才。

最令我由心而發地禁不住在面部表情中流露自鳴得意詭異笑容的是~ ~ 她滿有自信地表達領匯的重裝商場大力推動了商場人流，以前的舊舖根本沒有生意，她也有買領匯，我暗自對她說一聲做得非常好﹗

真理不須雄辯，它在適當的時候就會浮現在領悟得到的人心中。真正胸襟廣博的在此時也不會諸葛一番，她忘記絶對沒所謂，明白就好了。今次她又誓言要算今天預知賭業股明天會漲價100倍也不會沾手。我也的確相信她一定不會買這板塊的股票。

但我又會想，是否沒有賭場，那些賭徒就不賭，就不會傾家蕩產、家破人亡；生前累家人、死後累街坊？賭，是娛樂還是博命主要是講求個人的自制力，腳是長在人的身下，誘不到逼不來﹗

有福依然在

許多在職人士應該都已投保，我想大多數人的第一份保險單也是由身邊的家人或好友所推銷，

究竟是否真正明白保單的內容？

做一個簡單的實驗，

收到年度報告時是否看得懂？

取出投保書審視又是否理解條款？

保障條款是否適切？

我發現身邊的朋友似乎對以上問題都是『不知道』。

投保時礙於人情或種種原因才免為其難而行，

到若干年後發覺投入的金額逐漸增多，甚或基金保已錄得鉅額虧損，

此時才開始用心評估該保單對自身的適切性，

然後恍然大悟地發覺那些保單根本不適合自己，又或者是所賠償的與付出的不成正比，

浪費了多少個寒暑的金錢。

本人投保的過程大致同上，尤幸投保內容是可以接受的，

由於推銷該份保單給我的親屬已轉職往另一間保險公司，

隨後當她再企圖游說退舊保購她推銷的基金保，給我堅決拒絶了，

那份保單已變了『孤兒單』多時。

這多年有不少從業員約見，來者大多數只想將我的舊保轉新保好讓他們從中取利，不果。

這一年，保單回報開始漸見曙光，

更值得慶幸的是最近好友的兒子投身保險業，而且湊巧地在我投保的公司工作，

他又願意跟進那份雞肋也不如的保單，對我來說確是大喜訊﹗

轉載文章-合成ETF的風險

 

投資市場從來不講感情，昔日股民的愛股滙控（00005），近年成交「每況愈下」，取而代之的「人氣王」是一隻ETF（交易所買賣基金）──X安碩A50中國（02823）（以下稱A50），它長期高踞成交榜首，日成交額輕易超過10億元，更曾締造近33億元的新高。ETF逐被受落，但你又知道其實際運作嗎？今期《理財CAMPUS》為你解構。

 

ETF為被動式管理的上市投資基金，追蹤某指數的表現。成功的ETF在於能緊貼指數的表現，達到低的追蹤誤差（Tracking error），有別於傳統基金作積極投資管理，要達致跑贏大市為目標。投資ETF的好處是收費較傳統基金低，能夠覆蓋不同市場或者資產，具有平衡風險的作用，因此ETF常被視為長期及分散投資的工具。

 

市場上的交易所買賣基金，可分為實物資產及合成基金兩類，雖然兩者都是以追蹤指數表現為投資目標，但其投資策略則有很大分別。恒生投資產品業務主管李佩珊解釋：「指數反映一籃子股票表現，實物資產基金的基金經理，會按每隻股票在指數分布的比例，直接買入這些成分股。」但合成投資模式的ETF，則毋須買入實貨。「合成基金普遍都是透過股票掛鈎票據等，與票據發行商達成協議，按照指數的表現，向基金提供相若的表現。」

 

目前較活躍的實物資產ETF包括盈富基金（02800）及恒生H股ETF（02828），昨日成交分別為1.15億元及1.08億元。而較活躍的合成ETF則為X安碩A50中國，昨成交達到11.99億元。由於部分股票市場，例如印度市場及內地A股市場並未完全開放，外資無法直接參與市場買賣，故有合成ETF的出現。

 

現時在港交所掛牌買賣的ETF共有75隻，28隻為實物資產基金，49隻為合成基金，其中與內地A股掛鈎的有24隻。市場憧憬中國市場的升值潛力，追蹤新華富時中國A50指數的A50，是最受市場歡迎的ETF，但當中風險可能為投資者所不知。

A50並非直接購買A股，而是通過與持有合格境外機構投資者（QFII）買入掉期協議或者相關票據，繞過投資限制來複製追蹤的指數表現，於是投資者購入A50時，其實並非等於持有實股，作為票據發行商的投行一旦倒閉，投資者甚或可能面對血本無歸的風險。

 

投資ETF除了要留意其追蹤的指數外，亦要注意其相對基準指標的追蹤誤差。到底基金如何收窄追蹤誤差？李佩珊舉例，對於實物投資的基金經理，有時候手上的資金未必足夠購入「一手」股份，若然將剩下的錢買入「碎股」則需要承受較大差價，便會透過進行期權買賣，將追蹤誤差減低。至於合成ETF，就取決於票據發行商的定價上，基金與發行商協議的票據非在二手市場上流通，發行商是唯一的交易對手，於是基金的計價很受發行票據的定價影響。

需承受對手信用風險

 

她續指，合成ETF的計價透明度較低，故投資者需要承受交易對手的信用風險。「實物資產基金於各種股票的持貨量，都可以反映在報表上，但合成ETF是透過一些票據間接進行投資，票據本身與掛鈎指數的成分股並沒有實際的關係。」

 

為保障投資者，證監會在○八年底開始要求合成ETF提供抵押品（主要是現金），去年收緊至每家投行扣除抵押品後的淨風險不可高於資產值的一成。今年在歐債危機的憂慮之下，更進一步要求所有合成ETF在上月底前提供最少100%抵押品，若然抵押品為證券，成數更須達120%。業界預計，新措施將令資產管理公司放棄在香港推出新的合成ETF產品。

文章作者不詳

希臘困局

看明珠檔案，對希臘弄得如斯田地有進一步了解。

希臘主要出口橄欖油，2歐元的貨品，運到意大利後，意人只要換了包裝便以3歐元出售圖利。

由於希臘沒有工業生產，大部份貨品均由外地進口，外貿逆差有增無減。

為了增加就業機會，政府的架構重疊而支出龐大，營商手續繁複，一名餐廳老闆稱開業前要申請廿七個牌照，他另外一間在雅典的店舖，轉手時一切情況不變，申請手續也未能從簡而要從頭開始，足足拖了年半，餐廳才可開業﹗

整個政府貪污腐敗，年青人完成學業後寧願到別國找機會，因為他們看不到將來﹗

筆者覺情況有些似一個入不敷支的農夫但卻過度花費於負擔不起的高消費品，沒有實質的儲備而不停擦信用咭渡日。爆煲後又一味倚賴別人幫她收拾殘局﹗

士農工商都潛藏著不同憂患，國家到了這地步，要再重新振興經濟，除了節衣縮食之外，確實要付上千萬倍努力，才能走出陰霾。大前提是放棄一樣東西，一樣叫做『埋怨』的東西。從來能夠妥善成功解決問題，就是冷靜分析面對難題，用腦而非怨。

大種伸手牌

昨天跟舊同學傾談，他最近搬了家，忙﹗因工作關係現在租住銅鑼灣一舊樓。原本居所已由二百多萬升值至五百多萬，但他並沒有出售的打算。理由很奇怪，就是不想有大量現金在手﹗他表示懷有現金很不自在。。。我笑笑，當然是打趣地請他將現金由我替他保管，他不就自在得多了﹗

曾經試過97、03的樓市況態急速逆轉，可以由高位回落至賤價，當然今次跟上次大不相同的是，上次很多港人都炒賣過度以致形成巨大泡沫，加上沙士的最後一擊，令樓價如倒地葫蘆，跌到四腳朝天。但經濟、樓市總會循環的有著高低週期，加上新政府應該會在房屋政策上協助多些人置業，所以我認為樓市有機會回落。如果物業屬自住性質，變的機會便少了。要變賣自住物業，先租住待樓市回落，很多人都面對顧此失彼的情況，租金不停上揚而樓價偏偏就是持續不跌，眼見每月都要繳納貴租，『好肉赤』﹗

但是，同學現時的情況似乎造就了黃金機會，因盈利已倍增十分可觀，另外又確實需要遷往別處。而樓市似勢難再有大升的空間，套現再待機會也是一個不錯的選擇。當然，如果以該物業收租價值有約4厘的回報是不錯的，但不要忘記，到樓價回落時租金也多數相應回調。賣與不賣是個人選擇，各有利弊。但他不賣的原因卻令我咋舌，原來他的家人當中，有些人是喜歡算著人家口袋裡的錢，明明自己有幾個物業，卻總愛問別人借錢做高風險的生意。借了的錢，就當沒有那回事般不還，隻字不提地不還，而且一借就是五十萬，人家借廿萬予之也非討價還價要求得到廿五萬不可。同學，他人善，難怪寧可身無分文﹗

自從經97一役，我深明數以百萬計的財富，可以如夢般化為烏有，而且單憑賺取工錢和儲蓄，『揼石仔』要多久才有這個金額﹗