別光想·行動吧

皎月高掛翠枝頭

智散低吸藏珍寶

是日操作:

增添組合活力加入

9988 作價200.2

網海前世今生

磅礡雲湧 聚香江

鯨吞氣量 儲丹田

俗世塵凡 擦身過

陌路相逢 逐紅妝

網絡上你曾用幾個不同身份?

賬戶不單,你或會遇到一些轉換了另一個稱號的人。可能她曾在你需要找人傾訴時無條件充當樹洞。我以前在雅虎寫最早那個網誌時頭像就是一隻微笑大嘴蛙。

要算是玩遊戲的臉書群組,也有年青人原本禮貌周周向我討教。結果在不知原因的情況下,有一晚他突然徹夜難眠地不斷留言公開騷擾我,又在我帖上向留言的群友們說我不是。

能忍~我沉默

他又以女人的年歲欲用說話來傷害我呼亞嬸。及後陌生的留言者見義勇為,她為我說公道話。然後一位平時有交流的群友就與這不知他為什麼會這樣做的人互相鬥嘴。實在感謝這位勇者,不是他轉移視線,就不知那年青人要纒多久。

我們就是不知一些人有什麼隱藏痛處,要似將血海深仇算在素未謀面的人身上。。。

我們只能向內求,不卑不亢,儲備豁達氣量來化解。

是日操作:

買入

7200 $8.91

1088 $13.76

9988 未能成交

強積金轉組合·再整餅

蠔餅~尋日整得唔好,今日再嚟過。

細切薑芫荽蔥

蠔仔用鷹粟粉洗乾淨,以滾水淥佢大概一分鐘,用厨紙索水。

做法:

1.先將加了胡椒粉的蠔仔用油煎乾身,仍有水出的話將多餘水份倒走。

2.兩隻鴨蛋打勻,加少許鹽同胡椒粉,加入料頭。

3.蕃薯粉一湯匙加少許水,待蠔仔煎至較乾身,將薯粉水攪勻加入蛋液

4.混合了的蛋液倒進再加油的蠔仔中煎煮。

5.完成一邊後倒進碟中,反轉半成品跣回加了油的煎煮器具。

這做法沒有炸般油膩。蠔仔出水令蛋液不能成形是昨天不成功的原因之一,所以今日分開先煎蠔仔而不是將所有東西混合製作。

^^

今天終於看看自己強積金組合,由全保守轉了50%至恒生中國企業指數基金,反正錢唔多,喺而家呢啲兩邊有權爆,主要金融股已下調的情況下,試吓無妨。

攞隻雀出嚟

週日一早出發去西貢企嶺下捕呢隻。

落車後見到並跟住個師兄前往,行到一個牌坊上山,小石人已有質疑唔係嗰度。上到山極目一望冇打雀壇,真係行錯路。

途中,小石人的雀友3以鄉音廣東話同我講:"亞嫂我哋打雀,到時你燒俾我哋食。"

因雀友3以前喺內地過著艱苦的生活,令佢練成自製捕獸器加火藥去捕大野豬的本領。大家叫佢穿梭3,打趣意指佢穿梭機都整到出嚟。

我答:"不如你打隻野豬,你哋影完相,我啱啱就會燒好😄"

行行重行行

上嗰啲山仰頭38度角,腳骨力要唔少。"哩"(藏)喺山旮旯鳥。

老公陪著我大落後,上到山就發現佢哋的目標,位置就喺人哋搭個營嗰度,今次需要發揮共享空間的情操,大家將就吓。

我就係坐喺張凳答網友留言,搜尋吓資料同聽歌,望吓天。

過咗幾個鐘。。
走埋去人群睇吓佢哋的成果。我問穿梭3:"又話俾獵物我烹調?"
佢指吓個芒"嗰度"
我:"你攞隻雀出嚟我先煮到"
<呢招跟一休和尚學的>
佢哋笑完一輪,我又歸位返返去張凳。

後記:老公講咗好多次話穿梭3好羡慕佢。因為3的女朋友一陪佢去影嘢,唔夠幾分鐘就喊走,又成日催促住。

我認為又唔可以咁比較的。穿梭3又唔知經過多次陪伴,今勻老公已問咗我幾次,我都是cat smile回應。老公又預備定條iphone線等我可以聽佢電話內CD庫唔使咁悶。之後又向我表示歉意話估唔到條路咁陡峭,佢應該自己去過評估咗情況先。重有我好多缺點"如木砧板一邊片赤貝隔住另一邊整豬心",一個字懶😁。重要成日扭計。。總之各有前因。。。

^^

昨晚整蠔餅,份量蠔太多薯粉攪唔勻成唔到餅形。

^^

買賣操作

昨日6.8沽晒7500

我成功將口罩平均價拉低了

儍豬豬的我排錯條輪侯連結。前面有成幾萬人都排錯。個幾鐘之後,11:33有通告話俾大家知呢條隊係錯嘅。一定有好多人好嬲喇,打電話查詢都cut線唔聽。

原來面書在專頁有個"馬上逛逛"的連結係去返本頁,我諗主辦商舖都唔諗到會咁樣累事。

於是我由排三萬幾位置跌到10萬幾以後,需求幾殷切。。。

佢哋由廿萬口罩加碼到三十萬。好彩係會員喇,後來都分配到。

上次小石人買70蚊10個,即刻大幅將平均價回落。😅

呢啲舖頭咪識做生意,商譽好,我去換口罩時已預備幫襯花膠海參腰果。俾佢哋賺多啲再適時回饋造福社會,減少怨氣。

蔡康年趁生計淡薄時自我增值剪咗條片,用股壇術語嚟形容我哋呢場世紀搶口罩大時代。

我推算罩價將大幅回落。

前晚小石人嘅友人問我哋買唔買50蚊一盒50個,咁如果可以梗係買兩盒,公價喎。點知呢位大哥噏漏個1字,百伍蚊至真。。。哈哈哈,咁就買一盒lu。

其實呢次疫情,我買物料的意識真係0。平時用嚟洗衫的滴露又就嚟用完,前嗰排小石人用較高價喺街邊買的未聽過牌子,液體內有雜質,我諗至多用嚟洗地算。

另外上次講自製UVled燈又係一早冇晒原材料。

我咁執輸都生存到,都係老公最醒,唔搶但乜都攪掂晒。

😍✌

"如果"的想法已沒有了

用手沖咖啡來形容我在股票巿場買賣心態。

一點一滴地累積。

回甘又可以加點甜。

以前喜歡熱飲,

後來發覺沖製的時候需要掌握到溫度和一些技巧,才可使杯中啡滑而不凍。

我追尋的是在股票巿場上開開心心地遊走獲利。

曾經為自己做不到買入後長期持有而煩惱不已。經過很長時間掙扎煎熬,終於處之泰然地摸索到定位和較適合自己性格的做法。我不是價值投資者。

經常靜靜感覺內心,在什麼情況之下會忐忑 氣爆自己。

可能第一個浮現出來的想法是:"輸錢囉。。"

"贏"心中亦有機會不忿~贏得少,贏得不夠盡。

1.本來賺,想等獲利更多,誰不知股價一瞬間下滑由贏變輸。

2.沽後狂升似火箭。

(這些情況一定會發生)

1還是2,那樣會沒那麼難受。到能練到心理質素和/或以操作方法使自己在不同情況下都心境平靜是要經過很長時間千錘出來。

想保持開懷的另一竅門是分配好可投入的資金。不要老是想著一股獨贏也別一次將子彈耗盡。記得2008我在資金不多的情況下重注匯豐,雖然分3至4注入巿,但整個過程是十分難過受罪。<這例子可能很久以前提過,太深刻>

留有資金備股災出現,這樣有部份錢就閒置。我樂於容許。等如遊輪上的救生艇s,平時在甲板上乾曬,重大事故時保命。

1             2      3

分注入巿相隔有一定距離才可將平均價較大幅度降低,多數不會用到第3注,她較悠閒😄,這技最需要是耐心。

如題所述,現時大部份入巿、退巿、做決定都是考慮得很清楚才執行,"如果"這兩個字在本人仍神智清醒時可能會從我人生中永別。

網絡世界卧虎藏龍,很多高人高手。

寫這篇是答應了一位給我電郵的讀者,所以用心分享我個人一些經歷、鍛煉後的想法。請各界好友多多指正賜教。

本人網名古謙的由來是股謙,謙遜而立,不是故意"雄兔腳撲朔,雌兔眼迷離·····"

是日操作:

買入2628 作價$19.34

😊😉

笑到最後

非常重要

樓上派口罩·安排得好都係善舉

流程圖

講多啲好人好事,人都開朗啲。咁橋我係會員,明早如果登記後分配到就出吓街lu😁

老公喺街市幫襯開的生果舖女店主問佢:"點解咁耐唔見你老婆嚟街市買嘢?"

答:"慳返啲口罩嚟用。"

^^

由上次落枕開始,頸膊痛到而家,左邊嚴重患處右邊有時都有。

我用Osim pro therapist電患處,多得呢件東西舒緩痛楚,有時可以呼呼入睡,身體唔舒服時,瞓得到覺好重要。

另外一件法寶係呢款搖擺機。活動脊骨放輕鬆😄

我需要經常提醒自己保持良好姿勢,慢慢活動拉返鬆啲繃緊咗嘅筋腱。

自我按摩同用暖水袋熱敷。

^^

前幾日聽小石人的CD庫發現張國榮唱別人的歌,有一隻歌詞簡單旋律好。跟手喺youtube搵吓發現以下呢個版本超正。

從不知

Hifi黑膠96/24HD Audio

呢幾日不停地聽。

耳尖的小石人都覺得唔錯,就睇唱頭同製作😄重問我好唔好搵隻黑膠返嚟😅

俾我哋都消受唔晒

而家好少執筆寫字

叫外賣自取壽司,次次都係我打電話落單,小石人放工後去取回家。佢唔會檢查接收到的食物嘅。

一攞到返屋企,我發覺多咗好多,係多咗成盒12件😅。兩個人點食得晒幾拾舊壽司。。。

記得以前在別一間分店都有類似情況,嗰次只是多咗兩件,打電話話返俾佢哋知,個負責人覆由佢個同事填數,受啲教訓就會更深刻下次唔會犯錯。

咁今次成百幾蚊,如果個店員要扣人工,幾慘。我就打電話話俾佢哋知。點知呢間分店話唔緊要,員工唔使填數。咁我答聲多謝佢哋。

查實俾多咗我哋真係食唔晒,呢種食物又唔擺得耐,唔通攞出街周圍問人要唔要😄(如果得我一個人,我諗我做得出的,或者問吓樓下管理員食唔食。但我忍住唔攪咁多嘢,事關話打電話如實告知店舖時,老公都覺得我舉動奇怪)

最終嗰盒壽司係食完晚餐後,隔兩個鐘再食埋佢。。。好飽時為咗唔嘥嘢夾硬食唔係好盞的感覺。

^^

另外最近小石人啲舊同事就發生咗上網購物講價事件。嗰件二手嘢唔平。A幫B向賣家討價還價,還咗口價人哋都話送多樣嘢兼減到去公價,A重要講平啲,對方唔覆,理應算數。

點知過一排A見件嘢未賣出,又返兜話而家呢啲時勢俾唔到嗰個價。人哋回覆俾唔到就留返啲錢。A就覺得人哋窒佢。又再回一句唔禮貌的說話。

筆者覺得人哋咁答都好正路,唔係有心買就唔好攪攪振。

話時話我面皮薄,好怕講價。講得價就當練吓口才同應變,跟買賣股票同理,留返啲水位俾第二啲人賺,唔使樣樣算到咁盡。😉

斷·捨·離

籠煙淒迷灑甘露

清風送爽朝霧散

雷隆響聲猶不絕

曙光漸見照人間

這兩天都是歷經一日如幻多變的天氣。瞬息轉換令人學習適應,欣賞自然界傳遞予萬物之訊語。

^^

前天那陳年電腦下載更新就卡在94%藍色畫面。

要是以前的我就是大為緊張地想辦法"營救"。今趟試了一會兒也算了罷。

雖然內裡紀錄沒做備份,沒關係,反正現在做買賣才啟用。😄

^^

說到斷捨離的哲學。香港那電視頻道的節目做得最"粗暴",速食兼扮有品味。對我而言除了製造更多垃圾(沒用的所謂裝飾品)外,整個節目只是要參加者履行簽了的合約強行將她們的舊東西囤積物一掃而光。

一些細緻連繫內心複雜關係的物品,可以是擁有者渴望完整的心願。又可能是受了重大刺激後用囤積方法去表達內心自尊受傷的外在表癥。重覆購買、一款多色有機會反映缺乏安全感,怕犯錯等心態。若沒有好好解決心理障礙,要算在受者不情願情況下清走物品,當下烙印不悅感亦沒有解決核心問題,不久又再故態復萌。。

照顧好心理需要,解構根本原因,認知明白而儲夠能量,心裡與家居澄明簡約再也不是夢。

😉😊

美妙的一天

佢話揸住嚟影有味道啲。

今日佢突然走入房請我跳咗part慢舞,真係估佢唔到變得咁浪漫,好開心呀。

小石人又主動提議我喺呢度分享吓佢花咗兩日安裝返妥當的氣浮臂。

儍豹主題曲我好鍾意聽架,呢條片係我個智能電話錄同收音。

^^

口罩消毒重用的謎思

今日我搵咗條片係一個女人做布口罩,我問如果我做咗佢會唔會用,佢答會。佢話見到藥房已將口罩價炒高咗好多,$520十個,約為N95嗰種,聲稱韓國製造。佢唔會俾錢啲人咁賺法。

傾開消毒口罩方法,諗到用UVled。連一次性口罩估計都行得通。查到有呢啲UV消毒產品但係已賣斷貨。

其實佢係識自己安裝UV燈的,咁我著佢自己買料整個消毒盒咪得囉。

今晚嗰間公司又話召集聽日返工了,呢個口罩使用處理方法係要解決。。。

^^

是日買賣操作:

買入

386 $4.2

778 $8.85

87001 ¥3.16

^^

東南亞風味的咖喱

料頭一落咗乾蔥香茅同檸檬葉就寧舍唔同。

1.香茅要拍吓佢,剪段。

2.乾蔥一半用油爆香,一半臨尾先落,一樣嘢就有兩種味道變化。

3.檸檬葉最多放兩片,多咗會好霸道同偏酸。

4.百搭配蔬菜、魚、雞、牛、豬、海鮮都得啦。

我哋鍾意配雞翼或肥牛。今次雞翼用啲咖喱醬醃過夜效果好好,入晒味。

做法一:

落油,依次序落料頭:薑乾蔥香茅檸檬葉蒜頭,煎雞翼(徹底解凍至室溫)兩面,加咖喱醬,炒香後加熱水蓋過肉類,加魚蛋。呢啲細隻雞翼煮約9分鐘(中途要翻),加乾蔥至收汁。

點解會冇薯仔?因為尋晚嗰餐煮肥牛時用咗。😄

做法二:

落油,煎切咗的薯仔(想快啲就切細啲),依次序落料頭。。做法同上,將薯仔煮腍。

肥牛我會用另外一煲熱水淥至九成熟夾起撈落啲咖喱汁度。原因是將肥油減少同控制到啲牛肉嫩滑度。

唔記得落椰漿喇。。。哈哈哈😆

封地盤·70蚊10個你都買

大壩的六角柱石群總能給我堅毅不屈的意象。

上回起皮再起皮講到小石人新打散的公司要所有人在新年前收爐日一定要執返晒啲工具、安全鞋等離開,一刀切個個完結賓主關係。

話都冇咁快第二日,公司老闆就Whatapp問人完咗假期後初六返工。

小石人自己決定初八先返。點知因疫情關係,地盤改為初十開工。佢哋在防疫方便係有盡力的,事先要啲工人申報身體狀況同有冇返大6。亦有安排有啲員工返早啲做探熱時唔使迫埋一堆。

3日後
據講有個工人又痾又嘔重暈埋。咁就封地盤唔使返嘞。

佢尋日攞完喇叭回來之後話俾我知用咗70蚊買多10個口罩。。
上次70蚊一盒50個(已用咗啲),我唔出街佢用晒,起初我有少少疑惑點解重買。
諗深一層,佢係啱嘅。

記得佢之前講過,間公司係有從大6訂口罩但唔知乜嘢原因被扣住運唔到落嚟。

而地盤規定要自備口罩先准開工。冇人知幾時先有正常合理價錢的供應。假設圍封地盤14日後有機會重開,都要自己有罩先得啦。
佢:"寫口罩呢啲因住俾人笑。"
我:"笑你芝嘛"
😁

^^

夜半鬼歌聲
尋晚佢好勤力安裝返啲喇叭,重有調較好多嘢。跟住開party咁乜嘢都聽。
玉置浩二一出場,我就打咗個冷震,實在太有感情太好聽。
11點幾重聽歌劇卡門,著佢較細聲啲,唔好嘈到啲鄰居,唔係人人頂得順鬼叫咁聲,佢就出去大門外試吓。。聽音量。
總之自己喜歡都要為人著想啦。

^^

以下呢隻Enigma -sadness
雖是N年前作品,Mv做得型、男俊女靚、sexy又充滿誘惑、音樂節拍感強而有動力。

買賣的節奏 · 三卷次子

~是誰~

在敲打我窗

(無間道電影試膽機用歌手蔡琴那首被遺忘的時光)

小石人終於從堆積的雜物中,將這些東西像有趣積木般砌回。

他:"老婆,你應該早啲敦促我執嘢,咁對喇叭就早啲好似而家咁響得返。。"

我:"要你覺得舒服先去做啦;正如你都冇要我執好啲畫完畫又唔執整齊的顏色同畫具。"

Funk咗一陣,佢突然將音量收細。原來佢發覺喇叭邊爛爛哋,,,咁喺呢方面知識豐富嘅佢,就請我幫佢搵深水埗鴨遼街出名整喇叭的舖頭象記電話同地址。

好快手地,佢已將低音對喇叭兩日來回修好帶返家。兼今日再出咗去攞對高音喇叭。

佢:"老婆,多謝你俾我喺廳享受HiFi樂趣。個同事的老婆一定要喺廳放組合櫃,佢套嘢係放喺組合櫃入面架咋!"

咁我都好鍾意聽音樂嘛😊

^^

尋晚佢收到風話啲人搶厠紙,佢喺某區超市目及目及情況,真係搶購一空。佢就打電話著我落街買,佢明知我尋日落枕~條頸痛到氹一聲都要我出去,咁一定要聽從。事關我哋屋企

只有新晉美女

[三卷厠紙]。

^^

午夜笑語

凌晨醒咗,兩個人講咗一輪笑。

佢:"遲啲如有人話衛生巾缺貨啲人都會去搶購。"

我:"可能啲人會用嚟做口罩。。"

呀哈哈哈哈哈。

一陣笑聲中。。

佢:"真係見過有人對住的媽巾喺度商討。"

喺呢個黐孖筋的瘋狂世界,有幽默感真係救命靈丹。

佢:"唔夠厠紙用要用把較剪攞2.5格嚟用。"

^^

今早佢第一次落街買早餐時發覺超市貨架上米同厠紙都冇貨。

第二次佢諗住搭車去攞喇叭,見到超巿返貨就買,嗰種情況似熾熱巿,手慢啲就被人搶走。

😁😄

是日操作:

7500 $6.49入貨

又再有機會入返lu,今次學精咗入一注先。俾機會我有耐性地練習進可攻退可守的黃金戰略。

Cooking manners

學烹調食物方面,我算係好好彩。

間教會中學有烹飪同縫紉課。

完成一樣餸/一頓晚餐的背後,夠竟係井井有條、從容優雅定亂晒大龍、負能量充斥,先係真正要研究實踐的功夫。

布:厨房內有:

(1)神聖的抹碗布

(2)抹煲具

(3)洗碗綿/布

(4)抹手布,非常重要,一個企理嘅伙頭對手經常乾淨乾爽。

(5)以前重有專用索生肉類/魚類水份的布,而家有厨紙代替。

初入門梗係揦手唔成勢,第二堂就要起鯪魚皮用淨肉嚟煲芥菜湯👻。

初中開始,因父做製衣生意,母要一齊去埋幫手,我雖然是家中最細,唔知點解我就要負責煮嘢俾祖父食。

祖父係商會秘書,不嬲都有佢第二任太太照顧週全,所以連煲水都唔識。佢太太死後,我哋舉家搬去同佢住。

單頭石油氣爐同火水爐,餐餐都要煲湯,當時實際攪咗啲乜我唔記得。印象中,祖父話我煮得好食。

咁我當然為咗解決"危機"係會睇嗰啲乜太節目。回想我認為佢覺得好食的原因係平時佢放工後7點就要食晚飯,我me more到8時許。。肚餓~乜嘢都覺得好食。

當一個人唔係好掌握到要處理的問題嘅解決方法時,重有人好似烏蠅咁在身邊團團轉,多數都會好忟憎。

有時用餐嘅人趕時間脾氣又差,咁又令我緊張同唔自在。

最好煮完嘢個厨房唔會太混亂,有時得有時未得。

兩個有知名度的女主持,我都有收看佢哋嘅節目,令我引以為戒的是,煮食的過程千祈唔好學佢哋對人咁惡。

最忌係將啲食物器皿掟嚟掟去"乓擰嘭冷"。

而家我多數會開住音樂煮嘢、禪煮、站樁煮,總之灌注愛心親手為小石人和自己預備食物。攰就唔煮。

次序步驟大致係:

乾手、需長時間先做,如煲定熱水、浸菜、處理要醃得較入味的食物。

煲緊嘢時候就調醬汁或醃嘢、兼顧到就洗咁啲用過的食具。

貴買平用喺永安買咗兩個唔同大細的煲,可以煎、煲嘢得嚟清洗方便。小心用避免刮花。

重中之重:完成後,笑容滿面地請丈夫出來用餐😊

結婚紀念日~同場加料是日晚餐

2017年既今日去咗濠江慶祝,

小石人放咗腳架喺度影,結果逢經過的路人都停下來影。

 高牆與炮台

 只窺探到別人/既得利益勢力想給你看的部份

 中西特色共冶

臉書的好處是提提昔日回顧。我唔睇返都忘記今日是特別的日子。午間通訊時話俾佢知,佢都係唔記得嘅😄。

是日操作:

我又儍儍的回補之前沽掉的。。

1997 $39.85重要加碼買多啲。

12 $34.85

其實重有其他好多都想入,選擇呢兩隻係因為近期交過手,比較有"感覺",劉青雲神探一片佢查案唔用理性思考,人們認為佢係黐線,實際佢係精神有問題但又推測到誰是兇手(超讚呢齣片,最尾嗰幕地上散碎玻璃倒影一個人內心的複雜多重型格是絕妙表達手法)。。到咗呢啲個個話重有排跌的情緒下,入巿係需要好大勇氣,重要貼出嚟公告天下。

邊個會知未來,唔入 到佢升返又失去機會,入巿買賣就係經常要遊走於矛與盾和心理變化之多重軌道。

加場後記:
今日狀態幾好,整到幾味。。

 出面買要$65,自己整$25好似多啲肉食,今次重手咗咸啲,點知佢話啱味。煮到一開殼放自己種的蘿簕。

 蝦餅四件,食食吓發覺都係要影吓,事關下年會唔記得今日發生過乜嘢。😁

臨尾啪海膽。睇完老王兄個同我講笑的留言,小石人越嚟越風趣,就話落到肚"冚嘭冷"fusion埋一齊❤

唔好意思,因為之前搵唔到個頓號所以成日都係隔一隔嚟表達,有時又冇標點。

記起白面包青天包龍星同方唐鏡交鋒嗰幕。

* * * * *

今日雖然皇宮開大食會,不過唔使"亞發"出🐎,開餐前佢揾唔到啲銀石線有啲忟忟哋。做人老婆要識做,等我洗埋啲碗。

呢個蛋糕超美味,食完頭先嗰餐休息一陣再開始。

+送尾啡Perfecto