2022年11月22日星期二

幾拾年手製銅器店年終結業


 約兩星期前看視頻知道呢個消息,

就問小石人有冇興趣買返個。

事關此舖附近一間似相當出名的粥舖多年都係向佢哋訂做銅煲整魚粥。皆因銅傳熱快,該粥舖試過其他內地製品都沒有香港老字號做得咁出色。

上星期小石人去開旺角,就趕喺下午6點銅店收舖前去到。點知閘上貼上休息一星期字條,又有另一張紙由一客人貼上搵佢哋修理個煲。

白行。

今個週一小石人致電該店冇人接聽。

今天午間同我通訊時話打通了,亦問咗重有賣畀嗰間粥舖嗰種煲,不過佢哋收下午4點。

咁為有我即時裝身出🐎。

去到該店,只見一個亞伯在替客人修理緊個煲。


於是我問個在店內聽電話的另一個亞伯。

佢哋係兩兄弟。

我:"阻你一陣,想買x記粥舖嗰種銅煲。"

一伯:"冇架喇。"

我:"我哋頭先打過嚟話有,你哋話今日收4點所以我由遠處趕過嚟。"

一伯:"冇架喇。"

只見店內的貨品真的所餘冇幾,有兩位顧客在目視那些東西。

當時我心想什麼大家都應該估到。

"係你哋話有我先趕過嚟。。。"

替客人修理煲的那位亞伯完成手頭工作。

咁我又唔心息又再問此伯一次。

二伯:"有呀。"

<之前應該都係佢接電話了,如果係一伯接小石人的電話,我哋肯定買唔到個煲。>

後記:小石人話接電話答佢的人都有遲疑一陣先答"有"。

佢隨隨由舖面走進內室。出來時手執單柄銅煲。

搵佢修煲嗰位客人好驚訝地說:"乜重有!佢讓畀妳!"

我就速速磅水。

臨走前好似聽到一伯話:"呢個女人好熟面口。"





6 則留言:

  1. 回覆
    1. 小石人問我有冇請教個亞伯點開煲。
      我:吓,買到都拿拿聲走喇,冇問咁多。
      攞咗返嚟咁耐都冇攪過。一個字-懶😅

      刪除
  2. 回覆
    1. 據乜記粥舖主厨話用嚟煎香啲魚肉個銅煲用得耐確係會穿。
      前嗰排睇N年前許冠文的棟篤笑~出軌,老婆一定會知。咪呃人就唔驚穿煲😅

      刪除

喜得人生新目標

很感謝各位, 剛開了另一新網誌就有好友們來訪。 那片樂土是用來紀錄學佛之路;給有興趣多研習的同修;獻對這去煩惱得自在法門多了解的同好。 更考慮到大家連結Coolhim這處原本可能是與財務自由有關。網友們有自己向善的不同信仰,閱文心生歡喜心至為重要,所以我另闢新天...