小石人開工前著要5月4日往大澳遊一轉,遊記有相片易勾起記憶,拖住先。呢碗係當地甜品店美食。
5月6日(週六)
覺得有啲喉嚨痛,通常有唔舒服的癥狀就更有鬥志去斷食。想講講,唔係有超多好處,正常人唔會攞苦嚟身的。好彩伴侶非常支持,冇潑冷水不特止,佢重由第二天開始,晚餐主要食生果。因為前一天買咗美味鮮搾蔗汁,又唔係規定乜乜乜,所以第一日有飲咗杯幾。一話斷食唧,身體已收到指令,腸胃不停嗝氣出體外。尿液好快已經係茶色,內在機能做緊嘢。
斷食首三天都是正常活動,午間餵到FA~換到FA~紙。期間唔知幾時開始左手前臂內側有笪小籠包(底部圓周)咁大的紅疹。
第四天早上攞咗兩粒黑提mui吓解渴。當晚開始胃痛 嘔乸喉嚨的酸水 腰骨好似斷咗咁痛。是日睇咗好多飲食視頻。灣仔都有啲店舖可以去幫襯吓。
有做吓搖機。
今天第五日,開始乜都做唔到。呼吸短促。老公話驚住係警號,我諗冇事卦。小石人呢兩日已經問我使唔使買蔗汁。都忍住話唔使,買咗就一定飲。
因為記唔到咁多日細節,寫住先。
多謝好網友們,我呢排冇出文都嚟探我。still alive。
